唯一的邂逅

<<唯一的邂逅>>第七回

12月24日,鈞佢地出奇地好早咁起左身~

因為今日係白金學園一年一度既christmas party~

 佢地呢班'好'學生梗係而家先黎臨急抱佛腳番學校佈置課室同埋為仁準備聖誕樹禮服~

 所以鈞約埋仁佢地o係學校等,諗住一齊返學佈置~

║║║║║║║║║║白金學園門口║║║║║║║║║║

鈞同埋純佢地已經等左15分鍾以上,個個已經極之不耐煩,

一見到仁佢地幾個衝衝咁跑過黎,即刻啤住佢地~

 仁上氣不接下氣講:『對......對唔....對唔住呀.....我地遲....遲左....』

 鈞好惡咁講:『一句對唔住大哂呀??我地o係度等左你地成十幾分鍾喇!!

你地重好意思既?就係為左你地,我地企o係度食西北風!!』

 仁無辜咁講:『唔關我事架!!!!係中丸之麻!!!佢遲到呀!』

 中丸訝異:『梗係唔係我!!我今次係第一次同你地返學而唔遲到呀~

仲早左1分鐘tim呀~係kame遲到之麻!!』

 kame好委屈:『咩喎!!我最早到架!!只不過我去左買野之麻~』

 仁恍然大悟:『係囉!!唔關我事架!要鬧就鬧佢啦!!』

 鈞強勢:『我理得你!!而家你係唔係有遲到先??』

 仁仲未答既時候,純已經阻止佢既說話,指住KAME後面既人問:『佢地係邊個呀??』

 yamapi爽快咁答:『我叫做山下智久呀~叫我yamapi得架喇~你好~』之後同純握一握手~

 純禮貌地答:『我叫澤田純呀~多多指教~』

因為今日係白金學校Christmas party亦係開放日~

所以仁佢地就叫埋yamapi,toma,hasejun~ 而因為風間要番大學上堂就冇黎~

正當佢地o係門口作自我介紹時~聽到一陣好刺耳既叫聲,

一名女生:『呀..........長谷川!!真係你呀??你特登黎搵我架??』

hasejun有少少愕然咁講:『松浦彌???』

松浦彌怕羞咁講:『JunJun你真係好衰架!!黎搵人又唔同我講聲喎~

如果我一早知你黎~我就一定會扮得靚d架啦!!』

 yamapi挺身而出咁講:『松浦彌!!hasejun都冇話黎搵你!你講咁多野做咩o者??』

 松浦彌帶點怒氣講:『喂!山下智久!你而家做咩阻住哂o者??

我地D野關你咩事呀??你係乜水呀??』

 toma:『hasejun幾時話過黎搵你架??唔好o係度認親認戚啦!你知唔知醜架??』

 松浦彌:『哼!如果唔係你地教壞我既JunJun~佢會唔理我咩??』

 鈞忍無可忍咁講:『如果佢真係好鍾意你既話~任何人都阻止唔黎架啦!!

唔該你~如果想搵醜黎出,都行遠d啦!! 你o係我地學校門口出醜簡直影響市容呀!!』

 松浦彌真係發火,舉起手想打落鈞塊面到,仁眼明手快咁捉住左佢

 仁怒啤:『你想點呀??如果你敢打佢,我絕對唔會放過你!!』

之後,一手fing開松浦彌隻手,松浦彌即刻驚一驚!

 純冷淡咁講:『唔該你~冇鏡都搵水照下你個樣啦!!我地o係度是旦搵個人都靚過你啦!!

唔好o係度獻醜啦! hasejun係揀既都唔會揀你啦!!仲有呀!!

你唔好再俾我聽到你講個純字呀!!出自你把口,個名都臭哂!!

 你而家好同我走!!呢度冇人歡迎你呀!!』

之後,大家都o係度起哄~狂叫佢走~松浦彌逼不得已先至走

 臨走前仲話:『你地睇住黎呀!!長谷川,我一定會得到你個心架!!』

║║║║║║║║║回課室途中║║║║║║║║║║

鈞好奇咁問仁:『其實點解hasejun佢地咁唔鍾意果個松浦彌既??』

仁賴醒咁講:『咁係因為..............呢個就梗係問yamapi架啦!!喂~yamapi~點解既??』

 yamapi:『松浦彌係一個偶像歌手我諗你地都知啦~佢亦係hasejun個fans黎既~

開頭hasejun都覺得佢幾好既~ 但係有一次~hasejun發覺原來佢係人前可愛,背後好乞人憎架!

