April...
Failure given you the opportunity to begin again
more intelligently
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月30日 (三) [胃大哥, 求你放過我啦~]
昨晚可能係因為自己忍唔住口食左雪糕, 臨訓前個胃又黎作惡 >_< 冇胃性架!! 訓極都訓唔倒, 好痛... 本來真係想叫家人陪我去睇急症, 但係... 所以,
最後等到個胃玩到累, 我先可以累到訓著左.... 想起從前的一晚...
今日中午同左Gordon佢地, 一行六人, 去左將軍澳食飯~ 又識多左一個朋友仔^^ 聽阿徐講野真係笑死我!! 哈哈~ 今日餐飯都食得幾開心,
不過我都唔敢食咁多, 因為怕個胃又唔聽話...
唔出聲, 係咪真係會俾人蝦架??
4月份話咁快又過左啦~ 我地5月份再見啦~ 拜拜!! :)
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月29日 (二) [你你你快跪下, 看我引弓千里箭~ :p ]
今日收倒一個e-mail係可以download以前既一d兒歌, 我當然係即刻download左一d黎聽啦~ 這陣子都係聽"愛情蒲公英"個隻碟,
首首都係d慘情歌, 聽得多個人都會唔開心, 所以今日一聽番d輕鬆既兒歌, 真係好開心左好多^^ 尤其是係聽倒"美少女戰士"既主題曲... 哈哈~
諗番起我地Form3個時既搗蛋野~ 好耐之前係街度撞倒"甩粉", 我都即刻諗起同一件事, 覺得有d對佢唔住~ 不過Form3個年, 無論係自己,
或者3D班黎講, 都有好多事發生左...
今日, 我又學左一D處事既野...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月28日 (一) [kiss kiss~]
因為Dr.Leng話d料會係今個星期送黎, 所以我都唔敢唔番黎啦~ 係學校度都可以溫下書既, 不過梗係冇係屋企溫得咁efficient, 而且又要戴住個口罩,
都咪話唔辛苦~ 但係有時諗下, 係前線工作既醫護人員, 佢地差唔多要時時刻刻都戴住個口罩, 不停咁去救人, 又唔敢番屋企見家人咪仲辛苦?? 如果俾我,
幾日冇得見屋企人可能會喊tim呀~ :p 所以真係好希望非典型肺炎快d走啦~
聽"森美小儀"個節目, 原來今日係KISS DAY喎!! 聽佢地講點樣錫人既方法, 真係笑到我停唔倒口... 哈哈~ :D
不過lee個節日都係想大家好好咁錫下身邊既人去表達一下對對方既關心同愛架姐~ 而家SARS咁勁, 邊個敢俾人錫呀~
今日學校有個area居然停左電成個鐘!! 我個度又冇事喎, 所以有個朋友仔叫我一齊去食tea, 我落樓梯個時見倒漆黑一片先知咩事~ 真係黑到咩都睇唔倒架!!
我都覺得自己好勇, 咁都仲敢行落去~ :)
今次學校個MEGA SALE有糖糖賣呀!! 搵日一定要買d先~ (但係會唔會真係買d架咋??) ^^"
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月27日 (日) [加油~~]
今日都要補習...
大家都補到好眼訓~ 有時我都覺得自己好似係度折磨緊你地咁, 我都唔想架!! 但係我都想你地可以學好d basic既野, 咁起碼大個個時唔會追得咁辛苦...
我感覺倒你地兩個都有進步, 我都好開心架!! 希望你地會繼續努力啦~
見倒兩個小朋友因為屋企有隻"米奇"而搞到大吵大鬧, 我都覺得好好笑~ ^_^ 有時小朋友講既野真係好好笑, 你可能冇諗過佢地既想法...
有時可以好似佢地咁天真都係一件好事... lee個亦都係我鐘意幫小朋友補習既原因...
明日你有standardized test 啦喎~ 希望你食左我買俾你既"得力素"可以拎滿分啦~ 掂!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月26日 (六) [平靜]
補習... 再補習...
因為肺炎, 有d學校要開始連星期六都要上堂, 食飯個時又唔可以講野, 又冇得開冷氣, 連上PE堂都要戴口罩!! 真係戥你地辛苦啦~ 不過你地都一樣要加油呀!!
lee幾日完全係冇肚餓同飽既感覺, 見倒d野食都唔想食... 所以個胃又開始作惡啦~ :( 好辛苦...
