4月25日 Nowadays MP3s
as i said, i took the TOEFL yesterday and it was worse than the previous time, o-well, nothing i can do about it, so i will put that aside la.(the end)
今日我講盜版, 近排聽radio, 成日叫人唔好非法下載, 最記得其中一個當然係Twins叫人支持正版啦!
我想講既當然唔係哩個, 個宣傳聲帶係咁既:"如果有日你係街到見到容祖兒係度賣化妝品, 唔好驚訝,因為d人非法下載mp3令到容祖兒無得再出唱片要轉行..." 我覺得哩個幾特別,
anyway 我都成日下載, 比著以前係香港, mp3未流行, 我好多時都買好多CD, 但以加只買Twins CDs, 唔...你點可能每隻CD都買喎, 仲有以加大多數都係電腦聽歌, 加上mp3機既產生, 如果我買隻CD要將d歌轉落部mp3機度, 咪有係靠電腦上載, 過程仲麻煩左。
雖然download 真係對d歌手唔好, 話咩打擊樂顫, 作為小市民既我, 仲要身在外地, 可以做d乜姐, 以加d歌手都唔係靠唱歌為主要收入啦, 佢地賺咁多就話去買正版碟, d碟成幾十蚊至百幾蚊不等, 自己又唔係有好多錢,
隻隻去買正版, d人破哂產喇!
點解我咁激動講哩個話題既?? 就當我發cup風啦~
4月22日 Down
琴日無番學, 因為要走英文堂, 話說英文要我地自創一個character, 幫佢諗個conflict, 再要係全班面前自己act出黎,
what the hell, do you think i will do those stupid thing in front of the class?
the answer is sure i will not, so just skip the day of sch, whatever, i don't care~
anyway, 今個星期6又要去考TOEFL, 因為我淨7分, U of Washington 要我再考多次, 食屎啦~!
仲有講開我早幾日開始勁頭暈, 死咁制, 前日去左睇中醫, 佢話我精神緊張導致血管XX(唔記得點寫),血管gets thinner, "suc"??? 唔知呀, 總之導致我暈啦, 唉~ 即係有精神病, god~ 痴左喇我, 佢正左d超難飲既中藥俾我, 仲呃我話唔苦, 點知d藥可以話我係有生以來最囉命難飲既苦茶 >3<
4月12日 Suprise
原來好內無寫添, 假期咁就完, 上個禮拜去左西雅圖(加州再上d)參觀Seattle Universiry 既 Open House, 遲d upload d 相呀, 唔, 都無乜特別感覺啦。另外今日收到通知係Seattle Universiry 附近既另一間大學University of Washinton收我, 阿媽好驚訝, 唔..我就都一樣啦, 無乜感覺。淨係好上6月快d到, 快d畢業離開哩間我憎既學校, 唔知我會唔會又唔惜得呢? 但都無野直得留戀啦~ d頭髮哩幾日長左咁, 好令我討厭, 又厚, 又怪, 又亂, 樣衰呀, 我都等到夏天睇下先剪短dd, 又想染髮喎, 但又係繼續等下先,“等寂寞到夜深” = ="
3月26日 慘
今日chem quiz 得53分, "我的天啊!" 我死架喇!!! 唉~ 近日開始病好, 等我講下哩個week發生乜事, 第一, 我阿媽HK個朋友個仔咪今天黎左USA既, 佢講軍校既寄宿學校 (因為全聖地雅哥得一間寄宿學校) 咁佢上個week放spring break, 出黎就一定住係我屋企架喇, 真慘無唒私人空間, 平時我周圍搞野架嘛~ 佢其實係HK時係同我住係同一個neighborhood入面, 佢細我2年既, 我細個周不時都會同佢玩, 可惜加下無計可以傾喇。 仲有哩話說USA既TVB啱啱播完烈火雄心2, 查實我已經睇過, 知道結局添, 但美國TVB d 劇集係慢幾年, 無聊咪再睇囉, 有d我都無睇過。 咁講番睇結局時真係好傷感, 點解王喜死左, 好慘呀! 雖然知道佢要死, 但睇個陣都好緊張~ 唉...投入左添 >3< anyway, 哩幾日就係咁囉, 無乜特別野發生呀。
3月21日 病
哩幾日病到死下死下都唔想寫野喇
3月14日 18
18歲生日, nth rili speical at all, 1st i dun care too much of birthday, 2nd, i am in US, there won't be any happy, anyway, i just got a cake and that's it!
