Passage

Shine許勝不許敗 (快週刊280)

04 年，是 Shine 真正出擊的一年。兩名剛廿歲出頭的年輕人緊握拳頭說；「許勝不許敗！」好勝，是他們在娛樂圈立足的強項。02 年出道獲獎無數人氣鼎沸，到 03 年在頒獎禮空手而回。

雖然付出同等的努力，但結果卻是截然不同，Shine 坦言感到失望。不過，這並沒有磨損他們對音樂的信心，反而是那股好勝心，令他們更加躊躇滿志。

踏入新一年，Shine 便宣佈全力在樂壇發展，推出首張國語大碟，正式進軍亞洲市場。

「人生係一條好長ｇｅ路，我地要放長線睇。03 年係我地ｇｅ投資期，打穩基礎，04 年主動出擊。我地會自我增值，寫好歌，唱好歌……盡力做到做好，不讓自己後悔。」

年輕人的衝勁可從 Shine 身上可以充份體會得到。

由黃又南、徐天佑組成的 Shine，入行僅兩年，即成為新一代偶象。

當同年齡的男孩子蒲街打機追女仔的時候，只有二十歲的 Shine 就每天不停工作，忙都連睡覺時間也沒有，他們也樂此不疲，因為他們明白機會得來不易。


＊入行篇＊

又南：陳果提攜
「一切都係巧合！如果唔係導演陳果係我朋友個銀包見到我張相，叫我去試鏡，我都冇機會拍戲，亦唔會識到依家個經理人同唱片公司。我曾經試做過好短時間ｇｅ餐廳收銀，但搵我試鏡果時我係讀緊書，我阿哥要我讀完書先好拍戲，咁我真係一讀完就走去拍。因為陳果同經理人係同一個工作地方，所以就係咁識左經理人。
「簽約頭兩年我同天佑主要係學野，學音樂、學唱歌，甚至去日本學藝半年。當時我係好矛盾，每日忙碌地學野，都唔知做咩；見到出面ｇｅ新人愈來愈多，自己仲未有機會出頭，真係幾擔心。不過，後來終於明白努力係值得，當實際工作ｇｅ時候所學ｇｅ就用得喇。

天佑：眼界大開
「 F.5 果年，我係旺角等緊朋友，突然有個人係對面衝緊埋來，果個人原來係陳果，佢搵我 casting。果時我細路仔唔知頭唔知路就入左行，又唔知有冇前途，屋企人話無論我決定係點都會支持我，咁就拍心口上。入行之後不停學野，又去日本學藝，開始覺得眼界大開真正去認識呢個世界。
「由踏入錄音室ｇｅ一剎那，我覺得我唱歌係得ｇｅ，點知我聽番我唱ｇｅ歌，聽唔到一半就忍唔住話難聽。無可否認，我結他同唱歌ｇｅ操藝只係零，有ｇｅ只係天份。自此之後，我更加努力學好唱歌同音樂。不過，我份人有時都幾死撐，錄音時曾經俾監製鬧我唱得差，我就死撐，結果成日嗌交，但事後我就諗番自己真係幾唔岩。


＊工作篇＊

又南：先苦後甜
「有時候我都會唔開心，點解咁辛苦咁努力都無人讚過我，我都好想人讚，不過依家我會好好檢討有咩做得唔夠好，所以要從批評中得到進步。
「我向來鍾意先苦後甜，犯賤呀，哈哈！但覺得跌低可以激勵自己，有時做得唔做都會「炆」自己，試過閂埋房門係咁喊，不過無所謂，最緊要識爬番起身，我份人好硬淨，夠堅持，我爸爸都係一個好硬淨同埋好成功ｇｅ人，我視佢為榜樣。

天佑：好多貴人
「我個人唔係好識講野，成日得罪人都唔知，試過有人走過來同我講：「你個樣咁串ｇａ！」，喂，我都冇串，係個樣之喎！不過，識我ｇｅ人就知我係咩人。我覺得我係一個幸運ｇｅ人，遇到好多貴人，雖然有時都好辛苦，試過拍戲五，六十個鐘無訓過覺，但音樂同拍戲真係俾到我好大ｇｅ滿足感。
「我都係一個好勝ｇｅ人，好鍾意諗野，咩都諗得一餐，有唔開心就放係心，呢點我真係似足我阿爸。就因為成日不斷俾自己壓力，所以我絕對係一個悲觀ｇｅ人。


＊感情篇＊

又南：隨緣啦！
「感情問題呀？依家係我人生有四個位置編排：一、自己，二、屋企人，三、空白，四、愛情，以前就只有三個位，一、屋企人，二、自己，三、愛情。依家我明白到先要保護到自己、唔使人擔心先為之對屋企人好，有好事業先養到屋企人。
「至於愛情呢樣野，我仲咁細個，大把時間啦。當然有時見到人地一雙一對，甜甜蜜蜜都會覺得好浪漫。但呢ｄ野都係隨緣，冇得強求ｇｅ。

天佑：擱置喇！
「感情問題係好多人關注ｇｅ問題，我依家可以講，感情事我已經擱置喇，工作係第一位，最緊要係自己同屋企人生活開心。係唔係公司唔俾我地拍拖？公司係一定要尊重ｇａ，我承認之前我傳同 Cookies ｇｅ Miki 拍拖，的確令我有少少尷尬。依家見到面會唔會敏感避忌？人地敏感我地梗係都會敏感，但唔好話到連朋友都冇得做。


＊兄弟篇＊

又南：
「天佑可以話係同我出身入死ｇｅ戰友，當然我地都有嗌過交，尤其係日本學藝一齊住ｇｅ時候，成日為ｄ無聊野嗌交，但我地ｇｅ感情已經超越兄弟，就好似一個凹一個突咁，我真係好開心認識到天佑，好多謝佢成日遷就我。依家我地好多時只要望一望已知道對方諗咩。雖然我地有時會分開接工作，但我絕對唔會妒忌天佑。

天佑：
「我又唔會同又南有競爭心，正如又南話齋，一個凹一個凸，我地之間係互相補足。我地連相見好同住難ｇｅ經歷都經過，有咩唔得呢？好多人都問過 Shine 會唔會拆伙，會唔會分開發展？Beyond 佢地都會分開發展，但 Beyond 一樣係 Beyond，正如我地都係，Shine 永遠都係 Shine 唔會分開ｇａ！


＊後記：自白書＊

又南：
「我係又南，我對任何野都好好奇，每一樣�炡ㄕn想去了解，好八卦！哈哈！我亦係一個孝順既人，屋企人對我來講好緊要。我會發脾氣，又好鍾意諗野，但個性就好開朗，好多鍾意諗野ｇｅ人可能會好悲觀，但我唔係。不過有時就比較「立糯」，需要人提點，要人鬧完一餐我先醒，我ｇｅ優點有時又係我ｇｅ缺點，但最緊要係本質好，就唔衰得去邊！

天佑：
「我係天佑，天生有一顆好奇心，講野直接，待人接物唔係咁好，但不斷改善中，要學會尊重人，因為呢�囓s家教，我個人悲觀又唔細心。