唯一的邂逅

<<唯一的邂逅>>第八回

║║║║║║║║║Kame屋企║║║║║║║║║║

kame緊張咁問kame既大哥:『哥呀~呢件衫點呀??』拎住件衫講

 kame大哥:『唔得~~next~』

 kame弟不耐煩咁問:『哥呀~你幾時先揀完架??我地o係度睇左你d衫足足成一個鍾喇!!!』

 kame二哥:『細佬~算啦~今次係和也同女朋友第一次約會呀~~』

 kame聽到即刻面紅咁講:『咩女朋友呀~佢都唔係我女朋友~~出下街之麻~咁就係架喇??』

 kame弟:『如果係普通朋友既話~就唔會咁緊張啦~~』

 大哥:『就算佢唔係你女朋友~你都係鍾意佢啦~~係咪先??』

 kame面紅紅咁~無言己對~此時~

 kame媽就話:『和也~如果你唔想俾個女仔有壞印象既話~就而家好出門口喇~~』

kame望一望鐘~話:『乜咁遲架喇???哥~~呢件衫得唔得?』kame指一指手上既衫~

 kame屋企人一致通過~kame換完衫之後~亦都跑去同純既約定地點=====Start Coffee Shop

+++++++++++++++++++++++only'z屋企+++++++++++++++++++++++++

 當純諗住出門口既時候~小然大嗌左一聲~

 娜姐:『做咩呀??小然~~』

 小然指住包到成隻『腫』咁既純話:『有.....有鬼呀!!』

 純冇好氣咁講:『咩鬼呀??我係純呀!!』

 阿鈞有點受嚇咁講:『純~你做咩呀??

你好日都唔著咁多衫架!!做咩今日著成咁呀??同我除落黎~』

 鈞就開始除純身上面一層層既衫~

 純:『kame佢叫我著呀麻~咁我咪著囉~~』

小玲:『kame叫你做乜你就做乜~幾時咁聽佢話架~~』

阿祐:『純~你係咪受左D咩刺激呀??』

 純:『冇呀~~我唔同你傾喇~~出門口喇~~bye~~Merry Christmas呀~~』

 純出門後~鈞就發現電視機上面有張紙~就一路睇一路讀俾其他人聽~

 『各位~~

   我今日起左身之後~突然想出去闖一闖~去邊??我都唔知呀~

   可能係地球既每一個角落啦~到我搵到一個落腳地我就會寫信返黎喇~

   唔洗掛住我喇~仲有Marry Christmas!

                                                          藍字~』

 鈞:『唉~佢又走左喇~都唔知要去幾耐~~上年一去就去左成個月非洲~

 前年就去左印尼同埃及,真係估唔到佢重有咩野地方可以去呀~全個地球都有佢既足跡喇~』

 阿鈞讀完呢張字條後,其他人就一個一個咁出街喇~淨返阿鈞一個~~

===========================Start Coffee Shop門口=========================

 Kame上氣不接下氣咁趕到coffee shop~

 kame『扯』住氣咁講:『好....好彩~純佢.......仲未........到.......』

 突然之間~純o係一角行左出黎~

 純飲住熱朱古力奶話:『kame~咁早既??仲諗住你會遲tim~~』

 kame比突然之間出現既阿純嚇呆左~但係好快就恢復番意識~

 帶怒氣咁講:『你做咩著成咁架??我尋日明明叫你今日著多d衫出黎架!!

