<<唯一的邂逅>>第12回

︵︵︵︵︵only'z屋企︵︵︵︵︵

當娜姐準備好晚飯時~門鐘響起~小玲就走左去開門~

小玲一路開門一路問:『邊個呀??』一開門~原來果個係仁~~

仁元氣咁講:『你好呀~小玲~~』講完之後~仁就自顧自咁行左入去廳到~

鈞一見到係仁就問:『仁~~你做咩無啦啦黎呀??』

但係~仁都未答~娜姐就由廚房衝左出黎~一手繞住仁隻手~

親暱咁同仁講:『仁~~等左你好耐喇~~黎黎黎~~食飯喇~~』

仁更加俾娜姐逼左去同佢坐~

而身為仁女朋友既鈞~見到咁既情況~心就緊係不是味兒~就連娜姐既小翔翔都係~~

但係佢地2個都唔出聲~只係坐埋一邊~靜觀其變~

幾經辛苦~呢餐飯終於食完~但係呢餐飯真係可謂食得辛苦~~因為全場都充滿住濃厚既醋味~

小然第一個頂受唔住~立即話:『好飽呀~我都係上番房先喇~~咁多位~慢用~』

娜姐立即阻止小然~認真咁講:『小然~唔好走住~我有件好重大既事要宣佈~』

娜姐講完~小然就無奈咁留低~但係娜姐既說話亦都加重左鈞同埋翔既疑問~

鈞心諗:『娜姐做咩變得咁認真既??平時佢都唔會咁架~頭先佢仲同仁咁親密~

唔通.....唔通仁佢唔要我~而要成個阿媽咁既娜姐????唔得架~~我連初吻都未俾仁~~

唔可以咁樣!!!我唔要呀!!娜姐佢點可以咁對我架??我當佢係我既朋友~佢竟然........

搶走左我既小仁仁???娜姐.....我識錯左你呀~~我唔要呀!!我唔要我同仁仁變成咁呀!!』

而另一邊既翔~佢亦都開始擔心娜姐既心意~

翔心諗:『娜娜佢究竟有咩事要宣佈呀??佢平時咩都同我講架喎~

佢做咩今次咩都唔同我講~就自己決定既??死喇~~娜娜佢係咪唔再信我呀??

定係佢開始厭倦我呢個大佢幾年既阿伯呀??

反而而家鍾意一D後生既年青人??好似仁果種???頭先娜娜仲同佢咁鬼親暱~

唔通佢話要宣佈既事就係佢要同我分手~同仁佢一齊??哼~赤西仁呢個乳臭未乾既小子!!!

