六月十日

中三最後既一日考試,,,沒有特別事的~~~放學同另一伴左飲茶,,,,大家都係食左廿幾蚊囉..但係我想講既...我地人人叫左個麵,,係食唔晒囉...食淨一大碗~~o係酒樓都坐左兩個鐘....之後我地落葵芳shopping...見到阿誠佢地...果刻無奈囉...之後都同佢地一齊左一陣...and than我地就返工~~終於等到jerry返黎啦~~~好掛住佢呀~~~因為我出糧要還錢丫嘛~~~奇蹟出現了!!!世事無絕對!!!但係都要還錢=.="

六月九日

今日考考下試訓著左囉...考試完左之後同陸bar.神婆果d去左飲茶....飲完茶各自上路...我返到青衣...打俾我老豆....問佢食咩野未...佢未囉...咁我咪同佢去飲茶囉...一日飲兩次...都係我屋企樓下果間酒樓果d野食好食好多~~~不過係比學校果邊果間貴少少架啦...

六月八日

今日終於出糧~~唉~~~咁又點丫~~~一心打算請我老豆去飲茶,,,,打佢電話又打唔通~~~返到青衣,,,出埋閘,,,佢個電話先打得通...佢去左葵芳囉~~~之後見到聰仔.牛奶同埋b仔...係咁煩佢地陪我去飲茶~~~佢地又唔去wo~~唉...打俾我二佬...佢又話唔啦~~~叫我快d返屋企...唉~~~之後去左惠康~~~入去都唔知仲嘜....又唔知買咩好wo~~~係個惠康入面兜黎兜去~~買左d jerry黎整囉~~~出糧想飲下茶都唔得~~~打俾我的另一伴...電話唔通囉~~整完jerry打俾另一伴,,,佢又話我次次都係o係佢唔得閒既時間打俾佢....屌那星丫~~~唉~~~又唔俾我早d返工放工,,,又要等五點~~~同佢終於告一段落了~~~等佢講分手..等十世都未講啦...一點傷心也沒有...只因曾經已受夠

六月七日

尋日本來都有寫日記架~~只不過寫完先hing機...咪唔寫囉~~~加上我都唔記得尋日發先咩事啦~~今日同我的另一伴香港一日遊囉~~~由我返學開始計啦~~~青衣去荔景,,荔景去青衣,,青衣去銅鑼灣,,,銅鑼灣去旺角,,旺角再返青衣~~阿怡比我慘d~~仲要由青衣返美孚~~~勁無奈囉~~~為左睇one nite in mongkok囉...香港+九龍+新界囉...去以上既地方..每見到有恆生果d禁錢機...我地都會睇下出左糧未囉...點知次次睇都係未出囉~~~

六月五日

今日依舊要返工...返工果時,,係mtr見到阿瑩...唔知佢見唔見到我啦...之後佢竟然落左黎買野食囉...之後我都問下佢食唔食野...但係我都知佢食左野架啦~~~因為我之前已經見到佢上黎買野食...只不過去左阿怡果邊ja~~~之後阿man.柒彤同埋含撚moon落左黎囉....柒彤果野....我俾左好多野佢地食...淨係收佢一個tart錢....食死佢地...哈哈!!!放工唔知做咩野事...好多人都唔見左野囉..俾人偷野囉...好彩我部電話放係經理室ja~~

六月四日

今日考數學...但係我唔識做囉...放左學之後...我同阿飛一齊返工....點知返到去..阿亮同我地講話,,我地返五點至十點...啞晒囉...但係之前我記得我返十二至八...唉...係十一點先放人走....緊辛苦~~~放工睇返電話,,,嘩~~~有成九個未接電話....傻架~~~係咁打黎....我唔聽電話就知我返緊工啦....唔洗係咁打黎呀~~~打一兩次黎咪得囉....傻架~~~十二點幾先返到屋企...唉~~~

六月一.二日

一號果晚,,我上左神婆屋企溫書~~~之後我醒起聽日考試要有量角器...但係我又唔記得執埋上神婆屋企啵...佢又冇wo~我地咪一齊問人借囉~~好開心呀~~~吉仔雖然肯借俾我地wo~~~聰仔又借俾我地wo~~~佢地兩果勁好人囉...係神婆屋企...同吉仔同埋a君傾電話...勁無奈囉...我同緊吉仔談緊情架嘛~~(講下笑~~)之後a君又打黎wo~~我轉線啦...我同神婆講左句"佢打黎仲咩野?"竟然俾佢聽到囉...原來佢打黎係想講多d貼士俾我知架....果刻我覺得自己好唔岩囉...講果句野真係好衰囉...之後我都係咁同佢say sorry...佢都係嬲架啦~~唉...算啦!!! 誓要去與他邂逅仍然從不怕被人話濫ˍ從未做過玩家ˍ【但我卻誠實認真去玩】

五月三十日

今日返工冇行動...好失敗,,,果兩隻雞又唔返~~~唉~~~勁早收工....最遲返...最遲talk break...最早收工...勁無奈=.="個個人都要cut鐘...其實我一直都覺得,,,呢個遊戲好似【三角誌】裡面既歌詞~~~不過唔緊要啦~~~點樣都好~~~我都會覺得自己係嬴左,,,,因為我唔單只嬴左一個!!!

