法仔（Iverson）真醒，睇佢係明星賽第三節，眼仔冒火，偷完一球又一球，遠投、drive-in、妙傳，簡直八面玲瓏，無得頂！明星賽星光熠熠唔難，季初、季後、再殺入決賽，帶領冒起的76自由人隊一鼓作氣，奪取冠軍指環，先至係新紮一哥。

　　當年米高佐敦俾球評譏誚，話佢注定一人球隊，咁獨食與冠軍絕緣。法仔都算傳奇，打教練，轉投弱隊，洗心革面，今趟俾佢打過既教練又大諒，薦佢入明星賽，勇奪MVP。

　　籃壇大師John Wooden立下成功金字塔：志氣、真誠應變、誠信為基石，機智、誠信再攀向奮進、可靠的高峰，再上一層樓到達信心、堅忍，再上就係至尊王者的境界。

艾佛遜，三鬚睇好你，成功一半，再放長雙眼，可唔可以、「看自己合乎中道」，繼Dr.J和佐敦後，再上一層樓，坐穩至尊位。十幾年前76人鮮紅的fans球衣，我仲留下，到時著出黎威下！想知J.W.的成功金字塔係乜？大家可瀏覽籃體網頁。