81M 新田圍←→九龍塘地鐵站
路線簡介：
81M係新田圍這條老牌屋村既第一條巴士路線，但81M卻是新田圍巴士線中進步最快既一條。
還記得小時候，當網主坐81M時，那時既車種仲係第一款後置引擎巴士─丹拿/利蘭珍寶(DAIMLER/LEYLAND FLEETLINE，D)，個時我最感興趣就係個支司機叔叔轉來轉去既棍狀物體，即係波棍，不過冇幾耐，寶寶就離開了81M，取而代之係利蘭奧林比安九點七米(BL)，而且這批BL更陪伴左網主近10年時光，而且佢地亦幫81M開創兩個紀錄，就係可以接受通用儲值票繳付車資及而家既八達通收費系統，不過到左97年1月16日，奇妙既事情就發生係網主眼前，一架簇新丹尼士巨龍九點九米(ADS)雙層空調巴士出現於網主眼前，睇真D，81M有冷氣巴士服務喇，而呢部短龍就係網主另一架代表車─ADS154-GZ7005。
到了去年4月26日，81M加強空調巴士服務，令原本只得2架空調巴士行走既81M，增至4架，而且，一架兩味車有時亦會派出空調巴士行走。
早於97-98年，81M已經常見有十一米空調巴士行走，後來非空調巴士亦出現此情況，不過，81M真正使用十一米巴士行走，就要到去年8月25日，當時3架BL換成利蘭奧林比安十一米(S3BL)，而原本既BL則有兩架改派往82K，而BL68-DE3414則成為荔枝角廠46線既掛牌車。至於空調巴士則於99年9月30日，丹尼士巨龍十一米(AD)雙層空調巴士加入81M，並取代原本既ADS，以解決沙田廠ADS後備車不足既問題(不過個問題而家仲存在)，當中梗有我架代表車-AD225份啦。
曾幾何時，81M計劃跟路線相近之88M合併，而81M可望會改派低地台巴士行走，因為當日富豪超級奧林比安十二米(3ASV)曾經用作新81M路線訓練之車型，不過，基於區議會反對，合併計劃未能實現，而於二零零一年四月一日，兩架AD再次換成ADS，而AD225(GM6242)亦捨我而去，不過於二零零二年一月開始，兩架AD再度取代ADS之位置，可能這就是81M的指定動作，由大車換細車，細車再次換成大車。
在二零零二年中，隨著九巴有計劃地淘汰隊中之十一米利蘭奧林比安，故此81M開始換入都城嘉慕都城型十一米(S3M)行走。
路線資料：
服務時間
每日：
新田圍開：5.40am--11.50pm 平日每隔9-18分鐘一班
九龍塘地鐵站開：6.10am--12.25am 平日每隔8-18分鐘一班
假日每隔9-18分鐘一班
收費表
普通巴士 $3.00
空調巴士 $4.20
全程行車時間：26分鐘
行車路線
新田圍開：
新田圍村通道，沙田頭路，車公廟路，田心街，紅梅谷路，獅子山隧道公路，獅子山隧道，窩打老道，歌和老街，根德道，沙福道
九龍塘地鐵站開：
沙福道，窩打老道，獅子山隧道，獅子山隧道公路，紅梅谷路，田心街，車公廟路，沙田頭路，新田圍村通道
本頁負責人：Webmaster
最後更新 Last Updated：16-7-2002