曾先後與李彩樺（Rain）傳過緋聞的林峰及麥浚龍（Juno），昨日與胡杏兒、廖碧兒及陳鍵鋒為新劇《律政新人王》試造型。情敵首度碰頭，卻甚有默契地互讚對方Nice。記者問林峰有否感到尷尬，他即劃清界線說：「關我乜事呀？（你同Rain傳過緋聞喎？）你都識講『緋聞』啦！得啖笑！（怕唔怕比較？）我做好本分就得啦！」而Juno亦表示同場見面不感尷尬。

  另外，兩人均異口同聲否認爭戲份，Juno說：「冇呢件事，監製先有權話事，唔係演員決定！（你係咪客串？）唔係！我集集戲都有份！」林峰則說：「我早知有佢個角色，冇乜變動！（鬥後台都有排鬥？）唔好點火頭啦！」而剛奪台慶「飛躍大獎」的胡杏兒，自爆當晚與男友在街頭擁吻慶祝，她說：「佢住係附近先著街坊裝，我怕記者以為我o地同居，咪報定案先！」(太陽報)