May...
Take risk, because you need to move on
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月31日 (六) [很累呢~]
這個星期總覺得很累似的... 難得地在家吃午飯...
在巴士上, 睡得就像隻豬一樣~ :p
晚上跟一班大學同學吃飯, 原來Darren說話很惹笑的~ 知道各人工作上的情況也蠻不錯, 都感到很開心^^ 不過現在大家都是一臉倦容, 到底求學時期才是最開心和輕鬆的!! 所以我更加要好好珍惜餘下的一年時間...
回到家, 才知道您今晚難得地到訪... 早知就留係屋企啦!! 不好意思呢~ -_-!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月30日 (五) [陌生了...]
今天的感覺... 就像很忙, 但什麼也做不了~ -_-!! 真係黑仔~
一時間要面對這麼多副陌生的臉孔, 有點怕呢~ 但... 氣氛也不錯~ ^^
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月29日 (四) [很累了~]
9時回到學校, 但book了的vacuum oven竟要到12時半才可以放sample... 唉~ 不過今天差不多整日也去了另一個 lab工作+玩耍, 在那兒真的開心多呢!! 你們殷勤的招呼, 真的令我樂而忘返呢~ :)
終於都看了"向左愛, 向右愛", 沒想到結局是如此悲慘... 所以當然又忍不住 T_T 看完了戲好一會兒, 心情仍然未能平復... 不知為何, 對韓國的電影都蠻喜歡... 節奏可能真的慢了一點, 但, 給我的感覺都是很自然和舒服... 「很痛啊!! 但我仍然想一直痛下去...」
看完了戲, 竟有朋友仔join我們去吃晚飯~ 聽她說了很多工作上的趣事, 真的笑彎了腰 :D 不過, 畢竟在社會工作並非如我們想像中般簡單... 但願, 你可以開開心心做"Miss Fu"!! :p
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月28日 (三) [遺下了silica gel在"雪房"呢~ -_-!!]
向Dr.Wu提出了另一個processing的方法, 但似乎他不太滿意~ -_-!! 他反而叫我多做一個我未做過的實驗~ 不過, 幸好, 又有你幫我 , 哈哈!!
跟好朋友仔食飯... LG1的粟米叉燒飯好好味呀!! (不過如果叉燒可以瘦一些會更好^^) 昨天看到LG1現在有雪糕賣, 又有香蕉船... 嘩~ 立即想起我的最愛 --- 雪糕紅豆冰!! 找天開心一下都好~ 如果我真的在LG1叫香蕉船, 會不會給人取笑我「大唔透」呢? :p
想來想去也不明白... 有意思的嗎?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月27日 (二) [好驚...]
看來工作真的開始變得愈來愈多... 愈來愈難... 我發覺自己真的是個完全沒有engineering sense的人 (今天還在取笑人家沒有engineering mind...) -_-!! 幸好每次感到無助的時候, 總會有人幫壯�... 多謝你們!! :) 希望一切都可以順利渡過...
很想第一個跟你分享, 但... 「電話暫時仍然未能接通」:(
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月26日 (一) [我討厭此刻的自己...]
工作總算開始了~ Dr.Chen很好人, 他給我的感覺有點像孫老師, 可能從東北來的人都是一樣吧~ :)
整個下午都待在"雪房'裏, 很凍呢~ >< 或許日後還有更多的日子會在這裏... :(
這天的你心情不好吧.. 很久也沒有見過你這樣子了~ 希望你可以開心一點... :)
為什麼?? 為什麼?? 可以給你停下來休息嗎? :(
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月25日 (日) [補習日~]
又是補習日~ 今天來到潔真家時, 看到她的一本週記... 她居然給了個permission我看(因為連好媽媽也不准看呢~) 心裏真的很高興!! 對我而言, 要得到小朋友的信任是很難得... 因為只有真才可以, 咁我即係好真囉~ 哈哈^^
很久也沒有試過雨中狂奔了~ 這一次感覺很好...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月24日 (六) [cosine curve]
今天返回科大跟Dr.Wu的research group開會... 週旋在兩個老闆之間, 不期然會有種「無根」感~ Dr.Wu跟我說:「小明, 你將會有很多實驗等你做...」很怕, 因為我想像不了未來這一年的我, 生活會是何等的樣子...
