<<唯一的邂逅>>第14回『』

　



自從KAME同純表白左之後~KAME一直都冇同過純講野~

唔係為左逃避純~而係唔希望純會討厭佢~

亦都想純會認真咁諗清楚佢自己既答案~

但係~2月14號之後~純經常無緣無故咁大發脾氣~

一日之內~可以發成幾次脾氣都得~就好似今日咁~純去廁所時~

發現馬桶隔離有D類似係尿既水漬(其實係芒果汁)~純立即衝左出廳~

純質問仁:『頭先係咪你去廁所時整濕左個廁所架??』

仁:『係~頭先我係有去廁所....』仁未講完~

純就已經搶住下一句黎講:

『仁~你有冇攪錯呀!!去廁所都可以整濕既??你究竟點去架???跳住舞黎去架??』

仁無辜咁講:『純!我都未講完~我都唔會去果個廁所既~

我不惱都係去鈞房既廁所既~仲有呀~鈞一定要我坐住痾架~所以係唔會整濕架!!』

純知係自己攪錯左~但係一D悔意都冇~反而將矛頭指向屋企另一個男人身上---------翔

純好惡咁講:『櫻井翔!!咁整濕果個一定係你啦!!你都咁大個人架啦~仲會整濕~

真係枉你係一個出名既補習老師呀!!一D榜樣都冇既!!遲D就連仁都可能學埋你TIM呀!!

你反省下啦!!都唔知你點去廁所架!!你果度唔係有問題呀麻??咁都射唔中!!

去睇下醫生啦!!至憎D男人整到地下濕哂架喇!!』

翔一聽到純咁既無理取鬧~本來想反駁~但係佢念在純可能『M』到~所以都強忍落黎~

講:『純!!係我唔著~真係唔好意思呀!!我而家去整番乾淨!!!』

純只係點一點頭~此時~娜姐一臉擔心咁望住純~



////////食飯時\\\\\\\\\\

小然:『哇~好香呀~娜姐~整野食果然有一手呀!!如果冇左娜姐O係度~我都唔知點生存呀!!』

阿祐:『冇錯呀!!我都係咁話!!邊個做著娜姐老公就真係三生有幸呀!!』

仁暗暗贊同小然佢地講既說話~張大口~準備將一口飯送入口時~突然~純O係度拍'木台'

講:『唔好嘈啦!!食不言寢不語呀!!因住噎親呀!!』

仁比純嚇到筷子上既飯都跌左落'木台'~仁亦都嚇呆左~

眼明手快既鈞~貪玩咁將'木台'上既飯拎起~

塞入仁張大左既口入面~仁亦都好自然咁開始吞嚥~

小玲問仁:『好唔好味呀??仁~』

仁天真咁答:『好味呀~娜姐煮既野一定好味呀~~』

小玲擔心咁講:『但係~D飯跌左落'木台'黎架喎~~』

仁:『下???』立即搵地方嘔番出黎~

但係鈞就話:『係跌過落'木台'~~但係我餵你架喎!!你係咪好想嘔呀??』

仁:『唔係~好好味呀~冇問題~我冇諗過想嘔架~

真架~好好味~(張大口)小鈞麗~我要MUM MUM!!呀.....』

當鈞想餵既時候~純好大力咁將對筷子擺低~咁樣一做~全部人既注意力都中O係純身上~

純:『我食飽喇~慢慢食啦!!』開始走番上房~

小然不滿咁講:『咩喎~突然O係度發脾氣架!!』

娜姐:『小然~唔好咁啦~』

小然:『係~』



========第二日ONLY'Z屋企===========

今日係假期~純訓到黃朝白晏先起身~梳洗完之後~純就落左廚房去搵野食~

但係~未去到廚房~一入到去廳就聞到好大既甜味~因為鈞同埋仁又O係度打情罵俏~

仁:『小鈞麗~我要啜啜~~黎~』

鈞推開仁~講:『行開啦~仲咩要啜你呀??你係我乜水??』

仁:『我係你男朋友呀~我愛你架~乜你唔知架咩??』

鈞:『邊個係我男朋友??我見唔到喎~』

純頂受唔住佢地咁肉麻既對話~立即走左入廚房~但係~

廚房入面原來又有一對礙眼既情侶O係度-----娜姐同埋翔

純打開雪櫃~拎出飲品出黎~再望一望隔離就黎啜既情侶~

娜姐意識到純望住佢地~就話:『唔好咁啦~純O係度呀~~』

翔:『做咩O者~我咁愛你~咁鍾意你~有咩所謂O者~』

純聽到『鍾意你』呢3個字~突然~

令佢諗番起KAME對佢講過既說話~心不其然唔舒服起上黎~

立即走番出廳~大聲咁鬧佢地4人~

純:『你地究竟煩唔煩架!!由朝到黑都係講『我愛你』,『我鍾意你』~唔可以講少句架~

你地知唔知我每日聽你地講呢D咁既野我真係好想死呀??成日O係度講~我唔該你地呀!!