五月二十九日

今日心情都平復返d..多謝陸bar教我既做法...即使分手都仍能保持面容...多謝你...我的好姊妹...多謝神婆,,,每日都同我傾訴...多謝你們~~~

五月二十八日

點解我最唔掂...最需要人幫既時候.....無人可以幫到我,,,打左俾二十幾位朋友,,,只有兩個人會聽我電話,,,一個係青青,,,一個係美儀...其他人呢???去晒邊呀??好唔開心囉!!!

五月二十五日

今日佢有返學,,,但係我只有一個小息既時間可以見到佢~~~佢之前問過我既野,,,我依家又唔知點樣開口答返佢~~~但係我又好想答啵~~~冇計啦,,,為左玩阿邊個!!!係要犧牲d架啦~~~希望星期四可以答到佢啦~~今日統測完,,,基本上成班都要留堂既~~miss胡唔知咩事俾晒我地成班走,,之後走淨幾個~~有得走仲唔即刻走咩~~~留到五點呀~~~有人話見到miss梁,,,我地成班係咁跑去後梯逃避佢,,,勁好笑~~不過今日淨係得我自己一個人返工囉....勁悶呀~~~

五月二十四日

晚上十一點幾...我愛的人打左黎搵我,,,係咁俾佢串....都唔知呢d叫開心定係無奈=.="之後我見我個契哥online,,,咁我咪同佢傾佢請我食壽司果d野囉...佢又話星期三果日唔得囉...我成個幾兩個月前約定佢,,,佢依家一句唔好意思都冇,,就話約左人,,我唔叫佢講,,,佢都唔識講架啦~~~次次都係咁~~~大話精!!!!神婆果句都幾岩:d仔成日都講好多美麗的謊言架啦!!!

五月二十二日

今日凌晨三點幾同青青一齊...佢上埋我屋企訓...之後我去左沖涼..佢就訓左係梳發度...我沖完涼佢就訓著左...之後我五點幾先訓...佢第二日要返工,,咁我幫佢校鬧鐘囉..到左十點...佢個鬧鐘響完就到我果個響...之後我送佢落去搭車...除左送佢搭車之外,都冇出過街..乖女呢~~

五月二十一日　好長，唔好睇到訓著教^o^"

放學返左屋企,,到五點幾果時,,青青同mei yee打黎,,,都係叫我出去~~~好出奇...一係就冇人打黎,,,一打黎就打孖上既~~我先陪左mei yee先啦~~佢肚餓...我又順便"禁"錢,,,之後返屋企,,,再出去~~~但係我冇帶電話,,,因為部電話俾miss收左同埋壞地既壞..咁咪出去買電話囉~~~~青青話入黎青衣站等我,,,,佢等左我成一個鐘,,但係我都搵左佢成半個鐘架~~冇計啦~~身上冇電話,,,又唔記得佢手提...之後咪用左"兩蚊"打俾阿彤囉...叫阿彤幫我搵佢出黎...嘩~~真係唔該晒阿彤呀~~~冇佢我搵唔到青青呀~~~青青不出兩分鐘就出現左啦!!!我搵青青果時真係苦啦~~話明車尾等..唔見佢,,,由車行到車頭,,,再由青衣搭過去荔景,,,由車頭行到車尾~~~再由荔景搭返過黎青衣...你話係唔傻架呢~~搵到佢...一齊出左去深水涉~~~去到深水涉...佢話打機囉...果時仲未入機鋪住...青青叫左佢既前度出黎...佢前度塊面好白呀..之後佢地入左機鋪打機..我都唔鍾意打機既~~~所以我冇打到~~~咁我咪周圍行下囉....果時我用緊青青部電話...華耀打黎...同佢吹左一陣水...佢都係深水涉啵...但係佢又話要返青衣....之後青青同佢前度出黎...我咪同青青講返..華耀打過黎囉....之後買電話啦...我入左鋪頭..青青同佢前度出左去,,,得返我一個人,,,不過我都醒目既~~~睇下部機同埋個盒既no.相唔相同~~~總之唔係驗都唔驗下啦~~~我果時企既位望到出門口...見到華耀...青青佢地又入返機鋪囉...勁無奈=,=我同華耀講...我叫左個fd落黎...佢問..仔定女先~~如果係仔就即刻返青衣,,,,女就冇咩所謂wo~~我叫左仔...果條仔叫阿庭我叫佢落黎都係介紹阿庭俾青青識咋嘛~~之後我叫佢係深水涉a出口等...我諗住佢唔會咁快到啦...點知佢到左囉...玩野囉~~~我係A1出口落去,佢係A2出口上黎囉...你話佢係咪玩野啦~~佢上左機鋪囉...之後我都上返上面...佢地落一落黎就走,,,為咩??為左見青青囉~~呵呵!!!華耀同佢個fd打左一陣機就話走...阿庭同佢個fd又話要走~~~啞晒囉...個個都話走~~~之後我,青青,華耀同埋佢個fd一齊搭車返青衣~~~返到屋企食完飯..除con..青青打黎叫我上長康...我話唔上啦~~~上去都唔知做嘜...之後佢地又話去戲棚....去戲棚就冇嘜所謂...我咪著街坊look囉...街坊look當然踢拖啦~~落到去佢地話...你仲咩著拖鞋呀??...我聽到啞晒...一心打算落睇戲棚咋嘛...點解會問呢d問題...之後買完野食...我以為坐青怡啦~~~佢地折的士囉~~~飛的上長康囉...果時諗...上唔上去好呢...都地折左的士...之後都上左...上到去都唔知做嘜...係有個人應得我囉...但係我既記憶中..都好似有呢個名出現過..個樣我唔記得...佢問我小學係咪讀青公,,我話係..佢又講到我d同學名...咁岩我果年留班4c..所以都唔係太識佢...不過我都有dd印象既~~果時成日都同未留班果d同學玩5e...佢又入左5e班..係唔明點解佢會應到我~~算啦~~寫到呢度啦~~其他野唔寫啦~~~多謝你睇咁長既日記呀~~

