好心人

今日要講一個好心人既故仔俾大家聽! 以為記住做好人都要睇清楚先好做呀! 話說有一個青年人, 平時返開朝九晚五既工作, 有一個星期五夜晚就同左一班同事出去旺角消遣, 由於第二日唔駛返工, 所以佢地玩到好夜, 大約四點零鐘度, 佢地就各自返屋企, 因為呢個青年人住o係離旺角唔係好遠既地方, 佢就費事搭車索性一個人行路返屋企......當佢行行下既時候, 佢見到一個阿婆坐左o係路邊, 咁就走到個婆婆面前問佢:"係咪晨運呀婆婆?"跟著個婆婆就答:"後生仔, 我唔識路呀, 你可唔可以揹我返屋企呀??"呢個青年人抱住幫人為快樂之本既心態, 就答應左婆婆......當佢一路揹婆婆既時候, 大家都間唔中有傾下計, 而當佢地路過一間報紙檔既時候, 報販都努力咁疊報紙, 其中一個報販見到呢個青年人, 就好出奇咁問佢, 你做咩揹住個..........?呢個時候個青年人回頭一望, 原來佢揹既唔係婆婆, 係一個紙紮公仔!!