要講都番去你地間房講啦!!咁肉麻既野唔好俾我聽到啦!!成日係咁聽到呢D野!!

簡直就係一種折磨!!再係咁落去既話~我真係遲D變痴線喇!!』

鈞聽到純呢D咁既無理取鬧~再頂唔順下去~開始反駁純,講:

『純~你好喇喎~你唔好再咁無理取鬧好冇???

我地呢幾日係咁俾你黎出氣!!究竟你發生咩事呀??我地係你既朋友黎架!!

唔係你既出氣公仔!!你唔好攪錯!!我地呢幾日係咁忍你~你知唔知呀??

諗住你遲D會冇事架啦!!點不知你而家仲變本加厲!!愈黎愈無理取鬧!!唔單只鬧我~

仲鬧埋仁佢~我地究竟邊度得罪左你呀??要俾你拎黎出氣呀??你有冇諗過我地既感受??

你估俾人鬧好好受架咩??你試下俾我鬧下!!唔該你!!反省一下你自己!!

唔好咁自我中心啦!!我真係頂你唔順呀!!』

翔同仁見到鈞同埋純第一次嗌交~竟然嗌得咁激烈~

佢地無一唔驚訝~此時~娜姐亦都開始勸阻~

娜姐:『你兩個唔好嘈喇~~傷感情呀!!大家心平氣和講清楚咪得囉~~』

但係~純而家俾鈞鬧到怒火中燒~娜姐講既說話一D都聽唔入耳~

純:『好~既然你咁睇我唔順眼既~咁我咪走囉~

唔洗俾你見到我!!而你亦都唔洗受我氣呀!!你滿意未??』

之後~純衝左出屋企~屋內既4人都俾純突如其來既離家出走嚇呆~

當意識回來既時候~純已經走左~

而鈞亦都開始後悔頭先咁惡鬧純~開始喊起上黎~埋怨係自己令到純走左~

仁攬住鈞~安慰咁講:『唔好咁啦~其實都唔係你錯~

你頭先又惱~純又惱~講既野就緊係會過份啦~所以根本唔係你一個人既錯!!』

娜姐:『冇錯~仁講得O岩~鈞!!都唔關你事既~純識諗架喇~遲D啖氣落左~佢就會番黎啦~』

鈞在仁懷內喊住講:

『呢D唔係我既錯咁係邊個既錯??頭先的而且確係我鬧完純~佢先走架!!

可以話唔係我既錯咩??一日我就唔應該鬧純~如果我肯忍~咁就咩都冇事!!』

娜姐:『並唔係你肯忍~純就唔發脾氣架喇~你唔鬧~

遲D一定會有人鬧~你只係做左醜人之麻~件事早發生~好過遲發生~』

|||||||||||||||||||||||||||||||||||||||||||||||||||||||||||||||||||||||||||||||||||||||||||||||||

純抱膝坐o係公園既長凳上~陷入左無人狀態~突然~有2個人企o係純面前~

那兩個人同時伸出手~一齊講:『DA!!!』

純一直無理果2個人~一直O係度發呆~~

其中一人開始O係度RAP:『SAY HO!!HO!!SAY 小JUN~小JUN~I LOVE 小JUN!!』

第二個人就附和住咁講:

『小JUN~小JUN~『I'M』小JUN!!!(係I LOVE小JUN至O岩,佢讀錯左)』

純抬頭望一望果兩個怪人~

原來係中丸同埋KOKI~但係~純見到佢地冇乜太大反應~只係起身~諗住走~

KOKI拉番阿純坐低~問:『你做咩事呀???唔開心既~~』

純平淡咁講:『冇~同阿鈞鬧交之麻~~而家離家出走~』

KOKI關心咁問:

『同阿鈞???我地都未見過你地鬧交喎~~今次做咩事呀??鬧到要離家出走??』

中丸唔經大腦咁講:『係囉~~咩事???唔會係為左仁呀麻??唔通連純你都對仁佢......』

KOKI好大力咁打左中丸頭一下~話:『咪傻啦~~你唔好以為仁佢咁搶手至得架!!!』

中丸摸住頭~傻笑咁講:

『咁又係喎~佢地唔夠我人緣廣闊又唔似得我有咁多笑話溝女!!呵呵!!』

純:『好嘈呀~』

中丸關切咁問:『純~咁究竟發生咩事???』

純一五一十咁講哂成件事出黎~

中丸認真咁作出分析:『其實呢!!呢件事~你同鈞都有錯~純~你唔好怪我坦白喎~

呢幾日黎~應該由情人節果日開始~心情一直都好差咁~成日會因為少少野就發脾氣~

o係學校時~我已經見到你經常向鈞佢地發脾氣~以鈞既性格,忍到而家已經好好喇!!

佢地處處都忍讓你~只係你見唔到o者~你有鈞佢地呢班朋友,真係幸運!!

唔好因為D咁既事而攪到大家唔開心!!』

koki認同咁講:『冇錯呀~鈞佢地其實好錫你架~我相信佢地都當你係一個重要既朋友!!

而你都當佢地係架!!係咪??如果因為咁小既事,而傷害左大家既友誼~值得咩??

仲有~鈞同埋仁,娜姐同埋翔~依兩對情侶既甜言蜜語你都聽慣架啦~~

做咩你而家先黎鬧佢地呢??坦白講~你只係o係度無理取鬧~發埋D無謂既脾氣!!

純~你自己諗清楚~你究竟發生咩事??件事究竟關唔關鈞佢地事,如果無關既,

你對佢地發脾氣,你對唔對得住自己??我知人係會有情緒,但係你發洩O係佢地身上,

佢地好無辜架!!你自己諗清楚啦!!』

中丸:『如果你認為你自己冇錯既~咁我地都冇辦法~

我地只可以借出屋企黎俾你暫住~冷靜一下~』

KOKI:『一係你而家同我地一齊去玩下~

我地而家諗住落吧搵我D朋友玩~去玩下~等心情好番D先算啦~』

純企起身微笑咁講:『唔洗喇~中丸,KOKI~多謝你~你地點醒左我~

我而家番屋企架喇~唔洗擔心我~你地去搵你D朋友啦~玩得開心D!!』

中丸溫柔咁講:『咁好啦~小心D喎~番到去~好好同鈞佢地傾下啦~』

KOKI:『我相信你地好快會冇事既~咁我地走喇~BYEBYE~~』

之後~KOKI同埋中丸轉身就走~

而純亦都踏上歸家既路途~



╭╭╭╭╭╭╭╭ONLY'Z屋企╮╮╮╮╮╮╮╮

純一入到屋~小玲就話:『純~你終於都番黎喇??擔心死娜姐佢地呀~鈞佢仲.....』

小玲欲言又止~

純將視線轉向廳中O係仁身邊喊到紅腫雙眼既鈞~

鈞意識到純既視線~不由得膽怯起黎~身體微微一震~

而緊握住鈞手既仁~亦都感覺到由鈞手所傳黎既微震~

仁加強手中握住鈞手既力度~給予鈞無言既鼓勵~

鈞想上前同純道歉~因為得到仁支持,鈞慢慢走到純既面前~

鈞眼中充滿歉意~認真咁同純講:

『純...頭先我對你既語氣係重左!!我知係我唔O岩~

我唔應該咁惡鬧你~真係對唔住呀!!』

純若無其事咁講:『頭先發生咩事黎呀??我咩都唔知喎!!』

鈞不解咁講:『下??頭先....明明.....我地.....下.....我......我.......』鈞講野開始語無倫次~

娜姐:『鈞~畫公仔唔洗畫出腸呀麻??純咁講即係話佢冇事囉!!』

鈞展露出燦爛既笑容~如釋重負~開心咁攬住純~講:

『真係原諒我??我仲有好多台詞未講架喎~係咪我太可愛~唔捨得惱我呢??』

純冇口氣咁講:『係呀!!係呀!!放手啦~好辛苦呀~

你再咁攬住我落去~你個小仁仁會呷我醋架~~』

仁向鈞抗意咁講:『係呀~我真係會呷醋架!!』

鈞鬆開攬住純既手~而得到解脫既純~突然滿臉變得認真~

純:『咁多位~我要為我呢排既無理取鬧~自我中心既行為同大家道歉!!(九十度彎腰)

亦都好多謝大家對我咁忍讓呀!!如果我下次再係咁亂發脾氣~

你地唔好再忍我喇!!要鬧就鬧!!鬧醒我至得呀!!』

小然:『我會架喇!!第一個鬧你果個一定會係我架!!到時~你千祈唔好鬧番轉頭先好呀!!

