當你對倉鼠大約兩三個月大時, 你就要不時留意下個女女個肚有冇突然間大左好多, 好似個肥妹咁啦, 如果係的話, 你不防將佢拿出黎同隻仔仔分開一陣, 等個女女可以安心安胎.

倉鼠媽媽大肚時皮氣會特別爆燥, 所以同個爸爸分開一陣, 冷靜下都好丫. 記住分開時要俾多d木康同食物個媽媽, 預防bb一出世時唔會唔夠野食, 因為到時再餵食物驚嚇親個媽媽喎. 如果唔夠食物, 個媽媽好可能會食晒d小朋友架!

當食鼠媽媽生左小朋友之後, 千祈唔好搞, 掂, 踫, 打d小朋友喎, 如果唔係個媽媽又會即刻食晒d小朋友俾你睇, 等你搞得咁開心丫拿! 你到時會見到d小朋友東一隻西一隻, 但係唔駛擔心, 鼠媽媽會執埋佢地一齊架喇. 如果鼠媽咪真係成日有心掉低一隻, 就由得佢啦, 可能果隻小朋友有傳染病都唔出奇, 鼠媽有分數架喇!

當d小bb漸漸長大時, 你千祈要將佢仔還仔, 女還女咁分開養喎, 因為佢地可能太早有bb, 咁生出黎的bb多數會死晒. 又唔好俾佢地亂侖, 咁生出黎的bb又有可能會有事. 咁殘忍, 有乜好呢!

鼠爸鼠媽生完一胎之後, 好快又會生第二胎, 第三胎, 咁個鼠媽媽就會好辛苦, 好快死, 若果你唔想你的食鼠受盡痛苦的話, 一開始就唔好買一男一女黎繁殖喇! 最新的消息, 倉鼠輔頭以三蚊一隻回收已戒奶的倉鼠bb, 但係只可以換物品, 不可以換錢及動物, 金毛熊人鼠一律唔收!