五月十九，五月二十日

個puma袋...唉~~放左落洗衣機洗...唔記得返轉黎洗...d字緊核凸..唉~~~好灰.... 今日放左學又落左旺角~~依家成日都落架啦~~~落左去買左條褲..買一送二呀~~~你話低唔低先~~~hee!!!!邊度有咁低架~~~講下笑咋~~~之後落左kfc食野...食完就返屋企啦~~好野..考完試去swim,,,,yeah,,,,好想快ｄ考完試呀∼＊

五月十七日

今日放學我同神婆同肥彭一齊落左旺角..我地周圍行下....買左d野..之後我地就落左kfc,,,我本身係拎番對鞋既...因為我尋日唔記得拎丫嘛..落到去..見到阿亮,,,佢係咁啤住我~~都唔知佢啤咩~~之後出返去...我見到阿梅...咁我咪去左阿梅果度買野食囉...我打算去買個細薯蓉,,,之後我問阿梅可唔可以俾個雞卷同埋萄撻,,阿梅仲問埋我飲唔飲野...嘩~~覺得阿梅真係好人,,,之後阿英見到我叫阿飛拎野食...阿英好似鬧阿飛....死啦...我驚阿飛為左拎野俾我食而俾阿英鬧...阿英對佢地麻麻地...但係我唔覺得...之後坐左一陣...我地都係離開kfc,,,去左買膠紙,,,買黎"痴"衣櫃,,個衣櫃"痴"好左啦~~我地買完之後行左一陣旺中,,,之後再搭mtr返青衣...神婆再陪左我去買野..之後就各自歸家,,,返青衣村途中,,,我見到型仔呀~~~佢好man架~~~~佢咪就係聰仔囉,,,你唔覺得佢好man架咩!!!~~~

五月十六日

今日阿婷打黎問我出門口未...我緊係話依家出門口啦~~~搵件low cut都搵左廿幾分鐘....都仲未搵到!!之後咪唔搵囉....返工~~今日一直都好順利,,,,唔知仲嘜鬼野,,,阿亮返左黎,,,我係咁俾佢插...放工打算拎d野返屋企食啦~~(咁佢之後話俾我食d野...但係就冇話係公司食定拎走既...)跟住佢就屌鳩我,,,話一定要我係公司食,,唔准拎走,,,,咁我咪算囉....但係我話拎野...我同佢嘈完...我緊係唔再拎野食啦~~我打算係拎返個銀包,,,,,佢又以為我拎野食,,,又俾佢嘈....之後爬見到阿英....我咪叫阿英幫我拎野囉!!!!之後我就返左屋企!!!

五月十四日

今日放左學就返工,,,之後就等放工...有兩對情侶我覺得好攪笑,,,第一對呢,,,就話要一個細格加一隻or,,,我同佢講or得雞翼,,,咁條仔就講左句好得意既粗口,,,咁我咪笑囉,,,,根住條仔就叫我"唔好笑,,尊業d~~"之後我好鬼死正經咁樣幫佢執雞..之後第二對情侶黎...咁又係話要雞...我又係話得番雞翼...之後佢問可唔可以轉bbq wing,,,我又唔清楚可唔可以轉...又好似唔可以轉...跟住我好細聲咁樣同佢講,,,,我轉比你丫..."o暑"....唔好咁大聲講喎...如果唔係我就俾人鬧架啦!!之後條女都"o暑"...唔知點解我會覺得果兩對情侶好得意,,同埋好攪笑囉..之後我放工既時候,,第二對情侶都仲未走...返到屋企就岩岩做小寶囉~~

五月十三日

今日放左學同陸bar.神婆同埋肥彭落左葵芳....我地去左食大碗麵,,,,不過依家都係日昇好食d~~~之後我地去左新都會既廁所,,,去完之後,,,我地入左fancl house睇野...睇左d野...覺得都幾正~~~遲d返去買...hee~~之後我地返去葵涌廣場,,,睇到阿樽同阿婆一齊(好似係叫bb,,,我唔記得佢叫咩名..而好多人都叫佢做阿婆既關係..所以我先咁叫~~)之後阿樽話佢自己一個wo~~~咁我咪話..."你都自己一個人架啦~~不如同我地一齊行啦~~"佢又話"我要買衫呀.."(因為果時阿婆去左排隊要野飲~~阿樽真係冇風度~~要個女仔去買野飲!!!)之後我地咪走囉...落左電梯,,,我地又返返轉頭,,,果時真係覺得自己有d八卦...^^"....之後睇左一陣...佢地落左電梯就唔見左人啦~~咪算囉....我又地就去左見工....去完葵芳再去荃灣...見左好多間呀~~但係間間都話等電話,,,,去左新之城果間kfc,,,見到曾依汶wo~~~之後我諗..見唔見好呢...如果我地同一間...見到面會黑晒面架啵....之後陸bar就話...唔好理啦...見左先算啦!!!之後咪填"方"囉....填完就走啦~~~我地見多一兩間...就各自各返歸啦!!!mai yee今日生日...我都係send左倘ms俾佢...冇搵佢...因為我地都好少一齊玩...同埋佢都知我通常都唔會落街...