因為不想和他們「直落」去BBQ, 我便說了個謊話... :p 但後來竟變得更不開心~ 我知道... 是我的錯... 我常常都問自己:「黃小明, 你可唔可以多d體諒下人呀??」可能這幾天的心情不好, 所以不免忍不住... 對不起~
你會聽到我心裏的話麼?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月23日 (五) [很想去看盧巧音的concert...]
昨晚做了一個夢... 見到三個人~ 整個夢都是有一種很亂的感覺~ 每一個人都代表了一種感覺: 內疚和恐懼; 興奮而失真; 平淡而安穩... 很多人都說, 我們該好好珍惜眼前和現有的一切~ 但是, 人不斷的慾望卻使我們忽略了身邊的東西, 難道真的要到失去時, 才會有醒悟的感覺嗎?
今天開始research事宜~ 不過有少許阻滯, 希望可以早日得到解決... S.K.說下星期可以不用在lab內戴口罩了~ yeah!! 係就好啦~ :)
恭喜你終於完成project!! 但不知何時才可以達成我們計劃的夢...?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月22日 (四) [終於考試了~]
勁唔想溫書... 成個下午都唔知睇過幾多notes~ 只係掛住玩ICQ... 多謝你買左包 麥提莎俾我食呀!! :) 雖然下午同左好朋友仔食飯, 但係兩個都係冇咩胃口咁... 你就係因為要趕project, 所以通頂, 而我... 其實捱通宵真係對身體唔好架!! 以後有野做都係唔好搞到自己太趕啦~
等左成日, 終於都可以速戰速決啦~ 今次Final真係比mid term難好多... Dr.Leng成晚都係度周圍走, 不停提人點做... 我都知佢見倒我做錯野, 佢都好想同我講, 叫我點改點改, 望住佢, 我真係感覺得倒佢有種「有口難言」既感覺... :p 不過都係個句啦~ 考完就算... 唔想諗咁多~ 應該唔會唔合格既~
忍左成日, 我終於都忍到lee個時候... 因為咁樣, 我冇辦法唔即時爆發出我既小宇宙... 但係今晚都係唔可以將所有既野一次過發洩出黎... 不過都已經好好多啦~ 你, 真係辛苦啦... :(
很喜歡... 很喜歡... 音樂盒的音樂... 還有久違了的紅豆冰~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月21日 (三) [爸爸休息, 好耐都冇同您講過野啦~ :)]
今日d時間都係話咁快就過左~ 朝早偉哥check PC, 搞左勁耐~ -__-!!
本來食lunch, 變左食tea~ 好彩我今日成日都好似好飽咁... 同Dr.Chen同埋Dr.Wang傾左一d野, 佢地都俾左d意見我... 我諗我真係要自己做好一個決定啦!!
番到office, 又同阿政傾左好一陣計... 唔~ 我真係好開心識倒你lee個好細佬架!! 同你傾計好舒服^^
搭車走個時, 居然係巴士站遇倒一個朋友仔, 大家都即時向對方打聽最新既資料, 哈哈~ 次次聽你講野, 我都覺得好搞笑~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月20日 (二) [仲有兩日就final啦~]
今日d時間都過得幾快... 一番黎就匿左係library度搵standard, 搵左個半鐘... 其實都搵倒d野架, 但係... 自己可能成日都衰唔夠信心, 驚自己搵左d錯既野, 所以唔敢咁firm, 但係食完飯, 同你一齊去library再搵過之後... 終於都算係搞掂左少少野~ 多謝你呀!! 冇左你, 我都唔知點算啦... :)
友哥哥架車不知幾舒服... d冷氣不知幾涼呀~ :p
下午去左搵老闆, 同佢傾左陣啦~ 一個問題, 搞到我都唔知應該點答好... 有時做人真係好難, 唔想講大話, 但係更加唔想講d中傷人地既野... 好彩, Dr.Leng最後都好似俾我逗得幾開心~ 突然又覺得自己好叻tim!! ^^
唔... 知道左一件事之後, 有d唔開心tim... 仲有d擔心你~ 不過我知道有d野可能當唔知會更加好... 無家可歸既感覺... 真係好可憐... 祝福你~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月19日 (一) [想食朱古力~]