成日對經理人,工作一員態度超差!!所以對佢d好感度下降囉!!而家仲o係度煩住hasejun!!』

小玲單純咁講:『做明星既~個個都係咁架啦!!唔係架咩??』

 koki:『我地絕對唔係!!』

入到課室~阿祐同埋小然就藉著為仁準備聖誕樹禮服而唔幫手佈置~

而中丸同埋koki就因為俾人欽點 o係party上面要表演同埋做司儀~

所以亦都走左~冇幫手~攪到yamapi佢地要做埋佢地果份~

 仁埋怨咁講:『做咩要佈置喎!!咁鬼麻煩!!』

 純:『梗係要佈置啦!!今日唔單止係party呀!!仲係開放日黎架麻!!唔佈置點見人呀!!』

仁:『係喎!!放開日喎!!』

 TOMA:『如果唔係我地點入黎呢??』

 鈞無奈咁講:『好心你啦!赤西仁!帶個腦返黎~』

 終於~佢地都可以準時佈置完~而呢個時候阿祐同小然亦都預備好仁要繞場一周既禮服~

 但係就只準仁一個跟佢地去換衫~

其他人一律唔準去~祐佢地話要保持神秘感~o係party上面先可以見到!!

=================party中===================

白金學園學生每人都盛裝出席呢個party~鈞佢地亦都唔例外~仲引黎好多嘉賓既目光~

 鈞語間隱藏住少許擔憂話:『純~你話小然佢地會點對仁佢呢??死啦!!會唔會虐待佢架!!』

 純似笑非笑咁講:『我諗唔會既~佢地應該唔會對佢點既~做咩呀??擔心人呀??』

 鈞稍微面紅咁講:『唔好亂講野啦!!食錯藥呀??』

此時~koki同埋中丸已經o係台上開始司儀既活動~

 中丸:『係~歡迎黎到白金學園既christmas party呀!!

希望你地今晚玩得開心啦!!但係不過而家~有一項表演~』

 koki:『希望大家會鍾意啦~就係黎自2年B班既赤西仁~

表演一個個人既frashion show~請大家熱烈鼓掌!!!』

 一輪掌聲後~仁俾祐同埋小然推左佢出台上~仁真係可以話係『靚』絕全場!!

身上既小燈泡閃閃發亮~加上一d五顏六色既小絲帶~真係『靚』絕!!

仁繞場一周時~真係任人做笑柄!!仁一路行一路勁低頭!!

 冇耐仁終於繞完學校~番到鈞佢地身邊~

yamapi笑到眼水都出埋:『哈哈哈~最衰今日冇帶相機呀!!唔係真係影低佢呀!!』

純:『yamapi呀!唔好玩仁啦!!已經夠慘架喇!!』

仁:『都係純有番d人性!!!睇下上面果2個!!仲o係度勁笑呀!!』

指住koki同埋中丸~

 同時~音樂響起~再冇人理仁佢~個個都走哂出去跳舞~

yamapi同阿藍,toma同阿祐,上田同小然~只剩下其餘6位~

 鈞細聲咁同仁講:『喂~仁~我同你出去跳舞啦~俾kame同埋純一個機會~』

 仁決絕咁講:『唔呀!你睇下我!!我先唔出呀!!冇面見人呀!!』

 鈞啤住仁:『你係咪kame d朋友黎架??又唔幫下佢!!』

 仁鬧唔過鈞就話:『好喇~~俾人笑就笑啦~』之後就走左出去跳舞~

 純o係度發緊呆,kame鼓起勇氣咁問:『純呀~~不如我地出去跳舞~'廢'事成晚o係度咁悶~』

 純望一望kame~kame個心跳得好快~好驚純會拒絕佢~

 純微笑咁講:『好呀~』

 只剩下hasejun同埋小玲2個~

 小玲友善咁問:『hasejun呀~不如一齊去跳舞囉~佢地個個都出哂去呀~』

 hasejun怕羞咁講:『下???跳舞??好呀~』小玲同hasejun一路跳一路講野~

 小玲:『係呢~~hasejun你有D咩嗜好架??』

 hasejun:『冇乜架~但係我好鍾意飲牛奶架~我成日都試唔同口味既牛奶~

例如:朱古力~士多啤梨~我超鍾意飲呀!!!!』

 小玲:『我都係好鍾意架~係喎~新宿個度附近好似開左間新既野叫"Milk Shop"呀~

 好似有好多唔同種類既奶架~』

hasejun:『真架!!!正喎~聽日25號我冇野做不如一齊去~』

 小玲:『好呀~~反正我都冇節目~~』

﹏﹏﹏﹏﹏﹏﹏﹏另一邊仁同鈞﹏﹏﹏﹏﹏﹏﹏﹏﹏

鈞望住仁身上既小燈泡o係度笑~

仁不忿咁講:『做咩呀??唔好笑啦!!係咪咁呀你??』

 鈞:『咩喎~~咁真係好笑呀麻~哈哈~』

 仁孩子氣咁講:『你仲笑喎!!』之後用真誠既眼神望住鈞~

 原本笑得興起既鈞俾仁突如其來既眼神望一望~令到鈞好唔自然~

 就同仁講:『你唔好咁望住我啦~大不了咪唔笑囉~~』

仁:『望住我先啦~』

 俾阿鈞望住既仁就欲言又止:『嗯.....我有D野想同你講..........嗯........都......都係冇野喇......