竟然搶走左我既娜娜!!!我一定要你好受!!!』翔暗暗握緊拳頭~

翔同鈞2個抱住擔心既心情~靜待娜姐講出佢所謂既重要事~~

娜姐:『小玲呀~~幫我上我間房拎袋野落黎~』望住小玲~~

小玲諗左一諗要拎D咩之後~就上左樓~

到小玲落番黎既時候~小玲已經拎住一大袋野落黎~~

娜姐接過之後~就好嚴肅咁講:『鈞~仁~翔~你地好好聽住~純你地都要聽住~』

娜姐一講完~就從褲袋拎出一樣野~~娜姐呢個舉動~嚇得翔同埋鈞不其然咁驚起上黎~

翔心諗:『娜娜唔會拎ONLY'Z屋企既鎖匙出黎俾仁呀??唔得呀~

能夠o係only'z屋企自出自入既男人只可以得我櫻井翔~而小娜娜既男人又係只可以得我一個~』

鈞心諗:『唔通娜姐拎隻結婚戒指出黎~話要同仁訂婚??』

但係~鈞就完完全全估錯~反而翔就估O岩一半~娜姐的而且確拎出一條鎖匙出黎~

只係娜姐既意思~同翔所諗既唔一樣~

娜姐將鎖匙遞俾仁~話:『仁~俾你架~你身為鈞既男朋友~好應該有番條架~~』

仁接過鎖匙~仔細咁望清楚~發現原來鎖匙扣上面刻住鈞同埋仁既名~

仁個名在上~而鈞個名在下~

娜姐繼續講:『你係ONLY'Z成員第二個男朋友~

而翔係第一個~翔佢有ONLY'Z既鎖匙~佢可以自出自入~

咁你都好應該享有同等既權利~所以你都好應該有一條屬於你既鎖匙呀~~

仲有~由而家開始~我新加一條規矩~就係只要係我地ONLY'Z成員既男朋友~

都會有一條鎖匙~俾佢地自出自入~

當然~~果個男仔都要經過我地一致既認同至得~~』

鈞同翔一聽完娜姐既解釋之後~都鬆左一口氣~

翔更加心直口快咁話:『小娜娜~幾驚你會唔要我呀~~』

娜姐:『下???咪住先~你頭先以為我會同你分手呀??你而家咁即係唔信我啦~~』

翔一手攬住娜姐~話:『邊係呢~我個心一直都只有你~

邊會唔信你喎~唔信既話~我拎個心出黎俾你睇又點話呢~』

當翔正想除衫既時候~純佢地乾咳左一聲~

純:『我地仲O係度架~唔該唔好做埋D小朋友唔睇得既野俾我地睇呀~』

翔:『係~唔好意思~小娜娜咁我地番屋企喇~~唔好俾佢地見到~~』

小娜:『未得住呀~我仲有野未交代好~』

此時~娜姐又從另一個褲袋拎出一條鎖匙~

同鈞講:『鈞~呢條係你架~』

鈞接過鎖匙~發現鎖匙扣上既名~同仁既唔一樣~鈞既名O係上面~仁就O係下面~

娜姐又講:『仲有~仁~呢袋野係俾你架~D毛巾~牙刷~牙膏都O係哂入面~

同埋~鈞~你間房個衣櫥唔該執好佢~~要留番個位俾仁擺野架~知唔知??』

鈞:『咁仁佢訓邊呀??我間房冇位俾佢訓架喎~~』

娜姐:『下?我諗住佢訓廁所架咋喎~~』

仁:『下!!!鈞.......你真係唔俾我同你訓架??』

娜姐細聲咁同仁講:『放心啦~鈞佢一定俾你訓既~佢只不過口硬心軟之麻~~』

仁:『嘻~咁又係~~小鈞麗佢邊捨得要我訓廁所喎~~走廊佢都唔捨得我訓啦~~』

娜姐:『咁咪係囉~我冇野再講架喇~咁我走喇~BYE~』

之後~娜姐就同翔拖住手咁走左~~

娜姐走左之後~純佢地亦都上番房~剩番今日要洗碗既阿鈞~

鈞洗緊碗時~先至醒起~今日仁攪到鈞佢俾娜姐鬧兼要執廚房~鈞立即嗌左仁入去廚房~~

仁一入到廚房~攬住鈞講:『做咩呀?小鈞麗~掛住我~要錫錫呀??』

鈞推開仁~好惡咁講:『我而家冇心情錫你呀!!你知唔知我今日好辛苦呀??完全都係因為你!!!』

仁單純咁答:『又關我事??我今日都冇煩過你~連電話都冇時間打俾你喎~』

鈞:『緊係關你事!!尋日係你整爛哂D碟架~今日仲攪到我要執手尾!!仲要我買過哂D碟呀!!

