"日記檔案2004"

<6月28日星期一>我已經又有成個月都冇寫個日記檔啦!!!最近都好忙碌日日都返工放工,記得我上一次放假係6月11日之後我有成2個星期都冇放過假,公司最後都安排我係26號即大前日先比我放大假,有5日感多呢!做到病左啦!尋日我同媽咪去左泳池游水,天氣開始炎熱,最近都要食返藥控制鼻敏感,而且最近空氣好差我耳邊經常有一大塊紅印...好辛苦啦!!!

<5月25日星期二>尋日係信和中心買左一張奧運六星相好正呀!邊張.之唔係index個張囉,你估幾時可以囉晒佢地簽名呢!!另外我好多個網都轉左資料.去睇下啦!!!

<4月30日星期五>今日係我最後一日放既大假..尋日同今日我都冇出過街,只係屋企休息!!出左去借碟睇<無間道3>,<古宅心慌慌>前者我係今年1月1日係戲院睇過,後者就慘啦我越睇越驚,之但係我越驚就越想睇..不過我都已經攬住著公仔睇都好驚啦!!

<4月27日星期二>今日係第二日假期,尋日出左去旺角同尖沙咀行左一日,係花園街買左個手袋幾靚既... 而今日就同屋企人去左銀淺灣bbq..起左成個鐘個爐都唔著,我重燙到隻手指好痛呀!!!

<4月25日星期日>今日好開心呀..因為我返麻今日就連續放 5 日假期呀..到5月1日先再返工呀,不過我都未有計劃這5日去邊好..想返甲子..想去Ocean Park..想去唱k..想陪屋企人....太多野想做啦...^6^

<4月18日星期日>究竟一生人裡面有幾多次可以真真正正感開開心心感過...而又有幾多次係好傷心地過...活在係世上已經第22年頭,由我讀書時期到現在做野..每每都要對人歡笑背人流淚點解要感辛苦...人際關係真係感重要嗎???

<4月6日星期二>好唔舒服呀!!!我係3月22號去澳門之前已經作病,作感冒...不過今日終於捱唔住病得好辛苦,有喉嚨發炎 + 聲帶發炎 + 大感冒 + 咳嗽...超辛苦

<3月27日星期六>今日出左去奧海城有電視劇<陀槍師姐 4 演員& 奧運宣傳>當中有奧運六星之二Sammul陳鍵鋒同黎諾懿劇中演員,影左好多張相同簽名呢!!!

<3月25日星期四>今日已經係第三日假期,去左Time Square見到Ron吳卓羲,2R,古天樂!Ron真人好高好靚仔我重囉左佢簽名同影相呀!!S4 4子我全部見過啦,呵呵!!離近27號係奧海城有奧運宣傳到時應該可以再見到佢地呢^6^

<3月6日星期六>好難得今日可以放假一天,今早入左新機場行左一個圈係tko入東涌原來要1個鐘頭零15分鐘喎,而今次入機場冇咩特別,唔知點解腦海會出現<衝上雲霄>套劇畫面呢,午膳我就去左東薈城食野,本應我有個契妹妹係東涌住但係我地忘記左佢電話搵唔到佢帶路,食過午餐就入左有<水鄉威尼斯之稱大澳>行,係東涌地鐵站搭車都要1個鐘頭車程喎,去到已經下午3時,又出現左leon係大澳拍<不死情迷>電影啦!入到橋邊有人問我地坐唔坐艇仔觀光,$20一個人坐25分鐘重話可以出海見到<中華白海豚>,沿途船家都有解答我地問題,佢重話係2000年7月1日凌晨有棚屋燒著,一片火海足足燒左90多間屋呀!!有奇石叫<將軍石>同<青蛙石>之後出到海,始終無緣見到<中華白海豚>有點失望,之後沿村行入面有我最鍾意食<炭燒魷魚>次次去到離島先有得買,我買左一大包,一路行一路食又影相,重比我發現到有<大澳消防局>身為<消防大使>既我邊有可能錯失良機影相呢!!!唔經唔覺已經日落西山,成車返落東涌再轉車返屋企,到屋企已經係晚上8點幾,去左元綠食壽司,估唔到我係元綠返工,會係返元綠食飯呢!!!!!今日真係好開心

<3月1日星期一>己有3個星期冇寫過日記啦,其實最近都冇咩特別事發生,我2表哥會係今年11月26日結婚!

