唯一的邂逅

<<唯一的邂逅>>第1O回

仁知道『啊』同『嗯』點解後,終於明白左鈞既答案~

仁當然好開心~所以佢第二日一起身就即刻打電話俾鈞~

ONLY'Z屋企,電話響起,鈞就聽電話~

———————電話中——————

鈞:『喂喂~~ONLY'Z帝國~』

仁一聽到係鈞就好開心咁講:『小鈞麗!不如我地今日去約會啦~』

鈞一聽到係仁就話:『去死啦~赤西仁~我憎死你喇!!以後唔好講話識我呀~』

由於鈞鬧得好大聲,連o係天台曬緊衫既娜姐都聽到走落黎睇下發生咩事~

而坐o係度睇緊電視既祐就拎左電話好八咁同仁講:

『仁!你唔洗理佢架~佢可能『M』到呀~

所以心情煩躁左小小~係呢??你同佢又鬧交呀??講黎聽聽~~』

一聽到祐咁問,鈞就即刻向祐投以不善意既眼神後搶番個電話~

講:『赤西仁!!你唔好再打電話黎喇~我唔識你架~』

鈞講完之後立即收線~以仁既智商黎講佢一D都唔知鈞惱佢,佢信晒阿祐講,話係鈞『M』到~

所以連續幾日仁都冇煩鈞~等鈞『M』黎完~先再搵鈞~

呢幾日純有時經過鈞房都會見到鈞攬住個咿唷公仔,

有時好甜蜜咁笑,有時就見到鈞眼濕濕咁對住個咿唷~

到左番學前一晚,純終於忍唔住問鈞:

『鈞!發生咩事?自從仁上次打過電話俾你之後你就日日對住個咿唷公仔,

唔係笑就係想喊,以前你惱佢都未試過惱咁耐~佢今次衰咩呀??』

鈞細聲講:『冇咩~~~佢衰在死蠢O者,冇咩既~』

純:『佢蠢就係人都知啦~唔洗因為咁而激氣喎~』

鈞就不斷咁:『唉.......唉.......唉.........』

純心諗『今次仁死蠢既情況好嚴重喎!令到阿鈞勁唉~』

所以純就大膽問:『佢今次係點死蠢法呀??講俾我知啦~~』

鈞就講晒1月1號所發生既野俾純知~

純聽到就話:『嘩!!!佢真係好蠢下喎~......咁你諗住聽日番學點面對佢呀??』

鈞如夢初醒咁講:『係喎~聽日番學喇~你唔講我都唔記得~唉......點算呀~~』

純:『冇得點算架~~見步行步啦~』

就係咁,鈞就成晚O係度諗點面對呢個令佢又愛又恨既傻仁~

﹒﹒﹒﹒﹒﹒﹒﹒第二日﹒﹒﹒﹒﹒﹒﹒﹒

鈞佢地一出門就見到仁同kame O係ONLY'Z屋企門口等,鈞就當然冇理仁~

當仁係透明~淨係同KAME打朝呼,

而仁就真係以為鈞睇唔到佢就行去鈞度,

拖住鈞隻手細細聲係鈞耳邊問:『你『M』黎完未呀??』

鈞鬆開仁隻手鬧:『我唔識你架~同埋我『M』係O係月尾先黎,家下月頭咋~』

仁:『你唔係『M』黎咩???阿祐講俾我知架喎~』

鈞:『人講你就信,你唔好咁........唉~我廢事同你講~』

因為鈞見一向都嬉皮笑臉既仁竟然一副慚愧樣,所以唔忍心再鬧落去~

亦都有小小覺得自己鬧佢鬧得有點過火,有小小覺得對唔住仁,所以鈞就轉向純度,

同純講:『阿純!你幫我同岡田講我死左喇~我今日唔番呀~』

一講完,鈞就跑走左,仁見到鈞走當然走去追~

但係純拉住仁講:『唔好去追啦~俾佢冷靜下啦~』

突然小玲就提出左一個好重要既問題:

『點解鈞咁憎仁架??平常最勁都係惱1-2分鐘O者~

今次應該係由上次仁打黎惱到而家喎~』

仁摸摸頭講:『係喎~點解既??我都唔知我自己做錯D乜??』

好眼利既KAME講:『你同鈞既事你自己都唔知??係喎!!!你頭先做咩拖阿鈞隻手呀??』

仁唔好意思講:『嘻嘻~~我同佢表白左喇~』

好耐都未出聲既純講:『係!你係同佢表白左,但係你連鈞既答案都唔知點解~~仲要問番佢~』

KAME話:『佢既答案係乜呀??』

純:『『啊』同『嗯』囉~』

仁:『咁我真係唔明麻!!咪問佢囉~』

小玲:『今次真係抵阿鈞惱你咁耐呀~』

仁心諗:『死啦~小鈞麗今次好似唔會彩番我喎~』所以仁用佢最拿手既野----求救~~

仁捉住kame隻手一路搖一路講:『我既小龜龜幫我哄番小鈞麗番黎啦~小龜龜~~』

kame:『唉~~你次次有難先識搵我地~算!!今次我俾面鈞先幫你~今次就免費~』

仁就雙眼發亮咁講:『多謝你呀~龜龜~~愛死你呀~~啜啜先~』仁就走去追住kame啜啜~

kame:『你留番俾你個小鈞麗啦~我唔要呀!!』

仁即刻停低指住個下巴話:『嗯~~咁又係喎~~kame你今次講得好o岩呀~』

kame好自大同大聲咁講:『哈哈~出自我把口o個D都係真理黎架啦~哈哈~』

‧‧‧‧‧‧‧鈞O個邊‧‧‧‧‧‧

鈞行到一個樓高三層既房屋門口O個時俾一個人用一袋垃圾DUN埋黎個肚度~

鈞嗌左一聲,O個個人知道dun到人之後就不斷低頭向鈞講:『對唔住呀~~唔好意思呀.........』

但係鈞越聽越"慶"正想破口大罵之際,間屋既二樓突然倒水落黎~攪到鈞成身濕晒~~

阿鈞真係忍無可忍一路鬧一路勁喊:

『你地呢家人做咩野事呀??個個都蝦我~一個DUN我,一個淋我~咩事呀~你地.........』

當鈞鬧到一發不可收拾既時候,有一個人由間屋度走出黎~

O個個人著住一件圍裙,帶住一個用報紙摺成既帽,

右手手持一個地拖,左手手持一個水桶行左出黎大大聲話:『阿鈞~~唔好意思呀~

我唔小心淋左D拖地水去你度~』

係咁話對唔住既人就望一望鈞就話:

『下!!原來係鈞姐大駕光臨呀~唔好意思呀~我dun親你~』

鈞聲到佢地嗌自己個名就望一望佢地~原來dun鈞既係hasejun,淋鈞既係toma~

toma見自己整到阿鈞又濕又臭～就同鈞講：『如果你唔介意既話就入黎坐下～』

鈞個腦突然閃起一個壞主意，所以就跟佢地入去～

一入去，鈞就見到梳化放左好多件衫，

連食飯'木台'都有～唔係～～應該話佢地d衫係亂咁飛~

又見到地下有一'達''達'水~總之能夠容呢間屋既得個『亂』字~

此時有一個人由二樓落黎，原來係yamapi,yamapi佢淨係著住一條小底底行出黎～

佢一路行一路同toma講：『toma!!我好肚餓呀~有冇野食呀??』仲摸住肚仔講～

YAMAPI眼裏除左TOMA之後就係飯~佢隻眼根本再睇唔到其他野,包括鈞~

鈞見到咁既yamapi，立即話：『原來你地３個一齊住架？？

仲有~yamapi唔該你著番d衫褲先好出黎～』

聽到鈞咁講,YAMAPI就即刻唔好意思咁上番樓著衫~

toma話：『乜你冇睇到門口個板寫住『山斗川』咩？？』

鈞：『你仲好講~我一企ｏ係你地門口就俾你淋，俾hasejun dun～邊有留意ｏ者』

HASEJUN好有建設咁俾左D毛巾同除手拎左D衫褲俾鈞同鈞講:

『鈞!!你成身濕晒喇~快D沖個涼先啦~』

﹕﹕﹕﹕﹕﹕﹕鈞沖完涼﹕﹕﹕﹕﹕﹕﹕﹕

一出到黎就見到佢地3個扒O係張'木台'好累咁~再望一望周圍,竟然見唔到D衫同D水~

成間屋終於變番係人住~再唔係狗竇~~而且TOMA亦都煮好早餐~

食緊早餐O個時TOMA問阿鈞:

『阿鈞~~我見你今日係著住校服要番學架~點解你會行到呢度架~』

博命食早餐既HASEJUN講:『係囉~你地番學應該唔洗行呢度架~』

鈞冇乜大不了咁講:『冇呀~~逃下學之麻~~』

佢地三個好驚訝咁噴飯出黎話:『下!!!逃學~』

鈞:『嘩!你地洗唔洗咁大驚小怪呀??你地成日都係咁架啦~』

YAMAPI搖住手講:『絕對冇咁既事~~我地係因為要做野先唔番學~唔係逃學~』

阿鈞靈機一動:『車~你地唔洗番工咩??應該要番學架!!!仲咁悠閒o係度食早餐!!』

yamapi擺住勝利手勢咁講:『yeah!!我地又唔洗番工又唔洗番學~做左雙失青年lu~』

之後~yamapi就開始幻想自己係一個咩都唔洗做既國王~好舒服咁俾好多個靚女服侍~

o係度左攬右擁...................

