唯一的邂逅

<<唯一的邂逅>>第9回

︵︵︵︵︵12月26號晚上only'z屋企︵︵︵︵︵

今晚鈞佢地俾娜姐規定夜晚唔可以出街,唔可以帶男仔番黎~

佢地o係個廳度食緊飯時~

娜姐題出左一個問題:『你地覺唔覺得我地呢論好少一齊呀??』

阿祐舉手講:『係呀~以前我地都係八個一齊去街~一齊做野既~家下就各有各節目~』

鈞用埋怨既語氣講:『係囉~好似你地尋日咁,個個出晒街,得番我一個o係屋企悶~~』

純好諷刺咁講:『咁你尋日有冇出街呀??』

鈞冇野好講,因為佢尋日同仁玩得好開心~所以唯有繼續食飯~

 娜姐:『鈞~你仲掛住食~我都未鬧你呀~尋日~』

 鈞成口飯講:『下~我尋日都冇做錯野~~~』

 小玲:『你有呀~尋日你番左上房之後仁佢走番番黎~』

 鈞笑笑口講:『下~~~嘻嘻.........莫非佢掛住我~~~哈哈~~~~~~』

 娜姐一下打落鈞個頭:

『掛你個頭呀~佢冇錢搭車呀~要番黎借錢呀~~佢幫你dun公仔dun左成份身家喇~』

 小玲:『佢仲叫我地唔好同你講呀~驚你鬧佢呀~』

 阿祐:『鈞~你睇下~仁佢幾鬼驚你呀!!!』

 娜姐好肯定咁講:『一定係你平時虐待得佢多啦!!!』

 小然:『冇錯呀~一個願打~一個願捱~都唔知你2個諗乜~

成日o係度鬧黎鬧去!!你唔悶~我都悶啦!!』

 純話中有話:『哈哈~小然~我可以絕對咁話俾你聽~

佢地係唔會悶架~因為呢個傻仁~簡直係被虐狂黎架~

佢俾阿鈞鬧~不知鬧得幾開心~~仲有呀~乜你地未聽過一句說話係~

打就係情~罵就係愛咩??呢個不惱都係我地屋企既鈞姐對'仁'既做法黎架啦!!』

 阿祐個腦轉得好快咁講:『哦~純既意思係..........』

 純只係望住其餘既4人o係度笑~咩都冇講過~

 4人深知純既意思~異口同聲咁講:『鈞鍾意左仁!!』

 鈞聽到後~莫明咁面紅起黎~

 鈞面紅紅咁講:『我.....我都廢事同你地講呀!!!你地成日都o係度亂咁講野既!!!

我先唔會同你地癲呀!!我番上房~』隨即~鈞就急急腳咁走番上房~

 只剩下正在取笑鈞既5人~

 純:『識佢咁耐~都係第一次見佢怕羞呀!!』

 小玲:『咁就緊係啦~~對住鍾意既人喎~~』

 娜姐擔心咁講:『但係~呢個鈞仲好似仲未明確咁知道自己對仁係咩心意喎~』

 阿祐取笑咁講:『哈哈~其實仁同埋鈞既智商可以話係差唔多架~

2個都係笨笨架~只不過~鈞既性格係好暴力之麻~~』

 純放心咁講:『哈哈~咁又係呀~但係不過~

信我啦~鈞俾我地咁講一講~一定會諗呢個問題架喇~~』

 之後~佢地就執番好食完野之後既殘局~

‥‥‥‥‥‥鈞房‥‥‥‥‥‥

 鈞番到房攬住個大咿唷公仔心諗:

『咿唷呀!咿唷呀!你話我係唔係真係好似純佢地所講咁~

 鍾意左小仁仁呢??嘻~~有可能喎~每次就算個口話佢好煩,叫佢唔好嘈既時候個心都會話~

 仁你快D煩我啦~如果唔俾佢煩一日我個心又會唔安落~

 有時見到佢好似成個小朋友咁都會有小小衝動去錫佢一淡~

如果一日見唔到佢都會有小小掛住佢~ 有時見到佢唔開心~

個心就痛起上黎~尋日已經係咁啦~其實我一開始就發覺到佢唔開心~

 只係.......只係~我唔識去表達我關心佢~尋日仲做左我咁大個女都唔會做既事!!!

