◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆ ∼＊醫院＊∼ 吸左大氣都止唔到ｘ，好驚好驚只係識得喊，醫生同媽咪不停叫我唔好喊，會仲辛苦，但我ｏ個時好細個唔識．．．好多個人出出入入，打完一枝又一枝針，好痛好痛．．．原來因為佢地要將ｄ藥直接打入血管，打左好多次轉左好多個醫生都搵唔到我條血管，我打ｏ既唔係普遍針，係黃豆（我唔知叫咩，只係知係黃色），望住隻手有好多好大個ｏ既洞．．． 當時爸爸隔左幾日先ｏ黎探我，下午我一見到佢，抱住佢一路喊一路叫佢帶我走，佢問我點解，我話比佢聽ｌｅｅ度ｄ人全部都有問題，我好驚．．．日日都要抽噤多血，好痛好辛苦．．．大概記得佢話佢都有好多野令佢好辛苦，但都要忍，爸爸可以忍耐，我都要忍耐．．． 抽血．．．８日抽廿幾支針，真係唔知自己原來有噤多血比佢抽，每次媽咪都會係我身邊，每次都搞好耐先抽到，每次我都喊到死．．．直至有次，吸血彊師又ｏ黎喇！我又整ｌｅｅ整路，因為媽咪唔係度，但醫生當然唔會陪我等到媽咪到左先抽啦！當我又開始忍唔住ｄ眼淚ｏ既時候，眼尾我見到媽咪閃閃縮縮係後面望住我，當時我真係知道佢唔想我依賴佢，好努力去忍住唔喊．．．終於我真係無喊呀！連吸血彊師都話我叻哩！自此之後，無論打針定抽血，我都話比自己知，我唔驚！ 龍貓公仔，係家姐ｏ黎探我時送比我，陪我訓覺ｏ既．．． ◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