不定期的日記(2001)
23/12
1/3要考試啦......但係今日先開始溫書......先至發覺原來我有好多野唔識!!!!!!!
13/12
今日我0地踢班制7人杯決賽....輸鬼0左...
輸2:0....真係慘..MISS WONG 仲特登過0黎捧我0地場.....真係好
但係籠門唔生性....輸左球無謂波....
我都算對得住自己....雖然有時解圍撻Q.....但係都冇乜事...
仲有一，兩次助攻...不過都冇用
11/12
今日個決賽改0左期...星期四先踢
今個禮拜都幾唔得閒...
不過近排打桌球好似進步0左(上yahoo打個隻)
死啦...我0地班足球隊...得我一個冇傷...輸得啦....唉
8/12
尋日4A VS 4D....
4D贏0左....我輸0左一杯雪糕
4A贏0左.......即係4A同我0地班爭冠軍
唉....我0地輸梗.....不過希望輸少D.....做好我0既右中場...
咁都起碼對得住自己.....同埋我決定以後踢波唔戴眼鏡...
咁我就可以頂下波....除時入到波呀!!!
如果你得閒就去捧我場啦.....
比賽時間 : 11/12(二)......17:00
比賽場地:風水球場(我未去過)
3/12
30號個日0既比賽....
我0地贏0左....但係贏2:1....以佢0地0既實力...我0地可以贏6:0以上
但係我0地唔爭氣....又中楣...又中柱...有12碼....球證又冇吹...唉
自己又唔爭氣.....我踢得好差....平時都唔係咁....唉
下場決賽....我0地一定贏....唔可以衰俾miss wong睇!!!!!!!!
29/11
前兩日都冇返學，病0左.....都幾辛苦.....拎筷子都冇力
諗住今朝可以返學.....點知背脊好痛.....去埋急症室
食0左藥都冇咩事啦....但係就遲大到....好彩有醫生紙.....咪遲早俾人記過呀(我遲0左 5 ,
6 次 到啦)!!
miss wong真係關心我0地.......我冇返三日....就打電話問侯我啦..!
聽日班制足球......我0地打3E....應該贏到0既.....不過唔知我會唔會因為背脊痛而踢唔到...
希望唔會啦.....我0地個防守主力已經整0親隻腳....未必踢到....
如果我同佢都唔踢.....我0地隨時輸呀!!
P.S.大家記得多多捧場啦!!!
24/11
今日入0左林村踢波
踢完之後順手去許願樹許願.....
開頭拋0個兩次都拋唔到......
跟住阿xx幫我拋....
都係拋唔到....
仲整爛埋我寫願望0個張黃色紙....
但係又爛唔晒...
之後個阿婆叫我去樹0既另外一面拋...
跟住一拋就拋到
點知.....寫願望0個張黃色紙跌返落0黎........唉!!!!
P.S. 我寫0既願望就係 : 心想事成，媾到女，中三T，4B足球隊拎冠軍(但係佢地D願望個個
都唔肯講.....)
另外....今日辛辛苦苦對住本天書整投票站....
整就整0左....仲upload埋 tim....
但係唔知點解.....仲係投唔到票.....我盡快搞掂佢啦....!!!
22/11
前日去學校0既週年旅行
幾好玩!!
今日知道我0地30號5點0係寶湖鍾踢班制
一定贏呀!!
13/11
近排開始凍....聽講過幾日會仲凍..
大家唔好凍0親呀....
唉...冬天來了....我的鼻涕亦回歸了....真係慘
死啦....宜家係test week....我仲沉迷於電腦...
但係經濟居然拎到56/100....
不過唔係科科都係咁好彩....今日科中史...唔識做
想作D答案....都作唔到....唉....X街啦
9/11
今日班0左個四合一printer返0黎
可以fax....print....scan.....copy
勁正....
仲令到我知道點樣執相tim....
4/11
一切都有定案了.......
一切都決定了......
我 2004 年 4 月就會去日本讀書
唔會0係香港讀中六.....
真係有0的唔捨得呀!!!
祝 : 娟娟,霖霖 生日快樂
2/11
哈哈~好野...今日sport day finals.....我0地社拎全場總冠軍.....
哈哈~冇計啦....我始終都係社幹事......事先真係冇乜諗過我0地社拎第幾....
哈哈~
祝死神 生日快樂(佢個社包尾呀!!)
30/10
上星期三sport day....
我跑1500米.....居然跑第尾.....唉.....都唔明.....我平時都跑到嫁嘛,.....可能之前飲0左支水
啦....
死神就勁啦.....3金1銅....仲有決賽都未計呀....
另外....今日我個班主任返返0黎啦....好開心
今日上堂諗度d野......:
我感覺到有人暗戀我......邊個我就唔會講嫁啦......
不過我咁樣寫出0黎......我自己都覺得有D白痴.....
其實我自己又唔係靚仔.....又唔係高....又唔係打籃球叻.....
成績又唔好.....又唔係大隻......又唔係有錢.........唉.....
至衰暗戀我0個D人又唔係我暗戀0個D喎....唉
19/10
好彩~班制唔使我跑
唉~近排勁忙
點解?~因為我係博社0既幹事~冇計啦
下個禮拜三就係sport day啦
12/10
死啦
我0地班真係人才凋零
居然要我跑班制接力
真係"蜀中無大將，廖化作先鋒"
仲有黃翠珍(我班主任)冇返成10日啦
有人話佢係第三次小產.....
但係今日又有人話佢係整親隻腳.....
anyway....祝佢早日康復......
因為佢好好人嫁....
P . S : 祝 小蓮生日快樂
(10/10)
一見鍾情我愛你,
兩日唔見掛住你,
三番四次去搵你,
五個飛仔圍住你,
六親不認去救你,
七次打交 八次為o左你,
九十九枝玫瑰送比你,
皆因十分喜歡你。
(5/10)
今日(5/10)做四社大會，勁好玩，雖然第一場做得好差，但係第二場已經好好多啦。
不過最吹脹0個0下就係扮鄭裕玲0個個唔係我0地社0既人
好老實，
我地做得咁好笑，都係靠佢。
唔知點解，我做第一場之前，都係有D緊張，但係一上台開始，我已經唔覺得緊張，仲
覺得好好玩，好好笑。
不過點都好，我地所有台詞都係冇夾過嫁，所以都叫做得好好嫁啦。
P . S : 最正就係有4堂唔使上 !!