紀念館

第一次見Gigi o既時候,佢只係得40日大,行都未行得穩,得手掌咁大,成隻都係黑色,個樣好鬼可愛又細膽,都幾攪笑:)真係好開心,小gi一天一天咁健康成長,佢個樣一日一日咁越變越靚,簡直有showdog級o既水準.(我覺得啦!)而且佢仲好乖巧添.

諗番小gi第一日返到屋企,妹妹(西施)驚到流晒口水(可能因為小gi有bb味啦,不過都係驚o左幾日o者.)而bibby(史納沙)就好友善咁將佢最心愛o既玩具八爪魚送o左比小gi,都算係一個好o既開始啦!佢地三個都好和平相處o家,從未試過打架,不過就試過整鬼小gi. 話說有一日我放工返到屋企,一開門成地紙碎,妹妹同bibby成面膠紙咁o黍迎接我,心諗小gi去o左邊呢?行多2步睇睇,真係笑鬼死我呀.原來小gi比佢地2隻大舊衰用牛皮膠紙"痴"住o左係塊毛巾到,仲要前腳"痴"後腳,左腳"痴"右腳.果次真係笑到我標眼水呀!!!!不過呢其實妹妹都好錫小gi o家,小gi每次"訓覺"都爬上妹妹個背脊到,妹妹都由得佢o家,bibby更加唔駛講啦,佢地年紀差唔多(相差半年o者),成日都追o黍追去玩到癲晒.

Gigi 基本上真係乖到不得了. 起初教佢去"便便"雖然都教o左差唔多2個月,不過教識之後佢真係從未試過賴尿. 小gi亦都好識得睇我o既眉頭眼額,絕對唔會係我忙呀,煩呀或者唔開心o既時候o黍纏住我(係未超級世界女呢?!) 另外小gi食o野都好鬼乖,就算我比好多零食佢,佢都會留肚食正餐(乾狗糧)好有節制o家,所以佢身材咁fit. 小gi最鐘意坐大脾,只要我坐低,拍o下大脾,佢就即刻跳上o黍坐定定. 小gi又鐘意搵人同佢"R"痕,佢成日搵個頭"捐"入人地隻手板到,你"R" o下佢,佢就會擰準個位置比你"R"(好識嘆o家!!) 小gi o既後腳好鬼勁,佢可以企係到行(幾步咁多啦!) 彃跳力更加強!!!佢雖然身長得9吋,但係佢可以跳到成3呎高. 不過小gi最唔好呢就係見到d陌生人&狗會不停咁好大聲吠,極似"潑婦罵街",真係令我好頭痛 ~_~"

開心快樂o既事仲有好多好多,不過...........Gigi走o左啦 :....(

雖然有人話過"正所謂"在乎質不在量"丫嘛，大家開心過都不枉此生，要咁長命做乜丫，如果主人唔錫佢要咁長命都無用。right? 我有時會諗寧願佢地開開心心咁去，好過挨住痛苦咁去........ ，唯有做狗主的我地盡量珍惜狗狗的相處時間"但係講真小gi o既離開我真係好傷心,實在係..........唉!!唔知點形容好 !_! 不過我好肯定小gi走之前o既每一日我都已經盡心盡力,而且我地都係快樂o既.

***Gigi :

你令我生活增添o左好多o既歡樂,多謝你!

希望你係去o左快樂狗天堂,希望你投胎之後我地有緣再見!!

媽媽上***