等左咁多個月, d material終於都送黎啦!! 不過開心之中, 又會有d唔開心, 更加有好多個擔心... 希望我可以handle得倒啦~
今日成日都冇心機溫書... 點解內心仲會有lee一種掙扎既呢?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月18日 (日) [補習日~]
今日又係一連踩左三場, 11:00-17:00... 都幾累~ 晚上去左睇朋友仔有份演出既話劇<<沒有你... 還是有你>>, 都幾好睇丫~ 見倒你成日都失驚無神行出黎, 真係好搞笑 ^^ 不過最搞笑既都係, 開左場15分鐘左右, 前面個行有個人居然訓著左, 仲打鼻鼾打得好大聲, 哈哈~ :D 又見倒彈電子琴個個型仔哥哥啦~ 真係好正呀!! 套劇入面首歌都幾好聽架!! (provided that係個型仔哥哥自彈自唱喎 :p)
若你可返當初 你可會屬我
如若你想到我 會否想當初
是昨天的過錯 不可追究那麼多
在這天失去你 原來是結果
夜裏孤單一個 我總要渡過
凡事也想到你 我怎去負荷
過去歡欣幾多 今天不再可觸摸
在腦海的印記 永遠有著你麼
在遠方的一個你 默言的你 無奈地遠離
在這方的一個我 自由的我 卻想再度一起
或許終有日可以拋開憶記 完全忘掉盡放棄
但是怎放棄 這痛苦滋味
(過去我陪著你 我從沒退避)
勁開心呀!! ^^ 因為我收倒您既e-mail呀!! ^^
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月17日 (六) [好熱...]
唔... 睇住個天明明好想落雨, 但係又唔肯落... 真係好慘~ 今日成日都留係屋企, 但係又做唔倒d咩, 梗係啦, 樓下真係好嘈呀!! 「你而家開緊嘉年華會呀?」 :p
知道你地順利完成present, 真係恭喜晒!! ^^ 我都好開心... 因為睇倒 Ricky個短短video, 超型~ 繼續努力啦!!
星期六電視冇咩野好睇... 而家反而鍾意睇<<十萬噸情緣>>, 雖然個故事好無聊, 但係真係好白痴, 好好笑^^ 岩晒我睇~ 昨日個集, 見倒個d摺既花花呀~ 好靚架!! 唔知有冇人識摺, 可以摺朵送俾我呢?? :p
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月16日 (五) [加油!!]
今日中午同左某朋友仔食飯... 知道你原來都同我一樣, 個腸胃都唔係咁好, 要去睇醫生, 咁你就唔好成日都食野咁唔定時啦~ (有口話人, 冇口話自己tim~ :p) 唔... 我知你考試又一定會唔食飯架啦!! 唔可以咁架喎...考試固之然係緊要, 但係身體先係最重要嘛~ :) 今日見你食得咁少, 唔知你係咪唔開心呢...
今日我覺得自己做左幾件好開心既事呀!! :)
知道D組仔明日要FYP present, 自己都緊張埋一份tim~ 希望你地明日掂啦!! yeah~
真係學某人話齋, 你個份正一"衰工"黎架!! :p
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月15日 (四) [擺左個大烏龍, 真係好失禮...]
今日中午同左好朋友仔食lunch... ^^ 之後去左Dr.Sun既Seminar, 聽左一個鐘, 佢講緊第廿幾張slide既時候, 我先發現佢原來total係有成107張slide!! 下, 咪即係只係講左五分之一??? -_-!! 不過最後兩個幾鐘都終於聽完啦... 簡直就係呆左!! 真係佩服d faculty既吹水能力... :p
最後一堂thermo啦~ 下個星期就final, 之後就會正式同d course say goodbye啦~ lee個course, 查實真係冇咩興趣, d concept又難明... 希望個grade唔好太差就算, 話晒都係自己老闆教既... 祝福我們...
d天氣真係好熱, 又焗... 所以個人好易唔開心, 好易發脾氣, 對唔住呀!! d意粉真係好難食呀!! >_<
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月14日 (三) [謝醫生, 你真偉大!!]
無啦啦拎番本中學既紀念冊出黎睇, 睇番好多老師同同學仔對我既感覺, 仲有一齊擁有過既經歷, 好掛住以前既生活, 好掛住以前既自己...
