日期：2008年7月7日　

場地：佛光街足球場　

對手：萊楓　

比數：2：8（負）　

累積勝負：

小報告

0至30分鐘：諗都諗唔到，成個禮拜都落雨，但今日踢波竟然天氣OK，可以係”好地”下進行！另一樣諗唔到係”萊楓”竟然係”神風”既化身！究竟”神風”既球員有幾多個架？遲少少會唔會有隊”傷風”？”颶風？又係佢地既人？友賽開始時以球友會組織較佳，”好地”作賽下表現果然醒神，但仲未入到對手波！0：0！

31至60分鐘：真係天有不測之風雲，踢踢下竟然傾盆大雨，球友會巴打變晒”落湯雞”！而且形勢立即逆轉！比對手係咁攻，最後由唔知係咪當日”無間道”既小記，自己門前解圍送左個波比對手超近門下射入，對手連Thank you都無講就入左一粒！慘！。

61至90分鐘：掛牌由”好地”轉為”大爛地”！原來”萊楓”好鬼鍾意水！水戰特別醒神之餘，直頭搵埋條命同我地踢！小記、積奇、船長先後受襲！對手則仍然俾條命出黎！咁點打好呢？我地唯有俾場波佢地啦，命我地要番！咁．．．．對手就入多兩球！而積奇一射一助攻下追番兩球，但球友會巴打仍落後！無計，我地條命矜貴！

91至120分鐘：臨完場前見擅長”放飛機”既”雞髀”出現，而養傷好耐既”雁非鷺”亦出場踢下，陣容似乎較完整，但無尼頭連失幾球，最終可能對手嫌贏得少，而且因為我地條命矜貴，竟然有條友攞起拳頭想攞我地巴打條命，但香港地法治之區，當然最終無事完場！但”神風”．．．．乜”風”乜”風”既球隊真係要小心，原來佢地踢波係搵命搏，日後有”風”要駛盡”你”，避得就避．．．．．否則無命！

查看上場小報告，請按此