在我心目中, 你就好像神.. 永遠都會寬恕我...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月25日 (五) [給我安靜~]
心情欠佳...
但係今日係學校既感覺總算係平靜... 同一位朋友仔係學校四處遊蕩左一陣, 再坐左係度傾左一陣都幾正經既計~ 原來有d野我真係從來都冇講過你知...
或者好多時我地都係講academic既多, 反而我聽你講你既野多好多... 今日我又知多一樣野啦... 我諗有個壞習慣真係要改改先得啦~
對唔住呀~ 要你等我tim!! -_-!! 讀左Mphil之後, 我覺得自己好似多左人照顧... 以前讀中學個時我照顧人就有, 邊有人會照顧我lee
d咁man既女仔呢?? 而家就唔同啦~ 雖然自問自己知識同姿色都欠奉, 但係可能係engine度女仔始終會矜貴一點, 所以... :) 不過lee
d野係唔會嫌多既... :p
今晚去左切sample, 一個人, 可以安靜一d... 好彩都算係順利~ 之後係個位度打左個summary report俾老闆... 個lab冇人, 好靜,
好舒服, 唔係好想走... 好想靜靜...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月24日 (四) [成日失眠...]
今日成1點倒先番到去,
要你等我真係唔好意思啦~ -__-!! 係搭第一架巴士個時, 我個眼鏡既螺絲竟然突然鬆脫!! 有一塊鏡片即刻唔知跌左去邊~ 唉... 成500度近視既我,
根本都睇唔倒塊鏡片跌左去邊... 所以唯有戴住副眼鏡, 然後就"單"起隻眼搵... 好彩玻璃片都冇爛咋, 唔係又破產架啦~ :)
落左第一架巴士就即刻行去"全天候大型購物廣場"度整留好佢~ 係冇眼鏡戴既一段路, 我咩都睇唔清楚, 好唔舒服, 仲有d頭暈暈tim @_@~
原來我從來都冇真真正正咁去諗過自己對眼係幾咁重要... 希望我唔好再近視加深啦~
食麥記又無啦啦有多張coupon, 買朱古力唔駛錢^^ 食完飯去左追數, 但係因為我地太善良, 所以咩都追唔倒~ 之後番左office,
同d同學仔傾下今日要交既功課, 又同一個朋友仔閒談左好一會兒... 今日來來回回library好幾次, 好熱~ 又去左感受一下校園一角所做既非法野...
今晚上堂多左好多人呀!! (咁梗係啦, 要交功課嘛~ break之後就冇晒人啦!!) 睇黎, Dr.Leng真係愈來愈唔ok啦~
點會叫佢教thermodynamics架??? 好悶...
八達通, 失而復得喎~ ^^
收倒朋友仔reply既遊戲, 真係睇得好開心呀!! 多謝你地 :)
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月23日 (三) [生日快樂!!]
今日係媽咪生日,
希望您身體健康, 快快樂樂^^
就係因為媽咪生日, 我今日又偷懶冇番學校~ :p 一早就同爸爸去左街市買野, 為左媽咪, 我用我最大既勇氣去... 雞檔 (d雞好得人驚!!好核突呀!!)
雖然我企開左幾呎, 但係我都覺得自己己經係勇氣可嘉架啦~ :p
今日成日都好似好飽咁... 咩都唔想食~ 不過一家人一齊食飯都幾開心架!! 希望以後有多d咁既機會啦~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月22日 (二) [麥0麥話:「we shall 黐孖筋」,哈哈^^]
下午差不多四時才回科大去~
逗留了兩個小時左右... 今日特登番去都係為左你咋... 偉大哩?
今晚吃得很飽 :) 亦總算完成了任務... 希望明天能開開心心!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月21日 (一) [最後假期]
今天中午有人請飲茶呀!! 多謝阿玲~ ^_^ 原來紫外線殺菌柔巾係好似蛋卷咁架~
有些過去真的是碰不得...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月20日 (日)
[剩番一日假期咋~]
又是補習的日子... 您的一番說話令我不知該作什麼樣的反應... 楊枝金露很不錯呢~ :)
今天就像發現了新大陸一樣, 但...