你知唔知D碟幾重呀??成6隻呀!!係六隻呀!!拎死我呀!!仲話唔關你事??』

仁心諗:『下??六隻碟咋喎~有幾重呀~十幾隻就話O者~得果六隻~』

雖然仁心咁諗~但係口就話:『對唔住呀~小鈞麗~~最多我幫你洗碗喇~~』

鈞聽到呢個滿意既答案之後~就出左去廳到睇電視~

但係當鈞睇電影睇得興起之時~就聽到廚房傳黎一D打爛野既聲~~

鈞第一時間走去廚房~

鈞:『赤西仁......』

鈞仲未講完~小玲同埋純就入埋黎~

小玲同情咁講:『鈞~唔好鬧仁喇~~

佢都已經成日俾你鬧架喇~~唔好鬧佢啦~佢都好慘呀~』

純:『鈞~仁~我已經怕左你地喇~~

唔該你2個出番去呀~我地以後都唔洗你地入黎廚房呀~~

如果你地有咩肚餓呀~口渴就叫我同小玲啦~唔好再入黎廚房就得喇~~

如果唔係~遲D我地屋企真係冇碟開飯呀!!』之後~鈞同仁就俾純推左出去廳~~

鈞:『我去沖涼喇~~』

仁孩子氣咁講:『小鈞麗~~我要同你沖!!!』

鈞諗左一諗~就話:『好呀~~你O係廳個廁所到沖~

而我就O係房既廁所到沖~同一齊沖冇乜唔同架~只係地點唔同之麻~~』

仁單純咁講:『咁又係冇分別喎~有道理~有道理~』

但當仁意識到鈞既意思~即刻話:『咁咪即係分開沖~唔得呀~我要同你沖呀!!』

鈞惡意咁睥一睥仁~仁立即驚左鈞~即刻自動收聲~就冇哂心機咁行去廁所沖涼~

而仁今晚亦都理所當然咁留O係ONLY'Z屋企訓~

==============第2天KAT-TUN休息室================

仁拎住娜姐俾佢既鎖匙O係度傻笑~~

KAME打左一下仁個頭~就話:『做咩呀你??O係度望住條鎖匙淫笑~~』

仁:『痛!!!我呢D唔係淫笑~係甜蜜既笑容呀!!你唔覺得我笑得好甜咩?』

KAME一手搶走左條鎖匙~話:『咩鎖匙咁巴閉呀??咪係得個鎖匙扣有你同鈞個名~~』

仁緊張咁拎番:『唔單只呢樣呀!!呢條鎖匙係ONLY'Z屋企既門匙黎架~』

KAME:『你點解會有架??』

仁開心咁講:『娜姐話係因為我係鈞既男朋友~所以我好應該有番條~

仲話以後每個ONLY'Z成員既男朋友都會有一條~~』

KAME哀求咁講:『仁~捱下義氣~俾左佢我~等我可以得閒見下『佢』麻~~』

一手搶走條鎖匙~

仁粗暴咁拎番鎖匙~話:『緊係唔得!!~你係都要純果條啦~~』

KAME諗左一諗~話:

『係喎~我應該要阿純果條啦~!!但係......點先可以拎到純果條呀!!』

仁:『做阿純男朋友咪有囉~~』

KAME:『係喎~但係.....我都唔知佢鍾唔鍾意我~點做喎~~』

仁一聽到呢個難題之後~就立即話:『呢D緊係你自己諗架啦~』

之後~就立即走左~留番一臉苦惱既KAME~~

||||||||||||||||||||||||||||||||||||||||||||||||||||||||||||||||||||||||||||||||||||||||||||||||