一人分飾兩角, 好趣怪, 好開心^^
知道又有一位前線既醫護人員因為非典型而離世, 心裏面好唔開心... 有d咁既事, 都冇人想見倒既~ 有時, 我成日都覺得人只會係度批評邊個邊個唔岩... 倒不如諗下自己可以做d咩仲好啦~ 如果個個人都可以「多做事, 少說話」, 你話幾好呢?
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月13日 (二) [原來...]
已經好耐冇試過未9點就番到學校啦~ 我book左TEM嘛... 我想自己做呀, 唔想某某老師幫我做晒, 所以咪早過某某老師番, 等另一個老師可以教我做... :p 原來我先係世上最蠢既學生!! 只不過幾個星期冇掂過部機姐, 我真係可以咩都唔記得晒~ -_-!! 好彩T.K好人姐~ 嘻嘻~
估唔到只係一個星期冇同你地食過飯, 就發生左一件咁大既事!! 嘩... 原來lee個世界真係咩都有可能架!! 希望成事啦~ :)
今晚又係一個sem一次既Q-meet啦~ 都有成10個人, 每次有某某同學係度, 都會有野可以笑 :D 原來我lee個97FA既師姐, 仲有00FA既師弟認得喎~ 哈哈!! 真係威~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月12日 (一) [張Sir, 生日快樂!! ^^]
今日係我最尊敬既張Sir生日呀!! Happy Birthday~ :)
係學校... 咩都做唔倒... 係咁訓... 係咁訓... 鬼叫d藥咁勁咩?
明明好眼訓都訓唔著, 係人生最慘既事... ><
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月11日 (日) [Happy Mother's Day~~]
今日補習連踩三場... 好眼訓, 但係去到最後一個小朋友既屋企個時, 仲俾佢讚我可以唔累咁叻... :p 最近, 唔知係咪個個放肺炎假都放到"牛"晒 (包括本人), 個個都聽到冇咩心機咁... 其實我都知自己都冇咩心機... 因為有時真係太累啦~ 希望大家都可以積極 d d~ :)
補完習就去左婆婆屋企度食飯, 慶祝母親節... 唔知點解有人成日都俾人眼甘甘咁望住喎~ :p 又唔見佢望下我既?? 梗係啦~ 你咁靚... :p
其實年年母親節, 我都冇同阿媽講"母親節快樂!!"架!! 唔... 唔知點解, 每次要我講d咁心底既說話個時, 我就會勁唔自然, 因為我覺得講lee d野好似好假, 對人好係係個心度, 唔係係把口度... 我冇講唔代表我唔重視... 昨日我搭巴士個時, 我見倒對面位坐左個孕婦... 佢隻手不停咁"搓"住自己好似個"鑼"咁大既肚... 個時我個心突然間覺得好溫暖, 媽媽既愛真係好偉大!! 我係度諗:「唔知我大個個時又可唔可以咁偉大, 咁有責任感呢? 我怕自己唔識得點樣去做一個好媽媽呀!」Anyway, 我只係想講... 「媽媽, 多謝您!!」^_^
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月10日 (六) [無話可說...]
而家會有段時間將所有既補習都放晒係星期日度, 所以今日可以做番少少野~ 不過就真係做左少少野... 因為食左d藥, 又覺得好眼訓... 但係我夜晚都係有出左去食飯呢~ :p
做左一件令你開心既事, 我都覺得好開心~ ^^
唔... 有d野我覺得你應該懂事... 最近你既行為, 我絕對係唔贊同~ 雖然我係有不滿, 但係我從來都冇話過你一句, 因為我相信你自己識自律... 但係我諗我可能會好失望...
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月9日 (五) [悠閒...悠閒到有d驚...]
今日成日係學校度都係做自己野... 都有睇過下d thermo既, 因為下個星期要交功課... 但係真係少少咁多~
下午上過seminar, 又再一次冇聽, 只係同個朋友仔傾計~ 原來Janice大左肚喎!! (好偉大呀!!) 真係唔係睇倒佢個肚, 我都唔信佢已經結左婚, 仲就黎做人媽咪呀...
最近唔知點解次次番學放學都擺左好多時間係等車度... 究竟係因為而家d車既班次少左丫, 定係因為我冇以前咁好耐性呢?
