唯一的邂逅

<<唯一的邂逅>>第13回

‥‥‥‥‥2月12號傍晚‥‥‥‥‥‥『』

only'z屋企門口~仁拉住阿鈞隻手~好唔捨得咁講:

『小鈞麗~我要走喇~我阿爸威脅我話~如果再唔番屋企既話~就冇飯食呀~』

鈞:『唔食飯咪食麵囉~』

仁頂阿鈞唔順咁講:『唔係食飯同食麵既問題呀!!

而係我阿爸阿媽話我成日唔番屋企驚我會俾人佔便宜呀!!所以用飯黎威脅我囉~』

鈞:『咁即係話我有佔你便宜啦??』

仁搖住雙手口吃咁講:

『唔係呀~~係.....係......(諗左好耐)係因為驚我識到D壞朋友~驚我會闖禍呀!!』

鈞:『哦~~咁好啦~~~BYEBYE~~』

當鈞想走既時候~仁拉住阿鈞~指住自己塊面~用D好可愛既聲音講:『喂~喂~~』

鈞:『喂喂聲咁叫我~而家我冇名咩????』

仁唱出黎咁講:『小鈞麗呀~小鈞麗~我既~我既小鈞麗啊~~我要錫錫~啜啜~錫錫~啜啜..........』

鈞:『你好煩呀~~』之後就錫左仁塊面一淡就急急腳番返入屋~

．．．．．．．鈞房．．．．．．．．

鈞望住久違左既書'木台'(因為鈞自從上次考完試之後就冇溫過書~又點會去書'木台'呢?)

睇一睇日曆~見到係一月份,就諗:『下~而家仲係一月架~咁慢既~』

鈞覺得奇怪,就走去問純:『純!!今日幾多號呀??』

純:『12囉~』

鈞驚訝咁講:『下~仲係1月12號呀??日子真難過呀~~唉~~~』

純話:『死蠢~係2月呀~~』

鈞一聽完就行番房把日曆換成2月~鈞一見到2月O個頁,就張開左口~大聲咁嗌左出黎~

小玲第一個入黎問:『做咩呀~~』

鈞指住日曆講:『仲有2日係情人節呀~~』

祐望一望就話:『好嘔心呀~~上面寫住『情人節!愛你呀~小仁仁~』嘩!簡直嘔死~』

鈞冇理祐就走去廳搵娜姐:『救我呀~娜姐~我今次死喇~得番2日我點整朱古力俾仁仁呀??』

娜姐好冷漠咁講:『咁咪唔好整囉~去買囉~』

鈞好激動咁講:『點可以咁架??做女仔既當然要親手整俾自己鍾意既人啦~更何況~

呢個係我地第一個既情人節呀!!』

祐細細聲講:『嘩!!鈞做咩野事呀?幾時咁重視仁架??而家終於似番個女仔喇~』

鈞聽到祐講但係廢事理佢,因為而家朱古力大過天,所以就拉住娜姐出街買整朱古力既材料~

鈞同娜姐買完材料番黎之後~就開始整朱古力~但係鈞既資質實在太差喇!!

娜姐教極佢都唔識~到最後~連小玲佢地都要幫阿鈞手~

等佢地可以早D同阿鈞整完試完味後可以去訓攪~

=============凌晨5時=============

阿鈞望住自己既作品-------『J』型朱古力~

話:『終於都攪掂喇~我既小仁仁~你等我啦~~哈哈~』

阿祐:『鈞呀~仲有好多朱古力淨喎~咁點呀??』

鈞視線一直停留O係『J』型朱古力上~話:

『我唔要架喇~有呢個已經夠架喇~果D你地分左佢啦~』

小然一聽到~就二話不說咁開始分朱古力~

分完之後~就同一邊食緊鈞整既朱古力一邊睇電視既純~

講:『純~唔好再食喇~如果你再食~你送俾人既情人節朱古力就冇架喇~』

純拎住已經係最後一塊既朱古力講:『下??乜冇哂架喇咩?頭先仲有好多架!!』

阿祐傻笑咁講:『係呀~~但係分哂喇~~』

純:『乜你地咁架!!咁我點呀??得番一塊咋喎~』

小然一路走番上房一路講:『哈~純~呢D野你自己諗掂喇~』

純望住朱古力講:

『得一塊~送得俾邊個??但係不過........冇所謂啦~14號見到邊個就送俾邊個算喇~』

︵︵︵︵︵13號2年B班課室︵︵︵︵︵

岡田點完名之後~講:『冇左鈞幾個O係度~課室又冇咁嘈~連空氣都清新D呀~』

同學A問:『點解佢地今次咁齊人一齊唔番學既??』

岡田:『唔好提喇~頭先我打過去佢地屋企呀~~佢地個大家姐(娜姐霧認)就係咁O係度鬧我呀~~

仲話我擾人清夢喎!!真係激死我呀!!』

此時~坐O係後面既KAME打一打仁個膊頭~問:『鈞佢地做咩事呀??玩集體逃學呀??』

仁搖頭:『我都唔知咩事呀~尋日送小鈞麗番屋企果時都冇事架~』

KAME:『你點做人男朋友架!!咩都唔知!!放左學之後~我同你一齊去搵阿鈞啦~』

仁:『哼!!!你都想睇下阿純發生咩事之麻~~』

KAME:『你理得我!!』

||||||||||||||4點半~ONLY'Z屋企門口|||||||||||||||

KAME望住按門鐘按到開始發癲既仁講:『仁~冷靜D啦~個門鐘都就黎俾你整爛喇~』

仁冇理到KAME~一直係咁O係度按門鍾~但係仁見按門鐘不遂~就決定嗌!!!

仁大嗌咁講:『小鈞麗~~快D開門呀~我知你O係入面架!!』

仁一講完~門迅速開左~仲差D撞到仁~仁以為果個係鈞~點不知原來係娜姐~

娜姐一開門就破口大罵:『嘈嘈嘈!!!嘈完未呀??頭先就按門鍾~而家就大叫!!

你父母有冇教過你地唔可以擾人清夢架??

你地咁得閒O係度按門鍾又大叫~不如番屋企訓攪仲好啦!!

唔好O係度嘈住人!!仲有呀~仁~我俾左鎖匙你架!!你用佢黎開門咪得囉!!

做咩又要O係度按門鐘呀!!!好鬼嘈呀!!又唔知你把聲超尖喎!!』

KAME幫已經俾娜姐鬧到呆左既仁講:『有用過呀~但係度門O係入面反鎖左~開唔到~』

娜姐突然之間醒起度門係佢自己鎖~就話:

『係喎~咁冇野啦麻??冇野既話就唔好阻住我地訓攪!!』

正當娜姐想關門既時候仁講:『冇野喇~~俾我入去啦~~』

娜姐推開想入屋既仁講:『仁~你睇唔睇到門上面寫左D乜??』指一指貼O係門上面既紙~

紙上面寫住『ONLY'Z重地!!!閒『仁』免進!!』

仁:『冇錯呀~我都唔係閒『人』~我係阿鈞既男朋友呀~~』

KAME:『仁~你望清楚個『仁』字~係你個仁呀~唔係『人』呀!!即係話緊你唔可以入呀~~』

娜姐:『都係KAME醒!!冇野啦麻??咁BYEBYE喇!!』

當娜姐想關門之時~KAME又再一次阻止~話:『仁佢唔入得O者~咁我入得喇掛~』

娜姐又推開KAME~話:『KAME~你眼大睇過頭呀??呢度寫住『動物都一律不準進入!!』架!!』

指住O係『閒『仁』免進』下面一行好細既字講~

仁幸災樂禍咁講:

『哈~KAME你都同我一樣命運呀~我冇得入~你都冇得入呀!因為你係龜!哈哈~』

娜姐:『總之你2個今日就冇得入屋啦!!』留低左呢句俾仁佢地之後~娜姐就立即走番入屋~

當娜姐走左之後~門外一片寂靜~但係過左冇幾耐~仁佢地就聽到由ONLY'Z~

利用鼻'寒'聲~演奏出一篇篇抑揚有序既交響樂出黎~

仁:『呀~我聽到小鈞麗既聲呀!!!』

KAME:『佢地真係好眼訓咁喎~~咁大聲既!!』

之後~仁佢地亦都開始研究起鼻'寒'聲上黎~

>>>>>>>>>>晚上7時<<<<<<<<<<<<<

仁佢地一直都坐O係門外~等人開門俾佢地~

此時~突然有把聲講:『喂喂喂~坐O係門度果2個赤咩咩同龜咩咩~O係度做咩呀??』

KAME:『咦~係翔呀??娜姐佢唔俾我地入去呀~咁我地咪O係度等囉~』

仁:『翔~快D開門啦~如果係你俾我地入去既話~娜姐一定唔會趕番我地出黎架!!』

此時~翔既電話響起~

翔:『喂~娜娜??我O係門口呀...............下............哦...........我知點做架喇~~BYE~』

講完電話之後~翔開始O係度奸笑講:

『我唔可以俾你地入去呀~頭先娜娜話一定唔可以俾你地入去!!』

仁:『下???????點解呀??』

翔:『總之你地今日就唔可以入去啦~聽日你地就知咩事架啦~』

KAME:『下??咁不如你而家講佢地究竟做咩事仲好啦~~』

翔:『我真係幫唔到你地呀~但係~我可以同仁你講~前年既今日~娜娜都係咁對我呀~

但係聽日你就會好開心架!!信我啦!!』

仁始終都係唔明白~問:『咁即係咩呀??』

翔:『總之你地而家番屋企啦~聽日就知咩事架啦!!睇黎~娜娜佢地今晚都唔會開門俾你架喇!!』

講完之後~翔就入左屋~但係仁佢地仍然坐o係門外等~

>>>>>>>>>>>屋入面<<<<<<<<<<<<<

娜姐:『翔~拎D飯出去俾佢地食~』

之後~翔就行左去開門~

翔冷淡咁同仁佢地講:『飯呀~你地食完好走喇~我都話佢地唔會開門俾你地架啦!!』

仁:『好野!!有飯食喇!!好鬼肚餓呀!!』

接過飯之後~仁佢地係咁食~經過門口既人都投以奇怪既眼神~

但係仁佢地一於少理~因為實在太肚餓喇!!

食飽左之後~仁大聲咁講:『好口渴呀!!小鈞麗~』

仁一講完~O係屋入面食緊飯既鈞彈左起身~

話:『係仁把聲呀!!佢口渴呀~我去拎水俾佢飲!』

娜姐:『鈞~坐番低~翔你去拎水俾出面果2個麻煩人!!』

翔唯命是從咁講:『係!!』之後就拎左一隻好細既茶杯去倒水俾佢地飲!!

翔再一次打開門~遞左杯水俾仁~講:『你2個快D走啦!!攪到我要一出一入咁!!好煩呀!!

我拎埋呢次野俾你地就唔會再拎!!唔好再嘈喇!!』

之後~門再一次關上~仁拎住水問:『KAME~你飲先定我飲先??』

KAME搶去茶杯~講:『緊係我飲先啦!!』

仁反駁咁講:『唔得呀!!我飲先呀!!』講完~就想從KAME手中拎番茶杯~

KAME護住茶杯咁講:『唔得呀!!』雖然KAME話唔得~但係仁一於少理~繼續搶~

就O係混亂之間~個茶杯跌左落地~

入面既水亦都隨之而濺開~咁樣一來~KAME同仁2個都冇得飲~

KAME埋怨:『一日最衰都係你啦!!搶咩喎~唔搶咪有水飲囉!!』

仁:『又關我事!唔好話你拎得唔好!!』

突然~KAME企起身~講:『我唔同你拗呀!番屋企仲好過!!要等你自己等啦!!』

仁亦都企埋起身~講:『好呀~我又去你屋企~』

KAME:『你番你自己屋企啦!!唔好去我度!!』

仁哀求咁講:『我既小龜龜呀!!尋晚我同我阿媽鬧交黎呀~佢話呢個星期都唔好番去訓呀!!

所以我而家無家可歸呀!!』

KAME:『咁關我咩事呀??你咪O係度慢慢等到鈞佢開門俾你囉!!』

仁好嗲咁講:『咦!!!!小龜龜你好衰架!!唔好咁對我啦!!一於咁話啦!!而家就去你屋企!!』

就係咁~KAME就O係半推半就既情況下~帶左仁番屋企~

--------------KAME屋企--------------

KAME一路除鞋一路講:『我番黎喇~~』

KAME媽:『和也~乜咁夜既??』

仁一見到KAME媽~就搭嘴咁講:『伯母~你好呀~我又黎打擾你地喇~』

KAME媽見到仁就露出和藹可親既笑容~講:

『邊係呢~有個咁可愛既客人O係度又有咩所謂喎~』

KAME指住從鞋櫃拎緊拖鞋既仁講:『佢邊度可愛??佢傻之麻!!媽~你唔好俾佢個樣呃到呀!!』

KAME媽:『和也~乜你咁話仁架!!佢傻得幾可愛呀!同埋仁度度都可愛過你!!咁得唔得??』

KAME無言己對~因為仁佢既性格係好受師奶歡迎~

仁:『伯母~咁我去沖涼先喇~得唔得呀??』

KAME媽:『緊係冇問題啦!!』

║║║║║║║║║║║║║║║║║║║║║║║║║║║║║║║║║║║║║║║║║║

KAME沖完涼~入番房之後~同望住手機既仁講:『仲望!!冇電喇!!差電啦!!』

仁醒覺咁講:『係喎~冇電喎~去差電先~』仁開始找差電器~

KAME:『我唔係叫你O係度差呀!!係叫你番屋企差呀!!』

仁聽到呢句間接趕佢番屋企既說話之後~就打消左差電既念頭~

講:『唔差咪唔差囉~我熄機!!』

KAME:『熄機??你唔驚你個小鈞麗搵唔到你咩??』

仁:『佢應該唔會搵架喇~聽日先問番佢清楚~~好~訓攪~』

KAME聽到仁話要訓攪~就一鼓氣咁大字形訓左落床到~當仁想訓落去既時候~

KAME用盡佢吃奶既力推左仁落地~

KAME:『你唔好訓上黎呀!!要訓就訓地下!!』

但係~仁冇出聲~只係好快咁攝位攝左上床~KAME就立即用屁股借力推左仁落番床~

仁摸住屁股講:『痛呀!!豈有此理!!』

仁講完~就開始同KAME一輪激戰!!到最終~就緊係大KAME成個碼既仁贏啦!!

KAME訓左O係床上度問:『仁~你究竟係幾時同鈞表白架??』

仁:『好似係1月1日~等我諗下先~

小鈞麗好似O係1月1日同我講『啊』同埋『嗯』架~係呀~應該係1月1日呀!!』

KAME:『點解你會揀呢個日子同鈞表白既??』

仁妄想咁講:『哈哈~O個日差唔多全個日本都會慶祝新一年既黎臨~

咁樣就好似全個日本既人都係慶祝緊我同鈞麗既一齊~』

KAME:『係喎~聽日係情人節~如果我同佢聽日O係埋一齊既話~

咁咪好似每對情侶都係為左我地而O係埋一齊??』

仁不解咁問:『下??聽日??邊個呀??你唔要阿純喇??哦~我知喇~係咪隔離班果個明戀你既人呀??』

KAME:『哇!!果O個個XYZ你都講得出口既??我緊係要阿純啦!!你話我聽日同阿純表白好冇??』

仁聽到自己冇興趣既話題~就開始去搵周公傾計~但係口就同KAME講:『好~你鍾意啦!!』

KAME滿心歡喜咁講:『你話我洗唔洗拎D咩呀??我表白果時應該同純講D咩呀?』

仁就黎陷入睡眠狀態咁講:『唔知........』此時~仁已經訓著左~

KAME聽到仁唔多想理佢咁~就望一望仁~

KAME只見仁已經訓著左~就起左身~行去'木台'到~拎左一張12R既相出黎~

之後~就跨坐O係仁既上面~講:『仁~唔好訓喇!!鈞佢黎左呀!!』

仁一聽到立即醒左~見到面前既係一張鈞國中時偷拍既相~

但係仁以為鈞真係黎左~仲一手將KAME連人帶相攬住~

講:『小鈞麗!!我愛死你呀!!做咩今日唔俾我入屋喎!!』

KAME掙扎咁講:『放手!仁~放手!!我係KAME呀~唔係你個小鈞麗呀!!』

仁認清果個真係KAME後~講:『你做咩有鈞麗D相架!!唔通你....』

KAME:『你唔好亂諗野~我係同隔離班果個專偷影ONLY'Z相既人買架!!

佢仲話呢張係絕板架喇喎!!好難先搵到~』

仁:『哦~俾左我啦!!小鈞麗國中時架~~超可愛!!』

KAME獅子開大口咁講:『1萬YAN!!』

仁不加思索咁講:『照要!!』

但係~KAME又心諗:

『如果我賣左俾你~你就會繼續訓架喇~唔得!!我要好好利用呢張相至得!!』

KAME:『唔洗你俾錢都得~只要你O係度幫我手諗下點樣同純表白就得!!』

仁聽到呢個咁著數既條件就緊係點哂頭啦!!之後~佢地就開始傾起上黎~

但係全程諗既只有KAME~

仁只係坐O係一邊點頭表示贊成就咩都冇做到!!