 唉也!!諗番起都覺得唔好意思呀!!唔知仁佢點諗呢~

但係不過~尋日錫完佢之後~佢都好似好開心咁呀!!

哈哈~諗番起第一次見到佢O個時仲話佢好大份~又學人著裙~

而家諗番~其實佢都著得幾靚仔呀~

雖然有時成個白痴仔咁~但係同佢一齊我真係好開心架!!

一見到佢天真既笑容~就好似咩都唔記得哂咁~

死喇~咿唷~我諗我已經鍾意左佢喇~~~點算呀~佢真係一個死仁頭呀~攪到我咁鬼煩~~』

 此時,純入左去鈞房~叫鈞一齊去帶狗仔散步~~

‥‥‥‥‥O係公園帶狗散步中既兩人‥‥‥‥‥‥

 突然~純指向前方同拖住狗既鈞講:『人地既小鈞麗~睇下前面係邊個??』

 鈞一望前面就見到仁同KAME笑笑口咁行過黎~

 仁:『咁o岩既~我.........』當仁望一望阿鈞,再望一望純後,立即好大動作咁向後面轉身~

 而KAME一望到純佢地就好唔自然咁轉頭望向天空~~鈞同純覺得奇怪就相望一下~

結果俾鈞發現,原來係阿純既有鈕襯衣~胸前第2同第3粒鈕冇左,

鈞二話不說除左KAME件外套,俾純遮住,因為仁係著衛衣,所以冇得除~

 鈞一開口就鬧:『你地兩個淫蟲..........』

 純冇乜大不了咁同鈞講:『唔好鬧佢地啦~佢地都有轉身~

加上我入面都有著胸圍啦,佢地乜都睇唔到~』

 呢個時候KAME心諗:『鈞姐一鬧人就一發不可收拾~~都係早走為妙,

而且又可以等我同阿純佢.....嘻嘻....阿仁,對唔住都要做一次喇~

反正你都好鍾意鈞鬧人把聲啦~仁~~~我願真主保佑你~~阿門!!!』

 結果KAME就立即拉住純隻手跑住同鈞講:

『阿鈞~你地繼續同隻狗仔散步~我同純番屋企先~係咁啦~OH~~BYE~』

 KAME拉住純跑左一段路之後停低~純就同KAME講:『KAME!!!你隻手出緊汗呀~~』

 KAME即刻放手:『唔好意思呀~』

 純:『唔緊~~係喎~乜你地好驚俾阿鈞鬧咩??做咩咁快走呀~』

 KAME:『下~~唔係呀~咁仁佢鍾意鈞麻~咪當俾個機會佢地囉~』

 其實Kame O係度心諗:『我走!!當然係俾個機會自己同你單獨相處,聯絡下感情啦~嘻嘻.......

 原來純佢個胸圍係白色仲有『哩士』邊架~~哈哈~~好性感呀~~正呀~~~~』

 KAME個腦諗緊D黃色思想既時候,竟然淫笑左出黎~

 純一聽到KAME突然淫笑就話:『KAME~你做咩笑呀???』

 KAME心慌咁答:『冇......冇野~諗.....諗緊仁個衰仔會唔會對鈞出手O者~』

 純:『哈哈~個笨蛋仁點敢對鈞做D咩呀?就算佢敢出手~阿鈞都唔會咁容易就範啦~

 再唔係阿鈞一定打都仁佢成個豬頭咁~阿鈞好野蠻架~一定好好打~』

 之後~佢地番屋企O個時都係一路有講有笑~經過D人都以為佢地係一對情侶~

═══════仁同鈞════════

 鈞捉住仁隻手睇錶話:『嘩!!而家十點幾喇~我要番去喇~廢事佢地擔心我~』

 仁:『好呀~我送你番去啦~』

 鈞小心翼翼問仁:『仁~你一陣有冇錢搭車番屋企??』

 仁心諗:『下~唔通佢知道左尋晚我番去問娜姐借錢搭車件事~』

 仁:『有呀~做咩咁問呀??』

 鈞低頭眼泛淚光:『對唔住呀~仁~你尋日為左我DUN晒成份身家~你下次唔洗咁架~』

 仁個心好慌,因為繼蛇蟲鼠蟻之後~佢最驚既就係女仔喊~何況係阿鈞呢??