知道d final year今日交 FYP report, 真係戥佢地開心啦~ 諗起上年個個都係mech個lab度爭印report, 好似成間大公司咁~ 個時亦都係我第一次見倒d同學咁勤力架咋!! :p 希望我到時可以去捧下佢地presentation既場啦~ 加油!! ^^
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月8日 (四) [佛誕]
今日都算係幾繁忙啦~ 朝早去左拎微波爐, 下午就去左補習, 夜晚... 又要上堂~ :( 今日真係好熱... 就黎熱死!! >< 但係食過麥記既xx珍寶筒定係威化筒... 第一次食, 都幾得意呀, 不過我覺得個筒個味道有d怪怪地姐... ^^
大佬(佢叫做鄧世昌, 我的大學同學)就黎有show啦~
套drama叫做<<沒有你... 還是有你>>, 大家如果對drama有興趣既話,
不妨click下以下既網頁睇下, 捧下場啦~ :)
http://www.chungying.com/chinese/E_Highlights/E_Highlights_Main.htm
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月7日 (三) [睇paper...]
今日同左一個內地既朋友仔食飯~ 唔... 原來大家係同一個老闆, 條命都可以咁唔一樣~ 可能我係女孩子啦, 再加上上次既一件事, 所以Dr.Leng都唔敢鬧我 :p 不過我諗最大既原因係: 因為佢唔可以用廣東話/英文好流暢咁鬧我, 嘻嘻^^ 無論如何, 大家都要一齊努力!!
今日都係睇paper... 睇paper... 睇paper... 咁又一日~
我真係好掛住係QE既日子呀!!!
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月6日 (二) [睇paper...]
今日番左學校, 同左個好朋友食飯~ 點知去到LG1個時, 搵唔倒位, 咁岩佢D同學仔個度又有兩個位喎, 所以最後同左佢地坐~ 就係因為咁, 我知道左好多civil既faculty既秘史... 唔... 每次聽倒一d是非, 自己都會半信半疑, 我覺得好多時d野可能都未必係真既, 但係如果有人係佢背後講是非, 我諗lee個人都唔會係好好... 真係唔可以相信, 受過高等教育既人都會做d咁既事... 唉~
睇paper... 睇paper.. 睇paper... 又一日~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月5日 (一) [紅色暴雨]
今朝天文台發出左紅色暴雨警告, 所以細妹唔駛番學... 其實如果紅雨既話, 大學生都係要如常上課架!! 不過... 我當然係因為懶而唔番啦~ :p 諗番起讀UG個時, 有一日都係紅雨, 到中午個時, 我個好朋友仔打俾我問我係邊, 因為個日大家係約左成班係ground floor飲茶~ 點知我話:「下?? 我係屋企喎... 乜紅雨唔係唔駛番架咩??」就係因為咁, 個次就唔小心咁走左一日堂啦~ f6_6"
天色陰陰沉沉, 個人都冇咩心機咁~ 昨晚真係好大雨呀!! 我都有d驚, 驚到訓唔著... 個心又有d擔心番夜班既老豆~ lee幾晚, 半夜成日"扎"醒都會掛住阿爸喎... 唔知點解會咁既呢? f6_6"
今日我都好努力咁溫左d書呀~
@@_@@_@@_@@_@@_@@_@@_@@_@@_@@_@@_@@_@@_@@_@@
2003年5月1日 (四) ["和你在一起": 4粒星星, 5粒係滿分]
今日又去左睇醫生...
縱使我近來補多左d習, 但係正所謂「財多身子弱」, 賺番黎既錢差唔多有一半都係用左係睇醫生度... >_< 真係慘啦~~
好細個個時, 我已經好怕睇中醫, 因為我好怕飲個d好苦既茶, 次次都要阿媽tum我好多好多次先肯就範... 而家大個左係會冇咁怕既... 不過今次劑藥又苦又辣,
好難飲... 唔制呀!! >< 幾時先會好番呀??
今晚番左學校上堂, 明明係公眾假期都要人番... 又少左一個可以同家人一齊食飯既機會啦~ :(
明日你 test P.A., 見倒你讀得咁辛苦都幫唔倒你D咩, 我覺得我 lee個家姐真係冇用啦~ 希望你明日考得好啦, 考埋明日就可以輕鬆番下啦~ ^^
@@_@@_@@_@@_@@_@@_@@_@@_@@_@@_@@_@@_@@_@@_@@