◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆ ∼＊意外＊∼ 爸爸遇上交通意外，差幾秒可能就會陪上性命．．． 零晨比家姐叫醒左，佢話爸爸有事媽咪出左去，無幾耐家姐又出埋去，又唔知幾耐家姐當時個男朋友打電話ｏ黎，話我爸爸有意外，家姐喊得好勁叫我安慰佢．．．我唔知發生緊咩事．．． 睇到電視新聞報告，見到爸爸出現，望住細佬係ｓｏｆａ細細聲喊，我仲未流一滴眼淚，仲未知有幾嚴重，直至姑姐同亞叔打電話ｏ黎，直至我聽到佢地係電話一旁痛哭，然後不停講同一句說話：無事ｏ既，爸爸唔會有事！一定唔會有事嫁！我知佢地安慰緊我同時安慰緊自己．．． 家姐事後話比我聽，去到醫院，媽咪第一件事叫佢入到病房唔好係爸爸面前喊，點知當家姐入到去，見到好多血，ｄ血由床浸到床單，佢忍唔住走左出去喊，佢話好驚，當時媽咪跟住出去，佢話媽咪真係出左病房先喊．．． 隔左成個星期，媽咪先比我地去探病，入到去我已經好驚，我地扮曬無野噤講下野，點知爸爸鬧我地唔知有幾嚴重，仲係度玩，點會唔知有幾嚴重丫！佢一講完，我第一個喊左出ｏ黎，跟住細佬同家姐又一齊喊！原來我由細到大都噤易喊嫁！ 因為ｌｅｅ次意外，我地三姐弟就分開左住，一個人係人地屋企住，雖然都係親人但感覺都唔係噤好．．． ｌｅｅ件事令屋企起左好大變化，爸爸變得對自己無信心，媽咪怪自己忽略左我地，家姐離開左屋企，我獨立左但壞左，而細佬．．．可能細啦！咩都唔洗佢理唔洗佢做，佢就好似無乜影響囉！好事ｏ黎ｏ既．．． ◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