 仁就懶鎮定:『下~唔.....唔關.....關你事呀~~

係...係我尋日帶得小錢出街O者,邊關你事呀??你.........你唔好喊啦~~~~』

 鈞大聲鬧仁:『我幾時有喊呀???係都唔O係你面前喊啦~』突然隻狗o係度叫~

 仁抱住狗仔講:『小鈞麗~你睇下~連狗仔都叫你唔好鬧我呀~』

 鈞一邊跑番屋企一邊話:『哼!唔鬧咪唔鬧你囉~~好巴閉咩~~我以後都唔理你呀~黑人憎~』

仁從後追上話:『小鈞麗~等埋呀~你唔好唔理你既小仁仁我呀~~』

 鈞回望仁講:『邊個係我個小仁仁呀??唔知醜~』

 佢地一個追一個跑咁樣番屋企~

……………ONLY'Z屋企門口……………

 阿鈞一早到左~佢O係度等仁~仁一分鐘後都跑到~

 仁講:『都話左小鈞麗唔捨得唔理我啦~哈哈~』

 鈞抱番狗仔話:『鬼唔捨得呀?笨仁~隻狗係我架~我當然要拎番佢啦~』

 仁扁住嘴指住自己塊面話:『係呀~我係你個笨仁~黎黎~快D錫我一淡先啦~』

 鈞:『點解呀??』

 仁理所當然講:『你尋日錫我額頭,今日咪要錫我塊面囉~』

 鈞:『唉~~真係唔知話你天真定係可愛過頭呀?』

 仁開心咁講:『當然兩樣都係啦~』

鈞對住一個咁笨既仁真係冇佢辦法:『唉~錫左一次唔會再錫架喇~』

 仁好失望,突然個腦又出奇地咁快諗出一D鬼主意~

 話:『好呀~你唔錫都得~我約定你31號夜晚11點O係『山風神社』見~~不見不散~BYE~』

 仁一路走一路同鈞講~O係鈞未攪清楚既情況底下~仁已經走左~

 鈞:『攪乜鬼呀~死仁頭~』

到左31號~仁佢今日突登早D黎到『山風神社』~

廢事再俾鈞壞印象~對於佢黎講今日係一個好重要既日子~

 佢為今日準備左好多個台詞~因為今日只許成功不許失敗~到左約定時間~鈞出現~

 由於今晚係31號~所以有好多人會O係『山風神社』度~D人一等到1月1號就會立即祈福~

 而家距離12點仲有1個鐘,所以佢地兩個就見唔係好多人,就去祈福先~

 仁祈既福係今晚一定要成功~

 鈞祈既福係所有人都要開開心心~特別係O個個"仁"~

 一祈完福,仁就拉左鈞去『山風神社』既後山~後山度可以見到由山腳上緊黎既人~

 佢地細到好似螞蟻咁細~後山係一個森林,所以聽到好多昆蟲既叫聲~

 仲有好多螢火蟲O係度照明住樹木~好似街燈咁~

而天空有一粒粒好亮既星星點綴漆黑一片既天空~做成一幅好美麗既大自然畫面~

 鈞望住眼前既景色雙眼發光咁講:『嘩!!呢度好靚呀~我都未黎過呢度呀~』

 仁:『你開心咪得囉~~你鍾意既話我日日同你黎又點話~』

 仁心諗:『好彩我有問中丸呢度一帶有咩靚景O者~

中丸佢成日睇地圖又點會唔知呢??哈哈~真醒呀~赤西仁~』

 突然『山風神社』轉黎鐘聲~原來而家已經係2OO4年1月1日喇~