你要記住你而家所講既野呀!!』

小玲關心咁問:『其實究竟發生左咩事呀,純??』

純:『我都唔知我發生咩事~只係覺得好多野都唔順我眼咁!!成日都想發脾氣咁~

仲有........覺得好似少左D野O係我身邊咁~冇左果樣野~個心好似好唔舒服咁~

但係~我又唔知我冇左D咩喎!!』

鈞:『係喎~講起冇左D野~做咩近排KAME好似少左煩你咁既??』

阿祐:『講開又好似係喎~平時KAME都成日同你講野架麻~

但係呢幾排就算見你2個企埋一齊~講野都好少~就連眼神接觸都好似冇!!』

小玲:『咁既情況,好似由情人節果日~KAME O係LUNCH TIME遲到左上堂之後先開始架喎~

果日LUNCH TIME時~純好似同埋KAME一齊架!!純番到黎時~好似發生左咩事咁~』

小然:『仲有呀~情人節果日~你同我地一齊出去玩時,都係心不在焉咁既!!』

翔運用佢清晰既腦袋~綜合小然佢地既說話~一副明白哂咁既樣~就話:

『純無理取鬧既原因顯而易見啦~一定同KAME有關!!』

明白哂既眾人~將目光停留在純身上~各人眼神一致!!

都是在詢問究竟純同KAME果日發生過咩事黎!!

純坦白咁講:『KAME同我表白黎....』

鈞急切咁問:『之後呢??你拒絕左KAME呀??』

純搖頭:『我冇拒絕到佢~只係一走了之~之後~佢叫我當佢冇講過野~呢件事就咁算~

但係我就叫佢俾D時間我考慮!!』

小玲:『咁你考慮成點??』

純無助咁講:『我都唔知呀!!我諗極都諗唔明白!!!』突然~

仁:『唔怪之得啦!!情人節之後~KAME佢日日都無里心機咁!!

平時好多野講既佢!!而家變到成日發呆~

特登撩佢嗌交佢都唔嗌!!總之一句講哂~KAME成個人失落哂咁~簡直好似另一個人咁!!

我都知佢要同純表白架喇~我果日應該陪佢啦!!

唔洗等佢咁傷心!!但係我又唔記得左一回事喇!!』

鈞:『點解你唔同我講KAME要同純表白架??你咩都唔同我講得架啦!!』

仁:『唔係呀!!!我只不過認為冇咁既必要之麻!!!』

娜姐責備語氣咁講:『而家唔係你2個鬧交既時候呀!!

(走向純~拖左純入廳~坐O係梳化上面)

純呀~你諗清楚D~對KAME究竟係咩感覺??』

純:『我唔知呀!!如果我知既~我一早已經俾左答覆KAME啦!!』

娜姐望住比鈞對鍾意呢個感覺更加遲鈍既純~一臉無奈~隨即~

娜姐耐心咁開始引導純去解開自己對KAME既感覺~

娜姐:『假如KAME佢因為工作既關係,而攪到受傷~你第一個感覺係咩??』

純思考左一陣~心突如其來咁痛!!純一諗到KAME痛苦既樣,就會感到不適~

留意到純面上既變化~娜姐問:『係咪擔心同埋心痛??』

純俾娜姐說穿左自己既感覺~亦都坦然咁點頭~

娜姐滿意一笑~繼續問:『如果KAME同學校其中一個女仔拍拖既話~你會點??』

純心中浮出心酸既感覺~講:

『雖然個心唔舒服~但係......我會祝福佢囉~~身為朋友~好應該咁做架~係咪??』

娜姐無視於呢個問題~問:『純~我問你~點解你會驚同男仔相處??』

純:『我覺得男仔好恐怖咁~同佢地一齊好似唔知會發生咩事!!』

娜姐:『咁點解你又會習慣同翔同埋仁單獨相處??』

純:『佢地又點同呢~翔係你男朋友~

我對佢絕對信任!!而仁都係因為佢係鈞既男朋友~同埋~

仁O係我心目中只係一個細路仔黎之麻~~』

娜姐:『咁點解你又唔會驚KAME??佢唔係我地任何一個既男朋友喎~

你又點睇KAME佢??你又當佢係細路仔??』

純:『唔係!!絕對唔係!!我同KAME一齊~唔似得同其他男仔一齊咁會驚~

同佢一齊時~只會感到好安心~亦都可以同佢講好多野!!』

娜姐搭住純既膊頭~講:

『純~KAME O係你心目中係同其他男仔唔同架!!所以~你先至可以同佢單獨相處!!』

純不解咁問:『咁即係咩呀??』

娜姐:『你知唔知點解我頭先要問你果D問題??

我問你~係因為想你明白自己既心意~純~認真咁聽我解釋!!

你會因為佢受傷而心痛~係因為你著緊佢~唔想佢受傷~你會因為佢有女朋友個心而唔開心~

係因為你想佢只屬於你!!而唔係其他人!!

你可以同kame單獨相處~係因為你已經鍾意左佢!!』

經娜姐一講~純好似俾雷打醒左咁~咩都明白哂~而一旁既阿祐就話:『係咪真架??』

娜姐自信滿滿咁講:『我講既野會有錯架咩??』

翔:『我都認同娜娜既結論!!』

仁聽到翔咁講~立即開心咁講:

『既然純都鍾意KAME~就等我打電話俾KAME~同佢講先!!佢一定開心死呀!!』

鈞:『你試下而家去打!!!人地既事關你鬼事呀??唔好咁八卦啦!!坐番低!!』

娜姐一路由一旁既櫃度拎出一條鎖匙一路講:

『冇錯呀~仁!!唔好咁多事~呢件事就由純自己解決啦!!

純~(遞上鎖匙)呢條鎖匙應該俾你既男朋友架!我仲未刻上名架!

由你自己決定好D~KAME~我地就一定認同~至於你揀唔揀佢~你自己決定啦!!』

講完之後~娜姐就趕哂鈞佢地上樓~



║║║║║║純一個人O係廳睇電視║║║║║║║

電視上播緊『THE少年俱樂部4年回顧特集』~但係純一D想去睇既心情都冇~

因為腦入面一直重複出現娜姐所講既說話~

直到電視播到YAMAPI唱自己作既歌----LOVE SONG時~

純既思緒俾呢首歌既歌詞吸引住~

電視上既YAMAPI認真咁唱出每一句歌詞:

『不論到何時都要在一起喔

兩人雖然許下了這樣的誓言

我卻已經放棄將兩人幸福的時光刻畫在時空裡

現在 就算察覺到自己的錯誤

也不能挽回我的過失

只要想起妳

胸中就會因為憐愛而刺痛

也許有一天我們偶然又在哪裡相遇

如果能夠重來的話

不論發生什麼事我也不會離開妳

一定不會有比妳更好的人

現在我終於發現到

所以能夠再一次 回到我身邊嗎.....

因為我會只把潰散在不能見面的時間中那一分鐘的愛

緊緊的抱住

妳能原諒這樣任性的我嗎.....

一定不會有比妳更好的人.... 現在我終於發現到

所以能夠再一次 回到我身邊嗎.....

　於是總有一天我會跟妳 許下永遠的愛的誓言』



聽完呢首歌之後~O係純腦海浮現既再唔係娜姐既說話~而係LOVE SONG既其中一句歌詞:

『一定不會有比你更好的人....... 現在我終於發現到』

純深深體會到呢歌詞既意思,輕嘆左一聲:

『失去左先識得去珍惜.....就好似而家KAME唔理我,我先知道佢對我既重要性....

以前既我~認為佢O係我身邊係一件理所當然既事~由識佢開始,

佢就一直O係我身邊行黎行去,從來都未試過唔理我........澤田純!!