 睇下你~成身唯一可以保暖既得頂帽!!因住冷親呀你!!』

 純不在乎講:『我出門口果時~著左好多衫架~~但係俾鈞佢地除晒~』

 kame除去頸上既頸巾~溫柔咁幫阿純帶上~話:『帶住佢啦~我真係服左你呀~

 都唔緊張自己個身體~知自己病就著多d衫啦~』

 純笑說:『係係~我會架喇~你就黎變我阿媽架喇!!唔好講咁多喇~去玩啦~』

 之後~佢地就去左棒球遊戲場到比賽棒球~

-----------------棒球遊戲場------------------

 kame o係袋中拎出佢最引以自豪既球棒出黎同純講:『佢叫阿john呀~~』

 純:『咩呀??佢連名都有呀??咁我都要呀~~我呢支叫~~叫咩好呢??』

純好努力咁諗借番黎既球棒叫咩名~

 kame苦笑:『唔好玩喇~~開始比賽啦~』

>>>>>>>>>>>>>>>>>>only'z屋企<<<<<<<<<<<<<<<<<<

 鈞抱住狗仔大叫:『唉也~好悶呀!!!屋企一個人都冇!!純就同kame~小然同上田~娜姐同翔哥~

 小玲同hasejun~亞祐就去左田中太郎(卡通人物)fans

club攪D活動!!得番我一個o係度~悶死喇!!』

 此時~鈞手提響起~鈞即刻拎起電話~原來係仁來電~鈞個心即時跳得好快~

 鈞o係度猶豫接唔接佢電話好~到最後都係接左~

 鈞不自然咁講:『喂~做咩呀??你個死仁頭~得閒冇野做呀??』

 仁:『係呀~~好悶呀!!kame佢地全部出哂去玩!!!』

 鈞:『純佢地都係呀~~得番我一個~』

 之後~佢地傾左冇耐~佢地又約埋出黎去玩~

--------------Start Coffee Shop-----------------

 鈞一見到仁就話:『小仁仁~我份聖誕禮物呢??』伸手問~

 仁呆一呆~即刻話:『咁我果份呢??』

 鈞:『我冇買喎~』

 仁:『車~~你想要既話~咁咪送左俾我先囉~~』

 鈞爽快:『好呀~~而家就去買~』之後~佢地就開始行街~

++++++++++++++++某食店內+++++++++++++++++++

 kame同純o係度食野~

 純:『頭先好好玩呀!!我同你始終都係分唔到勝負~局局都係打和~』

 kame:『純~你算勁喇~第一次玩就上手~相比起仁~我同佢玩果時~佢只係中左2球咋!!』

 純唔相信咁講:『唔係掛???真架??有咩可能呀??』

 之後~佢地一直o係度傾計~傾左一陣之後~佢地就去左行街~

 埋單既時候~純拎出佢果個好殘舊既銀包出黎比錢既時候~

 KAME:『純~唔洗啦~~我請你~』

 kame一見到純既銀包~心諗:『哇~純個銀包咁殘舊既!!我應該送個銀包俾佢至得喎!!』

---------------另一邊~鈞同埋仁----------

 鈞拉住仁話:『仁~你睇下~頂帽幾襯你呀!!入去睇下~』

仁:『好呀~~』

入左去之後~佢地試左好多頂帽~但係就冇一個鍾意~

 之後~佢地連續行左好多間鋪頭~但係入到去都只係混吉~冇買到野~

 相比起~純同kame果邊~純佢地真係買野先入去~

+++++++++++++++++時裝店++++++++++++++++++++

 kame o係度好努力咁揀衫~

 kame拎住一件黑色衫問純:『純~呢件點呀??』

 純冷淡咁講:『我唔鍾意黑色~』

 kame無奈咁擺番好件衫~

 而純就拎住一件白色毛衣話:『kame~~試下呢件~我覺得幾好呀~』

 kame好聽話咁講:『好呀~』之後~就走左入去試衫~

 而純就走左去另一邊睇皮帶~純拎起一條用蛇做標誌既皮帶~

 售貨員A:『小姐~呢條皮帶新番架~好特別架~送俾人就最好架喇~』

 純:『好呀~~我要左佢呀~唔該~』

 此時~kame亦都試完衫出黎~照鏡時~

 售貨員B:『好襯你呢~而家好多男仔都鍾意著呢種衫架~況且又係你女朋友幫你揀既~一於呢件啦~』

 kame面紅咁講:『佢唔係我女朋友黎架~』

 售貨員B:『呀.....唔好意思~』

 kame:『唔緊要~』

kame由鏡中見到純~就問:『純~點呀??』

 純好開心咁講:『好好呀!!真係幾襯你~~』

 kame:『好~我就要左佢~~』之後~kame又走番入試衫室~純又走左去第二度睇野~

 kame俾錢既時候~見到櫃上面擺左一系列既銀包~眼定定咁望住一個皮製銀包~

 售貨員B拎起銀包就話:『呢個銀包好特別架~佢上面既圖案都係人手畫上去架~送俾女仔就最好~』

 kame望一望o係另一邊睇緊野既純~再望一望個銀包~

 kame就話:『好呀~~我要埋佢~~』

 佢地兩個就O係對方唔知既情況下買左禮物~

。。。。。。。Milk Shop。。。。。。。

 hasejun同小玲一入去就有一個侍應走埋黎講:

『兩位~你地好~我地Milk Shop為左慶祝Christmas~

 所以就舉行左一個活動叫做<<飲得快,冇走雞>>~

呢個活動係鬥快同其他參賽者飲一杯牛奶~

 勝出者就會有2張一年免費係Milk Shop飲牛奶既貴賓卡~』

 小玲就拉住hasejun話:『試下啦~反正輸左都唔會罰~』

 hasejun好有男子氣概:『好啦~就等你睇下我長谷川既飲奶看家本領啦~』

 結果hasejun就參加左~o係一論龍爭虎鬥下,hasejun佢嬴左~

 小玲好興奮話:『哈哈~好野~hasejun嬴左~~』

 hasejun唔好意思咁摸住個頭講:『嗯~係呀~我有兩張貴賓卡,俾一張你啦~反正你都係咁鍾意飲牛奶~』

 小玲好天真笑住講:『好呀~多謝晒~』

‧‧‧‧‧‧‧混吉中既兩人‧‧‧‧‧‧‧

 鈞指住一頂豹紋帽:『睇下呢頂帽~幾襯你喎~試下啦~』

 仁就將頂豹紋帽帶上,鈞就講:『拿~都話襯你啦~咁我就送呢個俾你做禮物啦~好唔好呀?』

 仁照住鏡講:『當然好啦~我既小鈞麗送俾我喎~點敢話唔好呀?而且又真係幾襯我~』

鈞:『哈哈~我D眼光又真係幾唔錯下架~』(CHONG:好自大呀,咩人黎架??)

 結果鈞就買左頂豹紋帽俾仁~而佢地之後就去左迪士尼樂園玩~

﹕﹕﹕﹕﹕﹕﹕﹕﹕迪士尼樂園﹕﹕﹕﹕﹕﹕﹕﹕﹕

 一入到去,仁同鈞兩個大細路就不斷拉住D卡通人物影相,好興奮!!!

 而佢地所玩既機動遊戲係超剌激...................對小朋友黎講~

 因為佢地玩果D都係旋轉木馬,小型火車(係火車,唔係過山車)等等既小朋友機動遊戲~

 佢地行下行下,行到一個攤位前,阿鈞就望住個好似一個小朋友咁大既咿唷公仔,

 講:『可愛既小仁仁,你話我送左禮物俾你,你就會送返一樣野俾我既~』

 仁望一望阿鈞後望去鈞所望緊既巨大咿唷,自信滿滿,眼裏有火咁講:

『啊~小鈞麗,你想要個咿唷公仔~

好啦~包起我身上~我一定會嬴佢返黎架~』

之後仁就好好努力咁dun波入去o係中間既紅色窿度~十個.......二十個......三十個.......

 到而家既47個~但係一個都冇中到紅色既大獎窿~中既只係一堆細獎,而家,

鈞手上已經有十多個細公仔~分別有咿唷,維尼熊,豬仔,跳跳虎,

鈞好無奈咁望住本來好有志氣既仁個樣慢慢變到好似生意失敗攪到負支產既衰樣~

鈞:『唉~~~~算啦~我而家都拎住咁多公仔喇~唔好再dun喇~返屋企啦~』

 仁聽到鈞話唔洗再dun當然開心啦~但係一諗到鈞好鍾意個大咿唷公仔就講:

『下~ 唔好走住先啦~等我嬴左個大咿唷公仔番黎先啦~好快架喇~~等我~』

 其實而家已經係晚上1O點~仁唔走,人地都要關門啦~

 果度既老闆望住仁話:『唉~~~~後生仔~~我見你為左個女朋友而DUN左咁耐,

我睇你差唔多成份身家都DUN晒喇~

呢個大咿唷公仔當我送俾你喇~~Merry Christmas~』拎左個大咿唷公仔俾仁~

 仁:『Merry Christmas~』

 接過公仔既鈞就向老闆講:『多謝你呀~Merry Christmas~』

之後~鈞就冇理到仁就行去車站~

而仁亦都好無奈咁跟住鈞~

 o係去車站途中~鈞一路都好開心咁攬住個大公仔~而仁就一直滿懷心事咁~

++++++++++++++車上++++++++++++++++

仁望住成個細路既阿鈞,心諗:『個公仔我都可以話有份贏番黎架....

