30/4 [Friday]
Sabi心靈雞精句：“你不能預知明天，但你可以利用今天！”
聽日唔洗返學Yeah！
差d唔記得聽日Holiday添！ 不過，你都未以為好得閒。。。大把野做！ 真係叫救命都無用！
下個Monday開始無Bus上大學啦！
陰公啦！ 條路咁鬼Steep！ 有Shuttle Bus又點喎！ 咪得個迫字！ 又要轉車、服務時間又有限！ 真係唔知點做野架！ >_<
24/4 [Saturday]
Sabi心靈雞精句：“你不能控制他人，但你可以掌握自己！”
基仔都幾純喎
岩岩個星期四聽903絕情谷，覺得基仔每次一講到一d比較敏感既字眼，就會好用力咁諗一其他字眼去代替，一聽就知道係唔慣講呢d字而走去好快咁諗一個出黎代替！ 相反，兩個主持人講同一樣野都毫無避忌、好自然就會講得出！ 梗係，佢兩個晚晚都有咁講！ 哈哈！ 基仔唔好學壞呀！ 好鍾意你呀！
兩個比賽都無回音(兩個都係HK)
第一個無謂多講啦，下次得先講啦！ 哈！ 呢個都可算係我既死穴，唔知呢！ Shuu…Shuu… 另外一個係劇本創作大賽，都知唔會有自己份，不過，我都願意一試，係因為有靈感唔想浪費左佢。 雖然連優異獎都無，不過，我總係覺得佢地唔多唔少都會用少少我d橋，哈哈哈！ 交得俾佢，都預左架啦！ 其中，有一條橋我好滿意架！ 哈哈！ 如果，基仔咁對我，就好好好好好啦！ 哈哈哈哈哈！
給斌仔的話
你要振作呀！ 雖然你都可能會知道你提出既要求暫時係無人係會批准，但係你既信提醒左所有人對所以病患者既關注！ 就係因為你，令所以人都知道其實好多人都係只得3分鐘熱度！ 你有事，起初可能會有好多人主動走向你，關心你，陪伴你。 可是，十幾年啦已經！ 所以人都好似忘記左咁，如果你唔係有一個咁既要求，無人知道呢十幾年你所受既苦！ 父母對你既不離不棄可能會成為你既壓力，因為你的父親的身體開始變差，你當然唔想見到你父母因為你自己而咁頻樸，但係你唔好忘記，對佢地黎講你係最最最最最重要的！ 還有，你對於佢地黎講係一個寄託！ 佢地只要仲可以見到你就好心滿意足！
我都係聽3姑講先知道有呢件事，聽到你既事，我真係有d唔開心，仲聽聽下喊。 唔係因為我可憐你，而係因為，在呢件事上面好似無人可以幫到你咁！ 如果唔係你都唔會想話要求安樂死！我希望你既朋友唔好因為今次既事而一窩蜂去探你，過左幾日之後又無晒人。 如果係咁，對你黎講真係好殘忍。。。 希望你好好活下去！ 振作呀！
19/4 [Monday]
Sabi心靈雞精句：“在學校裡可能有贏家輸家，在人生中卻還言之過早。學校會不斷給你機會找到正確答案，真實人生中卻完全不是這麼回事！”
終於去左睇跌打
尋晚同左大興、小彬、Bon Bon仲有Dash傾左一陣，佢地都叫我最好去睇跌打好d，俾佢地咁講兩講，真係痛都要睇！ 如果唔睇第日有咩事就想救都救唔到啦！ 有好多人都係當時有事無去睇，久而久之就有事！ 我唔想咁呀！ 所以，經各方好友說服下，都係去睇睇好啦！
醫師說
個Joint無事，不過係骨膜發炎，如果唔理就會好大獲。 仲話好彩仲係後生，如果係老人家，就一定會甩“教”or段骨！ 我心諗，好彩有聽你地話去睇下跌打咋！ 醫師一路按我隻腳問我邊度會痛，之後就照唔知咩燈，會發熱喎，又紅色喎，心諗，唔通係紅外線！ ^0^ 一路照燈另一個人就煎藥，好好笑喎，佢好似係度炒餸咁！ 一陣之後就同我Full腳，我見到Pet野好似屎咁。。。同色同質地係唔同味！ 之後，佢Pet左Pet“屎”係我腳上就Okay！ 都好快攪掂！
多謝阿Dash
今次真係多謝阿Dash！ 阿Dash今朝車我去睇跌打，之後又車我返宿舍！ 尋晚仲特登9點幾出去睇下跌打舖開幾點！ 真係感謝晒呀！ 所以今日請佢食Lunch！ 哈 哈！ 係呀，佢仲提我今日下就有Extra Classes，我仲想話下就先去睇醫生添。 好在咋，如果唔係我就Miss左兩堂啦！ Thanks 呀！ ^_^
我無同屋企人講呀！ 唔想佢地擔心！ 好返先再講都唔遲啦！ 嘻嘻。。。
18/4 [Sunday]