toma一手拍落yamapi個頭~粉碎左yamapi個美夢~

話:『我地而家唔係雙失~只係休息o者~你連雙失都唔識解~讀番幼稚園好過喇!!』

突然~hasejun企起身~伸一伸懶腰就話:『大家~我食飽喇~慢慢食喇你地~』

鈞佢地啞口無言咁望住hasejun一路抓住背脊~一路慢條斯理咁上番樓~

當佢地回過神想食飯既時候~先至發現~'木台'上面既食物一早已經入哂去hasejun個胃到~

汁都冇滴留番俾佢地~就連電飯煲入面既飯焦都冇埋~(係飯焦喎~)

鈞佢地就怒氣沖沖咁衝上去hasejun間房~

-----------hasejun房------------

一開門~就見到hasejun佢已經訓到成隻死豬咁~仲要有埋鼻'寒'!!

鈞就立即坐上去hasejun個肚到~而yamapi同埋toma就分別一手手持住一支.............

羽毛~另一方面一手捉住hasejun隻腳~o係度掃hasejun隻腳板底~~

鈞坐o係hasejun上面~一路好惡咁講:『長谷川純!!!你好同我起身呀!!!煮番餐飯俾我地呀!!!』

hasejun矇矓咁講:『咩呀~仲要煮??頭先食飽哂啦~~飽到上心口喇~仲要煮??你地胃口咁大架~~』

鈞就話:『哦~係呀??乜你飽到上心口呀??等我解剖你個胃黎睇下先~點解會飽得咁勁既~~』

之後~鈞就掀起hasejun件衫~用手指甲好大力咁畫左一畫~

yamapi眼明手快咁~唔知o係邊度拎左包不知名既茄汁出黎~擠落去hasejun個身到~

hasejun即刻望一望自己個身~見到一條紅色既血痕~立即嚇到大叫~

hasejun:『媽咪呀!!救命呀!!!你地仲o係度笑乜呀???快d報警呀!!

媽咪呀!!我唔可以咁快死住架!!我唔捨得你呀!!yamapi呀!!你地快d同我過黎寫定遺囑呀!!

首先~我將所有錢俾哂我媽咪~仲要加埋呢間屋既3分1鼓份都要俾埋佢~

嗯....仲有事務所今個月既人工~就俾我阿爸啦~我諗價錢都唔錯既~

因為我做野都好努力!!最後~就係俾我世界各地既fans同埋朋友們~

我愛你地呀!!你地見唔到我最後一面呀!!我唔會忘記你地架!!

好~我而家o係死之前唱番一首歌送俾你地呀!!!

Sayo......呀......唔係~仲有一樣野要同阿鈞講~鈞~你竟然為左一齊飯而去整死我???????』

鈞笑到碌左落地下~都唔知俾咩反應hasejun好~

toma一路笑一路行過去hasejun度~將隻手點一點hasejun所謂既血度~

hasejun一見到toma咁做就話:『你做咩呀??你咁快就想解剖我???仲要徒手tim!!!』

toma無理到hasejun既說話~就飲左一啖hasejun所謂既血~

hasejun:『toma~乜你好口渴呀??連我d血都唔放過!!』

toma o係度勁笑咁講:『你試下先啦~~幾好味架~~』

hasejun驚嚇咁講:『toma!!!你好變態呀!!飲完仲話要好味!!!』

但係hasejun心諗:『人一世~物一世~反正d血都係自己既~試下都冇所謂既~~』

之後~hasejun就大膽咁試左一啖~~

hasejun:『咦!!!酸既!!我d血唔通唔健康??唔係掛??長谷川呀~長谷川~你日日都有做運動架喎~

仲要每日食成半打水果架喎~飲成16杯水架!!入面仲有成5杯係奶TIM!!仲要係鮮奶!!