<2月16日星期一>今日同我最好既同事阿慧一齊返工一齊放工,4點鐘放工我地去左"加拿分道"食壽司,食左成$216 好貴呀,因為係我地既Lunch咋^6^,之後落左旺角中心行左一陣我重買左件衫添,行完之後我又想唱k,阿慧又想睇千嬅套"花好月圓",我地就先去Neway問價錢,相量之後都係去睇戲睇1950個場,套戲都幾好笑囉!足足睇左2個鐘,我地都未放屋企,因為公司今晚會補食團年飯及春茗,所以我都再捷返公司等麻其他同事一齊去,因為我地公司係飲食業關係,公司係凌晨12點先關門,都唔知係食晚飯還是係食消夜,1125時我同阿慧先上酒樓,見我地阿頭佢地打麻雀,而有同事玩緊UNO,我都好耐冇玩過居然會贏出喎,出奇囉,成凌晨1點先開席坐2 圍,成班玩得好開心呢......^6^呵呵

<2月14日星期六>Happy Valentine今日係情人節,我沒有情人陪伴但都感覺到這種氣氛,放工見到好多拖男帶女拍拖行街......^6^

<2月13日星期五>今日係黑色星期五呀!放左2日假,今日返工本應有另一個同事一齊開早的誰知她唔知醒遲到,得我自己一個做晒開早既野..足足遲左開鋪時間大半個鐘先完成晒所有野......另外明天就是一年一度既情人節,不過我對這個節日冇咩特別感覺,因為我好耐都冇情人陪囉......

<2月5日星期四>已經有一個星期冇寫過日記啦,因為最近都冇咩特別事...下星期六就情人節啦,提起這個節日對我來說冇咩特別都係自己一個人過,同平時一樣返工放工囉......

<1月31日星期六>Happy Birthday to Me, Happy Birthday to Me, Happy Birthday to RUBY, Happy Birthday to Me...今日係我生日大喜日子,祝自己永遠開開心心,身體健康,愈大愈靚^6^,願望成真......

<1月28日星期三>今日係年初七人日亦是我舊曆生日hehe......重有3日就係我正日生日啦!!! ^6^

<1月22日星期四>恭喜發財!本應係一個開心既節日,但是今年只得自己一個靜靜地過,而且今日更表編左我係休息....呀!點解聖誕同今日都哭著過呢!!!!!

<1月19日星期一年二八>年二八洗邋遢今日屋企同其他人一樣食團年飯及拜神,朝早要返醫院覆診,未入門口已經要排隊探熱,之後就上去睇醫生...^6^

<1月17日星期六>今日加入左2個新明星資料,S4既Ron同Bosco由其Ron我係最鍾意的^6^......

<1月15日星期四>最近發覺我多左一個口頭禪就係 "Sorry!唔好意思",唔知點解每次問野或者做野之前實係講這句先......

<1月12日星期一>今日天氣有涼返好多好多...好鬼冬呀!下星期一先返醫院覆診,到時要同醫生講要重藥先之可以舒服點... 另外距離生日日子重有19日,今年都唔知買咩生日禮物比自己好,買數碼相機還是電話好呢...^6^

<1月6日星期二>今日出左去花園街行街,有點衫我幾鍾意不過就唔係而家這個時間著,我驚買左之後都夏天有唔適合,最後到冇買得個行字......^6^

<1月5日星期一>今日放假,本應想出去行行街但係又唔知去邊好..只好留左家中,想返舊校但又搵唔到個舊同學,留待明天再試下找他吧......^6^

<1月4日星期日>聽日開始放2日假好開心呀!做這份工令我學識什麼叫做團體合作<開單,取菜,入單,傳菜>又令我學識多國語言<英文,日文,國語>好得意...^6^

<1月1日星期四>Happy New Year 新年新願望,祝大家心想事成,身體健康^6^......