81K 新田圍←→穗禾苑
路線簡介：
81K係全沙田區K線中最遲放棄用前置引擎巴士款式行走既K線，此話何解？冇錯，若同82K相比，81K引入後置引擎巴士既時間的而且確較82K來得要早，但81K卻一直要到98年中，加入空調巴士行走，全線車隊才能正式全部為後置引擎款式之巴士。
其實，81K同82K呢兩條線可以用兄弟來形容，兩線在97年前，依然是使用利蘭勝利二型(G)作為主力，但當81K於97年2月開始，全線雞車(勝利二型別名)除了G231-CJ2550外，全部早期既雞就退下火線，其餘較後期既雞，則大部份被調往87B，直至終老。至於何種車款代替他們既位置呢？那就是同廠的奧林比安九點七米(BL)，這批BL分別來自原本沙田廠的後備車以及因被空調巴士取代而來的81M及88M掛牌車，同時，還加入了一架前83X掛牌雞車G251-CJ4608作為掛牌，兩架雞車當時被用作特別車(即行內稱為既兩味車或者蛇車)，而當時網主是十分唔捨得雞車離開81K，但好在81S還會用雞車，令網主朝朝仲可以坐雞返學。
另一邊廂，82K亦於稍後時間，將原有既雞車掛牌，改由丹尼士多明尼達九點四米(DM)作掛牌，亦令兩線有一段時期唔再似兩兄弟，後來點，睇82K既簡介咪會知囉。話可以說回來，82K同樣保留了兩架雞車，分別係鹽業銀行廣告既G157-CG2633同偉易達廣告既G162-CG3147。兩車分別於97年7月及8月先後退役，後來G276-CK6553(我架代表車呀)就加入82K，成為82K最後一架前置引擎巴士掛牌，而此車亦於退役前3-4個月調往87B服務至終老。
講番81K，G231首先於97年9月退役，但其位置則被另一架雞車G262-CK3895取代，過多兩個月後，G262都要退役，始由BL32-DB6920取代。至於G251-CJ4608，就於10月退役，並改作訓練巴士，其位置則由一架另一款前置引擎巴士─丹尼士祖比倫(N，俗稱鴨車)取代，亦即81K最後一架前置引擎掛牌─N333-CS6562，值得一提係N333既水牌係DENNIS JUBILANT，比較其他鴨既水牌只有DENNIS字樣係唔同。
到了97年5月，一位朋友同我講，話81K將於6月會有3架空調巴士行走，當時令網主好興奮，而且日日留意睇下出左通告未，結果搞到有書唔溫，考試全部炒哂，而81K就要到98年7月23日始有空調巴士加入行走，而同日，陪左網主2年幾上學生涯既81S亦宣佈取消(81S資料稍後會於81S回憶中交代)，至於個3架空調巴士，當時只得*丹尼士巨龍九點九米(ADS)雙層空調巴士可以於穗禾苑內行走，故此，81K既冷馬只能獨洁一味，而最可笑是於平日早上有兩架車要攝282(而家就攝284)，朝早得一架冷。
到左2000年1月24日，呢日網主係唔會忘記，因為我既第一次就發生左，唔係衰野，而係我終於第一次近距離見到簇新既丹尼士三叉戟十點六米(ATS)低地台巴士，而且仲要係行81K，個時以為81K好快有金車行，而且後來又話係2000年7月81K會全冷，點知以上全部既野，到了七月仲未發生，只係間唔中有一架ATS行咋，比起年初，唉..........，個時最勁出5架冷，當中仲要有2架金。
終於係2001年4月23日，亦即是81K提供空調巴士服務剛剛33個月後，81K正式加入新近投入服務之富豪超級奧林比安十點六米(ASV)低地台巴士行走，以取代年事已高之BL，及增強空調巴士服務，而由當日起，只餘下3架BL，當中包括老大哥的BL120(DG4335)，而ASV亦成為九巴車隊中首款駛上穗禾苑之富豪巴士，配亞歷山大之空調巴士，而由於兩軸非空調巴士之退役，故此81K於2001年12月23日開始，全線改由空調巴士行走，並且與81路線開始提供八達通轉車優惠。
P.S*由於受到穗禾苑苑內通道限制，故此行經該帶之巴士車型必為長度十一米以下。
編按：由於網主太愛81K喇，所以路線簡介都幾長下，哈哈^_^
路線資料：
服務時間
每日：
新田圍開：5.45am--12.15am 平日每隔6-15分鐘一班
假日每隔9-15分鐘一班
穗禾苑開：5.45am--12.45am 平日每隔6-15分鐘一班
假日每隔9-20分鐘一班
收費表
空調巴士 $3.70
全程行車時間：36分鐘
行車路線
新田圍開：
新田圍村通道，沙田頭路，車公廟路，大涌橋路，沙角街，乙明村街，沙角街，沙田圍路，沙燕橋，沙田鄉事會路，大埔公路，沙田市中心巴士總站，沙田正街，橫壆街，源禾路，火炭路，山尾街，穗禾路，穗禾苑通道
穗禾苑開：
穗禾苑通道，穗禾路，山尾街，山尾街巴士總站，山尾街，火炭路，源禾路，沙田鄉事會路，大埔公路，沙田市中心巴士總站，沙田正街，橫壆街，源禾路，沙燕橋，沙田圍路，沙角街，大涌橋路，車公廟路，沙田頭路，新田圍村通道
本頁負責人：Webmaster
最後更新 Last Updated：23-12-2001