小斯歷險記

第二回--亞查麼受重傷

亞查麼跟左小斯返屋企，小斯唔知，直到食飯果陣，佢望到亞查麼 
小斯：都叫你唔好跟住黎囉 
跟住小斯就去左食飯 
食完飯之後，小斯返左入房，佢見亞查麼坐左係度，佢估亞查麼好肚餓，就比左個蘋果亞查麼食，希望可以打發佢走，但亞查麼食完之後，就訓著左，小斯見佢咁可愛，唔忍心扔佢出街，就做左亞查麼既主人。 
第二日，小斯同佢阿媽講 
小斯：阿媽，我想出去修行 
小斯媽：出去修行？去幾耐丫？ 
小斯：我點知喎 
小斯媽：咁好啦，得閒記住寫信返黎丫 
小斯：得啦得啦(小斯心想：我出去打仗咩，得閒都訓教啦，邊得閒寫信呀) 
小斯同亞查麼就出發啦 
行行下，見到一個細路同一隻奇異種子一齊，佢地好似好開心咁。 
小斯：hihi~有冇興趣同我比試下咁呀？ 
果個細路：好ar~^^ 
亞查麼VS奇異種子 
小斯：亞查麼，抓佢啦 
奇異種子跳高避開左，仲用撞擊撞開左亞查麼 
亞查麼：查麼~查麼~~ 
小斯：亞查麼，再抓佢啦 
今次，奇異種子比亞查麼抓傷左 
果個細路：奇異種子，用催眠粉未啦 
亞查麼中左催眠粉未，訓著左 
小斯：亞查麼，起身呀，唔好訓呀！ 
亞查麼仍然訓緊教 
奇異種子準備用撞擊打倒亞查麼果陣，亞查麼突然之間醒左，仲避開左奇異種子既撞擊。 
小斯：亞查麼，快D用抓呀 
亞查麼抓中奇異種子，奇異種子輸左 
果個細路：哇~你好勁ar~ 
小斯：你都係o者 
果個細路：我可唔可以同你一齊上路？ 
小斯：好呀 
果個細路：我叫做小露呀 
小斯：我叫做小斯丫 
小露：我想帶奇異種子去精靈中心休息丫，而且，亞查麼都應該好累架啦 
小斯望下亞查麼，見到亞查麼坐左係地下，好似好累咁。 
小斯：咁好啦 
小斯同小露就放低左亞查麼同奇異種子係精靈中心，佢地兩個就去左食野 
小露：你係點成為亞查麼個主人架？ 
小斯：我果次見到佢比人蝦，咪帶左佢去精靈中心囉，返到屋企，準備食飯果陣，先知隻亞查麼跟住我，我咪收留左佢囉，咁你又點樣做奇異種子個主人架？ 
小露：我果次係森林到盪失左路，天黑果陣，我比隻鬼雀攻擊，奇異種子咁 arm 經過，佢見到隻鬼雀攻擊我，佢就打低左隻鬼雀，就係咁，我就做左佢主人啦 
小斯：你好似好鍾意小精靈喎 
小露：係丫，佢地好可愛架~>w< 
小斯：佢地係幾可愛既，但成日眼金金咁望住我，比我既感覺係好唔自在，所以我唔係好鍾意小精靈 
小露：你做得佢主人，就要負責任，食飽未ar？食飽就返精靈中心 
小斯：得啦，行得 
佢地係精靈中心過夜，但小斯訓唔著，因為小斯想緊頭先小露講果句"你做得佢主人，就要負責任"，覺得自己責任好大，唔係好想做亞查麼既主人，驚自己會對唔住亞查麼，想將亞查麼交比小露 
第二日，小斯正想同小露講，話將亞查麼交比小露果陣，突然有人捉住左亞查麼。 
神祕人：嘿嘿...你隻亞查麼係我手上，等我比你睇住我點折磨你隻亞查麼啦。 
小斯：你...你到底係邊個？比番亞查麼我！ 
神祕人：乜你唔係唔鍾意小精靈既咩？做乜咁緊張亞查麼呀？乜你唔係想將亞查麼交比佢既咩？(指住小露) 
小斯：你點知架？ 
神祕人：呵呵，我一直跟蹤你架，至於，你想將亞查麼交比果個細路，係我推斷出黎既，既然你都唔想做佢既主人，就睇住我點折磨佢啦 
跟住，神祕人派出阿柏怪攻擊亞查麼 
亞查麼：查麼~~查麼~ 
亞查麼比阿柏怪打到重傷 
當亞查麼就黎比阿柏怪打到就黎死果陣，小露派出奇異種子，用催眠粉未去催眠阿柏怪，阿柏怪就訓著左，小斯親阿柏怪訓著左果陣，即刻衝去抱起亞查麼。 
小斯：亞查麼，你點ar？你有冇事ar？你唔好有事ar，我即刻送你去精靈中心。 
小斯送左亞查麼去精靈中心 
小斯：唔該你幫我醫佢丫 
祖兒：佢點解會傷成咁架？ 
小斯：唔好講住啦，快D醫左佢先啦 
祖兒：你等等啦 
一個鍾頭後，祖兒係手術室出番黎 
小斯：亞查麼點ar？ 
祖兒：佢中左毒，不過已經解左毒，但佢而家訓著左，你聽朝可以帶佢走架啦 
小斯：唔該哂 
小露：亞查麼無事咪好囉 
小斯：嗯 
小露：你唔係話唔鍾意小精靈既咩？做乜咁緊張亞查麼既？ 
小斯：自從你講左"你做得佢主人，就要負責任"之後，我本來唔想做佢主人，但唔知點解，頭先，阿柏怪訓著左果陣，我衝左出去，仲好擔心亞查麼 
小露：看來，你開始鍾意精靈了 
小斯：嗯 
小露：唔講咁多啦，我訓先，聽朝仲要上路架 
小斯：咁我都訓啦