五月十二日

今日唔知發生咩事....一起身,,,個身就起晒雞皮...刷牙刷到作嘔...行路果時好辛苦,,,雙腳好似鬼咁...飄飄下~~又好似透唔到氣咁...根本就唔想講野~~~依家同佢地都冇野好講啦~~~

五月十一日

放學返工...有兩條女就新黎既..阿鬼好憎佢地...佢地放左工...勁好笑~~佢地走過黎我個度買雞食wo~~~我心裡面諗...我同佢地又唔係熟...又要串咀...咁我咪冇同佢地講話放工可以拎雞食囉....佢地咪俾左$36買左bbq wing...之後我同阿鬼講...佢就話佢地都戇鳩...總之好頂引架啦~~之後佢地買完就走啦....放工我幫左陸bar拎碟...自己都拎左隻...hee~~放工果時...我又拎左d野返屋企食....買左包橙汁...同阿鬼一齊走...我落地鐵站果時...見到有個阿婆行丐wo~~~我呢d好人...我俾左$1.6佢呀...身上既錢所淨冇幾呀~~~之後我就行樓梯走啦...見到自己手上有d野食...咪返轉頭俾左一個飯..兩件鬆餅同埋果包橙汁佢囉...我見到佢隻眼好紅..之後我就即刻走..返到屋企都成十二點幾...

五月十日

十二點幾陸bar打俾我...話叫我返工...返到去都成兩點幾...今日d客特別麻叉煩...最憎d客又話要呢樣..跟住又話要果樣..之後又話唔要果樣...都唔知點解一返到工作既地方...見到肥彭果d囉....都唔知佢地落黎仲嘜春野...緊想屌鳩佢地班友...係咁啤..姊弟戀..超~~~十點幾放工...早左...正正正正!!!

五月九日

今日返工.....放工....過左去白田村....過到去好戇鳩....得自己一個人O係度等D人.....等到又點JA~~~冇人理我既....緊戇鳩...之後打返個電話俾神婆...話落返旺角...不過落旺再都唔知有咩做....咁我又叫左佢出黎....冇理由又話返屋企架嘛....咁咪係旺角吹水囉....我相信係旺角吹水都好過係白田村囉....我地叫到四點幾,,,將近五點就走....返到屋企玩左一陣電腦就訓... 我諗我以後都唔會再去白田村囉...我會忘記果d人囉....同埋我唔會再搵佢地囉...我唔係一件工具囉...我唔會再幫你囉....

五月八日

今日9點幾起左身..見仲有幾個鐘先返工...咪玩下電腦...聽下歌囉......點知收到一個身在異國既fd打黎....好突然囉....同佢傾左一陣電話...我部手提就冇啦啦又壞q左...自動熄機...勁無奈=.=".....之後到左十一點幾就出門口...返工!!!!返左十一個鐘...勁辛苦...之後就十正點幾,,,近一點到先返到屋企.... 唉~~~都唔知我阿哥幾時先肯還晒d錢左我買電話,,,,部電話又要俾佢整壞...唉~~~好慘呀~~有電話等於無電話~~~

五月七日

今日同阿琳.阿珊.阿汶同埋阿婷出左去唱k...唱到三點幾...我叫左阿琳陪我去買衫...順便一齊返青衣..佢地應該係就唱到四點先走...返到屋企勁悶...同埋好眼訓...我都唔知出唔出尖咀好...佢十點鐘先打黎問我係邊....我話係屋企囉....心諗"唔好玩啦~~我聽日仲要返工...唔係打算叫我依家出去呀~~"同佢講左之後就收左線....

五月六日

今日放學落左葵芳拎卡..之後搭地鐵落左黃大仙..搭既途中見到連媽...佢問我洗唔洗返工,,,我緊係話要啦....但係我要出左黃大仙先既~~仲問左佢借左四蚊...之後就再搭地鐵去返工....返到去就岩岩好五點正...好準時...緊無奈囉...我危到一個好似我二佬既fd囉..佢係咁望住我囉..之後阿瑤又落左黎睇我...佢地都係同一時間出現...我同我d 同事講...佢地都唔係好信...啞晒!!今日好似係呢幾年黎洗野囉....緊辛苦!!!放左工打左俾阿瑤...阿瑤同佢個fd黎搵我...之後我俾左d野佢地食...阿瑤緊索囉..^3^

五月五日

唔好意思啦...前果幾日上唔到網...所以就冇寫日記啦...再加上我都唔記得晒發生過d咩事...今日我發覺自己個人好燥底...唔知係咪因為眼訓同埋累既關係...呢幾日係咁鬧人...今日臨放學仲同miss嘈...我嘈佢先既...我嘈佢上個禮拜統測既事...我真係差一分合格囉....我話過會屌鳩佢架嘛...咁今日咪屌佢囉...跟住大家屌左幾分鐘...之後叫我留低寫口供紙...我緊係唔寫啦...之後我都走左...我入左廁所...出返黎之後我見到佢係圖書館門口,,,我大聲咁樣話佢"更年期就咪撚返學教書啦.."之後我就離開學校...同阿琳佢地一齊返青衣...我地個個都好累...搭小巴返青衣村啦..點知我地上錯車..冇留意到果架車冇掛上美景既牌...點知我地三個同埋另外兩個乘客就坐左十幾分鐘既車程....行路仲快過佢...不過係我地唔想行咋嘛....之後就返左屋企啦....

