今日係1/1~
新年快樂呀~好耐都冇寫日記喇~
因為又有得上網~掛住擺呢D喇上網呀~同埋緊係掛住玩啦~
呢幾十日~都係出街~出街同埋出街架~
唔....我由平安夜講起啦~果日我地去左.....尖咀~
有我啦~阿慈~阿貓~大姨媽~水賢~抽筋~阿O~阿輝~灰哥~
得志~俊傑~魚蛋~阿銳~Fiona~
Carmen~ Ming Ming~......
差唔多啦~我地去尖咀果陣都未有咁多人既~
之後先係姐~我地影左好多相呀~
我緊係會擺上網架啦~我地果日去完尖咀~
去左太子女真火鍋度食野~我地嗌左好多酒~
跟住我就飲到不醒人士喇~但係阿銳仲顛呀~連佢條女都打埋呀~佢都係飲大左~
我呢就好似阿O~阿慈同阿貓睇住我~
跟住灰哥佢又係醉左~人地話佢醉~佢又唔認喎~係咁話"我唔係醉呀~我暈咋~"
呢句野足足畀我地笑左一個星期~因為佢起碼講左呢句成廿幾三十次喇~
阿輝仲好笑~佢都係醉左~仲係度話自己要影裸照~又話自己曉飛呀咁~
真係好好玩~之後佢地去左我間舊屋玩左成晚~
到聖誕節正日~有D人又要陪女~有D就係咁訓~
跟住我同大姨媽阿O出左黎~打左陣機~跟住去九龍公園飲酒傾計~
我而家一飲酒就wing喇~同埋好頭痛~之後大姨媽走左~
我同阿O兩個係尖咀行到旺角番荃灣~番到荃灣都係度傾到3點幾先番~
之後26號呢我去左舊金打機~講講下我同阿O去探我老豆呀~
佢入左院呀~之後見到抽筋仔~佢地兩個上左我屋企~
之後我地諗住陪抽筋仔番屋企~點知條路好難行~又石路~又泥地~
我地個個隻腳都有好多英泥~唉~番屋企洗到死~
之後到左27號喇~我記得我果日係著板Look架~
個個都話好型呀~hehe~之後就同阿銳阿O一齊去探老豆~
探緊佢果陣我見到有個女人過黎搵老豆~
跟住我老豆奐即刻叫我地走~我地既第一個反應都覺得果個女人係.....心照啦~
之後我同阿O就去左拔甩仔屋企~阿銳佢就冇去~
去到果度我地又打邊鑪~之後就去左樓下公園飲酒~
我又再次唔知自己做乜~不過阿O話番畀我聽~話我飲醉左周圍屌九人~
我都唔知呀^^~之後28號呢阿貓就冇番工~我同佢同大姨媽就出左旺角~
"買"左好多野呀~yeah~之後呢大姨媽番左屋企~
我同阿貓就搵阿O~佢又去打機~佢打機果陣嚇死我同阿貓呀~
因為佢真係好勁呀......~之後我地就去左學塗鴉~點知因為一D原因冇學到~
之後過左一陣都走喇~
再之後29號呢~我整係記得我同阿O出左黎~睇D細路仔細路女係度玩水~
之後叫左Gap西出黎打機~今次阿O一打機~
佢後面打緊KOF D人即刻望晒過黎呀!!!(仲係靚仔)
之後阿慈打畀我~佢叫我出去~原來佢同佢D同事嗌交~
喊晒口咁~我真係好驚佢冇左份工呀~佢話~冇左咪冇左囉.......
之後30號呢阿O病左~所以冇同佢出去~
同龜頭~浩民傾左陣計~都係問倒數果日去邊呀咁~
之後就同左阿貓去廟街睇野~去到~有好多人賣四仔呀~D人仲叫我同阿貓買tim~
之後果日就係12/31~2001年既最後一日~
我地出左灣仔~去左打機~基本上都係打機~之後去左機城~
原來係我上次落果間D隔離果度~我係果度見到龜頭~
但係見到一陣佢就走左~淨係對望~嚇死我呀~之後阿慈黎左~
佢話打機悶~我就同佢出左尖咀搵阿貓~阿貓同佢條仔出黎~
點知倒數果陣仲同人逼緊~仲要過左都唔知~
我個電話就一直都收唔到~之後同左阿貓一齊~佢就唔要佢條仔~陪我地~
但係我地又冇地方去~我諗起話1號會打畀佢~
打左畀佢佢話佢係尖咀~跟住我地三條女過去搵佢地啦~諗住有靚仔啦~
點知靚仔我就唔知有冇~佢地話冇喎~佢地係度玩緊噴雪~
有兩條女同佢地玩~但係好可惜~佢地兩個又唔靚~仲豬豬地~我地睇到又眼冤~
之後就走左~阿貓同阿慈就番屋企~我呢就過長沙灣搵佢地~
佢地都係係度打緊機~跟住打到3點幾就走左lu~佢地成班去抽筋仔屋企~
咁我呢就番屋企~係番屋企既途中~有七至八條仔走過黎問我拎電話~
佢地都變態既~住元朗走到黎荃灣~之後就番左屋企~
到左1/1既下晝~我同大姨媽行旺角~之後就去左天天打機~
我玩Keyboard果部呀~知唔知邊部呀~但係好難玩架~
唉~終於都講晒喇~係我寫日記以黎最長既一篇~
因為真係好開心架嘛~
byebye~
如果你地真係咁有心機睇晒佢既話~
我星妹祝你地~:係仔既就溝好多靚女(溝唔溝到又係另一回事)
係女既就有好多人溝(緊係靚仔啦^^~)
同埋個個係新既一年都行好運呀~呢樣野一定要呀!!!~
仲有~sammi有隻歌好正架~阿慈推介<<你愛我愛不起>>~
記住係<<溫柔>>果隻碟喎~好正架~星妹及時愛上~~