收集sanrio真係吾簡單，除左付出金錢、時間、精神、能力之外、當然唔少得運氣。
我地2個買sanrio物品個時，都遇到好多難忘事。點解我地會收集sanrio呢？
就等我地2個話比大家知啦！
男sayuri之解說：
鍾意企鵝TUXEDOSAM，係有個故仔既。話說小一既我，有一次考得好成績，我呀媽買左份禮物俾我，
我打開D花紙，見倒有個筆盒，呢個就係我既第一個呀SAM喇。不過好可惜，幾年後俾人掉左，
我仲記得有一次俾人掉左隻呀SAM毛公仔，我喊左一個下午，不過依家自己儲倒咁多呀SAM，都已經好
唔錯，因為佢出D野真係好少。
鍾意馬騮仔MONKICHI，係因為有人話我個樣好似佢，仲要係粗眉果隻，而我屋企儲得最多既都係佢，
今年見佢出番多D野，真係好開心。(註：個人就係我女sayuri啦!haha~~~眼大大、眉粗粗!似!!!!)
鍾意八爪魚SAYURI CHAN,，因為一隻會BB叫既毛公仔，(100隻紀念版)有時見倒佢個樣咁開心，
我自己都會開心埋一份。不過佢D野真係好少，但好靚。(註：haha...有都比我女sayuri要哂啦!我咁鍾此八爪魚!)
KIMONOSUKE鴨仔D產品真係好少，我最鍾意就係佢既毛公仔同埋個筆袋，不過我諗佢都唔會再有產品出，
同埋好似無乜人識佢咁……
至於野人BIBINBA，其實開頭我唔係咁鍾意佢，個公仔係有一次係日本BID野時，一堆野BID番黎既，
我有諗過放佢上YAHOO賣，不過我諗都唔會有人買，所以放左係屋企，但睇下睇下，又覺得佢幾得意，
跟住開始鍾意佢。
YUMMY CHUMS漢堡飽仔，鍾意佢係因為我好鍾意食MCDONALD既巨無霸，呢隻公仔係SANRIO 03年既產品，
不過佢D產品唔係樣樣都靚，所以我儲得好小。
POLAR PICNIC企鵝，鍾意佢係因為佢個樣好得意，傻更更咁，不過佢D產品又係停晒產……
男SAYURI結語：
我對sanrio真係又愛又恨，愛當然係有咁多動物做主角啦!而佢d產品又好靚，但恨既就係，
佢太鍾意出hello kitty產品，咁樣對好多鍾意其他人物既收藏者黎講，好唔公平！
女sayuri之解說：
呢一雙就係我好鍾意的八爪魚，chu chu taco啦。點解我會鍾意佢呢？
事源有一次同男sayuri行街街，佢起一間文具店入面的架上，搵到一包92年出的紙巾。因為我一直都鍾意
八爪魚精品，所以佢就比我睇下。上面有一條魷魚同八爪魚kiss kiss~~ 好鬼得意，而且又靚...所以就第
一次同chuchutaco見面啦。就因為咁.我愛上左佢啦!之後，我就留意佢，睇下有無其他野買~不過，佢都好
似無咩人識咁，起香港根本搵吾到，後來，我再去返個間文具店，我又搵到手巾啦，擦膠咁~有d就係拍賣
返來的!我所有佢的精品，好珍貴架!有d仲要係男sayuri搵比我架。
呢一隻就係海怪hangyodon同八爪魚朋友sayurichan，同我地個名一樣呀!haha~
其實，我只係鍾意八爪魚朋友sayurichan咋，因為我like八爪魚物品嘛!好自然就愛上佢。可惜丫，佢
只係一個配角，好少會單獨出佢自己一個的精品，不過好好彩，我有佢3隻大中細的公仔(男sayuri)又有
3隻，我地2個一共有6隻~haha..佢見我個d公仔咁靚，佢又忍唔住買喎~~haha~~~
仲有仲有...有佢的海綿同大手套，都算好好啦~仲有擦膠啦....呢d野都係我地呢幾年買的。
呢一隻就係xo朋友海獅仔Good Hana-Maru啦。點解我會鍾意呢？起2002年的x'mas,男sayrui起日本
