27/2 [Wed]
呢次幣啦...Macroeconomics好難呀!
下星期二有Quiz呀~~~
點算好??!!
只係讀佢0的Notes唔夠
0的Notes好騎坭...Point Form Only
最多都係靠平時上堂聽, 同自己做0的Notes
不過, 要對付Test & Examination就一定唔掂
所以, 今日我就去左Library搵書
借左兩本, 希望有幫助啦
Lunch之後, 你估我做乜?
哈哈, 我訓覺...
因為, 下晝無堂, 我先可以訓咋
哈哈...
蘋果汁 Apple Juice：調理腸胃，促進腎機能，預防高血壓
葡萄柚汁 Grapefruit Juice：降低膽固醇，預防感冒及牙齦出血
奇異果汁 Kiwi Fruit Juice：含豐富維他命C，清熱生津，止吐瀉
芒果汁 Mango Juice：幫助消化，防止暈船嘔吐喉嚨疼
鳳梨汁 Pineapple Juice：消腫怯溼，幫助消化，舒緩喉痛
木瓜汁 Papaya Juice：消滯潤肺，幫助消化蛋白質
西瓜汁 Water Melon Juice：消暑利尿，降血壓
紅蘿蔔汁 Carrot Juice：刺激膽汁分泌，中和膽固醇，增加腸壁彈性，安撫神經
芹菜汁 Celery Juice：補充體力，舒緩焦慮、壓力
香蕉汁 Banana Juice：提高精力，強健肌肉，滋潤肺腸，血脈暢通
葡萄汁 Grape Juice：調節心跳，補血安神，加強腎、肝功能，幫助消化
檸檬汁 Lemon Juice：含豐富維他命C，止咳化痰，有助排除體內毒素
柳橙汁 Orange Juice:滋潤健胃，強化血管，可預防心臟病、中風、傷 風、感冒和瘀傷
哈密瓜汁 Cantaloup Juice :消暑解燥，生津止渴
草莓汁 Strawberry Juice:利尿止瀉，強健神經，補充血液
梨汁 Pear Juice:能維持心臟，血管正常運作，去除體內毒素
椰子汁 Coconut Juice:預防心臟病，關節炎和癌症，強健肌膚，滋潤止咳
25/2 [Mon]
星期日去左燒野食
ArmArm過左0個個星期日, 即尋日
我同埋一班住0係Hostel朋友去燒野食
好開心呀, 諗番起…
今次燒野食同對上一次都係同一個地方~~~澳門0既黑沙
一去到0個度, 我又諗番起我地去澳門玩0個0的野
小雲, GiGi~~你地仲記唔記得呀?
今次, 我地都有成十幾個人去
我地分開兩批人去, 哈哈, 我就梗係第二批啦!
一, 唔洗咁早去等人攪好個火
二, 我又可以訓耐0的
三, 咁多人實好多人一乍咁燒, 實燒唔到
所以, 我就選擇第二批至去, 係咪好聰明呢!!
其實, 第二批只有4個人, 哈哈…
我地去到差唔多1點半, 佢地有0的都食到差唔多
呵呵呵呵呵…
我地燒~~~
嘩! 不過, 我好勁呀, 食左好多雞翼(雞中翼)
差唔多有十隻, 哈哈… 其實應該無十隻咁多…哈哈…
唔記得啦, 不過, 都起碼7~8隻以上,
但係, 我都仲未夠, 真係唔知點解, 哈哈…
不過, 燒之前我只係食左一個梨
到走我都仲未飽, 不過, 0個陣已經5點幾
返到宿舍, 即刻洗頭沖涼
不久… 我要食野啦, 哈哈…
真係未飽呀~~~
其實, 都只係食下龜靈膏
另外, 有0的酸酸0地咁個0的… 好似優之良品買0個0的
其實, 我都覺得好好笑
何解我唔唔知飽呢?
不過, 講真, 我燒0的雞翼確實幾正~~~
好多人都話我燒得靚呀!