知道了一個消息, 不知為何應該是開心的事, 我卻反而開始擔心起來... 天祐愛人~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月19日
(六) [We shall overcome...]
補習復補習~~~ 都咪話唔累~ -_-!!
今晚在抗炎節目中見到郭晉安呀!! ^^ 他竟跟"好姨"教人如何洗手, 又唱又跳~ 好白痴呀!!
「的起個心
收起個腩
整靚個肺
臀結就是力量!!」:)
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月18日
(五) [Relax...Relax...]
吃了藥, 病程好像有點好轉... 不過心理上的壓力才是最大的問題, 幸好有四天復活節假期可以好好休息一下~
今天... 陽光很猛烈~ 鼻紅紅... :)
擔擔麵 = 兩"啖"就食完既麵~ :p
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月17日 (四) [很怕很怕]
我又再病倒了... 應該說自上一次生病到現時我都未能真真正正地康復過來, 這只怪我根本沒有好好地聽醫生的話...
:p 所以今天早上又再一次死死地氣去看醫生了~ -_-!! 醫生今次說的話令我更緊張起來... 我真係愈來愈驚... 唔知自己會唔會有病...
所以我完全不敢除下口罩...
中午跟好朋友吃飯^^ 聽到你一個弟兄的遭遇, 心裏不免有點難過...
原來AIT已經關門大吉, 但不久之後便有ASAT的人主動致電給Elaine, 並僱用了她... 在這個時勢能找到工作真的很幸運... 希望你能好好工作啦~ :)
由於帶上口罩關係, 而且心裏總不希望把病傳染他人, 所以整晚上課我也沒有作過聲... 個頭真的很痛, 很痛... 所以我根本沒有把Dr.Leng的話聽進耳裏~
可能課室內空氣不夠流通, 總覺得自己全身好像發滾一樣... "求下你, 唔好係我中呀!!"
放學時在巴士站遇上了一位同學, 跟他的一席話, 彷彿已走過了人生一段很長的路了~ 我是不是該走出去外面的世界去看看呢?
真的很多謝你像哥哥般照顧我, 如果沒有你的話, 這一天的我不知是何等樣子了~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月15日 (二)
[戴口罩---第二天]
今天一早就回校上課, 乘91M時遇上一個朋友仔, 怎料我們在LT內足足等了整整半個多小時仍未見Dr.Carles,
已心知不妙... 原來她本已send了e-mail給大家說暫不用上課, 但她不知道自己send的時候有error, 所以...
雖然我覺得要我一大清早便回校有點不快, 但心裏並沒有責怪她, 因為她真的是一個很親切的老師... 就好像中學時的老師一樣...
今天整天都在無無聊聊, 什麼工作的心情也沒有... 不過我也有找過Dr.Leng問問他MECH543的assignment, 一問就是一個小時~
弟弟病了~ 你要好好照顧自己呢, 不然有很多人也會很擔心你的!!
今晚心情好多了... 海風, 很舒服呢~ :)
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月14日 (一)
[要戴口罩啦!!!]
終於都要被迫戴口罩了~ -_-!! 有偉哥係度, 想偷雞, 好難啦~ :p 不過為大家著想也是應該的... 不過,
兩個人戴著口罩談話的感覺很趣怪呢~ 唔好意思呀, 小師弟... :p
今晚收到了一位朋友仔寄給我的信... 真的很興奮呢!! 因為我還以為我以後也不會有信收的了...多謝你給了我一種久違了的感覺... :)
很想逃避...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月13日 (日) [苦已受夠了]
習就始終都要補既... 錢都係一定要賺既... :p
實在無法想得到你的腦裏是如何的想...
明天終於都復課了~ 希望所有人都能身體健康, 共渡難關... 苦已受夠了~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月12日 (六)
[順其自然]
補習... 努力賺錢~~~
豬扒雞翼麵... 真不錯!! 多謝您~ :)
晚上跟兩個很久沒見的朋友仔吃飯... 每次聊天, 總會提到一些我不太愛討論的問題... 我只知道有很多事也是靠機緣巧合, 當你能遇上的時候,
你也會覺得宇宙是如何的奇妙... 人失去了方向, 是不是現在的年青人一般有的難題?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月11日 (五)
[很怕...]