靜雞雞買左2隻海獅仔公仔比我。我收到之後，覺得佢好可愛，表情多多，又係白色(我like白色)，
所以，我又多一隻寵兒啦。可惜，佢又係一個配角，又係好少物品..不過我都有8隻公仔,同袋仔之類~~
呢一隻又係xo朋友熊貓Panda-Ba ，佢個樣真係好好笑~可惜,我只有佢一個鎖匙扣，同埋貼紙咋。
我叫佢做媽媽的~haha~~~又係一個配角。點解我咁鍾意配角呢？
呢一隻係friendlykokko chan ，白色大肥雞。講開點解鍾意佢，我都唔係好記得。
有一次我行文貝店，買左friendlykokko chan 的一張貼紙，覺得佢好肥，好可愛。自此，男sayuri
以為我好鍾意，所以就買左好多friendlykokko chan 的精品比我，後來，佢仲買左一隻限定公仔比我。
我就真真正正愛上佢啦~~其實，我知道男sayuri都好鍾意佢架。仲成日要買friendlykokko chan 比我，
只不過佢自己鍾意之嘛~hahahaha!!
呢一隻晴天公仔叫Teruteruporon，雖然好似好簡單，但係真係好靚，可惜佢的精品少之又少，起市面
好難搵到。不過，近來好好彩，比我搵到好多好靚的精品，好似吹氣公仔、散紙包,仲有一本拍賣返來
的notebook($7),真係好靚~~~~~~~我都係慢慢咁鍾意佢呀!
呢個bb原來係女仔，叫Atchan ga Ichiban，佢都係好得意，我最鍾意都係佢個喊樣，好少見。呢個bb
精品比較少，不過我地2個見到有佢的精品時，都會買返來。起呢個summer holidays，我地就買左好多bb
精品啦。大家可以去我的珍藏睇下我地買左咩啦~有好多都係好少有架。
呢隻鹿仔叫deery-lou，係新出的•呢隻鹿仔2002年第一次出精品時，真係好特別，個感覺好日本。
顏色以綠色為主，真係好靚。所以〝我就擁有第一個鹿仔化妝袋啦。而家新出個d，我就唔太鍾意啦，
所以只係買左d貼紙。如果可以搵返第一批精品就好啦。
呢一隻又係新出，叫kyupi，係水仙子。都幾靚丫~~可惜，佢的精品就唔係好得我歡心啦。我只係有佢
一支筆呢~~如果佢的精品靚d就好啦~
呢隻狗叫Pero Wa Tomodachi，92年出的•香港真係未見過。我識佢都係因為買左一堆襟章返來，發現
到佢，覺得佢好Q，所以就擁有佢唯一一個襟章啦。
呢隻狗叫Peter Davis，77年出。佢個感覺好紳士，有少少鍾意佢。第一個佢的精品就係公仔鎖匙扣，
之後就買左佢日本限定襟章啦~
呢隻係水母，Puka-Puka Paradise，90年出~因為我鍾意魷魚、八爪魚、水母的玩具，所以自然鍾意
呢隻水母，我只得佢一個日本非賣襟章。
呢個婆婆叫 Umeya Zakkaten ，係開雜貨店的。我只有佢一個襟章，我覺得感覺幾好，有少少鍾意。
女SAYURI結語：
市面有好多公司出的精品，不過我最鍾愛都係sanrio，可能係一個情意結啦，中學個時都係買sanrio
做文具，到而家又比男sayuri影響，自自然然就儲蓄起來啦。只要靚我就會買啦~所以，我珍藏入面
又包括little twin stars、rururugakuen、monkichi、tuxedosam等等，我唔係鍾意呢d人物、而係個
物品靚~~ 靚!!!一定要靚~~~ (^0^)"
ps:呢個網頁的背景用左2隻毛毛馬騮公仔做主角，我地一人一隻，佢地係吾係好可愛呢？
92年日本出的，極為珍貴!!!比人炒到好貴呀!可惜......