<<唯一的邂逅>>第六回

 

過左幾日~終於都搵齊哂37隻小強~搵得最多果個竟然係KOKI~

 中丸驚訝咁講:『KOKI~你屋企係咪開小強博物館架??搵到咁多隻小強既???』

 KOKI好自豪咁講:『哈哈~緊係唔係啦~係我屋企污漕O者~平時都唔覺有咁多架~

要搵果時~ 佢就自己出黎俾我捉咁~佢地全家人都係晒度喇~哈哈~~』

 仁好感動咁話:『多謝晒你地呀~唔該晒呀~我愛死你地喇~』

 KAME:『喂~你唔好唔記得呀~要請我地去唱K呀~』

 仁:『野~~~~~~~~KAME我地咁熟~算啦~我地係講心唔講金麻~』

 KAME:『死開啦~熟唔熟係一件事~請我地唱K又係另一件事~』

 仁:『唉~算喇~我地今晚去唱喇~』

 

﹏﹏﹏﹏﹏﹏第二日學校﹏﹏﹏﹏﹏﹏

 鈞一入到課室仁就好開心咁拉佢去天台~

 仁好興奮咁同阿鈞講:『我既小鈞麗~得搵到37隻小強喇~俾你既~』

 俾左個盒阿鈞,阿鈞一打開就見到好多隻黑漆漆又污穢不堪既小強~

由於阿鈞好驚~就順手一fing~ dur左落地下~

結果...........小強出黎啦~~~~~~~~~~~~~~~~

最後佢地兩個就一路嗌一路走番去課室~

 一入課室仁就搵kame佢地求救:

『小龜龜~救命呀~D小強出晒黎呀~救我呀~我好驚呀~』

 佢地一聽到就『下』左一聲~即刻走上去天台~

一上到天台~佢地就進行左一場<<人VS小強既大戰>>~

 當然結果一定係小強死晒啦~因為好叻仔既中丸問左校工要左支殺蟲水~

然後中丸用左佢既一指神功禁一禁個制~

 之後就『池』一聲~小強就升晒上西天~~~

呢個時候~中丸佢地就用一D好不善意既眼光望住仁同鈞

 中丸:『你地今次攪左咁多麻煩俾我地應該識做啦~請我地食飯~~』

 仁:『唉~當我欠左你地~』

 心諗:『你地叫我請你地食飯~冇指名o係邊~

咁咪黎我屋企食啦~哈哈~咁樣我又唔洗洗錢喇~』

            

放學後~仁佢地成班人柴娃娃咁到左赤西家~

 仁一踏入玄關就即刻俾佢阿爸用一D黑社會大佬既眼神睥住佢~

 然後仁爸一隻手抽住仁件衫用兇惡既語氣話:『點解D加勒比海既優乳酪冇哂架??』

 之後就拎左4個空既布丁盒掟落仁到~

 仁即刻吞左一大啖口水~心諗:

『點解阿爸會搵到D布丁盒架??我明明Dum左架~點解而家會........呀........

 係喎~我今日臨急臨忙唔記得Dum左佢!!!今次真係失策呀!!!』

 仁就講:『E......E.....係我食架........』

 仁爸一聽到即刻黎手掟仁落梳化到~但係不過呢個仁跌落梳化果時~

擺左一個自以為好型既姿勢~ 然之後就講:

『後面既各位~請入黎啦~唔洗驚我阿爸架~佢得個樣架咋~』

 仁爸好惱咁講:『你話咩呀??得個樣??

