有無試過被另一半抱緊可以有多緊?

記得o係我大學第一年o既聖誕節,就被充滿幻想o既X'Mas Ball呃o左去,當然係搵o左老公做partner啦!! 所謂o既大專Ball其實得個"逼"字,o的人又多,又黑,雖然台上會有歌星表演,但係如果你唔早o的去霸頭位,埋唔到去台邊,就根本咩都睇唔到,結果又會有好多人o係個密封地方集體各自活動. 俾o左百幾蚊一個人,唯一有少少安慰o既係張入場票係包一杯飲品, 所以賣o野食o個度會打哂蛇餅,我同老公就係咁樣排隊喇!! 入面又熱,又焗,又多人,我o地排o左真係大半個鐘先賣到o野食,重要係貴得好唔抵o既o野食,而o個度成個場都無得坐,只係得幾張檯俾人擺o野食,重要係o係個蛇餅中間,行到埋去真係腳仔軟軟,開始透唔到氣咁,我就知大件事喇,因為我好易暈,火車地鐵都試過唔少次,所以我會知道自己將會暈,但係o個度咁多人,我又驚老公仔會唔知點算好,好傍偟,所以我無話俾佢聽我就o黎唔掂,重要死撐話要去洗手間. 但係入到洗手間重唔掂,因為好多人排隊,我一心諗住入到去一格就可以抖抖,點知企o係到等已經標哂冷汗,眼前已經黑麻麻,咩都睇唔到喇~~坐o左o係地下,人o地重以為我唔知係咪high o左添!!我都唔理得咁多喇,無哂儀態都唔理喇. 坐o左一陣,見好o的,就起身出去,心諗應該!過o左喇卦,直線都行唔穩咁行番去老公度,點知我只係同佢講o左一聲"我暈喇!!我唔掂喇!!"之後我就已經跌o左去佢度!!
o個一刻,我o既視線全部都係黑色,我坐o左o係地,只係聽到老公好緊張咁攬住我,不停咁問我有無事,係咪好辛苦.但係我只係識答:"好暈呀!我無力喇!!"當時我感覺都好多人圍住我,亦聽到有醫護人員問我行唔行到去救護站,佢話有一段距離,但係當時我真係行唔到,正當醫護人員話推架輪椅過o黎,老公已經成個抱起o左我,跟住就跑,但係當時場內都好黑,佢一路抱住我, 一路跑,佢重快過o的醫護人員,但係佢又唔知救護站o係邊,所以跑來跑去咁搵,我知道佢好驚,因為佢抱得我好緊,佢一路問o的人救護站o係邊,一路同我講無事o架,就到喇. o個種感覺我而家重記得,真係好緊!! 最後當然係無事啦!!不過呢次暈係我咁耐以o黎最勁o既一次,真係有o的不省人事.但係我唔驚,因為有你抱住我嘛!!!