主頁
characters
words~Story~
愛麗斯係個不擅於表達自己嘅女仔。有一日佢救咗隻差啲俾車撞死嘅兔仔。嗰隻兔仔搖身一變，變成咗一個細路女——妮雪加。佢對愛麗斯講，愛麗斯就係佢一直尋找嘅『操縱神聖之言的人』。
愛麗斯唔係好信，但係一次嘅意外，愛麗斯將佢嘅力量運用喺家姐——真由良嘅身上。真由良嘅心被黑暗奪去……
為咗救真由良，愛麗斯決定以『操縱神聖之言的人』嘅身份同若宮叶、菲爾一齊同邪魔作戰。
喺驅逐愛麗斯嘅同班同學——大石背後嘅邪魔一事中，叶醒覺到自己對真由良嘅感情只係『友情』，而唔係『愛情』。叶向愛麗斯透露要同真由良分手。
愛麗斯想盡辦法要帶真由良番嚟，但係佢知道咗愛麗斯同叶之間嘅感情，對愛麗斯產生好強嘅敵意，並對叶施下『咒印』，令愛麗斯嘅心意冇辦法傳達俾叶。原來，真由良嘅心被愛麗斯佢地認為係最強嘅敵人——魔帝佔據咗，宜家仲以新宿都廳作為根據地向愛麗斯佢地展開攻擊。
能夠打敗魔帝嘅人只有新嘅Master愛麗斯同叶咋，不過佢地仲有其他聖導士幫手，有菲爾、吉斯菲、梅玲同彼利。為咗打低魔帝同救出真由良，佢地向都廳進發。
都廳嘅內部已經變成咗異世界啦，既要阻止『操縱黑暗之言的人』嘅施襲，又要救番真由良出嚟，又要打敗魔帝，到底能唔能夠成功呢？你地自己估下啦！！≧▽≦