係咁訂我燒0的雞翼呀!
所以, 燒左咁耐, 我都只係食左咁少隻
不過, 其實0的雞翼都算細隻, 如果唔係我都食唔到咁多
呢幾日天氣雖然暖番好多, 但係, 我呢度都幾大風
都可以唔洗“come”咁多裨
哎呀!係呀, 差0的唔記我講我0的叻野啦!
哈哈… 我咪話燒野食0個班人全都係內地生0既
有0的識, 有0的唔識
我都會都佢地講野, 之後, 佢地無端端講開點講廣東話
跟住有個識我0既人就話: 問Wasabi0丫!
之後, 呢個唔識我0個個人就話: “呀? 你是那裡的? 廣東嗎?”
哈哈… 之後我話: “呀! 不是呀, 不是呀, 我是香港來的呀!”
之後, 他說: “嘩! 那你的普通話很好呀!” “為什麼那麼好呢?”
我說: “喔! 我跟她們說多了, 然後普通話慢慢進步啦, 哈哈…”
他說: “嘩! 很好呀! 真的聽不出來呀?” “比那些澳門的說得更好呀!”
你話我係咪好開心呢~~~~ ^_^
仲有呀, 呢個人係由北京0黎架, 北京人0既普通話係最正宗
最開心0既係連佢都聽唔出, 哈哈, 你話我0的普通話係咪又勁左好多呢!
^_^哈哈…好開心呀! ^_^
唉~~~今日呀個微波爐唔用得呀!
貼住張紙話唔用得!
激氣呀, 攪到我無飯食…
之後問個Security, 佢話其實唔係個壞左
不過, 微波爐入面個碟發 “難”左, 危險
所以唔俾用, 之後, 佢再講話聽日可能每層有一個微波爐呀!
嘩~~~~係就好呀!
好在今日無乜胃口食飯
之後, 我就食…
用果Jam同豬肉鬆搽麵包, 加兩條香腸
無0魯~~~
好似食早餐咁
我計過啦... 要到Easter先有假期呀!
差唔成5個禮拜呀~~~
唉, 希望到時唔好有0的乜野Test之類0既野就好啦.…
聽日開始, 我爸爸放大假
遲0的可能會同埋媽咪一齊過0黎探我
嘻嘻~~~
聽日係新十五, 可以拆利是啦!!
哈哈, 不過我諗你地個個都第一時間拆晒0的利是
我每年都一定等到新十五先至拆
其實, 都無乜點解, 由細到大都係呢日至拆
咁我梗係要保持傳統啦, 哈哈…
20/2 [Wed]
我又去左珠海~~~
今日11點放學
我又同我個同房去左珠海Shopping
不過, 就無買衫褲鞋襪
只係買日常用品
我仲映貼紙相呀!
嘩! 好正架, 廿蚊任你映呀!
不過, 梗係唔係十萬張係咁俾你映啦!
佢係唔似得香港0個0的, 一張只可以有大概兩三個款
如: 我映0個個係有8張貼紙相…
咁我就可以有8個唔同背景+8張我個樣都唔同
仲有呀!
係我自己控制幾時映, 我鍾意幾時按個制就幾時映
唔限時間, 我仲可以映到0岩為止
唔0岩0既, 可以按取消, 咁就可以再映多次
不過, 最後0個張就唔可以係咁
最後0個張只可以映一次
哈哈… 我真係未試過映貼紙相映到咁爽~~~
0的顏色係就係無咁清, 但係真係可以映到你滿意為止
咁都已經底晒啦, 哈哈~~~
****正~~
我買左支雪糕食!
