今日係2/2~

好耐好耐好耐都冇寫日記喇~成日都掛住去玩~

我都覺得唔應該呀~hehe~^^~

今日係一個大日子呀~因為今日我果隊band出去"演出"呀~

我地夾<<垃圾>>~今日係青衣城演既~

開頭我都唔驚架~但係愈黎愈多人~我就愈怯~

之後畀Kinki拉左上台做司儀~嚇死我呀~我講野又唔叻~唉~.......

之後彈琴啦~我都係因為怯得滯甩晒beat~但係好彩冇人聽到~

仲畀人話我彈得好~好過平時係band房~都唔知佢有冇呃我既.......~

彈完我就即刻走左~去左尖咀睇碟~

真係好難得佢地今日未打過機呀~

之後我地又去左睇人踩板~好勁呀~d人介板好好好勁呀~仲有呀~

有d人係度玩果d叫咩呢~~er....."番簡鞋"~好似係咁講架~

係對鞋度有個轆轆果d呢~知唔知呀??~

好似好好玩咁~不過最平都要六舊~唉~......

我諗我d新年錢點用好~有好多野買~但係我d新年錢又唔多,,,,,,,~

是但啦~唉.......

之後又同左阿慈出旺角~都係睇衫睇波鞋~係呀~阿慈前幾日送左對ALL STAR畀我呀~

好開心呀^^~我而家又鍾意左睇波鞋喇~

唔~......好喇~我唔講喇~訓喇~byebye~