係mild shop出品架喎!!唔通佢地d奶唔清潔??唔得~而家要打俾小玲話俾小玲知,叫佢唔好飲~

臨死前做番個好人先至得~雖然我平時己經夠好架喇~我死左之後一定要上天堂~』

yamapi已經忍無可忍~因為佢個肚已經笑就黎爆~所以dum左包茄汁俾hasejun~

就話:『你試下d茄汁既味道係咪同你d血一樣咁酸???』

hasejun:『咦???乜係茄汁既??莫非我親生媽咪係茄汁人???下??冇可能架!!!』

toma大聲咁講:『玩夠未呀??長谷川~~你仲未死得呀!!你d血都冇繼續流~我地玩你咋~~』

hasejun驚訝:『下??你地玩我??連我長谷川大爺都夠膽玩???』

toma:『你??你o係我心目中一個小人都唔係呀~~大爺喎~發夢啦!!』

hasejun開始發佢既細路仔脾氣~就話:『哼!!你地竟敢玩我??好~你地想玩下麻~~我就同你地玩!!!

茄汁大戰呀麻??我而家就落去拎茄汁上黎~慢慢先同你地玩~到時你地每人都要飲成支呀!!!』

不消1o秒~hasejun已經番左黎~手就拎住4支茄汁~開始自飲~~

而鈞佢地亦都被迫咁玩埋一份~雖然鈞佢係被迫~但係同hasejun佢地呢幾個傻仔一齊~

都總算可以令到阿鈞忘卻今朝所發生既事~~

==============晚飯時~山斗川屋企==============

鈞望住一'木台'食物就話:『toma呀~我頭先已經飲左成支茄汁喇~我真係食唔落呀!!』

toma成個阿媽咁講:

『乖啦~頭先食埋哂果d唔三唔四既野~而家應該食番d正常既野架~你好歹都食d呀~~』

鈞無可奈可咁講:『唉~ok啦~~盡量啦~~~』

yamapi突然問左一個問題:『鈞呀~你諗住幾點走呀??我地送你番屋企啦~~』

鈞明正言順咁講出自己既壞主意:『我冇諗住番屋企呀~~諗住以後都留o係度訓架喇~~』

yamapi同埋toma驚訝到個口差d跌埋落地下~~

鈞冷靜咁講:『唔洗咁驚訝喎~~我一入到黎已經愛上呢間屋喇~

呢度風涼水冷~冬暖夏涼~又夾我八字喎~

我注定要住o係度住架喇~你地冇得趕我走架喇~~我打死都要住o係度架喇~~』

yamapi同埋toma心諗:『如果第時我帶我女朋友番黎~

見到阿鈞既話~咁我應該話阿鈞係我細妹定我家姐呀???』

此時~門口傳黎一把聲:『我訓果間已經係客房黎架喇喎~~如果你黎埋住~咁我訓邊呀??』

原來呢把聲係hasejun~點解hasejun會o係門口??因為頭先佢地玩茄汁大賽時~以半支之差~

輸左俾阿鈞~所以而家佢被罰冇得食飯~仲要企o係門口~做門口狗~

鈞理所當然:『算啦~我係女仔~

你應該要俾番d男士風度出黎呀~~同埋我係客人~咁就當然住客房架啦~~』

yamapi指住hasejun講:

『做咩事入黎呀你???繼續守你既門口啦~~你間房我地會執俾阿鈞住架喇~~』

hasejun問:『咁我訓邊呀??』

toma:『緊係訓廳啦~唔係你想訓邊呀??再唔係地下,走廊~廁所都得架~~

廁所都幾好架~仲香過你噴果d香水~陣陣清香呀~~』

hasejun無奈既情況之下~被迫咁讓左間房出黎俾阿鈞~就連佢d衫同褲都要借俾阿鈞~

==================深夜時份=================

鈞已經昏昏入睡~toma就o係度睇電視~hasejun就同小玲傾電話~yamapi就沖緊涼~

>>>>>>>>>>>>>>>>>>電話中的2人<<<<<<<<<<<<<<<<<<

小玲低落咁講:『唉~今日發生左好大件事呀!!!』

hasejun關心咁問:『咩事呀??』

小玲:『今日鈞同埋仁佢嗌大交呀!!』

hasejun:『咩呀??有咩可能呀~

今日阿鈞仲好開心咁同我地玩喎~佢仲話以後都留o係度喎~~』

小玲激動:『阿鈞而家o係你地屋企呀???佢有冇喊呀??有冇講過d咩呀??』

hasejun:『冇乜野呀~~同平時差唔多之麻~

咪又係成日串人~~究竟發生咩事呀??好似好大件事咁喎~~』

小玲:『仁同鈞表左白呀麻~

但係仁死蠢到唔明阿鈞既答案~仲要問番阿鈞呀~係女仔都會惱啦!!之後~

阿祐仲話係阿鈞『M』到先咁大火氣~

呢個傻仁又真係信喎~而家阿鈞咪惱到唔番學囉~佢而家仲話留o係

你地到訓tim~都唔知阿鈞以後點呀~~』

hasejun:『仁表左白??咁即係而家阿鈞係我地二嫂??咁而家仁點呀??』

小玲:『仁就緊係搵kame幫手哄番阿鈞架啦~我地都想佢地快d和好架啦~唔洗咁煩呀~~』

hasejun:『咁又係呀~~呢個仁真係煩呀!!!