你而家同我即刻出去買番哂D加勒比海既優乳酪番黎呀!!』

 

之後仁就俾仁爸踢左出門口~

 而鈞對住俾人虐待既仁話:『哈哈~抵你死呀!!!成日拎人地D野食!!死犯賤!!』

 仁爸聽到之後~即刻露出好欣賞既神色話:

『有前途呀!!細路~做女仔係要粗魯D架!!唔可以俾男仔禁住黎上架!』

 鈞好無奈咁點一點頭~而仁媽就即刻奸笑咁話:『咁我以後會咁對你架喇喎~』

 仁爸無奈:『喂~~我唔係同你講呀~~』

 而無人理既仁就懶型咁拎番轉頭講:『哼!!你地睇住黎啦~~I Will Be Bad!!!!』

 仁小弟即刻用一個布丁盒掟落仁個頭到講:

『我既聰明大佬~係BACK~有"k"音~唔係Bad!!!!!死蠢!!!』

 

仁之後就好瘀咁跑左去買野~~

 而仁爸佢就即刻轉哂樣同鈞佢地講:『歡迎光臨呢個赤西寒舍呀~隨便坐啦~~』

 鈞佢地對住一個咁善變既阿爸~大家都心諗:

『哇!!佢d演技咁好~入得去TBS做第一線小生呀!!!』

 坐低之後~kame就同仁媽講:『伯母呀~~我地上仁間房到先喇~~』

 

════════仁房════════

 

仁小弟同鈞佢地玩得不知幾埋~

 鈞好奇咁問:『係喎~~你阿哥有冇D咩瘀野講黎聽呀??』

 仁小弟諗左一諗話:『HEHE~你地等我一陣~我拎出黎俾你地睇~』

 之後~佢就o係仁既櫃桶到拎左一條牛奶仔底褲出黎~

 o係度奸笑話:『HEHE~~呢條係我阿哥既珍藏黎架!!正唔正呀??』

 鈞好嘔心咁講:『唔係掛???佢有埋d咁既嗜好架???』

 小然同埋阿祐睇到之後~2個互相對望~

心入面開始諗出一連串既奸計出黎~鈞佢地亦都意識到小然既意思~

 

++++++++++++++++++++++++++++++++++++++++++++++++++++++++++++

 

仁終於買完加勒比海既優乳酪死死氣咁番到屋企~

佢一番到屋企就見到kame佢地不懷好意咁行近佢到~

 突然~鈞將佢果條牛奶仔低褲帶上仁個頭到~

o係仁仲未意識到咩事發生時~就聽到鈞佢地好開心既笑聲~

 之後就Feel到一陣既強光~

 仁即刻除左頭上既野~只見到鈞佢地o係度奸笑~再望一望手上既野~佢即刻嗌左出黎~

 仁好激動咁話:『哇!!!你地做過咩黎呀??你地頭先影左相呀??』

 kame點一點頭~之後仁好傷心咁話:『冇喇~~我咩形象都冇哂喇!!!』

 突然之間~仁慢慢走向仁小弟~話中有刺咁講:

『咪住先~佢地點知有呢條牛奶仔既存在架??』

 仁小弟佢即刻心虛咁走向鈞既背面話:『若要無人知~除非己莫為呀!!!』

 仁伸出拳頭想打小弟既時候~~鈞就話:

『赤西仁~你想點呀??你而家係咪想連我都打埋??係既話~你咪打囉~』

 仁即刻收番怒氣~成隻死狗咁話:『唔敢~~點敢喎~~鈞麗姐姐~』

 仁小弟即刻o係度奸笑~仁再一次伸出拳頭時~鈞即刻啤住佢~仁又死死氣咁收番拳頭~

 呢個咁既情況重複左好多次~直到食飯時先停止~

 就係咁~鈞佢地就o係仁屋企食左一餐美味既晚餐~

食完飯之後~阿藍同埋小玲佢地就留o係樓下幫仁媽手洗碗~

 而其他人就上左去仁間房到玩~

 

═══════仁房════════

 小然同埋阿祐o係度鬼鬼鼠鼠咁拎左一疊相出黎~

小然o係度派手上面既相俾kame佢地~

 而阿祐就一路奸笑一路講:

『我諗大家頭先都食得好飽啦呵??點都要黎番D甜品既~~』

 kame首先接過相~o係度望住鈞同埋仁奸笑~

純接過相之後就用安慰既語氣同鈞講:『鈞~節哀順變啦~~』

 其他人睇完之後亦都o係度奸笑~ 

當仁接過相之後就話:

『咦~邊個影架??影得幾靚喎~小然呀~~記得哂多幾張俾我喎~~』

 小然:『冇問題~你要幾多都得呀!!!』

 鈞愈攪愈唔明白~但係當小然俾左相鈞之後~鈞咩都明白哂~

 鈞好激動咁話:『幾時影架張相??點解我唔知架??』

原來張相係仁上次o係鈞房訓覺時~阿祐影低既相~

 仁開心咁講:『哈~唔怪得之上次我Feel到有閃光燈啦~

原來係你地影左我地相~小鈞麗呀~

 都影得唔錯呀~~唔係咩??影得我幾靚仔呀!!』

 鈞啤住仁話:『你頭先係咪仲話要多幾張呀??你咪洗指意呀!!!』

 仁跳皮咁話:『做咩o者??呢一張係我地第一張既合照呀!!

梗係要留多幾張架啦!!你睇下~影得我地幾上鏡呀!!』

 小然就附和話:『係囉~你睇下~~你2個不知幾襯呀~~』

 鈞一聽到呢句~咩怒氣都冇哂~反而覺得個心好甜~~

 但係口就好惡咁講:『阿祐你地呀!!唔好再有下次呀!!如果唔係你地就死梗!!!』

 純留意到鈞表情微妙既變化~開始明白鈞對仁既感覺~~ 

之後~阿祐建議玩Truth Or Dare~第一個轉樽既係阿祐~轉到既竟然係仁佢~~

 阿祐:『Truth OR Dare??』

 仁堅定咁講:『嗯~~一於Dare啦!!』

 阿祐:『哈哈~你講架~~我要你o係我地幾個之中~揀一個黎錫~』

 仁大笑:『容易啦~~』

仁第一個諗起係鈞~但係仁想起頭先鈞既態度~最後都係打消呢個念頭~

 仁見同阿純熟~諗住搵佢~但係一諗起kame就.....所以到最後~仁既決定都係.........

 小然大聲講:『唔算呀!!仁你好奸呀!!

有咩理由會錫kame佢架!!!錫緊係搵個女仔架啦!!!好奸呀!!!』

 仁成把女仔聲咁講:『咩喎~~阿祐都冇指明話要女仔!!!咁人地個心係小龜龜架麻~~

 要錫緊係錫佢架啦~~唔係搵邊個喎!!』

 kame一路搵紙巾抹俾仁錫過既地方~一路委屈咁講:

『你行開啦!!我係百分之一百鍾意女仔架!!

 要攪你都唔好攪我呀!!俾你錫完都臭哂呀!!』

 後來小玲佢地都玩埋一份~之後玩既中丸同埋純佢地都係揀Truth~

但係不過問既問題全部都係非常白痴!!

 特別係仁發問~問既問題只可以話係得小學程度....