當KAME諗好哂之後~房門突然打開~原來果個係KAME二哥~

KAME二哥:『仁~你黎左呀??咁O岩喇~你2個跟我黎~我有好野益你地~』

///////////二哥房\\\\\\\\\\

KAME二哥一路派緊一個個好細包既不知名物體一路講:

『呢D益你地既~因為我近排去左做避免套推銷員呀~

所以呢D我就送俾你地架!!更何況~仁你好似識左個女朋友呀呵??咁就O岩你啦~~』

仁:『下!!避孕套黎架??唔洗喇~

上次我女朋友發現左個KAME俾我既避孕套就係咁O係度搓我下面呀!!』

KAME二哥不相信咁問:『搓你下面??你女朋友都好大膽O者~』

仁:『我仲唔小心當左個避孕套係香口膠咁食呀~』

KAME二哥用奇怪既眼神望住仁~話:『你冇事呀麻??咁都得既~雖然個樣真係似香口膠O者~

你唔洗真係走去食呀麻?』

KAME:『仁有問題就係人都知架啦~

但係~二哥呀~呢D試用裝黎架??好唔好用架!!都唔知安唔安全既!!』

KAM二哥:『冇問題~貼服程度99.999....%~絕對唔會流呀!!我用過試用裝架喇~~一定冇問題!!』

KAME安心咁點頭~KAME二哥繼續講:『總之~拎多幾個去啦!番到學校同你地D同學介紹下啦!!』

仁:『下??你想我地俾人發現之後~俾人鬧呀??我唔單只會比老師鬧呀!!就連我女朋友都鬧呀!!』

KAME二哥睇唔起仁咁講:

『仁~我睇錯你呀~你點會俾你女朋友食住架!!做男人既~要大過個女人既!!』

KAME:『二哥~你唔明架喇!!仁女朋友唔係普通人黎~我都驚左佢呀!!』

之後~仁同KAME二哥傾左冇幾耐之後~就番左去KAME房到訓攪~KAME二哥仲等仁唔為意時~

拎左好多個避孕套擺左落仁個書包度~

╭╭╭╭╭╭╭ONLY'Z屋企╮╮╮╮╮╮╮

一早~仁就拉左KAME起身去ONLY'Z屋企等鈞佢地~

仁推KAME去門口~講:『KAME~按門鐘啦!!快!!』

KAME:『做咩一定要我呀!!你唔得既!!係你逼我黎架喎!!』

仁:『唔該你啦!!』

當KAME想按既時候~門突然打開左~KAME當堂嚇左一下~

純:『咦~KAME??早晨呀~呀~係~情人節快樂~』遞左個盒仔俾KAME~

KAME都未意識到咩意思~亦都未黎得切接過個盒~

入面既小然就O係度講:『咦!!!純你好衰架!!你送左俾KAME先~咁我就唔送得喇~』

純:『你可以送架~做咩唔送得喎!!』

阿祐:『因為我地O係度比緊賽呀麻!!送既朱古力對象~一定要係今日第一份收到既禮物~

送得最多果個先贏呀!!』

仁:『咁我咪冇囉??』

鈞突然講:『你咪洗旨意食其他女仔整既朱古力呀!!』

仁一見到鈞就係咁追住鈞拎朱古力~就連尋日既事都唔記得左問~

恢復意識既KAME接過純既朱古力~受寵若驚咁講:『多謝你呀~純~估唔到你會送俾我~』

KAME收到呢份禮物~仲更加加強左今日要同純表白既決心~

番到學校之後~仁同KAME佢地都俾好多女仔送朱古力~

但係~仁因為鈞既關係~收左番黎都唔要得!!

