1月9日

今日一個人走0左出旺角，呢幾日心情都唔係咁好，一路行一路諗返好多好多0野....

1月8日

今日好忙呀~~~由朝忙到晚!!

夜晚返合唱團，聽返自己禮拜六唱0既歌，有0的想笑.....，唔係話唱得唔好，只係唔習慣聽返自己唱歌0者

1月6日

今日我六點半就醒0左0勒，因為約0左弟兄姊妹早禱，點知個個都未起身，等我仲晨咁早起0左身添...，之後當然係返教會練詩啦，今日係我第一日做副詩班長，都係剔下名咁，崇拜完0左要開團契職員會，突然間多0左咁多0野做，

有0的唔習慣，不過我諗就會好快上手，求主帶領。

1月5日

終於都到0左獻詩呢一日啦，著住套老西去大會堂，非常之唔慣呀~~~總係覺得著得好難睇咁，好唔自在，老西果然唔係我呢0的人著，講返個演唱，不出所料，把聲唔係咁好，可能噚晚訓得唔係咁好，六點幾就"扎"醒0左，點會咁

0架呢???不過演出時就鬼咁好聲喎，真係神奇，感謝主!!

唱完0拿0拿林返團契，點知返到去，0岩0岩輪到新職員分享，我都唔知講0左

點乜，團契完0左就話要詩歌事奉小組練歌，哎呀~~~未食0野呀，今朝到依家淨係食0左個包喳，好彩夜晚教結他之前去0左七記買魚彈0也，六蚊十五粒呀

，因為係買淨0架嘛，不過肚餓緊係唔理得咁多，即買啦，教完結他返到屋企先至可以正式咁食餐飯仔喳!!

1月4日

今日一朝又係去0左孫sir度學結他，晏晝就0係屋企練結他，夜晚就去0左琴行教結他，成日都0係結他，好充實，聽日就要去香港大會堂唱詩歌，近排喉嚨冇乜狀態，有0的緊張添~~~，套老西會唔會著得唔靚呢?

1月3日

今朝一早就同濬灝返教會整理教會0的數0勒，以為好快就掂啦，殊不知做到我返學都未做好，阿馬同瑞安本應落0黎傾周六0的0野0既，不過都好似冇傾過咁，最後佢0地都好似陪我0地做數.....

今日係放假後第一日返學呀，幾個禮拜冇見0的同學仔，有0的掛住添，不過可能大部份同學都太耐冇返，得0個十幾人，希望佢0地下個禮拜記得返啦。

P.S.我今日剪0左頭呀，即刻型上加型~~^v^

1月2日

今晚去0左一個0岩0岩受洗0既羅姊妹0既安息禮拜，雖然我唔識佢，不過我相信佢已經0係天父0既懷抱度0勒，亦都希望佢0既家人及朋友，透過羅姊妹0既信主過程，都可以相信主啦!!

1月1日

今年第一餐飯就係食杯麵0勒，好慘呀~~~，夜晚都淨係食麥記醫肚，不過就同0左dicky、瑞安、斌仔、家俊一齊上0左水庫踢波，好耐都冇踢過啦，都唔記得點踢lu，緊住去0左giGi屋企閒聊一陣就各自返歸lu!