關於色士風

講到彬少又點可以唔提色士風呢!!以下就係色士風既資料啦~~

色士風既資料可以分成幾個部份，click你想睇既部份就得架啦 :D

基本資料	種類	簡史
保養	名人	價錢
圖片

其實色士風只係英文 "saxophone" 既譯音。正確色士風應該係薩克管。你唔好以為色士風係銅管樂喎!!其實色士風係屬於木管樂。但係點解呢?? 原來係因為色士係由簧片發聲既，就好似其他木管樂既樂器一樣。

番上去

色士風係有８種架!!最普偏既有Soprano Sax, Alto Sax, Tenor Sax同埋 Baritone Sax。

Soprano Sax 係所有Saxophone入面第２高音既Saxophone。 Soprano Sax係 Bb調架~~

Alto Sax就係中音既，係Eb大調。

Tenor Sax就係次中音，同Soprano一樣係Bb大調架。

而Baritone Sax呢，就係上低音。係同Alto一樣既Eb大調。

除左以上４種Saxophone之外，仲有一D小用D既Saxophone架!!例如: Sopranino Sax啦，Bass Sax啦同Contrabass Sax等。

而最小見既就係C Melody Sax啦。故名思義，C Melody Sax梗係 C 大調啦。C Melody Sax 自1920年之後就消失左，所以而家已經買唔到架啦!!

番上去

Saxophone既歷史o係眾多樂器入面並唔算長，只有150幾年。1840年，比利時人Adolphe Saxophone設計同製做左saxophone。到左1846年就申請左專利權。1910年至1920年Saxophone仲廣泛應用o係爵士樂界添!

有D作曲家好似Glenn Miller, Benny Goodman 同 Duke Ellington 既作品仲實會有Saxophone既部分添!!

番上去

其實要清潔Saxophone都幾煩架!! 因為有好多野要做。下面就寫左一D要做既野。

表面既污糟野
用清潔布抹下個saxophone既表面就得架啦~~

Saxophone既窿窿罅罅
要清潔D窿窿罅罅都唔係好難，你伸塊布入去慢慢抹就得架啦

上面兩樣就係隔一段時間做下，但係下面o係D就係次次吹完都要做，唔懶得架!!

Saxophone個"咀"
每次吹完之後記住要拆左個竹片抹下呀。因為入面有好多口水架!

Saxophone條"頸"
吹完之後會有D口水留o係條頸度，所以都要抹下。

番上去

第我講下一D好出名既色士風手啦!!

講到吹色士風既名人當然有Kenny G份啦!! 其實Kenny G係吹流行曲既，但係Kenny G吹到出神入化，所以都好受Jazz愛好者既愛戴。

除左Kenny之外仲有Stanley Getz。Stanley Getz o係60年代早期同一個巴西作曲家同一個歌手將"cool Jazz"樂風同Samba節奏融合，創做左一個新既樂風，叫做bossa nova。 Bossa nova仲好復興左爵士幾添!!

唔知大家記唔記得2003年11月有個世界級既色士風手訪港演出呢。o個個色士風手就係Charles Lloyd啦!! Charles Lloyd 9歲開始學色士風，至今已經56年啦!! 雖然Charles已經65歲，但係Charles既精力同熱誠同廿幾歲o個陣無分別。Charles仲係第一批唱片銷量超過100萬張既Jazz人添!!!

番上去

講到色士風既價錢真係要平有平，要貴有貴。如果你要平既幾千蚊都有，但係音色就唔會係好好啦。始終一分錢一分貨丫嘛。而貴既呢，就可能去到幾萬蚊。所以一部色士風要幾多錢真係視乎音色同種類。

以下係一D關於色士風既圖片。