一個佢就攪到我冇房訓~以後仲要訓廳tim!!!咁仁佢地點哄番阿鈞呀??』

小玲:『hehe~秘密呀~總之~2日後~你同yamapi佢地點都要送番阿鈞佢番黎屋企呀~

到時我相信阿鈞會同仁佢和好架喇~你亦都會有番間房呀~~』

hasejun:『係就好呀~~我真係唔想做廳長呀!!!』

之後~hasejun同小玲收左線之後~

就急不及待咁去搵toma同埋yamapi去傾鈞同埋仁既事~

但係當hasejun想搵toma既時候~肚入面突然火山爆發~

所以就衝左入去yamapi正享受浸浴既廁所度方便下~

++++++++++++廁所+++++++++++

當yamapi正在玩緊泡泡既時候~hasejun一窩風咁衝左入黎~嚇得yamapi尖叫~

yamapi:『長谷川純!!!!你做咩一粒聲唔出就走入黎架!!!有冇禮貌架!!!我沖緊涼架!!!』

hasejun好努力分心咁講:『咩呀~咁人地肚痛呀麻~咁就緊係要去廁所架啦!!!呀......』放左個屁~

yamapi:『你好嘔心呀!!你點可以O係人地沖緊涼果時入黎去大架???好臭呀!!』

此時~因yamapi尖叫而上黎睇下咩事既toma又入左去~

toma:『做咩事呀??哇~~好臭呀!!!』

hasejun:『hehe~唔好意思呀~

可能今日飲左果d茄汁黎呀~都唔知係咪過期既~~攪到我鬼死咁肚痛~~』

toma頂唔順咁講:『我真係頂唔順呀~我走喇~超臭呀!!』

yamapi佢亦都快手快腳咁著好衫~急急腳咁走出廁所~

hasejun:『喂喂~~等埋我呀~~我好快架咋~我有野要同你地傾呀!!』

yamapi:『如果要我o係廁所一路聞果陣味,一路聽你講既既話就咪攪喇!!!我o係房到等你喇~

你呢個hasejun~最衰都係你呀!!攪到我沖涼既心情都冇哂!!』

>>>>>>>>>>>yamapi房<<<<<<<<<<<<<<

yamapi同埋toma發出一連串既叫聲~

hasejun:『喂喂喂~唔好再嗌喇~萬一攪醒阿鈞就大件事喇~~』

yamapi搖住頭咁講:

『唔得呀~好難相信呢個仁咁快就搵到女朋友呀~個對象仲係阿鈞tim呀!!』

toma:『如果係阿鈞就唔係好出奇既~之前見到佢2個~

都feel到有d野架喇~但係~問題係~呢個仁真係傻成咁呀!!』

yamapi:『hasejun呀~咁小玲仲講左d咩呀??』

hasejun:『冇呀~~只係叫我地2日後無論如何都要帶阿鈞番屋企呀~到時仁會哄番阿鈞掛~』

toma:『我真係想知仁佢會用d咩傻方法哄番阿鈞呀~~但係果日我地係咪要做野呀??』

yamapi:『係喎!!!我仲諗住去睇下呢個傻仁tim!!!』

toma作出總結咁講:『好喇~呢個3人會議就開完喇~2日後照小玲所講既去做啦~~』

yamapi望住扮緊訓覺既hasejun講:『hasejun~你唔好o係度扮哂訓覺咁呀~~我唔受你呢套架~

你好同我出番去訓呀!!』

hasejun隻眼水汪汪咁講:『pipi~你咁忍心???

唔好啦~我唔想做廳長呀~如果萬一有果d.....污漕野咁點呀??』

yamapi絕情咁講:『我唔理你~呢d係你既事~自己諗掂佢啦~唔好攪到我就得喇~』

之後~yamapi就同toma打眼色~2人就夾手夾腳抬左hasejun走~

﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑﹑

作者廢話:

chong:哈哈~呢回作到hasejun好得意呀~小玲送俾你既~收唔收貨呀??

下一回希望可以寫到小鈞麗佢小鳥依人既一面俾大家睇啦~

今回係我諗屎打架~因為我打左5o%就唔打喇~哈哈~

2OO3年7月31日