連一句Merry Christmas都冇同我講~

 只係對個老闆講~咁係咩意思喎~唔通.....唉也~我唔係又激惱左佢呀麻~~

 唔係掛~我起碼都用左我成份身家去贏左好多公仔俾佢呀~~

唉也~~咁點呀???有冇人幫到我呀??

 仁一直o係度好苦惱咁諗~但係以仁既智慧緊係諗唔到結果出黎啦~

仁只好全程唔出聲~以免講多錯多~

o係一片寂靜之中,仁終於送鈞番到屋企門口~

---------------only'z屋企門口---------------

鈞企O係樓梯上~轉身向住仁講:『仁~過黎~~』一路向仁揮手~

 仁死死氣咁行向鈞~

 仁一行近~鈞一路將仁塊面搓圓揉扁一路話:

『開心就笑~唔開心就喊~唔好成個死老豆咁既樣啦~』

 原來鈞一路行番黎既時候都有留意仁,但係仁掛住諗野,完全察覺唔到,

 所以仁一臉不解咁望住鈞~而鈞只係溫柔咁除去仁頭上既帽~做出鈞咁大個女都唔會做既事~

 就係o係仁額頭上輕吻了一下~仁即刻面都紅哂~

 鈞:『呢份算係我送俾你既另一份聖誕禮物~~』

 仁為左冇咁尷尬就話:『哇~我贏左咁多既公仔俾你~

你送得咁少俾我??唔得呀~~錫埋呢邊~~』指住自己塊面講~

 鈞即刻將一條凍冰冰既鎖匙擺o係仁塊面上~仁即刻用高八度既聲音叫出黎~

 鈞:『錫左你一啖~仲咁多野講~我先唔會再錫你呀~我走喇~』

之後就開門準備入番屋入面~入門口前~

 鈞講:『我既小仁仁!!Merry Christmas~~我今日玩得好開心~~』

之後~鈞就入左屋~

o係門口既仁心諗:『小鈞麗佢頭先嗌我做『我既小仁仁』~~

下~佢唔通鍾意左我~~哈哈~』

 仁一路諗一路o係度傻笑~經過佢附近D人都以為佢顛左~

過左冇幾耐~kame亦都送純番到屋企門口~

 kame:『純~今日好開心呢~呢一份真係好好既聖誕禮物~』

 純o係袋中拎出一份包得好靚既禮物出黎~話:

