搭車要醒目

返深圳要醒目又慳錢，當中有不少竅門，無論坐過境巴士或火車都有快捷醒目方法。

坐頭等火車  又慳錢

大家都試過搭地鐵去九龍塘站轉火車，逢假日必定無位坐，眼光光企到羅湖腳仔軟。

要有位坐，就去坐頭等，但票價要66元，想慳錢又有位坐最佳方法是坐頭等去上水，落車再搭一個站去羅湖，九龍塘至上水頭等18元，上水去羅湖收20元，加埋慳28元。

過境巴士

由落馬洲至皇崗，收費港幣7元或人民幣10元，星期一至日，早班車早上七時開出，尾班車晚上九時半，平均三分鐘一班，公眾假期加班行駛。

回鄉快線

「回鄉快線」是旅遊巴士服務，由荃灣至落馬洲過境巴士總站，車程只需15分鐘，車費港幣18元。

逢星期五5pm-7pm，星期六2pm-7pm，逢星期日5pm-7pm，每小時一班。

深圳搭「的」要醒目

在深圳市內搭的士是最方便的交通工具，深圳白士分「紅的」與「黃的」。「黃的」是在市內行走，司機多屬本地人，廣東話，比較熟路，「紅的」多是外省司機。

深圳的士起錶首三千米人民幣12.5，之後每250米6毫。

若要搭長途的士往其他市鎮，經常會有傳聞乘客被打劫及屈錢，最好去羅湖聯檢大樓或羅湖商業城對開的長途的士站，在你身邊拉客的的士司，不要隨便輕信。