Sabi心靈雞精句：“如果你一事無成，不是你父母的錯，所以不要對自己犯的錯發牢騷，而是要從錯誤中去學習！”
Sabi拗柴 >()<
好痛呀！ 仲拗得好應！ 尋晚練舞個時，熱身唔夠，又趕住練舞，因為有Performance。 有一野，成隻右拗晒，大叫一聲成個坐低！ 勁痛呀！ 坐左成晚，無得跳！ 唯有坐埋一邊同佢地拾返好d動作！ 走之前，想跳都跳唔到！ 最後，阿健車我返宿舍。 個下野真係好應，返到宿舍用野搽下按摩下希望會好d。 今朝起身旭下隻腳，都仲係痛。。。不過就無尋晚咁痛，今日行路都痛住咁行，“吉”下 “吉”下咁。。。想聽日去睇跌打，但係又怕痛，怕唔知佢會點攪我隻腳！ 但係如果唔去睇跌打，又怕第日會有事喎！ 唉，愁呀！ 呢家心大心細唔知去唔去睇跌打好。
尋晚喊
按摩一輪之後，越黎越驚會有後遺症，又怕會影響跳舞，越諗就越驚，之後就喊左出黎。 可能你會話，會唔會誇張左d呀? 對我黎講，一d都唔誇張，當我諗到唔知會唔會影響跳舞，就好驚！ 以前都有拗過柴，都無咁諗，可能以前細啦！ 哈哈哈！ 仲有呀！ 話晒呢家我地呢d年紀，再唔係BB仔，拗親真係可大可小！
17/4 [Saturday]
Sabi心靈雞精句：“財富不會從天而降，除非下一個被閃電打中的是你！”
Mid-Term終於完啦
今日考最後一科 ~~~ Econ！ 最唔識就係呢科，不過Henry都真係教得幾好，不過係我本身對呢科無慧根，哈哈哈！ 考完呢個Mid-Term之後，我只能講一句:「阿Sir，你真係好人！」 如果好考得好好好，我諗我會愛上你！ 哈哈哈哈哈哈！
眼光光到天光！
前晚唔知做乜鬼，訓唔著，眼光光到天光！ 第二朝飲左杯Coffee頂左成日都可以唔洗訓晏覺！ 有料到！ 可能少飲，一飲就好有效。
ATV有新韓劇
ATV : 830pm [Saturday] ~ 夏日香氣！ 正！
有人遲到半個鐘！
有個例必遲到既人約左我8:30pm教佢跳舞，因為好快又有Performance，而成Team人只有佢唔識，所以我要特登約出黎教。 好在我都知訂，知道佢一定會遲到所以我都唔會準時去到！ 途中突然有佢既Miss Call，以為佢到左，因為就黎到我無Reply佢。 之後我去到都已經8:45pm！ 佢都仲未到！ 仲要我呆等 20分鐘！ 氣頂呀！
第一次係街練舞
最近Book唔到Dance Room練舞，又趕住喎，把心一橫，求其搵個露天空地練。 開頭有d人行過都會望一望，有d會走近睇，有d西人會Say Yeah！ 好攪笑！ 感覺都幾得意，不過，就好熱 ~~~ 熱到爆炸！ 跳跳下仲落起雨上黎添，好在唔係好大雨，可以繼續跳！
12/4 [Monday]
Sabi心靈雞精句：“在速食店打工並不可恥，你的祖父母對煎漢堡有不同的看法：機會！”
話咁快就過左個Easter Holiday
有咩玩? BBQ with family、meet some friends、movie etc！不過，呢個holiday無去唱ｋ呀！係唔夠時間去玩呀∼ 部DC攪返掂可以用嚕！ 不過，幫我攪電腦個親戚不在香港，攪到我呢家都無腦用。。。亦即係話，呢個sem我都唔會有腦用。。。。。
成日講返工ｄ野
有fd已經返緊工，佢就成日都講佢自己返工既野，真係好悶！唉！完全唔岩Channel！不過，次次約親佢都係講咁上下既野架啦，哈哈哈！我地未做野既咪講其他野or齋聽佢講啦！無計！
BBQ
呢一日，玩得好開心呀！有個親戚見到我就話：“仲以為你今次返黎會大一個碼添！ 瘦左喎你！”勁開心啦！ 呀！係喎！Chermaine都有話我瘦左！ 哈哈哈！ 不過，自己就唔係好覺，而且食量依舊！ 好∼講返BBQ先∼ BBQ之後我地成咋人去左MTR Club食Dinner，於是，Dinner之前我同兩個堂妹出在去麥記買新地食！ 哈哈！ 無乜人知！
4/4 [Sunday]
Sabi心靈雞精句：“不斷的努力，一定會被認同的！”
影帝 ~ 華仔！