今天我沒有回校呢~ 不過卻去了賺錢... 一補又是三個小時...
看著兩個小朋友真的氣壞了我 -_-!! 搵我笨!! 丫~ 真係丫~
下個星期終於都復課啦~ 不知為何, 現在又不想上課了... :p 要戴口罩上課呀!! 唔係卦?? 難道我真的要為學校犧牲我的第一次? >_<
感謝阿秀的關心^^ 看著報紙, 我也很怕自己會有肺炎也不知道... 自己死不是最重要, 最怕是連累了家人和身邊的人... -_-!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月10日 (四)
[為食妹係我!! :p]
終於去了看醫生... 是腸胃炎呢~ 胃整天也在隱隱作痛... :(
要看著一個身手笨拙的人拆底片, 沖底片和入底片, 令你連僅餘的午飯時間也被我剝削了, 真的難為了你, 對不起呢 -_-!! 希望你不會嫌棄我啦~
吃午飯時居然遇到聶欣豪和巢家倫~ 即時令我想起了阿時呢~ :p Ivan變了不少呢~ 他讓我知道原來有個運動叫"飛碟"的!!!
今晚又放肆的吃... 因為有我最喜歡的湯圓呢!! :p
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月9日 (三) [病了... ]
昨晚肚子很不適, 走了洗手間好幾次... 整晚也睡得不好, 很辛苦呢~ 早上醒來已是十時半, 心裏在猶疑下午應否回校
(因為我book了TEM), 但, 最後還是硬著頭皮回了科大...
原來張賢請了一個月的假期, 所以只有T.K.一個人支撐大局... 所以今天我大部份時間都是自己一個人操作TEM... 照片是拍了好幾張, 不知效果如何...
直到五時左右, 我的救星終於來到... 他教了我如何拍diffraction pattern, 也跟我談了很多academic以外的事...
很開心能在大學入面遇上了一個亦師亦友的"朋友仔"~ 真巧合, 兩個我最尊敬的老師都是姓張的!! ^^
這陣子, 真的很怕自己生病... 很怕... 很怕... 生病的時候, 總會特別渴望得到家人的關心和疼錫... 我真幸福呢~ 但, 我仍希望可以有更多...
更多...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月8日 (二) [^^]
今日有位朋友仔山長水遠到來科大跟我吃飯, 雖然她主要是想來library找資料, 但她仍很有心的找我吃飯,
都算係唔話得架啦~ :) 不過我都算係咁啦~ 因為你係黎科大到處散播細菌... :p
今日還可以一起乘車回家, 很開心呢!! ^^ 不過很累呢~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月7日 (一) [SEM---直迫40K!!]
今天讓我親身去感受到人自私的一面...
整天都和SEM作伴... 累透了~ -_-!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月6日 (日) [^^]
終於有得補習啦!! 仲要係一補就補左4個鐘頭 -_-!! 有大菜糕食呀~ 好耐都未食過啦~ 只係覺得好涼浸浸...
:)
今晚又食得好開心~ 你今晚咁講, 唔知點解我居然有d唔捨得佢地... :(
昨晚傾得好開心... 對唔住呀~ 可能我真係太少時間放係你既身上, 但係我都好想可以時時刻刻同你一齊分擔所有既事...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月5日 (六)
[清明時節雨紛紛]
每年清明節, 我都不用外出拜山~ 因為各先人的墳都不在香港... 不過也會在家在祖父母靈位前上香... 對於祖父母,
我實在一點印象也沒有, 因為他們都在我還未出世時便離世... 但從爸爸口中, 他們都會在我腦中素造了一個形象 --- 很嚴的祖父和賢良淑德的祖母...