五月二日

今日係訓得果三個鐘架...七點幾訓教...十點幾就要起身返工啦...個人係勁累...不過都要返...今日果個好似叫cici既人同我講...話我尋日找多左二百幾蚊俾人囉...我聽到有一個反應...【下】...之後我心裡面緊係諗...咪玩啦...尋日有人就真係找多左五百幾蚊俾人ja...關我鬼事呀~~我自己都唔知發生緊d咩事....都唔知係咪覺得我係新人...找錯錢俾d客就搵我黎"琴"左條數....我緊係唔認啦....又問我尋日跟過邊個....我淨係記得陸bar同埋個阿婆囉...其他我就真係唔記得啦...但佢又話我連過唔知邊個....咁我新黎....我又唔係好識d人既...我點知呀....賺埋都唔夠"舌"囉....所以我打算返呢個月...之後就唔返啦...我又唔係未夠秤...我返好多工都得架啦...返呢份工又咁多野記...算啦....我都係冇野講啦....

五月一日

今日係冇特別事情發生既...只不過係俾野灼傷左隻手囉...到左夜晚,,,果時已經一點幾啦...搭地鐵未班車搭到去葵芳,,以為仲有通宵小巴搭囉....點知要去荃灣先有...心諗,,,今次死啦...電話又壞,,身上得果十蚊,,又冇錢飛的,,,又冇晒車可以搭返青衣,,,喂住我就坐左係個小巴站度一陣啦...見到有條仔行左果黎小巴站wo...跟住我咪行左上前問佢係咪返青衣囉...佢又問返我..你去青衣邊度??咁我咪話青衣村囉..佢話返美景.....咁我就好老實咁樣同佢講,,,我身上得十蚊咋....咁佢又好好人啵...肯一齊返青衣啵...咁我去到警局落車啦..等佢兜返轉頭上美景...咁車得遠就唔係咁好啦...話晒自己出得果十蚊...其實好彩佢都係返青衣咋...如果唔係我都要全晚留係葵芳過夜架啦.....之後我行路去左青怡搵我既二佬...俾左好多野食佢呀....俾左一袋雞佢...之後佢叫我將第二袋拎番返屋企....咁我又咁岩行過街公(街市公園)啦...見到阿琴.mai yee.嘉敏.阿星.朱餘仔同埋其他我唔識既人一齊....咁佢地本身問我去邊架...咁我緊係話返屋企啦...之後叫我上去坐一陣....坐坐下...坐到六點先返屋企囉....袋野食就食晒囉....不過d雞唔緊要啦...都唔洗錢既~~ 原來呢個世界仲有好人既存在架

四月三十日

今日好累,,,放左學同我老豆去左飲茶,,,食左幾籠野先五十幾蚊,,,d野又幾正,,,我老豆同我講,,話我二佬冇帶鎖匙返工囉..飲完茶我老豆要出去荃灣..咁我就返屋企啦...去到屋企門口先知冇帶鎖匙果個係我囉...咁我就打電話俾我屋企人啦...連自己部電話都蝦我囉...一打電話就自動熄機囉...之後我落左大堂問"食蕉"借電話打囉...之後過左青怡搵我二佬拎鎖匙...跟住我就返左屋企...玩左一陣電腦,,,我姑姐黎左囉...好彩今次得佢一個人咋...如果表妹果d黎到...我實死呀...之後我緊係訓教啦...超級眼訓呀...訓到七點幾∼∼

四月二十九日

今日早放呀,,我同陸bar.神婆同埋阿婷落左mk唱k呀~~唱到四點幾...我地就返工啦!!返咩工？咩工都唔話俾你知啦∼除非你收到風咁就冇野好講啦．．我其實都有ｄ想轉工架∼＊不過依家返得都幾開心既∼＊今日早左放工啦∼十點就放人走！你地得閒去ｍｋ就打電話俾我啦∼要夜晚十一點幾架啵∼咁早我唔聽電話架∼知道嗎∼ 算了吧 就算我默默地等待他 他也不理我...不采我 還是已最快速度妄記他 今日唱ｋ唱左首一直掛念，果時真係有ｄ想喊∼＊ 但係返到屋企，我覺得個心完全係崩潰囉∼＊

四月二十八日

尋日係第一日..但係都好開心,,,不過都冇咩特別架...係阿婷同阿汶落黎搵我囉....其他野唔講啦...今日勁度無奈,,,我驚我中史唔會格呀...我諗我都係差一.兩分果隻..我最後先做mc題,,,,當時得返一分鐘,,我咪做啦...做左兩條,,,頂~打鐘囉...望望下...原來十題我有六題都識做囉...miss 胡又唔知發先咩事囉...鐘聲都未打完就收卷,,,,如果唔係,,,我諗我都可以做多一.兩題囉...嘩...係果刻我勁想鬧miss囉...不過...唉~~~怪自己做得慢啦...但係我可以話俾人聽囉...我第二學期既測驗次次都係合格囉...我唔想唔合格囉...好擔心呀~~~

四月二十六日

今日放學...我同阿婷落左葵芳...去到bank,,,見到好多人...跟住佢同我講..佢約左佢阿媽囉....我都唔知原來佢約左佢阿媽出去囉...早知我就唔落葵芳啦...之後入左吉野家食野...食完就分開走...我就去返bank開a/c...之後果條友話我張家長信有問題囉...俾過第二張我囉..無奈!!!只好聽日再去過啦...之後就返左青衣...見到s.b拖住個細路仔囉...不過都算啦...我同s.b都唔熟既....見到都無野講既...之後就返左屋企啦...係呀...d泡菜一d都唔好食既~~難食!!

