"日記檔案2003"

<12月31日星期三>Happy New Years今日係除夕夜,放工去左蘭桂芳迎接2004年來臨

<12月25日星期四>Merry Christmas 聖誕快樂,今年聖誕係我第一年係工作中渡過,晚上10點30分彌敦道人來人往,一家大小......而我就唔係幾開心我都唔知點解行行下會哭左出來有一種好唔開心冇晒朋友..好都唔知點講既心情好複雜........

<12月15日星期一>最近天氣好冬呀..每日都大感冒要食藥治療...

另外今日想返<甲子>1425搭車返去..誰知見操場冇人上體育堂,打電話返校先知今日學校放假...重想返校探老師及比christmas card唯有下次啦^6^

<12月5日星期五>今日已經第五日我足足病左一個星期好慘呀,把聲重好沙啞..但係已經好好多啦

<12月1日星期一>今日終於支持唔住病左...天氣轉冷我氣管敏感,頭痛,喉嚨發炎同聲帶發炎.今朝一起身發覺把聲完全出唔到...好辛苦

<11月28日星期五>今日天氣有涼返,我又有點感冒...唔經唔覺2003年得返一個月咋.想返起今年係我身邊發生左好多好多唔開心既事...唔知下年會唔會又係感呢...重有一個月就聖誕啦唔知今年會唔會有係自己一個過呢.......

<11月6日星期四>今日我有一位好好朋友生日,雖然唔可以同佢慶祝生日但我送左一條守護天使電話繩,希望天使可以守護佢令佢永遠幸福快樂......^6^

<11月2日星期日>今日跟消防大使入左一個難得有機會先去到既地方八鄉<消防訓練學校 F.T.F.S>,0930係觀塘消防局集合搭旅遊車成45 分鐘先到,當時種感覺好奇妙係<警察訓練學校 PTS>我係經展翅計劃入左去受訓兩個星期而且係非常難得,雖然今次唔係入去受訓而係參觀,但係都感受到嚴肅辛苦感覺!!!場地方面比起 PTS 小好多,但係受訓會好嚴謹...

<10月6日星期一>今日返左去<甲子年學校>探老師,離開左已經有四年多,今年學校興建多一邊新翼,不過返去時有好多老師都不在,反而FORM 1 & 2 班主任黃SIR ,同FORM 4 &5 數學MISS WONG 都記得我是誰...入到學校重感覺好唔同,腦海回憶左以前好多開心同唔開心事...不過已經係回憶返唔到轉頭 , 如果世界真係有時光機的話我想返返去FORM 2 時代,起碼個年係我讀書時最開心的一年...

<10月3日星期五>今日係我最後一日返工,本應放工去大球場睇國慶節目,不過我同事叫我去銀線灣bbq反正都係屋企附近咪去囉玩到成12:30am 先走囉...

<10月1日星期三>今日係國慶日晚上我同媽咪去左灣仔會展睇煙花1830坐係地下等到2100,今次係我第四次係會展睇煙花 , 我記得第一次係上年七一回歸日,第二次係上年國慶日,第三次係今年年初二 , 第四次係今日國慶日啦 ... 現場睇煙花重氣氛好過係電視睇... ^6^

<9月29日星期一>今日返醫院覆診比醫生鬧,當我去量血壓時 BP:99 / 64, Pulse:41 我都嚇一跳,反而體重冇變,重叫我多點做運動同飲多點水! 睇返本急救書話BP:低過100 / 70 稱為<低血壓>,我想都要每星期搵時間做運動囉....

<9月22日星期一>今早一起身就覺得自己好唔舒服,個頭好痛,重有點頭暈,發冷感覺...唔知係咪作痛呢...

<9月21日星期日>今日去左西灣河<電影博物館>參觀,只得好少野睇,之後入左赤柱參觀<香港懲教博物館>係上年先正式開放比市民參觀...

<9月20日星期六>今日參加左消防活動,0900係觀塘消防局集合,剛巧見到佢地換班係一件難得的事,0930上車去粉嶺遊樂場做消防活動,有嘉碧儀,胡杏兒等明星,1200實在太晒所以就冇跟車走去左公公屋企,1500出左去<香港歷史博物館及科學館參觀,講關於香港由1705年開始歷史故仔至2003年現代,且有介紹颱風是怎樣形成的,只睇這個展場都2個鐘頭,之後再去睇<香港電台75週年展覽,講關於1940年至2003年發展歷史....

<9月16日星期二>今日放工同班同事去左酒吧飲酒,唱k... 玩到成凌晨12:30先返屋企.....