因為無食Lunch, 所以行行下有0的肚餓
我又好耐無食過雪糕…
哈哈… 於是, 我就買左支5蚊雞0既雪糕
係今年第二次食雪糕, 對上0個次係… 年初三
哈哈… 其實都唔係好耐, 都係上個禮拜0既事
好耐0既意思係… 我上年幾乎無食過雪糕
哈哈… 所以要作下反, 哈哈~~~
嘻嘻嘻~~~好味~~~^_^~~~
行完, 買完晒野之後, 我地就去左食飯
食得非常美滿~~~
都幾好食, 有湯, 有飯, 有餸, 有菜
都只係五十蚊咋~~~
最後, 等我又講下我尋晚又夢見邊個啦, 哈哈
我尋晚夢見華仔呀!
今次佢,變左個賣衫0既人
仲要係0係Bossinni入面見到佢
哈哈…
19/2 [Tue]
各位~~~我尋日夢見古天樂呀!
我同佢講, 話我好鍾意項少龍
跟住佢笑住咁, 話做戲咋, 唔係真架
哈哈... 係咪好無聊呀?
不過, 都係一個開心夢
其實, 0係夢見項少龍之前, 我係發緊一個惡夢
發發下個惡夢, 無端端阿項少龍就0係我前面
哈哈...
之前0個個惡夢, 真係好驚...
個夢, 我入鬼屋, 不過, 似是遊戲, 又非遊戲
我0係個夢都同個類似阿Head0個個人講, 唔玩得唔得...
哈哈... 點知佢話俾我休息一陣就得...
唉, 總之, 嚇親啦...
18/2 [Mon]
今日係人日呀
各位∼∼∼生日快樂!
哈哈...今朝唔願起身
尋晚又夜訓, 唉~好在今日０的堂都唔晒點用腦
葡文Miss放假之前話今日會無堂
所以今日少左堂
不過， 聽日就慘啦...
又有中文, 又有Econ
．．．
今晚要早０的訓至得啦!
17/2 [Sun]
新年快樂呀各位~~~
唉, 屋企部腦上唔到網
攪到我新年On唔到Line
唉吔吔…
不過, 算啦… 日日都無時間攪其他野…
仲有呀, 今次返黎睇唔到戲
好多戲想睇甘麻!!!!!!! >_<
不過, 算啦, 可能未必買到飛
日日都要出動… 忙到0丫~~~
返到屋企都要訓覺, 第二日又再次出動…
哈哈… 行程非常緊密
年28 至年初5, 都無時停~~~
講起年28洗“立撻”…
0個日我一路開住周杰倫隻VCD, 一路拾野
哈哈… 效果果然係唔同!
一日就可以拾得八八九九
哈哈…幾快手!
Dum左好多野, 不過留左0的參考書Past Paper之類0既野俾我0既堂妹妹!
下次等我返黎, 見到你再俾你啦!
最慘0既係, On唔到Line又Check唔到Mail
… …所以, 去到澳門…返到澳大… 先Check到Mail
攪到, 鬼咁唔好意思…
今日下晝就過澳門0魯
因為, 聽日就開始上堂啦...
唉~~~又要開始過一0的…
唔可以無時無刻都可以睇到電視0既生活…
0係屋企, 一起身… 就係開電視
嗚嗚嗚~~~
雖然, 我呢度唔係無電視, 不過, 要落去睇…
咁麻煩… 都係少去為妙~~~
呢排, 最多都係睇“無頭東宮”
或者無乜野做都會睇埋阿李克勤0個套0既
十點幾啦… 我要返去沖涼訓覺啦…
5/2 [Tue]
尋日我咪話阿Jay首“爸我回來了”內面有台語歌詞0既!
今日我搵到個識講台語架!
我可以叫佢教我0的歌詞點唱啦!
哈哈哈~~~
佢係同我住埋同一層
今晚可以叫佢教我啦!
之前學左一句, 就係 "說都說不聽!"
都係“爸我回來了”內面的歌詞
係尾二0個句, 嘻嘻~~~!
呢個星期五下晝0個兩堂可以唔洗上呀!!
亦即係話, 我星期五0個日上完上晝0的堂(1點倒)
就可以返屋企啦!