尋晚睇左第二十三屆香港金像獎頒獎典禮，好開心見到劉德華拿左最佳男主角！ 華仔在大隻佬既做型真係好真！ 一舊舊肌肉，好似真係佢自己既咁！ 雖然，拍個陣要好多時間去化妝，但係，加埋佢一向事求完美，做事認真，最重要係華仔既好演技，得到呢個獎係實至名歸架！ 正當我好專心咁聽華仔講野既時候，無記去廣告！ 真係火都黎呀！ 係Cut都揀其他時候Cut啦！ 叫司儀講少d、講快d，咁d時間咪又係返度！ 最攪笑係尾聲頒最佳電影既時候，因為無時間，阿黃子華係咁打完場，攪到向太無得講野！！ 場面都幾尷尬。 真係估唔到，一個攪得咁好既頒獎禮，竟然臨尾既時候咁鬼失禮！ 總之攪野！ 對我黎講，我最想要既係本場刊！ 報紙檔都有得賣，不過係限量發售，仲要成80蚊一本！
大地DD
同張柏芝拍忘不了既大地小朋友好得意呀！ 繼上次金紫荊獎時，大地都同好多猛人玩，佢連秋生都玩呀！ 哈哈！ 好攪笑！ 我都係睇返雜誌d相知道！ 而今次，大地係咁舉高雙手係咁揮來揮去！ 大地又細粒喎，連個頭都見唔到，係咁係對手揮揮下咁！ 坐係佢旁邊既李珊珊同錢家樂真係無晒佢符！哈哈哈！
王子華短片介紹好好笑
尤其係介紹忘不了同無間道，哈哈！ 笑到我肚都抽筋呀！ 啊！ 仲有兩個都好好笑 ，就係PTU周大隻佬呢兩個！ 哈哈！
感動位
唔洗講就係頒獎俾四位已逝世的圈中人，包括張國榮、梅艷芳、林振強及柯受良。 睇到我眼濕濕。 尤其係柯受良同張國榮兩Parts。 見到柯有倫上台代父領獎，見4到唐唐代哥哥領獎，見到劉培基同阿詩&安仔代梅姐領獎，林燕妮代林振強領獎。
唔。。。 總之眼濕濕啦。
睇電視都好忙
話說Pearl做“蒸發密令”！ 我兩台係咁Shift，哈哈哈！
1/4 [Thursday]
Sabi心靈雞精句：“你不能決定生命的長度，但你可以控制它的寬度！”
一年過去了
一年了，已經一年了！都仲係掛住你架！ 好多人都好掛住你！ ^_^
Business Law Presentation + Business Communication Mid-term + Accounting Mid-Term
今日岩岩做左B_Law個Presentation！好開心呀！阿Sir話我地Present得好好，PowerPoint做得好好！！ 梗係，我地幾個智慧與美貌並重！ 無計！哈哈哈哈！Present之後有Q & A Section，我地都可以答到喎！真係好開心！ 阿Dash佢就唔係啦！明明都無人想要問問題啦，佢就係都要問多題玩鬼我地！ 問完仲係度笑！ 下次你地Present個陣，唔好話我地d問題難呀！ 可能，其實係因為我地個Topic係最易，所以先可以做得咁好！ Anyway，呢家真係可以鬆一口氣！
不過，呢個星期六有兩個Mid-Term！ 真係考完一個又一個！4pm ~ 5:30pm考完B_Com，6pm ~ 9pm又要考Account！ B_Com都Okay掛我諗，不過，想要係Gwenda手上拿高分，都唔係咁易。。。。Account仲慘！ N咁多個Entries！ 都唔知點算，亂到七彩！ 真係攪咩呢！ 星期五晚一定要訓好d先得，如果唔係，考個陣時對住咁鬼多數目字，真係痘雞都有之呀！
係喎！ 岩岩Updated左Photos
得閒就去睇下啦！ 係上次有個Friend生日去食飯映架！ 諗起都真係Si晒水呀！我地不停係咁研究研究，原來唔單係我同Karen係咁諗，其實其他人原來都有咁既諗法！ 哈哈哈哈！ 好正呀！ 不過，我Miss左Carman一個錯愕既樣！ Karen你就好啦，睇到晒！ 諗返都真係得淡笑！
心不釋
上個月尾提到唔開心既事，呢家都仲係耿耿於懷，好想快d釋懷！ 但係唔知點好，你叫我唔好諗咩，又好似逃避現實咁，我做唔到！！ 你越係唔去諗，件事更加會係你腦海不停出現！ 其實有d想改變呢個事實，不過，我知道係無可能做唔到！ 事實擺明就係人得你唔得！ 唔通真係要等時間過? 定係，要等到我有一日自己真係得到成功先可以好d呢！唔知。。。 總之，我會繼續做好自己先！
多項革命尚未成功，Sabi仍須努力！
堂本剛對Sabi說:「サビさん！ がんばで！」