 仁又心諗:『係時候講喇~加油啊~~~』

 仁好認真咁同鈞講:『鈞~你望住我先啦~』

 鈞望到仁既眼神係同聖誕節時果個眼神係一樣~而且今次仲認真過上次~

 令到鈞諗起個句『到時機成熟我就會同你講喇~』所以鈞不斷拉開話題~

 鈞話:『你......你...你做咩個樣咁認.....認真喎~你.......你..你睇下....D.....D風景幾靚呀~』

 仁話:『小鈞麗~~我....我唔係同你玩架~我.....我...我』

 仁心諗:『死喇~我唔記得左D台詞呀!!!點算呀??...........係喎~我有帶『貓紙』~睇下先~』

 仁立即轉向後面睇『貓紙』~

 睇完之後就同鈞講:『嗯.....嗯.......我...我覺得而家時機成熟喇~

 我...........我可以講O個句我聖誕節O個時唔敢講既野喇~』

 鈞扮唔知咁講:『下~咩.......咩時機成熟呀???都.......都唔知你講乜~~唔玩喇~~~』

 鈞想走~仁即刻捉住佢大聲咁講:『我鍾意你呀!!做我女朋友啦!!』

 仁一講呢句後就聲到好多次既回音~仁一聽到回音『我鍾意你呀!做我女朋友啦!!』就面都紅晒~

 而鈞只係低頭,乜都冇講過,仁就好驚俾鈞拒絕,所以仁就出動佢所認為既殺手"簡".................放電

 仲要靠埋一個樹度,整一個佢認為自己最有魅力,最型既姿態同表情

 (因為仁既『貓紙』度寫住『如果!萬一!鈞冇講野,就要發揮男性既魅力-----『型』~』)

 鈞忍住笑咁講:『你...你隻眼抽筋呀???』

 仁立即變番正常話:『下?唔係呀~我隻眼好正常呀~~咁...咁即係你個意思係點呀??』仲放緊電~

 鈞就微笑講:『啊........嗯~~~~~』

 鈞一講完後就走左~而仁就企O係原地細細咁講:『下~~~『啊~』同『嗯』點解呀??』

 仁送鈞番屋企既時間,一句都冇講過野~成個腦都係『啊』同『嗯』~(CHONG:真死蠢呀~)

 而鈞就好開心~但係佢好後悔冇帶錄音機黎錄仁O個句『我鍾意你呀!做我女朋友啦!』~

 但係冇所謂啦~因為鈞佢成個腦都係呢句野~所以佢一定唔會唔記得~

 仁送完鈞後,自己亦都抱住疑惑既心情番屋企~

+++++++++++++仁屋企++++++++++++++++

 仁一番到屋企就問仁小弟:『細佬~『啊』同『嗯』點解呀??』

 仁小弟一聽到就即刻打左仁一下頭話:『我個好大佬~我真係好懷疑你既真實智商呀!!

 『啊』同『嗯』都唔知點解??你真係好蠢呀~

我咁醒~點解會有你呢個咁蠢既阿哥架~我地究竟係咪親生架??』

 仁:『痛架~我地緊係親生架啦~如果唔係點得你咁靚仔呀!!

但係不過~點都好啦~你都唔夠我靚仔架喇~

 仲有呀~係你地成日都打我~攪到我由醒變到蠢啦!!

