女人

呢個唔係鬼故，因為唔係故事，係真事！

我家姐既朋友係屯門住西班牙別墅既屋既，我以前都會同我家姐同埋佢地o的同事去佢呢位朋友到燒野食。

你知啦，去得呢o的地方，一定會去天台燒野食。而呢位朋友係住二樓既，一定要行多兩層樓梯先上到天台。講真，我唔覺條樓梯有o的乜野架，淨係覺得暗左o的，仲有成班人去得玩，都唔會諗到見到o的咩污糟野。

但有一日，我家姐同我講左一件事，嚇到我唔敢再去佢朋友屋企。

原來佢既朋友〈住係屯門o個位〉，佢有個妹係有陰陽眼，佢個妹有一日忍唔住話佢知，係佢屋企上一層樓梯既角落頭，一直係企住一個「女人」。呢位「 女人」一直走唔到，一有人行過，佢都會縮開，好似好驚人咁喎！

我聽到.................嚇到我丫.......等我有時仲同o的細路係樓梯到跑黎跑去到玩 ............. 我真係唔敢再去o個到！