點解你要咁遲先發覺你對KAME既感覺呀!!如果我一早發現,表白時答應佢,

咁就唔洗好似而家咁,攪到佢好似避我咁唔理我!!!點解你會咁蠢架!!!!都唔知而家點算好......』

此時,有一樣野阻止左純既自責~就係電視上重溫2OO3年8月3號既少年俱樂部時~

純見到KAME手上貼左好大塊既繃帶,純心入面即時浮起好多疑問~

純諗都冇諗就立即衝左上鈞房搵仁~



++++++++鈞房++++++++

純粗暴咁打開房門~緊張咁問仁:『仁~點解KAME隻手會傷左架??』

仁唔明白咁咁講:『下??KAME隻手??佢邊度有傷呀??』

純不耐煩咁講:『唔係而家呀~係上年8月既事呀!!』

仁:『上年既事我邊記得咁多呀~』

純橫蠻咁講:『我唔理你~你而家同我記番起~』

仁聽到純咁唔講道理~即刻向鈞以眼神求救~鈞無視仁既求救~

自顧自咁同純講:『做咩事呀,純??KAME幾時受過傷黎呀??』

純:『知我就唔洗上黎問仁啦!!』

仁諗左好耐~終於俾佢諗到講:

『我記得喇~上年開演唱會時彩排整親架~之後O係演唱會佢後空翻失敗,

由大概一樓咁高既台上面跌左落黎~整到內出血,

仲攪到佢屁股腫左3倍呀!!之後~佢仲堅持繼績開演唱會呀!!』

純:『下??咁嚴重??佢仲要繼續唱落去??傻左咩佢!!』

鈞安慰純咁講:『最緊要KAME而家冇事呀麻~係咪??唔洗咁擔心喎~』

純聽到鈞既說話~輕輕點頭~然後無哂神氣咁行番去自己房~

仁不解咁講:『純又會咁奇怪既??無啦啦問番我上年KAME既事~都咁耐啦~』

鈞:『因為純已經俾娜姐點醒左囉~傻仁~』

═════════════════════════════════════



雖然純知道自己對KAME既感覺~但係佢仍然對KAME既態度冇乜點變到~

因為純佢完全唔知道應該點面對KAME~日子一步一步接近2月23號~

而仁竟奇蹟地記得呢一日係KAME既生日~

仲自發咁話要攪個生日PARTY!!而KAME亦都欣然接受~



--------2月23號,ONLY'Z屋企--------

小然企O係門口不耐煩咁講:『純佢咁耐架!!!』

小玲:『鈞~你究竟有冇同純講架??』

鈞:『有呀~但係我尋晚未等佢答覆~我已經走左喇~冇俾機會佢話唔去~』

阿祐:『佢會唔會唔去架??』此時~

純終於出現~同鈞講:『我都係唔去喇~呢份禮物你同我交俾KAME佢啦~』

遞上一個藍色正方形盒俾鈞~

仁:『純~你真係唔去呀??』

鈞:『純~唔好再逃避啦~你地2個明明鍾意大家~你又唔肯行出第一步!!唔通你想就咁算呀??』

純淺淺一笑~講:『我唔會逃避架~總之你幫我拎份禮物俾佢啦~唔好問咁多~』

鈞本來想繼續講~但係俾娜姐阻止左~

娜姐:『算啦~咁我地唔逼你喇~有咩事打俾我地啦~我地走喇~』


>>>>>>>KAME屋企<<<<<<<<<

KAME媽:『和也~你坐番低啦~唔好O係度行黎行去啦~驚見到純緊張呀??』

KAME停低腳步~講:『我......我邊有緊張呀??我連純會唔會黎我都唔知呀~』

KAME媽關心咁問:『點解純唔會黎呀??你對佢做過D咩黎呀??』

KAME:『我冇對佢做過D乜黎呀~我只係....』

當KAME想講同純之間發生咩事時~門鐘響起~

KAME一打開門~門外面既一大班人就O係度講:『生日快樂呀!!KAME~』

KAME開心咁講:『多謝呀~入黎啦~』

翔第一個入屋~神秘咁同KAME講:

『KAME飲過酒未呀??見今日係你生日~我特登買酒俾你飲架~~今晚不醉無歸呀!!』

高舉一箱啤酒~

娜姐:『翔~你唔好教壞KAME呀!!』

此時~仁O係門外同娜姐同翔講:『你2個唔好O係度塞住啦~我地入唔到去呀!!』

當企O係最後既中丸都入埋屋時~KAME仲企O係門外望黎望去~但係~

KAME都最後都係望唔到佢最想見既人----純



╔╔╔╔╔╔晚上11點15分~KAME房╗╗╗╗╗╗

房入面充斥住濃濃既酒味~鈞帶住半醉既語氣咁講:『好~係時候送禮物俾今日既壽星公呀!!』

仁:『鈞~你陣間唔好再飲喇~開始醉喇!!』

鈞:『仁~唔好講咁多啦~送禮物~送禮物~』

一旁既小然講:『仁~鈞醉左~咁咪俾機會你囉~就今晚食左佢啦~』

仁無視小然既說話~拎出佢份禮物~其他人亦都開始逐一拎出自己禮物~

KAME收到好多禮物~樣雖然好似開心咁笑~但係仍然藏不住佢一絲失落既情緒~

鈞雖然半醉~但係都留意到KAME既表情~識趣咁拎出純既禮物~

講:『雖然純佢人唔到~但係佢份禮都會到既~』將禮物遞去KAME~

KAME一聽到係純既禮物~立即精神哂~接過禮物~急不及待咁打開~

攝入KAME眼中既只係一條銀色閃閃發亮既野~

KAME小心咁拿出盒入面既野~仔細一看~原來係一條鎖匙~

KAME一眼就認得出係同上次娜姐俾仁既鎖匙係一模一樣~

再望一望扣O係鎖匙上面既鎖匙扣~

露出一抹開心既笑容~呢一刻既KAME~開心既程度簡直係筆墨難以形容~

原來鎖匙扣上刻有『和也』同『純』~

KAME明白到呢份禮物唔單只係一份生日禮物咁簡單~

仲係純答覆佢既方法~KAME即時企起身~

想去搵純~但係就俾仁同埋翔夾手夾腳拉住佢~唔俾佢走~

翔:『唔洗咁心急喎~仲有大把時間俾你見純喎~唔洗而家去見呀麻??』

仁:『咪係~今日係你難得既單身日子呀~聽日你就係屬於純架喇~唔係~

聽日你係屬於成個ONLY'Z呀~因為佢地會話你係純既男朋友~

而洗你做呢樣~做果樣架~好好享受今日啦~』

鈞:『乜原來你咁委屈架??』

仁:『唔係~邊度係呢~我冇咁諗過架!!』

KAME掙扎咁講:『放開我呀~我唔理呀~我而家想見純呀!!快D放開我~』

翔:『唔得~一係你同我地O係度飲哂D酒我就俾你去見純~』

中丸:『哈~翔講得O岩呀~你飲哂D酒先啦~』

KOKI:『但係~我諗KAME你未飲哂~已經醉左喇!!』

KAME心平氣和咁坐番低~講:

『好呀~我就留O係度~但係我唔會飲哂~我地不如玩遊戲~輸左果D就要飲~』

================================================================



深夜時份~ONLY'Z屋企門口出現左一名怪人~

呢名怪人O係ONLY'Z屋企門口鬼鬼祟祟咁左望右望~

突然~怪人O係袋入面拎左一條鎖匙出黎~嘗試開門~

門終於打開左~果名怪人仲開心到跳起上黎~O係度自言自語咁講:

『開到喇!!開到喇!!真係開到呀!!』

原來呢個人唔係咩怪人~而係灌醉哂鈞佢地~逃走出黎既KAME~

KAME小心翼翼咁走入屋,樓梯,走廊,最後~

終於走到純間房門前~KAME慢慢打開房門~深怕房入面既純仲未訓~

房入面~一片寂靜同黑暗~只係床頭燈開著左~KAME逐步行近床邊~靜靜坐O係床頭隔離~

KAME透過微弱既光線,見到純已經訓得昏昏沉沉~KAME隻手溫柔咁撫上純塊面~來來回回咁撫摸~

但係~KAME咁樣一做~立即令到純眉頭一皺,仲發出一聲不耐煩既聲音~

但係,KAME既動作冇停下來既意思~

純隻手立即由被入面伸出黎~諗住撥開KAME隻手~但係,純隻手反被KAME拖住~

純隻手雖然俾KAME拖住,但純亦都冇反抗既意識~只係繼續訓攪~

KAME見拖住純隻手成功~滿意咁一笑~

KAME亦都開始審視純全身~當審視到純胸前時~本來心入面好平靜既KAME~即時熱血沸騰起黎~

全身既血差唔多立即專注咁流入KAME既下身~而令到KAME有咁既反應~

係因為頭先因為純把手伸出黎時~攪到張被移左位~令到被入面既春光表露無遺~

而純又只係著左一件豹紋蕾絲胸罩~呢一刻既KAME雖然可以立即要左純~

但係佢都好努力咁抑制住自己~

心諗:『唔得架!而家我唔可以要佢!!如果而家要~就等如係我逼佢!!