Yeah!!
今日中文堂要作文...
唉...作抒情描寫文...
哎哎... 抒情描寫... 係我弱項...
盡量寫啦已經...
不過, 一定好低分
題目仲要係 "漫步於xxx" (xxx: 澳門地方)
唉~~~ 你叫我寫香港都唔係好掂
仲要寫澳門... 抒情描寫...
救命~~~! >_<
4/2 [Mon]
新年有好多好戲上!
怪獸公司, 魔界首步曲, 我要稼個有錢人
仲有華仔0個套, 叫“嚦咕嚦咕新年財”
尋晚我聽阿Jay0的歌
對住0的歌詞都好難跟…
阿Jay唱得好快, 國語嘛~~~
尤其係“雙截棍”, “忍者”, 同埋“爸我回來了”
唱得好快, “爸我回來了” 內面又有0的台語
阿Jay唱得好好聽呀~~~!!
簡單愛…
我想就這樣牽著妳的手不放開
愛可不可以簡簡單單沒有傷害
妳 靠著我的肩膀
妳 在我胸口睡著
像這樣的生活 我愛妳 妳愛我
想 簡！簡！單！單！ 愛~~~~~~~~~~
想 簡！簡！單！單！ 愛~~~~~~~~~~
YEAH!
3/2 [Sun]
哈哈... Chermaine生日快樂!
我下次唔會唔記得
千嬅Happy Birthday!
不過, arm arm睇報紙話千嬅倫敦遊玩期間
被扒手打荷包偷去身上所有財物及證件, 認真唔好彩
千嬅昨晨返港後, 第一件事立即跑去補領身分證
今朝我好早就起身攞0的衫落去洗
聽埋"芝See菇Bi Family", 12點幾就跟住就出去買野
之後, 食左0的野就去上網
不過, 唔知點解, 無端端胃痛...
唔講啦... ...走啦... 痛呀...
2/2 [Sat]
Woo~~~今晚就係LeeHom0既演唱會啦!
一定好正~~
佢學0左二胡, 我諗一定會係Concert0度大顯身手
我個同房尋日走0左0魯
新年後先返0黎上堂
聽日都會有些人會走返屋企
因為佢地都係為0左要攪Visa0的野
新年期間, 0個0的辦事處會放假
所以佢地要早0的返去, 如果唔係就麻煩啦!
唉~~~下個星期9樓就會冷清清…
不過, 我個同房走0左
我可以一個人霸晒間房~~~呵呵呵呵呵~~~
小彬呀!!
我無迫阿Jay同LeeHom0係我個夢度出現架!
哈哈… 你係咪唔底得先, 哈哈…
咁, 最多我下次見到佢地0既時候
叫佢地去你個夢度唱歌俾你聽喇!
好唔好! ^_^
我係咪好好呢?!
講開又講, 前晚我夢見阿錦
即係以前0個個Sink-Boy
唔係依家呢個喎!
唔知0羊係Sink-Boy?!
呢~Rejoin個廣告呀
“Rejoin洗你頭髮, 洗你睇法”
知啦掛!
我夢見0個個就係以前0個個Sink-Boy!
好攪笑, 我發夢佢係我同班同學
我地兩個都好白痴
不過, 佢嚴重過我…
哈哈… 笑死我…
係呀! 各位! McDonald又有5秒急口令啦!
仲記唔記得我地以前一有新野換都去玩
上次係磁石貼, 今次係...好似係類似匙扣之類
不過, 我覺得唔靚, 所以都無玩0魯
我知佢係arm arm1號定2號, 開始換第一個
所以, 要換就要早啦!
哈哈…
不過, 如果你去玩0個陣佢0個0的野已經送晒0既話
佢會用汽水定雪糕代替
所以, 我諗都係等佢送晒先至玩好啦!
哈哈…
最後, 就要提提你地, 今晚記得睇"勁歌金曲"
有黎瑞恩呀!