Share About Princess Vicki' s Fairyland

好開心呀，終於都接近完成喇，依一版係我個網頁最後整o既一版，想同大家分享一下我整依個網頁o既感想同埋得著o既地方。

我從來都冇諗過會有自己o既網頁，一來我唔識整，因為我覺得好難架，二來冇咁o既閒情逸緻。可能我整o既時間係暑假啦，暑假又冇乜野做，突然知道原來FrontPage可以用黎整網頁，所以就試下玩下啦。乜都唔識o既我都覺得唔太難，所以就決心要整自己o既網頁喇。

我最先開始做就係做個版面先，原本唔係而家依個樣架，變下變下就變成而家咁喇。不過希望大家唔好介意有咁多我o既相啦。整整下都有諗過放棄，因為中途遇到d阻滯，好似Upload唔到同埋d位會唔o岩，不過最後請教左人同埋自己係咁試終於搞掂，我問過o既人唔多，都要唔該一下小狐狸、浩輝、Edwina、Carmen Wu ，仲有小利子o係個網頁做完後俾左唔少寶貴意見我呀，真係麻煩曬。

其實個網頁冇乜技術性o既野，因為我根本就唔識，所以如果大家睇到有d技術上o既問題，例如字同相唔o岩位，就請大家原諒喇，我已經好盡力去整，請多多包涵。我個網頁都算簡單架，冇乜花巧野，只係希望做到內容豐富，大家睇得開心就得喇。而且入面有好多相，大家應該睇得冇咁悶，如果唔想睇一大堆文字，就可以睇相，唔想睇我個樣就睇下字喇。

跟住想講下感受架:

最enjoy:整得最enjoy應該係"Sharing" o既"Cat"同埋"Fox"，因為兩種動物我都好鐘意，搵佢地d相搵得好開心，因為好可愛

最多眼淚: 係整"Family"，因為屋企人係好重要，亦都好少機會自己可以諗咁多有關佢地o既野

最感動:除左"Family"，"Love"都係一樣，我講過屋企人o既愛唔係愛人可以媲美，不過，屋企人係自己最親o既人，相反，愛人係同自己冇血緣關係o既人，但都對自己愛護有加，所以愛情係更加難得就真。"Love---感動篇、難忘篇、心思篇"真係一邊整一邊眼濕濕架，大家可能覺得寫出黎俾大家睇，好似曬幸福，不過想同大家講，有d野除左俾人睇之外，亦都係俾返我自己睇架，原來有人對我咁好，但我成日都唔記住，反而對人地唔好，所以每當我想發脾氣或者唔開心時，一睇返一定好好多，所以•••寫出黎係有意義架

最停唔到:當然係"Sharing---Traveling"，不過因為冇乜位剩，所以唔可以放太多相入去，

不過我唔知以後有冇野可以Upload喇，因為d位都所剩無幾，可能遲d會整多一個網頁都未定架，我仲有好多野想同大家分享架，唯有留番第時喇!!!

多謝支持，記住去留下言喇，等我知道有邊個好朋友黎過~~

         Ps:  雖然8月11日先正式公諸同好，不過之前我已經俾小狐狸過目喇。之所以揀8月11日，係因為11日比較有意義喇