舊日記

期待你的花會開
其實自己也都討厭期待
恐怕正式真實戀愛
痛恨明日也許分開
這麼不知所謂怎麼愛

29 NOV 2001 (四)

終於也忍不住去了唱k，唉!!!明明話要忍到考完試嫁ma，但此終也...唉!!心情唔好，唱下都冇無紡啦!!!Fonnie真係唔好意思啦，我掛住點我自己想唱d歌添，不過好彩都0岩你唱0者，等考完試再唱過啊!!!最多你話事啊!! ^^

不過唔好係我好有感情唱緊姊妹時，你提起家姐啦!!!我怕怕啊!!! ^^"

今日我唱佐好多舊歌，原來有首比<不必剎掣>更合我心的....

<兩種人>

未夠愛你 才會與你擁抱
抱過你才沒法離開你
吻過你而未愛你多好
但我早知跟你共舞
不等於愛慕
就算開心不要傾心得太早

痛著愛 笑著吻
你共我是兩種人
偏偏一抱緊你就比世上情人還吸引
痛著愛 笑著吻
吻盡也沒法令愛發生
即使可以跟你互相開心得痛心
仍可以 不相襯

為了愛你才要與你別離
放棄以前讓我抱緊你
抱你以前別說對不起
讓記憶比真相完美
分手的氣味
亦要好得足夠身心都記起

吻錯你也是另一種結果
仍能為了愛你而沉痛過
總較無情甜得多


28 NOV 2001 (三)

心情??唔識寫，寄情在歌裡吧!!

<不必剎掣>

誰的跑車 突然之間衝向我
無從閃躲 已瞬即起了火
是你失了控撞來 還是我不小心走過
人沒錯 也許時候錯

情感衝擊 如兩敗俱傷的爆破
為何偏偏 愛上這種痛楚
是你刻意要撞來 還是我不願躲得過
平淡裡 期望鑄得成大錯

罪加一等 卻越想走得更近
步步驚心 卻說不出快感
讓快車碰上路人 留下最轟烈的一吻
誰像你 吻得同樣狠

當一個男人說:「對不起，原諒我吧!!」，女人還可以做什麼??

一句原諒男人輕輕的說出，落在女人心上，郤有千斤重，肯不肯原諒都巳經做了，說一聲原諒，只是為了愛

我微笑是為了你微笑，既然心靈的哭泣是不需眼淚。

愛的本質是奉獻


23 NOV 2001 (五)

今日都唔知個icq做咩，開佐成個鐘都開唔到啊!!個留言板傻傻地!莫非佢地都好似我咁唔開心，唔想做任何事??唉.....原來<物似主人形>就係咁解。

有幾分似謝天華0個個呀!!!你要記住你在我的web 內扲佐我野呀!!我會報仇的，不過點報我仲未諗到喎，諗到你就知死，仲有呀，你欠我餐飯呀!!我唔要M記啊呀!知ma....我知你會看到以上內容的，唔好咋唔知呀!!


21 NOV 2001 (三)

在暑假返工所發生的事，終於告一段落，唉!!拎唔到加班錢都算啦!!當賺佐個經驗，兼當俾佢買藥食啦!!下次唔好咁蠢，我信上天對每個人都好公平的，善惡到頭終有報，天會收的。

好多事都應告一段落，不應去眷戀或留戀了，<我不是天使>我覺得尼個名好配我!!


P.S 我家終於有部dvd機lu.....


17 NOV 2001 (六)

咁大過女都未試過咁魯莽行事嫁!!!就當夢一場，無發生過，知到d main point就得啦，一切回復平日一樣的吧!!


14 NOV 2001 (三)

哈.......哈.....昨天BBQ，都玩得幾好啦!!!我終於知我點解俾人叫做miss 啦!!!原來係咁。估唔到我十點七，八就走，但我都要12點幾先返到屋企，好彩冇飲酒咋，唔係我都唔知我自己一個點返屋企呀!!!成點幾先睡，好似睡得唔係好好，睡下醒下咁，今朝起身仲睡矮頸添!!!

氣氛咁好，下次再BBQ預麻我啦!!


11 NOV 2001 (日)

冬天就到啦!!今日在家換季，誰不知有好多衫都唔著得，又或要好辛苦著下去，著出來又不好看，照鏡時看到有小肚腩不特止，hip又大了成個碼，成個啤梨咁啊，唉!!!真的要減肥啦!!!

要定下決心，每天都做sit-up啊!!其實以前都有做的，無奈我太三分鐘熱度啦!!!再係咁真係要搵人要啦!!!

唉!!唔話自己老都唔得啦!!!今日男朋友同我剪佐2條白頭髮啊!!點解會有白頭髮0既呢!!!唉!!!不過好彩男朋友d白頭髮仲多過我0者!!! > o <


6 NOV 2001 (二)

原來人的記憶有一個自動清洗功能，可把不快的記憶消息。

或者唔係人人都有，只我才有，又或者根本沒有這個功能，只不過是我想原諒的理由。

2001/10/25(THU)
又尼過
今日係重陽呀!!!好早就去佐探爺爺，但爺爺附近起山火呀!!!好驚!!好彩得爺爺保佑咋!!!!探完爺爺後，我就去佐剪頭髮啦!!!但等佐好耐，三sprit超多人呀，之後再同男朋友去街街，點知又吵過。

又話倦，咁好啦，咪返屋企sleep，我自己一個去law，你都知我唔想去，咁山長水遠，點解明明話倦，仲去同班friends去打波，離哂譜!!!成日講大話呃我。我真係好倦呀，我唔想三日唔麻就要吵下啦!!!!


2001/10/22(Mon)
遲大到
明明約我今朝9:00返學傾project，八點九我返到尼，一個人到冇，以為自己早到啦!!!但到9:00竟然一個人都冇，打電話比亞成啦!!竟然先剛剛起身冇幾耐，打電話俾其他人啦!!又話唔知道傾project!!!有冇搞錯呀，你地個個住咁近，都遲到???難為我住咁近啊!!!7:00我就起佐身啦!!!我係八樓呆等成個鐘啊!!!如果真係太早，咁就唔好約咁早啦!!!約又係你0地約，遲到又係你地!!!唉!!!當我諗住走0個陣時，亞成就到啦!!!我真係好想發臭四嫁!!不過費事趕唔切個進度，求其鵝佐幾句就算，但其實個心仲好嬲嫁!!希望下次大家溝通好d啦!!!

唉!!!個心有d唔舒服，諗住同男朋友仔傾下，呻下啦!!!唉!!!唔呻好過呻，頭一句就話我錯，咁早到，早知d同學仔係咁，就唔好咁早好到!!喂!!我唔知嫁喎，佢地平時都唔係咁，唉!!!男朋友第一句竟然唔係安慰我，仲踩多腳尼!!!咁0既男朋友都有，個心真係有d淡呀!!!


2001/10/16(tue)
新歡
最近我鍾意佐一個男仔啊，佢好有才華，好叻，好cool，好正呀!!!

唔好誤會，佢係一個歌手，自從我由八，九年前鍾意安仔開始至今， 我都未試過咁迷一個人，好似返番以前我鍾意安仔咁，但我仲好鍾意安仔嫁!!! 好想看他的演唱會啊!!!但估不到2個鐘之內就賣哂，仲有邊個可以係咁0既市道，仲開演唱會，仲可以在2個鐘內賣哂呀!!!佢之唔係周杰倫...唉!!!點算啊，唯有等佢出演唱會vcd啦!!!

好想看周杰倫的演唱會啊!!!!