少爺駕到    林峰
　最近無線鬧「小生荒」，不得不起用新人，劇集《律政新人王》起用林峰當男主角，林峰在劇中飾演蠱惑、不死板的律師，但弱點是太有人情味，對事物不夠客觀。劇集推出以來外間對他的表現讚口不絕，由於配搭新鮮，他與女主角胡杏兒擦出火花，大受好評。雖然林峰有「少爺」之稱，但他可說是一個最冇脾氣的少爺，對密密麻麻的拍攝檔期從沒抱怨，難怪備受無線力捧。
  23歲的林峰入行已經四年，他在《再生緣》及《雲海玉弓緣》兩部電視劇擔正演出，講到時裝劇，近期的《律》劇才是第一次擔正，但他對這部劇不敢有太大寄望。他笑言：「唔敢太大期望，通常會有反效果，希望大家睇睇，畀o的意見！」
靠家人補貼
   在《律》劇中，林峯是一個很顧家、慳家又厚面皮的後生仔，雖然在現實生活中，他的家庭環境不錯，住半山區揸靚車，但他自問是「慳家」之人，絕對不會亂使錢。他透露每個月最大的開支是「食」及裝身，好彩住與行有家人支持，四年來做到收支平衡，自覺已經算是「叻仔」！　
慶幸早入行
   林峰只完成了一年大學課程，還有四年才畢業，但他的父母思想很開通，從來沒有反對他加入娛樂圈。他說：「自細屋企管教好嚴，但教育方式幾開通，佢地無講明唔畀（加入娛樂圈），我覺得後生仔趁有機會應該試下！其實讀咁多書出來都係為左份工作，依家有o的同學畢業出來都搵唔到工做，反而我就行快左一步，當初都唔知經濟變得咁差，大家博一鋪，我無後悔過。」他博呢一鋪算成功，由一個寂寂無聞的小子，搖身一變成為無線力捧的小生。四年來他自覺老了不少，不過在某方面來說，他的理解能力比同年齡的年輕人強。
自詡脾氣好
   在圈中林峰有「少爺」的稱號，甚至連Fans都稱他為少爺。問他可有少爺脾氣？他笑一笑答：「如果有就唔會有咁多朋友啦！我揀女朋友都唔鍾意刁蠻，我又點會有少爺脾氣呢！」究竟林峰鍾意那類型的女孩子？他坦言：「我鍾意長髮o既女仔，要長到落腰個種，我覺得長頭髮先似番個女孩子。」他與李彩樺（Rain）拍攝《雲海玉弓緣》劇集時曾傳出緋聞，阿Rain也是他所說的長髮姑娘，唔怪之得鍾意阿Rain啦？他舉起三隻手指發誓說：「冇拍過拖。」鬼信你呢！