<9月12日星期五>今日係中秋節正日,但我都係平常放假一樣留左家中休息

<9月5日星期五>今日好唔開心哭得好利害,好多好多野煩公事私事.....好大壓力呀

<9月2日星期二>颱風關係今日1點鐘就可以放工啦...另外我開返一個留言版啦,大家對網頁有任可意見都請留言比我呀!!! Thanks ^6^

<8月16日星期六>今日同媽媽去美食博覽係奇華餅家見到曾志偉同其他明星我重見到我最愛Sammel陳鍵峰呀,佢真人好靚仔有夠高...yeah

<8月9日星期六>今日天氣非常之炎熱,同屋企人上左深圳 <世界之窗>玩,有好多野睇入場費$120一個都唔算昂貴,2:45pm入場首先我地行亞洲區有好多景點e.g. 富士山,泰姖陵等用 1:15 模型模仿出來的,之後行歐洲區當然有我最愛希臘,悉尼歌劇院等等,而美洲區就有為人熟識的NEW YORK 世貿中心全個模型用1:30所做出的,看見世貿中心令我想起911事件,真令人心疼...行到世界廣場有法國巴黎鐵塔,凱旋門已是晚上7時,足足行左5個鐘頭有多...真係好多好多野睇 ^6^

<7月20日星期日>今日7 點30 起身食完早餐搭車出尖沙咀消防救護總部上堂,<學CPR 心肺復甦法>,其實之前係"民安隊"都有學過,今次再學多一次當練習!^_^

<7月14日星期一>夜晚9點幾收到油塘消防局打電話黎話 27 號去參觀消防局呀... ^6^

<7月1日星期二>炎炎夏日今日最適合去游水的,又係回歸日子,免費入場..足足等左一個鐘頭先入到場游水...好多人

<6月26日星期五>公司有2個 c.s同事冇返,要幫手接聽電話,最近都冇咩心情,好多煩惱事...,做到連放工都唔知時間,6:10pm 先知已經係放工時間,走時重要比阿頭叫返轉頭要開會...都冇人通知,開到 9:30pm先走得...

<6月12日星期四>今日開多左個E.Mail Address呀: rubysky@family.net.hk 可以用這個mail send野比我呀

<6月9日星期一>今日返醫院覆診,未入到醫院已經有4個保安員係門口要檢查,要有覆診紙先入到去,保安好嚴密呀.......

<6月1日星期日>做左成個星期今日可以休息一下啦,下午同媽咪去游泳池游水,晒黑返啦...

<5月31日星期六>今日公司好多野做呀,6月開始轉制度好多file要整理,我本應得2個file,一下子變成8 個call 客都有排做呀,可能最近太多野做,冇時間休息個人都好疲倦...

<5月30日星期五>公司有同事生日.放左工去尖沙咀寶勒巷Neway唱k,由7 點唱到凌晨3 點幾,我冇玩感耐差唔多12點就走.有飲酒,有唱歌,好開心有好多人成20人喎.如果有一年我生日有感多人同我一齊慶祝就好啦...

<5月24日星期六>我買左飛睇 1:99 音樂會係大球場,有好多歌星表演, 3點鐘已經到左銅鑼灣,離入場時間重有1個鐘,就入左南華體育會的保齡球場坐下,我對保齡球冇興趣的,只是有時間入去參觀下...Leon唱左2首歌.一首係<我這樣愛你>,另一首係<指日可待>

<5月21日星期三> 今日返工好疲倦呀,一早要返到公司開會,做左成日6 點鐘可以放工,誰知放工後又要開會好慘呀...

<5月17日星期六>本應今日約左舊同事食Lunch,誰知今日要開會由12:30至3:10pm,同佢say sorry下次先再約啦...

<5月13日星期二>公公突然入左醫院呀.聽媽咪講佢介親隻右手,老人家喎入院會好大件事的,而且要連 5 針呀.我最錫佢的.我唔想佢有事囉...

<5月11日星期日>今日係母親節.一早起身食過早餐就入婆婆屋企探佢...

<5月8日星期四>今日係佛誕,班朋友話去燒野食.天氣比較暗淡.入去元朗大棠郊野公園燒.不過係屋企入元朗路程要2 小時,初頭覺得太遠我唔想去的,但難得有假期,而且肺炎感嚴重.去郊外輕鬆下.未嘗不是壞事呢...

<5月5日星期一>好慘呀,紅色暴雨都要返工.濕了下半身呀好唔舒服...

<4月26日星期六>屋企人上左大陸玩得我自己一個,班朋友話去唱K,而且有了肺炎事件之後我都好少出街,一於出去玩返晚,落旺角Green Box到唱,一唱就唱到聲沙喎...呵呵

<4月20日星期六>今日同媽咪去南丫島旅行,一早起身食過早餐,搭地鐵到中環,再行去港外線碼頭3 號搭船,入到碼頭已經好多人等候搭船,11點左右到達南丫島榕樹灣已經覺得去在旺角感旺好多人呀,沿途都好多人.好熱鬧,行到去洪聖爺海灘搵左一個冇感晒的地方,放下袋子坐下食Lunch有麵包.罐頭魚,去海邊影相,這時天氣已經好熱啦.休息完後就沿索罟灣方向行山,陣陣涼風好舒服.沿途都好晒但係我真係好舒服囉...唔經唔覺已經行到索罟灣天后廟參拜.有一個龜池有一隻好大好大的聖龜,以為年事已高原來爬得好高,好得意!!!4點幾搭返船返中環,再去Soho區行一陣...今日真係好開心... ^6^

<4月1日星期二>今日我重係好唔舒服,重好頭暈,感冒且重有點發燒...好辛苦呀,再去睇醫生先知原來感冒重未清,好驚以為自己有非典型肺炎好彩唔係,屋企人都放心,請左2日假

<3月27日星期四>今日食完Lunch之後我已經覺得好唔舒服勁頭痛,放工去左睇醫生先知原來發緊燒 37.5度,有感冒,喉嚨發炎,聲帶發炎...好辛苦,重以為真係重左非典型肺炎,一病足足病左3日,係屋企休息返唔到工