雖然o係好多年前已經有玩ICQ,主要係同o的朋友Chat,都無玩過Random Chat.估唔到,第一次玩就遇到我o既最愛,珊.

98年o既初冬,"喔噢!"一聲,我就開始o左我最快樂, 最浪漫o既戀愛片段.

"Hello, be my friend,ok?"

第一次收到Random Message,係個女仔o黎,o係好奇心驅使下,我就試o下同呢個女仔Chat喇.傾o左無耐,覺得Send Message好煩,於是,我好快就問o左佢o既電話號碼. 但係,我唔會好似其他男仔咁, 一心諗住上網識女仔,所以我無即刻打俾佢, 而且我重特登話俾佢知我唔靚仔,等佢唔好以為我另有目的,同埋乘機睇o下佢會唔會好重視呢樣o野. Chat o左一陣,覺得呢個女仔幾爽快,而且佢話佢唔介意人o地唔靚仔o添.

隔o左一日,同班Friends去o左燒o野食(之後變o左打邊爐),玩到咁上下,成班Friends坐o係海邊傾計, 我話俾佢o地知,我o係ICQ識o左個女仔,重拎埋電話號碼,佢o地都幾驚訝,不過第二句已經叫我打俾佢.於是乎,我就行埋一邊打電話喇.

「喂... 唔該阿珊呀... ... 我係阿俊呀... ...」

咁樣打俾佢,好似好突然,不過佢都好快有反應,原來佢o岩o岩放學,同同學行緊街街. 唔知點解,一路望住個海,一路同佢傾,突然間好想見o下佢,於是,我就好直接咁約佢出o黎見面, 估唔到佢一口應承. 我心諗,點解呢個女仔一o的都唔驚o既. 不過,我都無問,因為我之不過係識多個Friend,又唔係要搵女朋友,無關係喇. 就係咁,我o地好爽快咁約好o左McDonald's門口等.

雖然係第一次約Net-friend出o黎,但係就唔係好緊張.o係電話度,我話俾佢知我會著棗紅色衫,但係當我問番佢有咩特徵,佢又話無o架,到時佢會認我,電聯就無問題. 但係我o個日著o左另一件衫,所以真係只可以靠電話.

到o左McDonald門口,我等o左一陣,從佢把聲, 我直覺覺得佢係長頭髮o既,所以我四圍望有無長頭髮o既女仔,可惜都無.等等o下,見佢重未o黎,於是就行o左去Toliet.返番o黎,依然未收到電話,周圍望o左一陣,發現對面有個短髮, 後面留o左一小束幾長髮尾o既女仔o係度等o緊人,幾靚o架.我諗,唔通係佢??不過,佢話無咩特徵o既. 於是,我決定打俾佢. 咦,佢拎起個電話喇,我即刻向佢o個面行過去,當佢轉身o個一刻,我o岩o岩o係佢後面,我好大膽亦都好驚喜咁問佢:

「你...係咪阿珊呀?」

好想佢話係,如果唔係,都唔知點算好.結果當然係... ...佢好開朗,唔係o個o的斯文到唔出聲o既女仔,佢好快就提議去飲o野.我o地傾得好開心,我對佢都好有好感,不過,唔知佢又有無呢?

過o左一日,好掛住佢,好想見佢,於是乎,我去o左佢屋企樓下,搵o左個籍口約佢落o黎飲o野,佢無拒絕我,唔知代唔代表佢都對我有好感呢?

就o係o個晚,我鼓起好大o既勇氣,我決定同佢講.第一次向女仔講呢o的o野,兜兜轉轉咁試過好多方法,又驚太直接嚇親佢,又驚太多暗示佢會唔明,終於講o左好多個鐘頭,講到第二日,佢終於接受我喇!!!