『哦~你都咁開心啦~咁呢份禮物你都唔要架啦~呵??? 咁我遲d送俾仁算喇~』

 kame:『下???唔好呀~唔好呀~我其實唔係好開心架咋~你送埋俾我就開心架喇~』

 純將禮物交俾kame話:『你唔好而家開住呀~陣間先開~』

 kame好聽話咁點頭~佢亦都拎出頭先買既禮物交俾純~

 純就話:『你又送俾我呀??我冇第二份禮物俾你架喎~』

 kame:『都預左啦~冇所謂~你今日陪我出街已經好好啦~好喇~番入去喇~如果唔係又冷親架喇~』

 佢地道別完之後~純就番入屋企~

+++++++++++++++Only'z屋企+++++++++++++++

 小玲諗住上樓既時候~純己經o係度除緊鞋~

 小玲問:『咦~純呀~你今日買頸巾黎咩?』

 純諗一諗話:『冇呀~唉也~kame條頸巾呀~算啦~遲d先俾番佢喇~』

 此時~娜姐亦都行左出黎~諗住上樓~見到純就話:『純呀~鈞佢沖完涼架喇~你快d去沖啦~』

 純之後就上左樓~

 娜姐同小玲講:『睇黎~我地only'z有2個春天黎緊喎~』

 小玲:『冇錯呀~咁我以後咪要聽多兩對人既甜言蜜語??我真係想死喇~』

 娜姐不懷好意,話中有話咁望住小玲講:『小玲~乜你平時成日聽人地D甜言蜜語架咩??』

 小玲仲未意識到娜姐話中話既意思~單純咁答:『咪就係你同...........』

 此時~突然傳黎門鍾聲~小玲同娜姐對望~心諗邊個咁夜會黎呢~~

 娜姐一路打開門一路講:『係~黎喇~邊個呀??』原來果個係仁佢~~

仁不好意思咁摸著頭~話:『呀......娜姐~你好呀~~咁夜仲打攪你真係唔好意思呀....』

 企O係後面的小玲就話:『做咩事呀??仁~』

 仁垂下頭~成個犯錯事既小朋友唔敢面對父母咁既樣~

 娜姐見到仁咁既樣~就母性大發咁話:『做咩事呀??仁~做咩咁夜仲唔番屋企既??有人蝦你呀??』

 仁搖頭~話:『其實呢......我冇錢搭車番屋企呀~~頭先同鈞麗出街果時用哂呀.......所以.....』

 娜姐望一望小玲~示意小玲入去拎個銀包出黎~之後小玲就行左入廳~

 娜姐:『做咩咁快洗哂架你D錢??同女仔出街應該帶多D錢麻~~』

 仁:『唔係呀~~頭先同鈞麗佢去遊樂場玩~佢想要個公仔麻~咁我咪試下贏番黎囉~點不知....

 我差唔多用左我成份身家~都贏唔到番黎~到最後仲要個老闆送俾我地....

 再加上頭先同鈞麗番黎搭車用埋最後既錢.....

 頭先去到車站先記得冇哂錢~咁咪唯有厚住面皮番黎借囉~~』

 此時~小玲出番黎~俾左銀包娜姐之後就話:

『原來阿鈞D公仔係你送俾佢架??唔怪之得佢開心成咁啦!!

