鼠鼠o既小常識
| 養倉鼠係比養其他小動物容易, 好似狗啦, 唔係座座樓養得, 又會咬人, d尿又多, 籟尿都唔知點算. 而養貓呢, 佢就必定會將你屋企d家俬爪爛晒, 又會成日咪咪嘈. 養兔仔咁丫, 養唔夠三日就死. 細隻果d就得意呀, 大隻果d你知唔知似乜呀? 似駱駝呀... 撞鬼囉... | |
| 但係其實養倉鼠都有學問架, 如果響養之前做好調查, 咁就會有定心理準備(其他準備亦係啦), 唔會養養下先發覺唔o岩自己丫嘛! 被主人遺棄的小動物真係好可憐架. 以下就係養倉鼠要注意的事項: |
| 籠 |
| 千祈唔好貪平呀,
一定要揀到一個籠合符以下原則: |
| 1. 盡量唔好有鐵技: 因為鼠鼠會飛d木康出黎, 又會咬鐵技咬到gong gong聲. 不過好處係一定唔會咬爛個籠同平, 三十蚊一套甚麼都有齊. |
2. 盡量少駁口: 鼠鼠會咬個駁口咬到 chong chong 聲.
3. 最好夠高: 唔好俾d鼠鼠touch到個屋頂, 如果個屋頂係膠做果d, gum 鼠鼠好容易就會咬爛個屋頂偷走.
4.
要容易開關: 因為你成日會同鼠鼠玩同換木康,
所以一定要容易開關.
水樽
飼養蒼鼠不像飼養普通貓狗一般，不是用一隻碗放入些少水給牠們飲便可。用碗放些水給牠們飲不是不可，但是要知道牠們的籠子是舖滿木糠的，這些水很容易便會被鼠鼠們倒瀉而弄濕木糠，輕者可能會令牠們傷風，嚴重的可能會令牠們透不到氣而窒息死亡…市面上蒼鼠用的水樽價錢由十元到六十多元不等。筆者曾用過那些十元的水樽 (通常是隨籠附送的) ，發覺不是漏水便是那粒金屬珠生鏽 (金屬珠位於水樽的底部，是鼠鼠飲水時會接觸的地方。金屬珠的作用是防止水從水樽流出，當鼠鼠要飲水時便會碰到金屬珠而水流出) ，最後都是要買另一個水樽。所以選擇水樽時不要只顧便宜呀....
屋
所有鼠鼠都喜歡有自己的屋子，若是你給牠們一間屋子，牠們便會走到自己的屋子裡睡，很可愛的！牠們往往會放很多木糠在自己的屋子裡，作為主人的，盡量避免拿走牠們的木糠吧！
| 玩具 |
| 倉鼠同其它小朋友一樣,
都係要玩玩具, 若果籠內冇玩具,鼠鼠就會成日想偷走架喇! |
1. 轉轉輪: 大部份的倉鼠都鍾意玩轉轉輪, 我就唔會買鐵的轉轉輪, 因為好容易俾條軸夾到. 我會買d條軸響後面(二十至二十幾蚊)或波狀(三十幾蚊)的. 但係波狀的會較易跌爛.
2. 溝渠: 即係一條管狀物体, 用途係俾鼠鼠娟來娟去. 響寵物店的溝渠幾十多元一支, 不過比較美.
|
磨牙石 |
| 鼠鼠d牙好長, 所以要磨, 唔磨會死架, 所以要小心. 但係鼠鼠識得自己磨架喇, 但係亦好少會磨個磨牙石, 多數用d牙磨個籠同d玩具, 成日諗住咬爛左可以買過個新架喎! |
1. 大小磨牙石: 呢d係平價磨牙石, 大的十四蚊, 小的三蚊, 但係不太適合倉鼠用, 適合龍貓用多d.
2. 長形磨牙石: 即係兩粒細磨牙石gum大, 長長地,好喳手d, 六蚊.
3. 鈣牙石: 一盒盒, 十八蚊一盒, 質地好似石膏, 但係我真係好懷疑gum"林之之"磨唔磨到, 一咬就散晒啦.
主糧
最便宜的蒼鼠糧大約要八元(一磅)一包，最昂貴的大約要五十五元(兩磅半)一包。
1. 大包糧: 一d都唔貴, 都係幾十蚊上落, 營養好,甚麼都有, 食足幾個月果隻, 但係有樣野要注意, 就係唔好買太大包, 因為放得太耐會生蟲.
2. 大包瓜子: 冇人隻鼠鼠係唔鍾意食瓜子架, 但係瓜子好熱氣, 唔可以食得多, 太燥會咬人架嘛!
3. 花生: 倉鼠都食花生, 但係唔食得多, 通常一粒都食唔晒, 所以唔可以淨喂花生.
小食
1. 乳酪糖: 維他命c乳酪糖係食鼠至愛食物之一, 不過呢d乳酪糖唔可以放得耐(一盒食好耐架), 所以最好用保鮮盒放響雪櫃內.
2. 小草粒: 維他命c小草粒係由一粒粒綠色物体組成, 聞落去有d檸檬味, 好難聞,鼠鼠唔食架, 所以最好就係將d草粒磨成粉抹放埋落d食物度俾鼠鼠食.
3. 草磚: 鼠鼠係唔會食架, 我見鼠鼠食木康仲多過食草磚! 一盒四十幾蚊, 仲好過去搶!
其它
1. 凍滾水: 水要煲過先可以俾鼠鼠飲, 唔可以俾生水, 會肚仔痛架!
2. 生果: 生果可以俾, 但係唔可以太多. 市面上有隻糧叫水果糧, 裡面有好多好香的水果, 但係色素多, d鼠鼠興趣不大.
3. 菜: 唔熟的菜唔好俾鼠鼠食, 鼠鼠可能受不住會肚柯, 可大可小. 鼠鼠鍾意食菜多過食草磚好多, 尤其是菜葉.
4. 米和飽飽: 鼠鼠都幾鍾意食米同方飽架, 都幾有益添架! 尤其是新鮮面飽, 不過唔好有油同咸味喎.