~★☆百合谷☆★~

4/10 Unit Room Visit

不知不覺間已經到左十月喇，大家住左係百合谷都成個月喇，Unit係由一層男同一層女組成，除左認識同樓既八妹仔外，我地都要視察一下九樓班男仔係紳士定禽獸先得既，所以身為八樓姊妹，都要認識下九樓既男仔啊！
係十月四日食完Unit 飯後，Social Sec就安排左一次Unit floor visit，由八妹仔上九樓做Room visit。其實所謂Room visit,不外乎都係問下大家讀乜野、幾年級，同交換Contact No.等例行公事，但係九樓既男仔都幾nice幾好傾，而且我地仲發覺佢地既房間比我地既仲整潔，可能係為左俾個好印像我地而扮乾淨啦，哈！呢次活動令我地開始認識九樓班男仔。

31/10 Halloween Party

萬聖節到喇！雖然係香港萬聖節唔算係乜大節日，但呢個節都可算係唯一一個可以俾我地班百厭星扮鬼扮馬，所以我地八樓同九樓既social sec特意係呢一日安排一個Party 俾大家玩番夠本。
大約夜晚8點，我地去到1/F Function Room，除左大食一番外，仲有好多集體遊戲玩，好似"萬聖四方城"，"搶老婆"同"一生人一次"咁，當然唔少得既係互相化番個萬聖'鬼'妝啦！最後，我地仲選出左當晚最可愛同埋最恐怖化妝既得主，獎佢地兩個坐'萬聖火箭'(即遊lift河)到各層嚇其他Hall友呢!

22/11 打邊爐

其實十一月天氣未算好涷，但係漸漸轉涼既天氣的確令人掛住暖泣泣既打邊爐美食呢。
八妹仔分工合作，買左好多又平又美味既食物，係夜晚準時開餐！當晚一邊"尋秦"，一邊食野，加上Betty 既叫賣聲，令到Pantry 好鬼熱鬧！食到飽飽都仲有好多野淨，於是叫左幾位九樓兄弟分甘同味，呢次打邊爐大家就係一陣笑聲中渡過。

29/11 10樓 Floor visit

我地樓同unit之間既感情好好，但係我地樓同其他樓接觸既機會真係冇乜，所以今次真係好多謝十樓既兄弟咁有心思，搞左次跨Unit 既visit，探訪我地八樓。當晚十樓樓主Eric 帶領班樓友落黎八樓，我地互相介紹後仲一齊玩左十樓預備既小遊戲，當然最後梗係來個大合照啦！雖然遊戲就無聊左少少，但總算係一個聯誼既開始。

　

Next

10/12 第一次勁過飯

當晚我地八九樓Unit齊齊拉大隊浩浩蕩蕩咁去到石塘咀食'要過欲丁'(腰果肉丁)！咪以為我地剩係食飯咁簡單呀，其實係九樓Pantry入面正有一隻燒豬等緊我地去擗！為左要一下擗過，當中仲出現左好多驚險場面，我地每個人同佢既戰利品影相留念。擗過燒豬同收過樓主既勁過利是後，我地番到自己pantry寫勁過輝春，每間房既門口都貼到紅卜卜。當然啦，食完今次勁過飯後，樓活動都要停搞一排喇，咁我地先可以專心溫書，齊齊勁過！

1/2 本來BBQ, 後來大食會

嘩嘩嘩，考完試，樓function又打到黎喇！第二個學期頭炮就係BBQ！當大家興高彩烈預備出發既時侯，天氣突然轉壞，有落雨，天氣仲好涷，於是為左安全起見，BBQ被迫要取消。買左既食物點算好呢？所以八妹仔就臨時將BBQ改為係9樓pantry 開大食會，當中Teddy仲大顯身手，展示廚藝，大家蜂擁而至，唉！為的只係一小塊牛扒，當時場面都幾混亂。雖然冇得去BBQ係有D掃興，但經過一輪既爭奪戰，我地個肚仔都好滿足，冇投訴呀！

5/2 團年飯 (寫揮春+搓湯圓)

今年既團年飯又係老地方石塘咀度食呀，我地仲約埋九樓一齊，今次活動全部八妹仔都有去，真係十分認景勒。正所謂團圓團圓，梗係要食湯丸啦，而且仲係親手整！雖然D豆沙湯丸既皮厚左D同埋細粒D，但味道都唔錯架！最後當然係唔少得寫勁過揮春啦，每間房派一張方形揮春，大家一齊係走廊寫，非常熱鬧。

　

Next

4/4 BBQ

我諗大家都記得我地之前plan過去bbq，但係因天氣關係而被迫取消，所以今次補番數,而bbq既地點就係深水灣(都好近STARR HALL)。我地八九樓就係HALL gather同拎住一袋二袋咁搭車去喇!可惜,係深水灣已經多人到唔可以容納我地!所以我地派佐幾個精英去佐赤柱睇下有無爐。最後兜兜轉轉都係於深水灣bbq(多謝Karen個friend留個爐俾我地)。所以係食野之前，我地係沙灘倒玩左一陣，走到索曬氣。唔知係唔係因為大家都等得太耐，好肚餓呀，我地廿幾人圍住一個爐，好彩有Karen、Betty、Annie同埋洪醫生不停咁幫我地燒野食，如果唔係我地就有排等啦。食完野之後，我地玩曬所有小學生會玩既遊戲。另外，最攪笑就係我地玩埋campfire，好似去O Camp咁。但係好景不常，我地既姊妹LAMMI俾九樓兄弟掟左落水……..為左一雪前恥，我地幾個姊姊都掟番龍爺落水!!突然間，阿cat同阿鍾黎左呀，阿鍾唔知係咪見到我地太興奮啦，竟然唔知做乜就咁走左去游水，到而家為止，我地八妹仔都唔知發生事!!!.............. Next

30/4 第二次勁過飯

我地今次去左英皇茶餐廳食勁過飯，而且我地都好齊人呀。我地個晚食得好開心呀，LAMMI仲每人都派左封勁過利是。番到黎我地就即刻預備擗"勁過西瓜"，Trista仲"顯露手瓜擗西瓜"。之後我地輪流每人擗一下，仲影相留念，加埋寫勁過揮春，YEAH!一定勁過! 勁過!

11/6 Farewell function (夜釣墨魚)

我地今年最後一個function就係farewell釣墨魚，當日落勁大雨，仲擔心要取消，我地都唔理咁多，冒著生命危險上船。上船後，雨落得冇咁大，船又唔係好拋，大家都唔知幾開心呀!!!好興奮呀!而我地食完野後，就開始玩-----釣墨魚、唱k、玩啤牌同埋繼續食野。我地可能唔係好識釣墨魚啦，初初都冇乜收獲呀!!個個都好努力咁繼續釣，好彩冇白費心機，陸續有人釣到，而不得不提就係Clok呀，佢係最勁咁釣到5條墨魚呀!好多姊妹都不斷問佢釣墨魚既心得。最後接近回程時，船家將我地釣番黎既墨魚泡製左一碟蒜蓉抄墨魚，真係正到暈呀!最後我地有一個大抽獎呀，八妹仔人人有份，永不落空。為左farewell畢業既同學，我地訂造左d木鎖匙扣送俾year 3同postgraduate既姊妹留個紀念。好感動呀!今次阿cat同阿鐘都有黎，佢地好比面我地8樓既姊妹呀!而為左答謝阿Cat一年既照顧，我地8樓姊妹送左份禮物俾佢!今次farewell真係好好玩呀!

Other Functions