四月二十五日

今朝早九點幾先返到屋企...跟住食埋個早餐,,,玩下icq之後我就訓教啦~~好無奈囉...我老豆,,我二佬d fd,,,黎佬打黎我屋企同手提囉....最記得係黎佬囉...嘈醒左我...之後咪打返俾佢問咩事...佢又話冇事啦....分明玩野ja~~之後咪一直o係屋企唔知做咩囉....基本上我係冇食lunch囉....等多個幾鐘屋企就開飯啦...緊係等啦...點知..d"送",,,,算啦...有得俾我食咪算好囉...冇啦啦我都唔知發先咩事..我老豆冇啦啦屌鬼...嚇親我....跟住睇電視,,,見到鄭伊健啵...緊係睇啦...佢咁型,,,聽佢唱果首"心照",,,嘩....我覺得都幾好聽架...好輕快同埋好舒服囉...之後我都冇野講架啦...哈哈~~

四月二十四日

今朝早我打左俾阿婷...之後我緊係起身出去啦..去邊??去葵芳果d銀行開a/c囉...之後要我簽家長同意書囉...無奈囉....之後我.采琳.阿珊同埋阿婷落左吉野家買野食...之後就搭車返屋企...返到屋企樓下...采琳先講"抽"鎖匙係阿珊到...啞晒..都唔知點幫佢好..只好叫阿珊落黎青衣村俾阿琳囉...但係我冇同阿琳一齊等囉....因為我真係好肚餓囉...所以我返左屋企食野...之後掃下部電腦,,,,因為好多塵既關係...再之後我同我老豆兩個人鋤dee囉...嬴左$2.3,,,,俾你你都唔要啦...得咁少...食完飯同阿怡同埋阿婷去左美孚游水囉...我唔知發先咩事囉...俾佢地話我係咁淫笑囉...玩咩鬼野拋鎖匙,,,拋到唔知去左邊囉...啞晒囉....搵左超耐囉...跟住我入左更衣室..出番黎之後,,,佢地搵到條鎖匙囉....跟住我都唔知發生咩事....佢地係咁講仆街囉...我都仲未知咩事囉...跟住佢地同我講,,,話果個救生員一直都睇到條鎖匙係邊囉...跟住笑我地囉...如果我冇記錯的話...我都講左句仆街囉...之後好似有三條仔跟住我地行囉....好似我地去邊..佢地又去囉....我真係唔知發先咩事....我覺得係想溝阿怡囉...之後我地去左比較人多少少既地方....繼續玩水...游水游到十點之後,,,,我地就上左陸bar屋企玩...食野啦!!!哈哈!!跟住十二點鐘到啦....我同阿婷離開陸bar屋企,,,陸bar當然送我地落樓啦...之後我坐地鐵...我都唔知返屋企好丫...出白田好丫...定係出尖咀好....最後我既決定係去左白田既..但係我唔識行去囉...好似"當”失路咁囉....出左地鐵站之後...又行左...又行右囉...電話又冇電囉...原全係人生路不熟囉...好似個【ｉｉ】（大陸呢）咁囉...勁無奈囉...上左個我都唔係好識既人屋企...但係都唔知做咩囉...=.="寫到咁多先啦！！

四月二十三日

今日放學我同阿婷同阿決落左旺角,,,之後陸bar打左個電話黎俾我,,,但係果時我地已經到左旺角,,,但係佢先至係美孚,,咁我地緊係同圍行下...等佢架啦...我地去左新豬城同埋旺中...係旺中緊好笑..開頭我都見唔到架...但係阿汶叫我地望過去,,,嘩...靚女呀~~身形超級龐大...仲要著迷你短裙仔...你話佢係咪真係唔知醜呢...好似果條友咁...醜字都唔識寫...跟住我地落左貼紙相鋪度玩..之後陸bae打俾我,,,話佢到左旺角...叫佢落埋黎...跟住阿汶個fd到左..咁佢就走啦...我地係果度玩左一陣...我擲左兩次彩虹,,,中左個細既公仔呀..覺得自己好叻tim~~之後我地就離開左呢個地方...去左女人街果邊買野飲..跟住就緊係去見工啦!!!請左我地啦..好開心呀...哈哈!!再之後我地去左公園坐左一陣...跟住就走...因為話夜晚去游水丫嘛..到左七點幾...陸bar打俾我問我得未..咁我話準備緊啦..即係未得...之後佢再打左俾阿婷..跟住我地就算啦...唔去啦...

四月二十二日

今日放左學直接返屋係...其實都冇咩野架...係我整左呢個日記幾個鐘咋嘛...點呀??我呢個日記靚唔靚呢~~我打左電話俾佢呀...都冇咩特別既...保重啦!!