 仁~你對佢真係好呀~~如果有人咁對我~我實開心死呀!!』

 娜姐O係銀包拎出錢出黎俾仁~就話:『好喇~番屋企喇~』

 仁感激咁講:『娜姐~唔該哂你呀!!咁我走喇~~』

 仁臨走前仲同娜姐佢地講:『

係呀~~呢件事可唔可以唔好同鈞麗講呀??如果唔係~佢又O係度狂話我架喇~~』

 小玲同埋娜姐相視~再望向仁~娜姐講:『快D番屋企啦~~仲企O係度~~』

之後~仁就走左~~

++++++++++++++++++++++++++++++++++++++++++++++++++++++++++++++++++++++++

純沖完涼之後~就將送俾各人既聖誕禮物~擺入掛在各人門口~已經塞得滿滿既袋入面~

 之後純亦都番回自己間房~拆開小玲佢地送既禮物~

當純o係度研究緊娜姐送俾佢既數碼相機時~

 鈞突然之間開左門入黎~

 純:『鈞~做咩突然之間入黎呀~係咪有咩開心事先?』

 鈞:『我一定要有事先搵得你架咩??』

 純:『唔係~點呀?今日有冇出去玩呀?』

 鈞開心咁講:『有呀~同仁去左遊樂場玩~』

純恍然大悟咁講:『哦~原來同仁去玩黎~唔怪之得咁開心啦~』

 鈞:『咩喎~~你呢?有冇送野俾kame先??』

 純:『有~送左個皮帶俾佢囉~係喎~佢仲送左份俾我架喎~』

之後~純就拎出頭先kame送既禮物出黎~慢慢拆開~

 鈞:『哇~送左個銀包俾你喎~kame真係細心~

留意到你果個殘殘舊舊既銀包~買左個銀包俾你~』

 鈞講完之後~留意到擺o係床邊既頸巾~就話:『純~你買頸巾黎咩??你不惱唔帶架喎~』

 純:『都唔係我既~kame架~佢今日借左俾我之後~頭先我唔記得俾番佢~』

鈞不懷好意咁望住純~純即刻轉換話題就話:『仁送左d咩俾你?』

 鈞:『佢o係遊樂場差唔多用左佢成份身家去贏左成十幾個公仔俾我~』

 純羨慕咁講:『哇~仁佢咁好既~你睇下佢~對你幾好~』

 鈞冇出聲~只係好甜咁o係度笑~

 純:『你鍾意左仁~』

 鈞面紅紅咁講:『佢就想呀~~我先唔會鍾意佢呀~佢人又蠢喎~成個白痴咁.......』

鈞一直係咁講仁既壞話~

 而純只係o係度無奈咁聽鈞講仁既壞話~就係咁~鈞同埋純就傾左成晚~

﹕﹕﹕﹕﹕﹕﹕﹕﹕仁屋企﹕﹕﹕﹕﹕﹕﹕﹕﹕

 仁沖完涼之後~番到自己間房~用毛巾擦乾頭髮時~仁一路撥開蓋住額頭既頭髮~

 一路望向放O係'木台'上面既鏡O係度傻笑~再望貼o係牆上那張佢同鈞既睡相合照~

 一邊回想頭先鈞意想不到既一吻~仁即刻臉都紅哂~~

 仁昂高頭~望住天花板~O係度發呆~

 仁腦中所浮現的~全都是鈞既笑臉~

鈞今日得到公仔時,天真既模樣~鈞怕羞時既樣~發惡時既樣~

成個腦全都是鈞~仁O係度回心而笑~但佢好似發覺自己既唔妥~隨即恢復意識~

 望住同鈞既合照~心諗:『赤西仁~你做乜野事呀??係咁諗起小鈞麗既??

但係不過~的而且確~ 小鈞麗有時真係好可愛既~~特別係今日佢拎到公仔時果個樣~

成個細路仔得到糖咁~~超可愛呀!! 係喎~今日係CHRISTMAS喎~

佢做咩會肯出黎同我去玩既~應該同男朋友出去玩至係架~做咩會同我架呢??』

此時~仁突然諗起~之前~細佬同佢講既說話『你肯定鍾意左阿鈞~』

 仁心諗:『我鍾意左佢??有咩可能呀~但係不過~

我真係會因為佢小小既野我就會開心成日~~頭先佢仲....』

 仁幸福咁笑左出黎~~

 仁再心諗:『其實鈞麗佢真係一個好女仔黎既~~雖然有時對我就惡左D~~

但係佢惡起上黎都幾可愛呀!!哈~頭先佢仲叫我做佢既小仁仁呀~

唔通佢真係鍾意左我??如果佢同我表白既話~咁我應該點呢???

 其實我究竟鍾唔鍾意鈞麗既呢??我會因佢而唔開心~同開心~佢可以話操縱我既心情起伏~

有時只要聽到佢把聲我就己經好開心~有時我亦都會為左佢而心痛~~

好似上次數學考試咁~我激到佢走左~o個一刻我真係好驚~

但係其實連我自己都唔知驚乜~驚佢永遠都唔理我?????

可能啦~~如果佢同我表白既話~我一定會答應佢~

 唔通我真係如細佬所講~我鍾意左佢???』此時~~仁終於認清佢對鈞既真正感覺~~

仁本來認定左對鈞既感覺~係好開心~但係佢心情又隨即跌番落谷底~

 仁擔心咁諗:『以小鈞麗既性格~佢一定唔會同我表白架啦~~

佢雖然叫我做佢既小仁仁O者~~ 佢可能都係玩下O者~~我又唔知佢係咪真係鍾意我~~~

咁我點呀??唔理喇~~一於我同佢表白先啦~~

唔理佢架喇~~就算佢唔鍾意我~我都會令佢愛上我架~~~

以我咁既靚仔容貌~我講一句咋~~佢會唔應承我咩???哈哈~~』

之後~仁解決呢個問題之後~就大被蓋頭~~訓攪~~

至於表白應該點做~~佢緊係冇諗啦~~成日只係掛住訓~~

════════════════════════════════════

                          作者廢話

屎:

唉~呢篇作左好耐呀~阿chong佢又作一半唔作一半~要我自己o係度攪~超無奈~

 CHONG:

咩喎~開頭O個D都係你作既~我淨係作左HASEJUN,阿藍走,迪士尼樂園o個D之麻~

其他D全部都係你作嫁~E~~原來我作左咁小~算啦~冇靈感作麻~

本來呢篇要O係SKY哥哥生日O個日作好架~家下遲左咁多日~唉~

哈哈~KAME個球棒同我個名一樣叫法嫁~~~~~好開心~

屎:

咪係~你知就好啦~我作左幾多呀~知我辛苦呢??又話要o係sky生日時作完喎~~

 後尾又咪係冇~~~哼~

chong:

有睇到既各位~如果你係hasejun,shosho,uchi,松潤D fans既話唔好意思~

佢地仲未出場~因為<<唯一的邂逅>>遲D會變成<<唯一的邂逅>>既系列~

2oo3年7月22日