爸爸係一個好古老嘅爸爸，好中意講嘢，而且有好多好奇怪嘅道理，講咩都好，總係中意同人唱反調．．．

   雖然佢係多野講左啲啲，但有時佢又好識做好鬼馬嫁！！

   我病同埋激氣緊嘅時候就最睇得清楚佢溫柔一面，佢好搞笑嫁，扮曬野噤講埋啲無聊野，

   病就會買埋野比我食喎！以前唔會嫁！可能佢要扮大男人ｏ瓜∼∼



   記得有年嘅情人節，我自己一個，當時家姐同細佬都出曬街，其實我知爸爸都想同媽咪出去，

   聽到佢已經有ｐｌａｎ，佢仲問埋我有無地方去，我知佢想出去，咪話：無呀！你地出去啦！得嫁喇！

   佢就同我講左句：唉∼我地點會要你一個食飯丫！隔左一陣佢同我講佢地都唔出去，同埋我去食飯，

   落到樓下，叫野食．．．佢明明唔中意食扒，但知我想食飯又貪心想食扒，佢就叫左個扒，

   我諗佢真係好唔中意食，因為佢食唔曬∼∼

   可能係其實人眼中，係一件好小好小嘅事，但ｌｅｅ件噤小嘅事，已經令我好感動嫁喇！！！



   有時望望下佢，真係老左好多，雖然佢係真係好多野講，不過盡量都聽下佢講野，

   見到佢有時行一陣就覺得累，個心都有啲酸溜溜嘅感覺，佢都捱左噤多年，

   到依家我都噤大個人，但就乜都回報唔到．．．



　







   媽咪係一個購物狂，新潮得嚟又唔會唔乎合佢年紀，忍耐力超乎常人，內裡係慈母，但外表極兇狠．．．

   佢係我心目中世上最好嘅女人最好嘅媽咪，佢所忍受嘅簡直係能人所不能忍，

   可能因為噤，好多時我就會無意噤將佢變成出氣袋．．．



   記得有次，因為同男友嗌交，嘈得好勁，媽咪好唔醒噤走左入我房幾次，最後一次我真係頂佢唔順，

   我好大聲鬧佢喝佢，仲係差啲講粗口ｏ個隻，

   佢好失望噤同我講：我想問你夠唔夠錢用姐！唔夠我銀包有，你自己去攞啦！跟住佢就拍埋我度門，

   無再入嚟．．．

   佢出左去我即時喊左出嚟，好內疚，覺得自己好無人性，仲要為左一個無名無份嘅人傷害左佢，

   第二日，我番工之前留低左張紙條ｓａｙ　ｓｏｒｒｙ，我知道就算我唔噤做，佢都唔會怪我，

   我番到屋企佢又會好似無事發生噤，不過我想佢知我知我錯，總之我想講句對唔住．．．



   媽咪好多野都唔會出聲，但其實乜佢都擔心，有時佢終於忍唔住同我傾，見到佢係好緊張好不安噤講野，

   又失眠，又好似唔想食野，真係好擔心佢，想幫佢又唔可以做啲咩，當佢同我講，佢話問佢有咩唔開心，

   佢又諗唔到，但問佢有無野令佢開心過，佢話肯定無，ｏ個該我好心痛，原來一直佢都唔開心．．．

   如果真係有天理，一個已經做噤滿分嘅媽咪同太太，唔應該要佢生活得噤苦．．．



   媽咪近排去做義工，每次番嚟佢講起啲公公婆婆都好開心，希望佢都同樣開開心心啦！！