如是者~鈞同仁已經拍左幾星期拖~

呢幾星期入面~仁差唔多日日都去ONLY'Z屋企訓~

鈞同仁仲要日日鬧交先開心~其實唔係鬧交~

係打情罵俏~純佢地亦都開始習慣屋企多左個男仔~

亦都習慣鈞同埋仁每日既打情罵俏同埋糖"痴"豆行為~~

鈞同埋仁唔單只O係屋企係咁~就連O係學校都係咁~

就係因為佢2個成日O係埋一齊~就攪到純同埋KAME被迫咁一齊~

雖然KAME可以經常同純一齊好開心~但係純一同KAME一齊~發呆既毛病就出番黎~

KAME亦都唔好意思阻住佢~~佢都開始同純一齊發呆~

唔係發呆~KAME係幻想緊佢D黃色思想就真~~

-----------------某日~學校--------------------

小息時~當純佢地O係課室做緊自己野既時候~鈞同埋仁好開心咁跑左入黎~

鈞好大聲咁講:『喂喂喂~~有野睇呀~~望下我地先啦~~』

當全班既注意力O係哂鈞身上時~~鈞就望一望身邊既仁~

鈞:『我係阿鈞~~』伸左一隻手出黎做左一個勝利既手勢~

仁扮到好可愛咁講:『我係阿仁~~』亦都做左一個同鈞一樣既勢手~

2個背對背齊聲咁講:『我地係情侶版Twins~』

大家呆左一呆之後~就繼續佢地自己既野~~

小玲同KOKI佢地繼續傾計~純繼續發佢既呆~KAME繼續睇佢既雜誌~

仁不滿咁講:『喂~~俾D反應好喎~~我地諗得好辛苦架!!』

純用剩番3O%清醒既腦講:
『好無聊呀~鈞~你係咪同得仁多~個腦都開始變番小學程度呀??同仁玩埋D咁既野!!』

KAME:『仁~你下次諗番D比較好笑既~

先好同我地講啦~頭先果D??我地真係唔知俾咩反應你好~』

仁:『KAME你唔明架喇~~你冇愛情既滋潤~就唔會明白呢D係情趣呀~~』

KAME轉向發緊呆既純~一路同仁講:『我都想有人俾到呢D情趣我~』

仁明白KAME既意思~只係拍一拍KAME個膊頭~就走左去同鈞繼續打情罵俏~

///////////上緊堂時\\\\\\\\\\\\\\

KAME一直都望住由發呆變到訓著左既阿純~當KAME想伸手去摸純塊面既時候~~

突然~仁拎轉頭過黎~攪到KAME立即縮手~

仁:『呀.......我係咪阻住你呀~~』

KAME反左下白眼就話:『做咩呀?』

仁:『你有冇帶雨傘呀??』

KAME:『有呀~O係儲物櫃度~』

仁雙手合實咁同KAME講:『陣間借俾我得唔得呀??』

KAME:『好呀~~要黎做咩呀??出面都冇落雨~~』

仁O係度奸笑~就話:『你總之借俾我就得啦!!!』

>>>>>>>>>>>>放學時<<<<<<<<<<<<<

純伸一伸懶腰~話:『訓得好舒服呀~~』

鈞吐糟咁講:『你個純~淨係識得2樣野架咋~

一係訓攪~二係發呆~你個腦除左有佢地之外~就咩都冇~』

阿祐搭嘴咁講:『冇錯呀~識左純咁耐~都未聽佢講過話有鍾意既人~

我諗發呆同訓攪就係純既終生伴侶呀~哈哈~』

純開玩笑咁講:『係呀~我而家同佢地排緊期結婚呀~到時早D黎飲喎~~』

小玲留意到聽到純呢番說話而心情低落既KAME~

就話:『純~唔好玩啦~唔通你真係想冇人要呀?到時我地唔會理你架~~』

純認真咁講:『係~小玲叫唔好玩就唔玩~

但係.....小玲~如果到時我真係冇人要~你地真係唔會理我架??』

鈞話中有話咁講:『始終會有人要你既~~』之後~就同仁走左~

去到學校門口時~純諗住出門口既時候~竟然落雨~仁即時拎出問KAME借既雨傘出黎~

鈞稱讚咁講:『我既小仁仁~你O係邊度搵番黎架??跟得我多醒左喎!!』

仁:『我一向都咁醒架啦~把雨傘係kame架~』

鈞:『咁KAME用咩呀??』

仁放心咁講:『冇問題喎~KAME有佢既辦法架啦~如果真係冇~純佢地都有架啦~~』