唔得架!!純佢準許先得架!!唔可以架!!』

KAME一直抑制住自己~但係手不知不覺咁開始加重力度~

純感覺到手一陣痛楚~朦朦朧朧咁見到有一個人影坐O係床頭位置~

即刻嚇到成個人彈左起身~純第一句開口就問:

『你.....你....你係邊個呀??做咩入到黎架??你係人定鬼呀??定係賊呀??劫財定劫色??』

KAME邪邪一笑~講:『如果我話劫色呢??』

純雙眼慢慢習慣光線~再加上聽到把聲~立即認得出眼前呢個人係KAME.

話:『你.......你做咩會O係度架??鈞佢地唔係去左你屋企架咩??』

KAME慢慢爬近純:『鈞佢地俾我灌醉哂喇~

如果唔係我而家都出唔到黎呀~至於點解我會O係度??

唔知邊個送左條鎖匙俾我呀~咁我咪黎試下開門~睇下邊個送架囉~』

純:『咁你而家見到啦~咁走得未??』

KAME聽到之後~嬌嗲咁訓O係純大脾上~講:

『咦!!今日係我既生日呀~頭先唔黎陪我~

就算喇~但係而家你仲想趕我走TIM!!唔制呀!!』

純望住訓O係自己大脾上既KAME~手順住KAME既頭髮輕輕撫摸著~講:

『咁好喇~我而家陪你喇~』

KAME認真咁望住純講:『我唔單只要你咁樣陪我~我仲要....』

KAME突然起身~一個反手,

將純撫摸住自己頭髮既手捉住~把純壓在床上~

唇放肆咁貼上純雙唇~舌更肆無忌憚咁伸入純口中,

瘋狂地索取純口中既每一分每一串~直到純接近窒息時~KAME先至放開純~

純大口大口咁吸氣講:『KAME你........我....我個....初吻.....你好粗暴呀!!』

KAME:『咁緊係啦~你睇下你而家著緊乜??係你攪到我咁粗暴架咋~我而家真係想....』

KAME開始貼近純個身~純用手抵住KAME~講:

『唔好意思~你今日想要既話,我都幫唔到你~請你自行解決啦~因為我今日『M』到~』

KAME失望咁講:『咩??『M』到??乜咁唔O岩時候架!!』

純一副事不關己咁既樣講:『唔係我想架~係個天要咁~~KAME~我幫唔到你呀~最多下次先啦~』

突然~KAME成個樣變哂~純立即驚一驚~問:『你唔係真係要黎呀麻??我嗌架!!!』

KAME貼近純塊面~講:

『唔好再叫我KAME~叫我和也~你而家係我女朋友~再叫我KAME~一D親切感都冇!!!』

純心甜講:『係~我會叫架喇~和也麻~知喇~~』

KAME滿意一笑:『頭先你話我粗暴??咁我而家就俾你試下我溫柔既一面~』

純未意識到發生咩一會事時~兩片唇已經又重疊在一起~呢一吻~KAME好溫柔,好溫柔~

但係KAME雙手就不安份咁O係純身上面游移......但係最終KAME都係去左廁所解決~

KAME解決完就攬住佢既小純純訓喇~但係KAME成晚都經常整醒阿純同佢啜啜~唉~

血氣方剛既青年就係咁架喇~~如果純佢冇M到,KAME就真係可能會一日七~

但係純佢一定應付得黎既~~到時可能係KAME唔夠力~
､､､､､､､､､､､､､､､､､､､､､､､､､､､､､､､､､､､､､､､､､､

　



作者廢話:

屎:呢一篇好長呀!!又係我打字架~我認為今篇我又係好亂黎呀~

真係對唔住各位呢!!但係~呢篇終於作到KAME同純O係埋一齊喇!!

真好!!唯一的邂逅第一個作品終於就黎完喇!!希望各位會繼續睇我地唯一的邂逅系列啦!!

CHONG:哈哈~~唯一的邂逅遲D應該~可能~如冇意外既話就係會有H既~

希望你地俾D意見我地要唔要H好~唔該~~仲有AKIRA生日快樂~~

ICQ:16O59O931


2OO3年8月2O日