仁對住垃圾桶入面既朱古力自言自語咁講:

『唉~對唔住呀~我都想要你地架~但係鈞麗佢..........唉!!』

KAME閃左出黎講:『仁~做咩事呀你??』講完之後~就將手上既朱古力扔哂落垃圾桶~

仁好奇咁問:『KAME~你又做咩事唔要呀??我就話鈞麗要求O者~』

KAME:『因為我收到純既朱古力~所以我係唔會要其他果D架!!』

仁細細聲咁問KAME:『哦~係喎~尋晚D...........攪成點??冇問題??』

KAME:『冇問題~希望掂啦!!』

仁拍一拍KAME膊頭之後~就走左去搵阿鈞~繼續問佢拎朱古力~

之後~無論係上堂~小息~只要仁一有時間就係咁問鈞拎朱古力~

但係鈞既答案只有一個------『冇呀!!』但係~仁亦都冇放棄到~繼續問~

終於~O係Lunch Time時~連純都忍唔住咁同仁講:

『仁~你唔好再問得唔得呀??冇就冇架啦!!問黎都冇用!』

仁孩子氣咁講:『咩喎......連純都蝦我既!!』

純:『我幾時有...........』此時~O岩O岩番黎既KAME O係純耳邊講野~

KAME:『純~我頭先O係電腦室果時~搵到一個好好玩既GAME呀!黎~我而家同你去玩~』

拉起純~

純:『下?而家??陣間上堂架喇喎~』

KAME:『好快架咋~』講完後~就二話不說咁拖左純去電腦室~

════════電腦室═════════

純坐O係電腦面前問:『KAME~又話有GAME玩既??』

KAME神秘咁講:『玩之前~我想你望一望出面~』指住投射螢幕~

純順住KAME指既方向望去~

投射螢幕上寫住:『純,我鍾意你~請同我交往!!』

純一時間唔知俾咩反應好~只係沉默~KAME見純唔出聲~心開始害怕起黎~

KAME語帶不安咁講:『純~我真係鍾意你架!!請同我交往!!我求你~你唔好唔出聲啦!

你講咩都好『哦』『嗯』~搖頭乜都得!!只要你回答我就好喇!!我唔似仁咁蠢唔明你既答覆架!

你應下我啦!!拒絕我都可以架!!』

純聽完之後~個心好亂~其實佢連自己對KAME既感情係咩都唔知!鍾意同唔鍾意佢一D都唔清楚!!

但係~純呢一刻諗到既~就係一走了之!!

KAME見純跑走左~跌坐O係凳上~後悔咁講:

『龜梨和也!!你好失敗呀!表咩白~而家攪到連純都討厭你呀!!

以前~你O係純心目中就連隻龜都不如!!而家??可能連隻看門狗都不如呀!!你話你以後點面對純??