3月9日 HOT
哩幾排好熱, 溶左咁擠．．．＝＿＝"
3月8日 嚇死我, 驚訝
話說今日上chem就派番上次份test, 今次份卷差唔多全部部都係計算既, 對我黎講都唔會話太難個隻, 但我就無乜信心囉。咁派之前, 老師話今次好多B同C, 有小A同D, 咁我心諗望都望有B啦! 派到我時, 個老師忽然講話:"Hilda is the only one who got A in this test, which is a bit unusual, i am accepting there're more A's." 我真係呆一呆, 搞到我熱熱地, 好唔好意思咁...嚇死我喇, 平時最高分都成日係個一兩個架啦, 我同我坐個個area d人成日都咁上下成積, 我地仲話我地area 好down, d勁人就係後d既地方, 所以今次真係嚇死我。都開心既, 一世人第一次全班得我囉A, 不過都係一次咋, 下次又死過架喇 >3<
3月5日 小小幸運 -thx God
今日返到學校, 課室鎖住左, 咁成班人就等啦, 我地一見有人行過黎, 就即刻話千奇唔係老師呀...哈哈, 勁搞笑, 最後老師真係無出現, 但有個勁好笑既老師做代課, 佢講d好搞野架, 好似點明時, 佢叫我個名, 之後問左句:"are you swishish?" 好低能呀! anyway, 最好彩係佢無話要交功課呀, 其實我有做到功課篇作文, 但唔鬼記得要整格式, 好彩無人話要交, 我當堂鬆唒, 之後個個幾鐘就睇左套戲叫 The Black Crystal, 套戲全部都係d好樣衰既怪物做, 我都唔講乜好喇~ 一陣又要番學上Art, 我唔鐘意Art堂呀, 都唔係度做乜 ＝０＝''
2月21日 忙爆
今日天陰陰落住細雨, 一早想做完d chem功課但又無心機做, 後來出左去海邊, 因為死人英文功課要去nature 度observe 然後寫野, 煩死, 出面勁凍又無遮, 食左20分鐘西北風, 又唔知要寫d乜, 影左幾幅相就算, 之後同阿媽逛, 想買部健身單車, 但睇唔中, 阿媽話要玩咪落屋企留下健身室大把可以用, 但我又唔鐘意去個度, 個度人影都唔多隻架咁驚。為由第下次睇啱先買, 之後想搵間salon剪頭髮, 其實我對哩度d salons勁無信心, 因為佢地太唔掂擋喇, 但我個頭又唔掂, 加上近排行衰運, 順便剪髮希望可以行好運。(好儍) 後尾搵左好內搵到間$10(大約HK$80), 算平喎 但唔包洗, 應該話全部salons都唔幫洗頭架, 除非加錢(無奈)．．•最後阿媽叫我入去, 入面無客, 裝收好老土, 幾個阿毛係越南人, 唔知佢講乜, 無辦法之下, 坐底受刑, 太恐佈喇!! 我淨係叫佢削薄, 唔咁叫佢剪, 三兩下唔駛15分鐘搞掂, (哩度d係咁快架) 最後佢仲叫我下次再去染髮喎。 基本上我個髮型完全無變只不過薄左, 查實我想剪短小小架, 不過算啦, 我受唔起佢幫我剪。
多野講既一日, 我都係暫時收手唔寫喇。
2月19日 慘死
今日派番chem test, 唉~ 我創左歷史新低, 唔合格, 勁低分, 其實都預左, 心情好down, 全身興合合, 好唔舒服, 師生收番卷個陣, 我唔敢直接望佢, 淨係想佢快d走開, 不過始終避唔過, 佢同我講:「This is not the typical of you, maybe we should talk.」我咩都無講, 佢行開左, 我好驚, 有d想喊 但忍住左, 放學時好快走左, 好怕老師會同我講野, 驚佢問我點解考成咁我答唔到, 仲之無唒心機~好煩!!!
2月14日 雙失情人節
雙失情人節無野做, 跟阿媽出左去逛
2月13日 黑色星期五
今日學校遲番一粒鐘, 亦唔係好日, 第一堂數quiz好難, 第二堂econ至憎架喇, 都唔明既, 最後上chem, test ←死唒．．．真黑仔∼ anyway, 頭先無聊加左幾張聖誕時影既相, 不過d相全部都係景黎架。聽日情人節, 我就過雙失情人節喇, >3< (end) ∼ Happy Valentine's Day ∼
今日2月9日心情煩悶, 又攰到死, 本來想早d做功課整網, 但周身唔舒服, 我諗係因為個天氣問題。天氣報道話哩幾日天氣開始回暖, 但夜晚又會好凍下, 仲有呀天氣開始極乾, 其實不嬲都咁乾, 沙漠天氣呀~ 乾到我屋企係用“放濕機”唔係香港個d“抽濕機”呀, d水蒸法得超快, 勁誇張...好啦要食飯唔講喇。(end)
今日2月8日終於滴起心肝整個網, 個網都算有d d變化掛.....不過個網好多野都未有, 遲d有時間先加番上黎, 好啦做功課喇我。(end)
今日2月3日應該開心, 第一收到成績表, 預料之內真係考到4A, 1B...無計, 預左Chem一定係囉B...點都好啦, 今年D科真係好難~ 仲有收到封信話Seattle University (西雅圖大學) 收左我, 坦白講, 真係"marm" 車邊入到咋, 間間D大學要求高都高到無論, 叫我點搞呀! 不過Seattle U 係間私立學校, 所以入要求無個D公立校咁嚴格, 其實我一早打定輸無大學會收我架喇, 阿媽仲諗定左幾間兩年個D colleges 俾我添, 話是話, 我都諗緊應唔該去 Seattle U, 好似太遠我唔係咁想搬去, 唉...唔諗喇, 咁麻煩, 等阿媽搞, 反正佢care, 我唔 care .....(end)~