四月二十一日

尋日返學都冇特別事既...但係放左學....我,陸bar,阿man,神婆,柒彤同埋肥彭落左旺角,,,,,man man要返工工呀...我地就o係旺角行下先啦....跟住落左ｋｆｃ食野呀....我地係食左三盤野囉...食食下神婆又行開左囉.....但係d野好似唔洗錢咁~~不過又真係唔洗錢.....點解？我都唔知點樣話俾你知好(其實我冇打算講架...哈哈!!!)....臨走之前仲人人一杯野飲囉....之後我地四圍行啦....陸bae佢地買雪糕食囉...迷人金奶迪,,,甜蜜可可奶同埋夢幻紅草莓........勁好笑囉....之後我地緊係叫神婆買黎試下啦....佢聽落就覺得幾好味...都幾信我地......但係又唔買喎....本身諗住玩下佢架嘛....邊度會有迷人金奶迪,,,甜蜜可可奶同埋夢幻紅草莓丫~~作出黎咋嘛.....天黑黑啦....我地本身行打算行埋花園街....但係經過一間鋪頭之後,,,,,我地就冇去到花園街行街街啦....係咪又想問點解呢？？係因為我地o係果間野用左好多錢啦....之後我地返轉頭買埋杯野飲就一齊搭好鬼死多人既地鐵返屋企..... 同埋今日都唔知發生咩事....第七.八堂禮堂周會囉....講about呢個神....同埋我覺得果個阿sir好慘囉.....佢唱歌都幾好歌架....我都幾鍾意.....唔知點解呢....我發覺自己係好憎錫仔同埋阿葵架囉......佢地仲要坐o係我後面......勁想打巴佢.....我同佢地後面既陸bar傾計....又關佢事囉....佢唔知以為我同緊佢講野囉.....佢地兩條友真係very唔知醜囉...八過d八婆.過多一堂之後就係放學.....放學之後我地留左o係學機做地理果份專題報告....做到六點幾....之後miss楊叫我地離開學校....係學校...我估唔到果個人會打電俾我囉....有d驚訝囉....之後我地各自各放左屋企啦！！

四月十九日

尋晚成晚都訓唔著....可能諗野諗得多啦....又打過電話俾人....又send過m.s俾人...哥哥你幫我解答左個問題....唔該晒你....我諗....下次我地又見面既時候,,,,唔會係之前果個我囉....好人,,,,成日都俾人呃既.....衰人,,,,至少可以令自己開心,,,其實,,,我既理由都唔只咁少....只不過我唔識點樣表達ja.... 第二學期考試仲有1個月到.....我一定會考到頭五名返黎.....

四月十八日

今日晨早留留十點幾.....我姑姐冇啦啦同佢個女o係東浦入黎我屋企....講野大大聲聲不特只.....我表妹仲絕.....明知我地三兄妹訓緊教.....將部電視按到最大聲....正一黑衣黎架....我仲要訓廳.....唔俾佢嘈醒就奇啦.....好彩佢地都係黎左一陣就走ja~如果唔係....我諗我會插柒佢囉....嘩....之後又有個電話打黎搵我二佬....條友痴線架....唔打去佢手提先.....第一時間打屋企.....之後我都係叫佢打去佢手提.....咁我又訓啦...唔夠三分鐘,,,,,,我老豆同埋d我唔知邊個既親戚上黎打牌.....嘩.....我真係.....好無奈=.="訓都冇得訓.....佢地自己肚餓...想叫我落街做阿四囉....但係我自己都未食野....不過我都好醒....我話叫外賣....佢都傻既....如果我落街既話....都唔知會叫我去邊呀....又青怡...又青衣城.....打死都唔落.....呵呵！！佢地叫野食又麻煩....又呢樣...又果樣....妖!!不過都算啦....個所謂lunch都唔洗錢既....佢地打牌打到六點....之後間屋就非常清靜....但係好悶囉.....同樣冇電腦用....大佬一個人霸晒條線....成日都話有人要send野俾佢....頂!!!其實今日都冇咩特別事架....我都唔知點解可以俾我講到咁多野出黎囉....仲有仲有,,,十點幾果時...有個傻仔俾我玩呀...哈哈!!!!(講下笑咋,,佢緊係唔係傻仔啦,,只不過佢唔知我係邊個咋嘛!!睇到呢篇野既你呢...唔好嬲....真係講下笑~~~)

四月十七日

今日兩點幾出去旺角買野....之後打左俾"d"人...問佢出唔出黎...."d"人話夜d先出喎....咁呢~~我同我fd係旺角果度等啦...我自己又遲到啦.....之後我fd又冇帶電話,,,,,周圍行下啦.....就要等返佢啵...不過都冇所謂啦....自己錯...之後我坐左o係月台果d"登"度啦....有兩個o靚仔走埋黎喎....我又傾緊電話啵.....佢地眼甘甘咁樣望我件衫....佢地好細個....好得意架....孖仔黎既~~之後同佢地玩左一陣....我fd就打返電話俾我啦.....咁之後我再打左俾別一個人....果個人成q日都話無錢.....但係自己就有錢打機.....再之後我打左俾好朋友mai yee,,,,,,佢同我一齊上左仙桃源食所謂既lunch(因為果時都三點幾四點)我同佢都識左好耐啦....都好似有七年咁多啦!!!食完野,,,我地去左街公(街市附近既公園)同佢吹水.....我地都吹左耐(因為都有一段時間冇見)....又見到阿熙....阿熙就識左仲耐...因為小學果時係我大佬既同班同學....返學放學都一齊.....都有十年啦~但係我同佢就真係唔熟囉.....得個識字,,,,,之後我地都繼續吹水啦.....又見到肥保wo~今次心諗....冇o係青衣村出現一排ja~就撞到咁多朋友既....平時連一個都見唔到....今日攪咩呀~~ mai yee....依家o係咁多fd之中,,,,,you is my best friend.....我會珍惜你架.....你有咩事,,,,,都可以搵我架,,,,,,我幫到你,,,,,我一定會幫你幫到底架!!!!!

