Alison之各自各感想 -- Sharon + alison ( New!!!) 
(因為Flora及Theresa之感想都在同一頁，請自行選擇你要看的感想！排列如下：
1.Flora   2.Nicola   3.Theresa   4.Fanis   5.Katie   6.Grace   7.Sharon   8.Alison

       The feeling of Biscuits~written by Alison! Don't copy of all passages.

穎眼裡的隊長Flora：

        Flora隊長係一個都幾將心置腹的人，同人少嗌交，呢一點係做隊長最重要的—可以解決隊內問題嘛！當然做隊長要有領導能力，Flora呢一點都做得唔錯，佢可以領導我地唔好嗌交，做「和事姐」！當我地有困難佢會同我地解決，唔會袖手旁觀。不過，Flora份人就優柔寡斷左Ｄ，但又或者係擔心他人的想法。雖然如此，但我仍覺得Flora係一個唔錯的隊長，佢係隊中不但做「和事姐」，重負起教我地跳舞的重任…講到教跳舞又點可以唔講Nicola↓

穎眼裡的Nicola：

        我地Biscuits能跳出活力的舞步，除左Flora係功臣，Nicola都係功臣！Nicola同我地記晒每一個人的排位、舞步，我地能夠跳出咁強勁的舞步當然唔少得佢！就好似《紅組加油》一舞，排位左轉右轉，搞到我地一班餅餅唔知點好，幸好Nicola幫我地記晒佢地，仲教埋我地跳個Ｄ好有活力的舞步添！如果唔係有Nicola的幫忙，我地跳《紅組加油》又點會咁靚，咁有活力，咁成功！仲有，Nicola仲多次拿進步生獎，勁呀！不過，我地Biscuits當中仲有一位頭腦又叻，個樣又靚，品行又好的學生—Theresa！  

穎眼裡的Theresa：

        Theresa真的確實係一位頭腦又叻，個樣又靚，品行又好的學生，我覺得佢真係我地Biscuits中最有港姐潛質的組員—美貌與智慧並重！Theresa跳舞同唱歌都好好，好pro，都係Biscuits的活躍份子！不過，我覺得Theresa份人就過份顧及其他人的感受，言而做唔到自己最想做的決定，雖然係咁，Theresa自己就唔覺得有乜問題，或者佢咁做自己會安心Ｄ、開心Ｄ。你做乜野，Theresa佢都會好支持你，佢會好明人地諗緊Ｄ乜（或者係因為佢習慣顧及別人感受的原因），係一個可以傾得心事的人！不過係Biscuits裡面仲有一位我覺得同佢可以傾得心事的成員—Fanis↓

穎眼裡的Fanis:

        Fanis好可愛，但佢都有好正經的一面，佢玩時會好癲；靜時會好靜，所以我覺得佢天生生得個性格好好。佢都會好明白你的感受，好支持你，所以當我有心事時都會搵Fanis講講。雖然Fanis唔會日日同我地練舞，但日後佢都會自己黎叫我地幫佢補課，我覺得佢有咁既態度已經很好，總好過不聞不問。Fanis的學業都好好架，不過Biscuits裡面真係有好多叻人—Katie就係個好好好既例子↓    

穎眼裡的Katie:

        Katie真係好叻，好有領導的才能，佢都好勤力去學跳舞，每個小息佢都會同我地一齊跳舞，佢會將每一步搞得清清楚楚，所以跳得都唔錯架。Katie的演技好好，好出息、好入戲，所以我好佩服佢既演技能力，因為佢出場既時候唔會面紅，相反我就會面紅，好似個紅蘋果咁…亦都係因為呢一個理由我好佩服佢。之前都講過餅餅裡好多叻人，Grace都係其中的一個↓

穎眼裡的Grace:

        Grace佢好勤力練舞，佢唔識唔會不聞不問，佢會向其他成員請教請教，唔會怕問人。如果要我選餅餅裡最最最好學跳舞的，我會選Grace，因為佢真係好好好認真去學。Grace都好了解人地稔咩架，佢既性格好好，好有耐性。我亦覺得Grace既文采都好好，不過餅餅裡真係好多勁人、叻人，文采好好的不過Sharon↓

穎眼裡的Sharon:

        係餅餅裡面，如果講到最有文采同改詞天份，我就覺得Sharon好掂。改《信心爆柵》的歌詞時，如果唔係Sharon的努力，我地又點會又咁好的歌詞！不過Sharon佢就任性左少少，但係任性都會有佢的好處，令人好大膽，因此我就覺得Sharon有「天不怕，地不怕」的性格。講左咁多位餅餅俾我的感覺，都到講我自己啦↓

穎眼裡的Alison:

        Alison好簡單…我就係一個情緒唔穩定的人，時笑時喊。其實我都唔知自己係點，想知，就睇睇各成員點睇我啦！

~完~