鈞望住小玲佢地每2個人都有一把雨傘~唯獨是KAME同埋純冇~~

鈞問純:『純~你冇雨傘呀??』

純:『冇呀~跑番去咪得囉~~』

鈞:『跑番去???你傻左呀??陣間你又病架喇~~

一係你O係度等我地啦~我地番去之後~再番黎接你啦~~』

純:『冇所謂~你地鍾意啦~』

正當鈞佢地行左出去冇耐之後~KAME唔知O係邊度拎左把雨傘出黎~拉左純出去~

仁見到純同埋KAME追番上黎之後~~~

問:『KAME~你O係邊度搵把雨傘出黎架??』

KAME:『嘻~~唔知邊個架~O岩O岩見到冇人拎住~咁咪拎黎用囉~~』

小然:『你咁都得呀??』

KAME:『唔係點喎~唔通真係等你地番黎咩~~』

唔知係咪落雨既關係~佢地都行得好慢~~

行O係最後既2對男女~鈞同埋仁~純同埋KAME~

鈞同埋仁就好親密咁拖住手~反而純同KAME之間就出現左好大個空位~

雨愈落愈大~純半邊身己經開始濕哂~KAME留意到純半邊身開始濕哂~

心諗:『點解純個身咁快濕哂既~我都只係濕左小小.......

咦~唔怪之得啦~~我地隔左咁大個位~

佢唔濕就奇啦!!咁點呢??唔通要我拉佢過黎???

但係.....我驚佢會驚左我喎....佢咁驚男仔~算喇~驚左我~好過佢病呀!!』

之後~KAME鼓起勇氣~將手搭O係純膊頭上~將純拉向自己身邊~

本來專注發呆既純被KAME呢個動作嚇到咩呆都冇哂~

純:『KAME~做咩呀你?你隻手.....』

KAME隻手仍然擺O係純膊頭上~完全冇離開既意思~

KAME:『雨愈落愈大呀~你企咁開~有雨傘都等如冇雨傘啦~

我見你半個身都就黎濕哂喇~咁咪拉番你過黎囉~~』

純聽完後~又繼續陷入佢既發呆世界中~

而KAME就一臉喜悅~因為佢可以同純有咁近既距離~

/////////////////ONLY'Z屋企\\\\\\\\\\\\\\\\\\\\\\\\

純拎左條毛巾俾KAME~而仁就已經換左衫~~

KAME:『仁~你都真係當呢度係你屋企喎~~』

娜姐帶曖昧咁講:『KAME~你第時都可以咁架~~』

KAME只係一臉唔好意思~再望一望又發緊呆既阿純~

突然~純好似醒起左D野~就即刻上番房~

純落番樓時~拎住KAME上次借俾佢既頸巾俾番KAME~

純:『KAME~條頸巾俾番你呀~~我成日都唔記得拎番俾你~』

KAME:『下~唔洗俾番我啦~~你要左佢仲好啦~你好似一條頸巾都冇~~』

純將頸巾塞左俾KAME~就話:『唔洗啦~我都唔帶既~~』

就係咁~KAME就無奈咁收番~~

。。。。。。。。kame屋企。。。。。。。。。

KAME沖完涼~番到房之後~一直望住自己條頸巾~O係度發呆~

KAME攬住條頸巾O係度狂聞話:

『呀!!!有純佢既味道架!!好香呀~~條頸巾已經咁香~咁純佢咪.........』

KAME同頸巾講:『頸巾呀~頸巾~你就好啦~可以留O係純度咁耐~

如果我係你就好啦~咁我就可以日日同純一齊~

但係.......如果我係你既話~咁我咪唔可以同純佢有進一步既關係???

只可以望住佢俾其他人.........唔得架!!!我唔想做你喇~~

我唔想見到純佢俾人.......唔好諗喇~~愈諗愈惱呀!!

純只會係我架咋!!!!!冇錯~只會係我架咋!!』

kame越諗越幻想~睇黎佢鍾意純既程度已經到左瘋癲~可以同條頸巾傾計~

+++++++++++++++++++++++++++++++++++++++++++++++++++++++++++++++++++++

作者廢話:

chong:冇野好講~~但係要唔該oniy'z ky2個動作~

屎:呢篇好似作得好亂黎咁既感覺~真係唔好意思呀!!

chong:你都知呢??

2oo3年8月5日