還有您呢~ 我現在也會無時無刻掛念您呢~ 不知現在的您安好嗎?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月4日 (五) [兒童節快樂]
祝大家兒童節快樂^^ 還記得小時候, 每逢兒童節都會很開心, 因為媽媽會叫來一些我和弟弟的同學到我家來玩耍,
而且會有很多很美味的東西吃呢~ 最難忘都是那很大塊的印尼蝦片!! 真係諗起都流口水呀~ :D~~~
不過我想今年的兒童節一定會苦了呆在家裏的小朋友了~ 什麼戶外活動都不可以做... :( 雖然網主都已經廿幾歲人(註: 無三不成幾),
但是今天也有去吃吃雪糕當慶祝兒童節...好好味呢~ ^^
今天有幸遇上Kris哥哥, 並一起共晉午餐, 實在感到榮幸... 我想日後已沒有機會跟你一起在科大吃飯了~ 不過知道你這麼快便找到工作真替你感到高興呢~
希望你可以在新工作環境下工作得開開心心啦~ :) Richard真的很搞笑... 哈哈~
我果然是一個機械工程師... 嘩哈哈~ 嘩哈哈~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月3日 (四)
[19:14-19:15]
今天偷懶了一天沒有回校, 不過 Dr.Leng 始終不肯放過我... 明天又要被迫回校工作了 :( 雖然待在家裏,
但我也是乖乖地溫習503, microfilament ^^
中午看到李先生宣佈中小學延長停課時間, 而且一放就放多了三個星期!! 我實在很質疑他們今次"政策"的意義... 三個星期? 真的有此需要嗎??
我想很多小朋友呆在家裏都是打機和煲電話粥吧~ 網上學習? 有多少個小學生家裏是有上網? 就算有, 他們也寧願和其他朋友仔一起玩online game吧~
知道了大學也會延長停課多一個星期, 真的有點不高興... 原來沒有course上的research生活會很悶, 好像沒有了一個目標~ 可能你說得對,
我現在仍未要為research疲於奔命, 才會說出這句風涼話...
今天很高興呢~ ^^
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月2日 (三) [懷念]
整天也覺得很累, 所以工作效率甚低, 而且還出錯連連... 唔好意思呀, Dr.Leng~ -_-!!
今天早上乘 91M 時竟遇上吳駿, 不過他坐在我身後並跟我打了招呼~ 之後, 我當然是呼呼大睡... 突然"?"的一聲 --- 我的頭撞向車窗 -_-!!
雖然下車後, 吳駿沒有提過什麼, 但他倒說了一句很精警的話:「你今日好累咁喎...」真係學我愛人話齋, 真係100個瘀 -_-!!
在 MCPF office內的三個小時, 令我覺得有點難受~ 到底, 有個頭上帶光圈的天使最終來了打救我... :)
晚上看到的都是張國榮從前的 MTV 和他朋友對他的感覺~ 生離死別真的是最難接受, 亦最難過... 還記得以前張Sir說他唯一識唱的一句歌詞就是:「H...
two O」那就是其中一首張國榮的歌... 還記得他很多的歌... 對我來說, 他最棒的地方就是他保養得好好, 看看譚詠麟再看看他就可以知道一二了... :p
<<當年情>>
「輕輕笑聲 在為我送溫暖 你為我注入快樂強電
輕輕說聲 漫長路快要走過 終於走到明媚晴天
(聲聲) 歡呼躍起 像紅日發放金箭
我伴你往日笑面重現
輕輕叫聲 共抬望眼看高空 終於青天優美為你獻
擁著你 當初溫馨再湧現
心裡邊 童年稚氣夢未污染
今日我 與你又試肩並肩
當年情 再度添上新鮮 」
@@_@@_@@_@@_@@_@@_@@_@@_@@_@@_@@_@@_@@_@@_@@
2003年4月1日 (二) [期待曙光]
今天和媽媽及妹妹吃飽飽後才回科大... ^^
下午又遇到T.K.了~ 他又再教了我很多操作TEM的skills!! 由2時工作(+吹水+玩)至6時左右... 明天還會跟他學沖晒底片呢~
原來他只來了科大工作了三個月, 真的很慶幸上天給我遇上一個好老師!! 希望他不會介意有一個如此愚笨的學生啦~ f6_6"
今晚看到新聞, 知道了張國榮的死訊, 心裏有種很不安的感覺... 為何這陣子好像有很多不幸的事發生? 給我們帶點希望吧!! 很期待... 有曙光~
(可唔可以唔好咁潮濕呀?? 我地會好慘架... T_T)
@@_@@_@@_@@_@@_@@_@@_@@_@@_@@_@@_@@_@@_@@_@@