 仁:『KAME~你要老老實實答我~我係咪好靚仔??』

 KAME無奈咁答:『呀~~係呀係呀~~好靚仔呀!!!』

 仁自豪咁講:『哈哈~~呢個咁就緊係架啦!!!』

 之後到小然轉~呢次又係到仁~佢又再一次唔識死咁揀Dare~

 小然:『哼!赤西仁~我唔會再俾你有機會俾你耍奸架喇~~阿祐~你話我應該點玩佢好呢???』

 阿祐之後o係小然耳邊細聲講大聲笑~攪到仁有D不祥預感~

 仁膽怯咁講:『喂......喂......我唔玩喇~~你地又唔知諗到D咩奸計啦!!』

 kame拍拍仁膊頭:『算啦~仁~佢地肯定唔會罷休架喇~乖乖地受死把啦~~』

之後~kame就o係度奸笑~

 仁扮哂喊咁講:『kame~你竟然咁對我....枉我個心俾左你........嗚........』

 小然:『仁~唔洗喊喇~我地要你做既都係好容易架之麻~

就係~要你o係今年個Christmas Party~

扮到成個聖誕樹咁繞住學校行一周之麻~唔係好難呀!!』 

仁即刻哀號~反而kame佢地o係度爆笑~~

 鈞不忍仁受咁大既苦~就幫口話:『小然,阿祐~唔好咁玩佢啦~咁樣做~會好瘀架~』

 仁:『係囉係囉~』

 但係不過小然佢地堅決拒絕...仁亦都無奈接受~

 玩左無幾耐~因為仁既消化力特強肚餓~所以走左落去廚房搵野食~

 

║║║║║║║║║║║║║廚房║║║║║║║║║║║║║

 

當仁搵緊野食時~仁小弟一個反手扣住仁條頸問:

『我既純情大佬~你好老實招供呀!!』

 仁不奈煩咁話:『招咩供呀??』

 小弟:『你係咪鍾意左鈞佢囉~』

 仁有點驚奇咁講:『我同鈞麗??有咩可能呀??』

 仁小弟:『有咩野冇可能呀??』

 仁:『係!我認我對係佢有D特別既感覺~但係唔會係鍾意掛~』

 小弟無奈咁講:『你所謂既特別感覺係咪同佢一齊好開心?

成日都會諗起佢??佢一有咩事你都會好擔心?

 仲有就係佢同第二D男仔一齊果時~你都會唔鍾意?就算果個男仔係你既好朋友??』

 仁心諗:『又好似係喎~佢一有咩事我真係會唔開心架喎~但係~呢D係叫鍾意咩??』

 仁小弟睇唔過眼仁仲要諗~就打左佢一下~話:『你仲要諗??我肯定你係鍾意佢~』

 仁不解:『點解呀??』

 小弟:『食飯之前~你係咪想打我既?但係不過點解鈞出左一句聲~

你就真係唔打我呀?平時既你~邊個講都照打架啦~你咁樣係因為你重視佢呀!

!如果唔係你做咩會咁聽佢話喎~仲有呀~頭先Truth Or Dare果時~你係咪想揀佢黎錫??』 

仁驚訝咁講:『你又知既??』 

小弟:『緊係啦~~我係你細佬黎架!!我點會唔知呢??

唉~總之呢~阿哥~你諗清楚D啦~我真係肯定你係鍾意鈞~~』

 之後就拎左D野食上左樓~仁亦都抱住疑惑既心情跟埋上去~

 

║║║║║║║║║║仁房║║║║║║║║║║║

 

仁小弟講既說話一直圍繞住仁~而仁上左房之後~一直眼定定咁望住鈞~

仁望鈞望得愈耐~ 就愈明白小弟所講既野~亦都開始確認對鈞既感覺~

就係咁~鈞同埋kame佢地玩左好耐~ 到到一朝早佢地個個先續一訓著攪~

而仁媽同埋仁爸見佢地果個都訓得咁熟~就冇叫佢地起身~

 

============================================================

 

作者廢話:

 屎:唉~7月4日終於都作完呢一話啦~chong佢話無論如何我都要o係呢一日作完喎~

 事關今日係jinjin佢生日呀麻~係喎~我都係度同佢講番聲HAPPY BIRTHDAY先~~

 係喎~其實今次呢一話入面既牛奶仔~真係真有其事呀~次次諗番起就想笑喇~~哈哈~~

 所以呢一話可以話係作俾佢架~

 

chong:某人~呢篇為你而作架~開心麻~你既牛奶仔底褲出左場呀~ 

哈哈~今日係我個愛仁生日呀~~19歲lu~要一路耍笨落去呀~

 

 

2oo3年7月4日