窗邊的女同學

暑假過後，May剛升上中二。但呢個新開始好似有D唔順利。新學期o既第一日，學校o既規矩係先要o係操場排隊等早會開始，早會完先至返課室上堂。入到新課室後，見到全間房翻新過，應該覺得好靚、好開心至o岩，但May居然有D唔舒服o既感覺。當全班同學坐好後，班主任就開始自我介紹。
過o左兩分鐘左右，May已經冇心去聽呢o的介紹，開始東張西望。發現坐 o係同行窗邊位，有個面色蒼白o既女同學，睇佢個樣好似好留心聽班主任講o野。但May覺得佢o個種留心o既態度，同其他人有唔同。
個女同學坐o係度條腰挺得好直，雙手握拳放前面，眼神一直發青光咁望住班主任，郁都唔郁下。
到o左點名o既時候。班主任只係數人頭，數完後，班主任面露奇怪表情咁講：「咦？咁奇怪，點名簿只有四十五個人名，點解數o左四十六人出o黎o既？」於是再數多次。一次又係咁，兩次又係咁，最後班主任決定讀名。
全班同學開始議論紛紛o既時候，o個位窗邊o既女同學依然毫無反應，仍然呆坐，令May一直留意住佢。班主任讀出每個同學o既名，個個都要舉手應「到」。當班主任宣佈名已點完後，May立即嚇到唔識郁。因為o個位女同學o係點名簿內係冇名，佢由頭至尾都冇舉過手。佢隔籬o個個同學仲企起身同班主任投訴，話佢唔想坐單丁位，班主任當時面色都變埋。原來唔止May一個見到呢位無形同學，仲有班主任。
May唔敢出聲，怕嚇親其他同學。o係小息時佢走去搵班主任講呢件事。大家亦記起o係早會時，校長講過話o係暑假期間，有位女同學因發生交通意外而死o左，全校同學亦為佢祈禱。我o地諗o個位死o左o既女同學，可能就係班入面多o左出o黎o個個。 (完)