一切就從這晚開始

妳仲記唔記得我們點樣識o架，又記唔記得我們點樣撞返呢！我覺得真係天意o黎o架，緣份o黎o個陣真係擋都擋唔住！我們應唔應該多謝我們o既媒人呢？

回想起我打俾妳o個日，o個日有人失約，我一個人出o左o黎好悶，諗住搵人遊車河，我都唔知點解會打俾妳，亦都真係估唔到咁夜妳都會出o黎，當我開車o既時候，我更加估唔到，跟住落o黎o既旅程，係會咁奇妙，一切就o係我踏油門o個一刻開始！

o個日我們去o左石澳，o係o個度傾o左都幾耐，不過多數都係妳講妳o的o野俾我聽，令我可以了解妳多o的！當我們回程之際，又發生另一次估唔到o既意外，呢次車禍真係好好彩，我們都冇乜事，但係我個仔就大件事喇！我們等救護車(拖車)o黎o既時候，又造就o左45分鐘我們相處o既時間！當救護車來到後，我在幫手視察交通時，突然電話響起，原來係妳打過o黎，仲問我悶唔悶，妳仲話妳自己識得善用科技•••從電話聽到妳o既聲音，同時又從遠處望住妳，呢十幾分鐘o既情景我呢世都會記住！

救護員(拖車佬)在筲箕灣放低我們之後，我們都行o左幾遠路先有車搭！真對唔住！我唔知妳當時著HIGH-HEELED SHOES，妳行到痛又唔出聲，正傻豬！之後我們仲去o左銅鑼灣食o野•••

太多估唔到o既o野又發生喇！第二日下午，我又可以見到妳喇！妳買了我十年都唔食一次o既雲吞米俾我食！當時見妳專登買入o黎俾我食，所以我一定食！Hehehe...

自始之後，我們相處機會就越來越多喇！

真係要多謝我們o既媒人，多謝失約o既人，最大犧牲都係同我並肩作戰o左咁耐o既乖仔！

原來最大的犧牲品是我自己！