 ......到.......到時機成熟我就會同你講喇~』

．．．．．．．上田小然邊．．．．．．．

 上田:『小然~~你係唔係成日都落吧架??』

 小然:『係呀!!落吧好正架~唔洗理其他人,鍾意跳就跳~鍾意飲就飲~乜都唔洗記~』

 上田:『真架???好似好正咁喎~咁你聽日去唔去架??』

 小然:『多數都會~』

 上田:『你去既話就嗌埋我啦~』

 小然好開心咁笑住講:『好呀~有個人倍我~』

 上田突然俾呢一笑吸引住~因為佢覺得小然呢一笑俾人既感覺係好開心~

 但係睇真D佢既笑容好似係隱藏住某D野咁~令到佢好好奇~

+++++++++++++++kame同阿純邊+++++++++++++++++++

kame同純跳舞時~係咁o係度打"黑次"~

 純:『"黑次"........"黑次"......』

 kame緊張咁問:『有冇事呀??』

 純:『你話呢???唔知邊個今日遲到呀!!攪到我食左咁多西北風~唔冷親都奇啦!"黑次"........』

 kame冇理佢既說話講:『我而家同你番屋企喇~你再留o係度,仲會嚴重D呀!!』

 純諗起要同男仔一齊單獨相處就好唔自己咁講:

『我冇事架喇~唔洗同我返喇!!等埋鈞佢地先返都冇問題!!"黑次".....』

 kame帶點責罵咁講:『仲話冇事??係咁o係度打"黑次"!!

拿~平時我就咁聽你話~你今次都好應該聽下我話喇!! 我而家送你番屋企~』

 之後就拉左純走~o係學校門口叫左架的士同純一齊番屋企~o係的士上~

kame  send左個message俾仁話送純走先~

║║║║║║║║║純房║║║║║║║║║║

kame溫柔咁同純講:

『你而家換番件暖d既衫先~我去整杯熱牛奶俾你飲~等你暖下個身~』

 純換完衫之後~kame亦都拎左杯熱牛奶俾純~

 純一路飲牛奶一路望住玩緊狗既kame~心諗:

『其實kame都唔差既!!份人都幾溫柔呀!!但係不過好似細路仔~ 都幾可愛~~』

 kame注意到純望住自己~就問:『做咩呀??』

 純:『冇野呀~望下你係咪唔得??』

 kame突然之間好認真咁望住純講:『你係咪鍾意左我??係咁望住我既!!』

 純:『發夢啦你!!』之後吐一吐舌頭~

 kame聽完後~流露出一絲既失落~

此時~only'z屋企既大鍾響起~原來已經12月25日~聖誕節喇~

 kame即刻o係袋中拎左一份禮物出黎話:『Merry Christmas!!』

 純接過禮物話:『送俾我架??但係我冇買到禮物俾你呀.....』

 kame苦笑...

 純:『sorry呀!!』

 kame:『睇下咩黎既~希望你鍾意啦~』指一指禮物~

 純小心翼翼開禮物~

 純開心咁講:『水晶頸鏈呀!!好靚呀!!多謝你呀~kame!!!』

 kame:『你鍾意就得喇~幾驚你唔鍾意呀!!我今日遲到都係為左去買個包裝紙呀~~』

 純:『咁我咪怪錯你囉??唔好意思呀!!』

 kame:『唔洗喎~係喎~~你仲未同我講一句好重要既野喎!!』

 純:『Merry Christmas呀!!但係真係好對唔住呀!!我冇買到禮物俾你!!』

 kame諗左一諗~開玩笑咁話:『為左賠償你冇買禮物俾我~就聽日陪我去街啦!!』

 純爽快咁講:『好呀~~聽日我都得閒~』

 kame有少少驚喜咁話:『真既??我信你架喇喎!!唔好呃我??』

 純:『唔係架!!你係咪唔想先??唔想既話~咁咪唔去囉~~我冇所謂架!!』

 kame:『梗係唔係啦!!一於咁話~』

 之後~kame同純傾完聽日既細節之後~

叮嚀純乖乖地訓覺之後就開開心心咁離開only'z屋企~

 而白金學園既christmas party亦都結束~今晚真係為佢地留下好好既回憶~~

==============================================================

作者廢話:

 屎:哈~呢篇又係我作架~終於講到kame同純喇~哈哈~正~呢篇我竟然一日就作好喇!!

真開心!!連我都估唔到可以作得咁快呀!!

chong:你當然一日作完啦~我地諗好晒D重點俾你作喎~

我不知幫你改作幾多野呀~仲有好唔好意思呀~

我地有好多字打錯左呀~特別係頭幾回tim~

2OO3年7月7日