四月十六日

今日都係留左o係屋企....但係就做家政果份功課....做左成兩個幾鐘先做得果少少....唉﹏ 呢首歌勁正,勁好聽...由於我搵唔到歌詞,唯有自己打...我諗我冇打錯字既~至於呢首歌叫咩名....我唔會話俾你知,,,,除非你地自己都搵到啦！！係我阿哥叫我唔好send俾人...唔好講俾人知架！！ 上一世紀 或跟你私奔 從未分離 因此甘心對得多迫到你 逃避 悶得要死 袋好你卡片 全日找你 但我早午晚亦驚會煩住你 如今天突然好想拖你手 一雙手怕拖得太多又夢遊 對你狂找借口 對手空空說沒有手 如七天不見等於說分手 起碼証實平時你呵護我不夠 共你糖癡豆 令你難接受 不夠膽 不夠膽 講句好心分手 日煩住 夜煩住 行前你又退後 其實只想每日談十分鐘 也沒有 (無電話響我就凝住分手難道有陰謀) 住得近嗎 是驚我時辰容易檢查 什麼驅使你搬屋搬到去 最後 睡不夠嗎 昨天我通宵令願請假 為了想見你甚麼也從未怕

四月十五日

今日我終於摺好一千粒星星....當初覺得一千粒咋嘛....好快就摺得晒啦.....但係我用左一年時間來摺.....每粒星星都係自己親手摺.....一粒都冇靠其他人摺.....一年前我答應過送給某人....一年後,,,,有機會....但係那個人拒絕了我的邀請,,,,等同於不領我的情有咩分別。請問，你係咪要我從頭抹掉你 從頭刪掉你？ 我相信我唔會再對任何人付出,一個.兩個.三個.四個......個個人都係咁樣....

四月十五日

前日去左咖啡灣幫阿彤慶祝生日....差唔多到十二點時.....有突發事發生......之後有d人去醫院.......而我地就坐小巴走......我地落左美孚既7-11食宵夜,吹下水.....兩點幾鐘.....我地坐Ｎ2４1各自各返屋企.....返到屋企都成三點鐘.....之後開電腦.....部電腦唔知發咩神經.....無啦啦熄左機.....開極都開唔到機......心知有點不妙......就去左沖涼.....最後,,,,,,吹埋個頭都成四點鐘......之後就訓左...... 訓左三個鐘（即係七點）.....又要起身,,,,,,,點解？因為要出去做義工......幫手賣旗囉.....整呢樣...整果樣.....八點幾先出門口....坐巴士落葵興啦......落到去見到好多賣旗果d人啵.....心諗.....點樣賣呀....咁多都係賣旗既......d路人身上個個都有旗.....不過我地都賣左一陣.....之後四圍行下.....最後仲落左ｍ記食早餐tim......食完...就將個旗袋交返去福利會.....之後又上左阿man屋企一陣就走.....因為佢地要返工.....我就返屋企.....摺星星.....摺摺下就釣晒魚.....摺到四點正.....我就唔掂啦.....仲要打左個電話俾人.....之後就訓死左......訓到十點.......俾我老豆嘈醒左....叫我起身食飯喎....我冇理佢呀.....但係之後就訓唔著啦.....唯有起身食飯啦......嘩....一開電飯煲......有三樣"送".....聽落都好似好好.....有三樣咁多.....但係呢....每樣都係得果小小.....叉燒三片,,,,菜芯三條,,,,肉餅得我一隻手掌既四分之一咁多....唔好唔記得我隻手掌唔係好架......樓下果間野既叉燒太甜,,,失敗....菜芯太"林"加無味,,,,失敗.....肉餅有d好似芝士既味....又失敗.....之後拎左筒【明治朱古力橡皮糖】出黎送飯食....食完又冇電腦玩.....二佬又玩佢地果部.....我又跟機....沖埋涼.....之後大佬踢完波返黎.....跟機都冇得跟.....佢地玩晒.....我又繼續摺星星.....摺到點幾兩點....又打埋個電話俾人.....之後又訓....

四月十一日

今日我終於打左電話俾佢,,,,,,,但係同佢傾左四分幾鐘就收左線.....仲要俾佢cut線.....好無奈=.="

四月十日

今日阿汶陪左我出去搵工，但係就好似一份都唔掂，覺得自己有ｄ削同埋有ｄ失望啦．． 收到阿晴既回信，我當然開心啦！但係內容就冇三句同我講囉∼＊其他都係ａｂｏｕｔ阿珊．．＊你呢幾日放假，可以出黎，但係，我打去你俾我既電話，都冇人接聽，我諗你一定出左街，我都知大把人會第一時間搵你，而你，我相信都唔會有時間搵我地架啦∼＊