日期：2008年7月18日　

場地：偉智街足球場　

對手：DBFC　

比數：4：4（和）　

累積勝負：

小報告

0至30分鐘：唔知乜野事，原本話幾乎”地庄”出戰既球友會，竟然到出場前精英雲集！咁都好，大把人調動嘛！開戰時我隊奇兵突出，以”Who Am I”打左後防位置，企圖又以贏”新進”既戰略，再次贏對手！但似乎今次成效平平，開賽無耐已經失球予對手，單刀面對龍門，對手射穿”大細”入網，0：1！球友會落後！

31至60分鐘：如夢初醒既我隊，立即積極反撲，而調到右路的”Who Am I”兩次傳中球皆化成入球，我隊分別由禁區大盜”阿斯浩”及007射手”邦邦”建功，我隊暫時反勝，難道"Who Am I"化身成全盛期既”碧咸”？一味係右路出波？！我隊球員皆嘩然！ 。

61至90分鐘：唔知乜事之下，又比對手追和，更甚者又再失多一球，變成我隊落後，賽後原因我隊球員一致認為”偉智街”有高原效應！直頭有海拔三萬米咁勁，跑起上黎隻腳好似豬蹄咁重，呼吸就好似牛咁笨重！仲有就係唔知乜事今日我隊陣營對面棟舊樓竟然開燈！仲有係開黃黃綠綠既燈，同”X屋”有相類似地方，唔知我隊球員係咪因為咁而唔多”老泥”！奇！奇！奇！

91至120分鐘：憑住小記入楔得分加上邦邦撞射積奇入網後，最終我隊追平！而對手多次單刀射過隔離，放我地球友會一條生路，所以話，球友會善有善報也！

查看上場小報告，請按此