成日話人地蠢~~呢d都係你地打得我多先係咁咋!!』

 仁小弟:『唉~算喇~我唔同你理論蠢唔蠢呢個問題~

『啊』解知道同明白~『嗯』即係『嗯』囉~明冇??』

 仁搖頭~仁小弟拍一下仁個膊頭:『唔明都要明呀~我番房喇~』仁小弟即刻走人~

 廢事俾呢個『問題少年』煩到冇得訓~因為仁小弟唔理佢~所以仁亦都番房~

║║║║║║║仁房║║║║║║║║

 突然電話響起~仁走去聽:『喂~喂~赤西家~』

 打電話俾仁既鈞:『仁~你番到黎喇~』

 仁一聽到係鈞就好開心,因為鈞今次係第一次主動打俾仁,

仁開心到O係張床度跳來跳去,仲跳到撞親天花板,仁一撞到就嗌左一聲~

 鈞聽到仁嗌就問:『做咩呀??小仁仁~~』

 仁:『下~冇野呀~』

 鈞擔心咁問:『真~~~~~~係~~~~~~~冇~~~~~~~~野?????????』

 仁學鈞既語氣答:『真~~~~~~~~~係~~~~~~~~冇~~~~~~~~~~事~~~~~~~~~~呀!!!!!!!!!!』

 鈞笑住講:『唔同你玩喇~你都傻傻地架~~』

 仁:『係呀~~我一向都係一個傻仁啦~』突然仁個腦諗起個『啊』同『嗯』,

 就大膽問:『係.......係喎~鈞麗呀~你........你頭先講既『啊』同........同『嗯』點........點解呀??』

 鈞一聽到之後就好惡咁講:『去死啦~~死仁頭~

我憎死你呀~連呢D咁小既野都要問~我以後都唔理你呀~』

 一講完即刻收電話~仁心諗:『下~我又做錯咩呀??有冇人幫到我呀????HELP~~~~~~』

(仁今次終於講O岩左喇)

 仁靈機一觸諗到邊個幫到佢~佢就出房去左...............仁小弟間房~

﹑﹑﹑﹑﹑﹑﹑﹑仁小弟房﹑﹑﹑﹑﹑﹑﹑﹑﹑

 仁小弟o係度訓緊攪,仁就一個跳遠咁跳去仁小弟度~

仁小弟俾仁嚇醒左~就向仁講:『哥~你覺唔覺你煩架??』

 仁天真咁答:『唔覺~我淨係覺得自己好靚仔~天生一個俊俏樣~

(摸住自己塊面,行去照鏡)哈哈~ 赤西仁呀~赤西仁~你又真係幾靚仔喎~~哈哈~~~』

 仁小弟心諗:『阿哥唔單止,蠢.傻,鈍,笨,而家簡直顛左啦~同塊鏡傾計??死喇~~死喇~阿哥~

 遲D我有錢我一定會帶你去睇醫生~嗯!!有錢我一定會~』仁小弟個心就暗暗下左決定~

 此時仁終於停止左佢幻想緊既世界,番黎現實同仁小弟講:

『細佬~我講個故事俾你聽~你一定要聽架!』

 仁小弟心諗:『我話唔聽你都會照講架啦~』仁小弟好無奈咁點頭~

 仁好滿意咁講:『以前曾經有一個男仔向一個女仔表白~叫個女仔做佢女朋友~

 而個女仔聽到之後就只係『啊』同『嗯』左一聲~咁即係點解呀??』

 仁小弟一聽就知道仁話既男仔一定係佢本身啦~

 就答:『唉~你真係好蠢呀~『啊』係知道你既心意~『嗯』就係應承呀~死蠢~』

 仁一聽到就即刻勁笑同細細聲咁講:『嘻嘻.....哈哈.....佢鍾意我呀~佢做我女朋友呀~哈哈~』

 仁小弟一聽到就即刻問仁:『我個純情大佬~你同阿鈞表白左呀??』

因為仁沉醉O係佢既幻想世界~

 所以冇理佢細佬,一路笑一路行番去自己間房~就係咁~仁佢今晚笑左成晚~

=============================================================================

                作者廢話

CHONG:

好野~終於寫好喇~今次成篇都係我作我打~屎佢淨係俾意見我~

我作呢篇野O個時HAND過機架~攪到作左O個D乜都冇晒~

大家鼓掌~~仁同鈞終於一齊喇~~今篇作到JINJIN佢好蠢呀~

希望大家鍾意呢個咁傻既仁啦~我ICQ係16O59O931~ADD我同我做個朋友啦~~

仲有好多謝俾過意見同讚過我地既各位~

     你地讚<<唯一的邂逅>>,我就好開心~

屎:

哈~其實呢次我可以話係冇作到架~因為呢次係阿chong佢自己作哂架~~

我只係成日o係度煩住佢~叫佢快d交功課出黎~哈哈~冇錯呀~仁終於同鈞一齊喇~

對住仁我真係超無奈呀~我地寫到佢真係成個白痴咁呀~~超好笑~

但係仲有一個問題未解決呀~就係kame應該點同純o係埋一齊呢??因為o係入面~

 阿純都仲係未對kame有意思呀~所以呢~希望有睇我地唯一的邂逅既人呢~可以俾我地d意見啦~~~

我個icq number:91979257~  大家可以add我架~~

 2OO3年7月25日