一早就唔應該表白!!仲以為一定掂!!唔好咁自以為是啦!龜梨和也!!!可能由始至終~

純都冇鍾意過自己~只當我係一個普通不過既朋友!!我仲可以點??你好失敗呀!!』

純跑番入課室之後~就坐O係凳上~陷入沉思之中~

留意到純唔妥既鈞~同小玲講:『純佢做咩呀??有D唔妥咁既!!』

小玲:『好似真係有D野咁~』

之後~小玲嘗試去問純~但係純咩都冇講過~之後鈞佢地亦都冇追問落去~

而KAME就遲到左上堂~番埋位既時候~純下意識不自覺咁移開左張'木台'~

KAME坐番埋位冇幾耐之後~純電話O係度震~原來純收到由KAME發出既短訊~

『純,頭先既野當我冇講過啦~我唔想令你煩厭我!我地......仲係唔係朋友?? KAME』

隨即~KAME個手機亦都震~係純既回覆~

『講過既野又點可以當冇聽到架呢??總之~你俾D時間我去諗清楚啦~到時我一定會答覆你.... 純』

睇完之後~KAME望一望純~講:『我會等你有答覆為止!!』

純聽到KAME講野~只係微微點頭~之後~純同KAME就一直冇講過野~

放學果時~小玲佢地全陪有哂節目~就連煩惱緊既純都俾小玲拉走埋~

最後~剩番仁同埋鈞一齊番屋企~

╰╰╰╰╰╰╰回家途中╰╰╰╰╰╰╰

仁一隻手拖住鈞~一隻手伸入褲袋中~突然~佢發現袋入面有個盒仔~

仁心諗:『咩黎架??又係避孕套呀??唔係呀麻??』

仁將盒反轉~低面寫住『2年A班森澤同學~』

仁知道原來係隔離班同學所送既朱古力之後~不其然咁嗌左出聲~

鈞:『做咩事呀?小仁仁~』

仁襯鈞唔為意時~將盒擺番落袋~輕微口吃咁講:『冇.........冇事呀~~』

之後~一路上仁都冇出聲~因為心入面一直盤算住點樣DUM左個盒而鈞又唔會發現~

仁本來諗住番到屋企DUM左佢~

但係一番到屋企~鈞冇俾機會仁入廳~只係一鼓作氣推左仁上房~

再氣沖沖咁跑番落廚房~

===========鈞房==========

當鈞走左落去既時候~仁即刻周圍搵垃圾桶~但係仁未搵到~鈞就已經上番房~

鈞遞左個盒俾仁~講:『拿~送俾你架~情人節快樂~』

仁開心咁講:『都話小鈞麗一定會送朱古力俾我架啦!!(打開個盒)哇~『J』型呀!!』

鈞:『食就食啦~咁多野講!!』

仁食左一啖之後~掩住嘴講:『好......好好味呀!!我從來未食過咁好味既朱古力架!!』

鈞少有地怕羞唔出聲~仁突然間腦海入面浮出一個壞主意~

仁拎出袋入面果個盒朱古力出黎講:『其實我都有樣野送俾你呀~小鈞麗~』

鈞:『真??』之後~想由仁手中拎走個盒~

仁好奸咁講:『唔得~你想要我都有條件~就係你合埋眼~我就俾你~』

鈞:『乜咁麻煩架!!如果我唔鍾意呢份禮物既話你就死!』但係~鈞亦都好順從咁合埋雙眼~

當鈞合埋眼時~腦中一直思考住仁究竟會送D咩俾佢~

但係未得出結論時~鈞既思緒被唇上既柔軟而阻撓著~

隨之而來~鈞只感受到口腔內充滿住濃烈既朱古力味~鈞開始意識到呢個係仁既唇,仁既吻,

手亦都開始慢慢爬上仁既頸部~開始用自己青澀既技巧去回應著仁~

鈞就像好奇的孩子那樣~貪婪地探索在仁口中殘餘既朱古力~

呢個吻~好長~好長~2片唇依依不捨地離開~

鈞:『哦~你佔我便宜!!!』

仁一路回味一路講:『咁你受唔受先??唔知頭先邊個條俐伸左過黎我個口度架呢???』

鈞紅著臉:『有鬼!!你唔好亂講~』

仁:『我呢份情人節禮物係咪好好呢??有朱古力味~又有口水送~正呀呢??』

鈞:『一D都唔好呀~你D口水臭架!!!』

仁一路吹D氣出黎~一路講:『係咩??冇可能架!!頭先都冇食過野~只係食左你D朱古力O者~

一係你D朱古力有問題~』

鈞怒睥住仁~講:『你講多次!!我D朱古力係咪有問題呀??』

仁成隻死狗咁講:

『唔係~係我有問題~~我有問題~你D朱古力一D都冇問題~我而家即刻去刷牙!!』

仁去左廁所刷牙時~鈞就O係度搵仁個書包~睇下有冇其他女仔送既朱古力~

但係~搵到既~只有一個個既避孕套~

但係~今次阿鈞竟然出奇地冇惱~反而笑住口咁拎左幾個避孕套入廁所~~

突然~仁O係廁所到大嗌:『好痛呀!!!』

原來阿鈞將仁吊左起黎~就好似耶穌被釘上十字架時咁既姿勢~之後~

鈞就將一個個入滿水既避孕套丟去仁個身到~~

仁大叫:『好痛呀!!小鈞麗~~』

鈞行過去仁個身到~望一望頭先DUM到既位置~見到仁身上微紅左一小處~心不禁痛起上黎~

最衰都係自己貪玩,但係口就講:『車~咁易就紅架~都唔好玩既~身嬌肉貴!!我唔同你玩喇~

廢事我俾人鬧~』之後~將仁鬆綁~

仁:『其實係小鈞麗唔捨得之麻~唔好咁口硬啦~~』

鈞:『咁你係咪再想試下??』

仁:『唔敢~唔敢~』

鈞滿意咁點一點頭~
======================================================================

作者廢話:

屎:哈~呢篇又係我作架~又係呀CHONG作到一半扔番俾我作架~真係無奈~~

呢次都係作得好亂黎呀~~真係唔好意思>.<

CHONG:哈哈~家下KAME個屁股一定夠JINJIN撞呀??大左成3倍~~

2OO3年8月12號~