HoMe

~More about me!~

諗左好耐到底仲有Ｄ咩好放係個 homepage 度, 結果係唔知道... 因為我真係唔知嘛...(突然覺得自己好唔知想點添... 無奈!~) 不如就係度講多Ｄ自己既野啦!~

日夜顛倒

每曰起身必定係刷牙--->飲水and食煙---> 冲涼, 跟住就唏囉... 哈!~

夜間活動, 因為唔鐘意陽光, 所以覺得返學係個酷刑!~

鐘意對住部電腦發呆, 一日唔on過line都唔舒服!~

鐘意自己一個人係屋企! (絕對懷疑自己係有自閉症既!)

行街成日發夢, 成日連Ｄ朋友行過都見唔到, 又聽唔度, 俾人鬧過無數咁多次!~

拍過六次拖, 拍拖既對象當然都係女仔(b)啦, 不過無次長, 因為...... 都係唔好講啦, 想知既話, 遲Ｄ講你知!~

試過鐘意左個人３年, 重要鐘意佢果時係唔識佢架wor, 咁就鐘意左２年, 然後識左佢又再鐘意左１年, 哈哈!~ 跟住... 唔記得lu!~

嚴重既失憶症加short term memory加選擇性記憶, 唔好問我細過Ｄ野, 唔好問我前幾日做過Ｄ乜, 更加唔好問我我記唔記得果次... (你講咪記得囉! 哈) 因為我真係可以唔記得! 但係有Ｄ野就成日都記得, 因為選擇性記憶嘛!~ hee

口頭禪係"唔知道", "是但", "唔記得", "ok囉", "唔該晒"!~~~

成日都話要減肥, 但係永遠都係咁肥, 哈!

Play hard, love hard, but never work hard!~ ha!~~~

超怕痛, 成日比人話我係豆腐, 掂下都嗌痛, 但係Tattoos, Belly ring, Tongue ring 同 Ear rings 都係唔痛既, hee!~~~

鐘意做埋晒Ｄ無聊野! (咁唔做無聊野, 有咩好做 wor?!~)

超級大洗, 完全唔識理財, 成日都唔知Ｄ錢洗左去邊度架囉!!!~~~ (無奈!)

逃避, 成日都鐘意逃避... 咁有好多野唔係我控制度架嘛! 正所謂船到橋頭自然直嘛, 所以啦, 洗乜諗咁多解決方法同煩 wor?!~ 逃避咪一了百了囉! 哈!~~~

唔好問我理想 or 將來, 因為我真係無諗過 wor,...

細膽, 唔知點解自從大個左Ｄ就開始咩都驚咁... 可能係無安全感啦!~

鐘意笑, 但係成日比人話我黑面, 咁我都唔知點解 wor!~

成日多多藉口, 因為... um,... 懶囉!~

永遠唔識 make up my mind, 因為我驚我會後悔!~ 所以咪咩都是但囉!

想做就去做, 永遠都唔會諗下後果既... 好似開始寫 homepage 果日咁, 我係趕緊功課架囉!~ 咁人地想做呀嘛!~ 結果都有交功課呀!

EQ勁底, 完全係感情用事, 無理性果D!~~~

非常唔了解自己, 唔知點解架, 因為Ｄ人好鐘意問我到底知唔知自己想點, 答案緊係唔知啦, 哈!~

**呢板Ｄ野係難䏲Ｄ架啦, 話晒都係Ｄ秘密嘛, 哈!**